羊城酒家 (已結業)

竟然無大包, 無蒸飯!!專程到, 可惡!幸好$6籠點心都好好風味!

又落嚟龍城食晏...羊城大大話話都响度屹立咗幾十年，係街坊多年嘅聚腳點。我雖然唔係街坊，但都鐘意幫襯。何解? 不外乎三個字: 平、靚、正...距離對上一次幫襯都差唔多有一年，忽然想食點心及盅頭飯，呢度實為不二之選...一入到去，先開壺普洱，再向四周一望，成場最後生又係我，回想嗰次响深水埗源發嘅經驗，不禁一笑^_^即刻整盅鳳爪排骨飯，正想叫腸粉之際，眼見隔籬枱阿叔叫咗一個雞球大包，Wah...唔叫點對得住自己? 馬上改變主意...排骨飯大大盅，飯多料亦多，飯煲得軟熟，排骨係明符其實嘅"骨"，並唔係一pat pat嘅肥豬肉；美中不足係豉油調得偏淡及鳳爪太瘦，好似未發育咁...個大包就乖乖不得了--- 成個沙煲拳頭咁大，淨係揻面頭層皮嚟食都揻咗好耐。餡料多到我以為食緊碟頭飯，有雞、燒肉、鵪春蛋、豬肉...直頭好似食緊四寶飯食嚟食去都食唔完咁，好滿足，回想起細細個食嘅時候嗰種撑到死嘅感覺，不禁一笑^_^同舊時一樣，飽到呢...^0^

晨早要去龍城拉記還書,照例一個早餐少不了,吃得熟食中心多,今次轉一轉口味.去衙前圍道的老牌酒家"羊城"嘆一盅兩件.在門口已聞到門外的外賣點心飄香,聞到連自己也瓢入去.格局夠街坊草根,茶客大多阿伯.岩我.先開一壺有咁濃得咁濃的普餌定一定神.再叫些點心,打開份報紙,睇下國際大事,英國果邊咩環境.蝦餃有點失色,蝦餃皮有點oversize,餡料完全唔貼.蝦同豬肉一半半,真係似食緊細蓉.雞扎兩大件,雞肉豬肚豬皮大大件.胃口細的話,已經被此兩件雞扎KO.令人心動的梅菜肉餅飯,梅菜的甜味,搭上剁得幼細.肉味甜到有肉汁的肉餅,飯粒蒸得軟硬適中,粒粒棟起身.撈埋香甜的醬油,呢個早餐,搞到你連午餐也省回.吃到飽飽步出門口,成個人醒晒.I want to be me .When the night is fading, morning's waking.......

我個晚成8點幾先去食眼見下層冇咩人, 入去啦, 好想食燒肉飯, 那就二話不說叫一碟先講個skin, 十分十分脆, 酥香但冇油番deep fried再者skin同肉中間的油, 不多不少剛好, 唔太肥再下層既肉, 較白的肉好嫩, 可以食出香炓的香味但下層較黑的肉都幾salty, 不過比其他好得多好!continue my journey to search for the best 燒肉飯!_!

o係九龍城咁多年，每日依然有好多捧場客，證明實力不容忽視。 記得有年清明節，一家人掃完墓後，順道行落九龍食用膳，爸爸說這兒的燒肉飯一流，硬拉我們成家入去。 坐下後，典型o既舊式酒樓招呼，望過去收銀處那邊，有點心供應，爸爸急不及待叫了一碟燒肉飯，我們也要了數籠點心，包括雞扎、蝦餃、麻蓉包和鮮菇燴魚肚。 點心不俗，惜都係油多，蝦餃包得好靚，但餡的豬肉比例太多了，感覺有點肥膩；麻蓉包包皮鬆軟，不過欠麻香；至於那碟爸爸極力推薦的燒肉飯，我覺得只是中上水準，皮雖然夠脆，但肥肉太多了，我反而較欣賞那些淋在在飯上面的豉油^^