美味廚

營業中

休息中

試過同客0向呢度食lunch，但未試過打邊爐，今日第一次。d野食都唔平，但地方靜d，舒服d。湯底花多眼亂 ，乜鬼都有，超搞笑！都係叫番D大路湯底，雙拼沙嗲湯+蘋牛尾湯。無諗住豪食，所以叫普普通通，平平地0既野食就算！肥牛、肉丸拼盤、餃、菜拼盤等等。推介碟，可選生(蝦膠是未煮+油炸鬼，自己6熟食)或熟蝦膠十油炸鬼，即係就咁食都得，我地食熟0既，放湯6幾秒就入口食，食法有d似食魚皮，出奇好食 ！六條友，每人大約二百幾，OK 啦~

 中學同學聚會，一行九人，經 Table Map 訂枱。 講真，人多打邊爐，特別開心。  叫了兩個鴛鴦鍋，即係可揀四個湯底，最後揀了胡椒豬肚湯併洋蔥鴨清湯, 疏乎厘蟹皇蕃茄湯併四川麻辣豆腐湯, 四個湯底中我比較鍾意洋蔥鴨清湯，因為我食得好淡。朋友們大多數鍾意蟹皇蕃茄湯 叫了海鮮拼盤，師傅將海鮮擺到成碟藝術品咁，一上枱我們已Wow Wow聲，  不過忘了影相。 本地手切肥牛好味，所以前後order咗三碟 方便order，叫了蔬菜拚盤, 雜菌拼盤, 豆腐拼盤, 餃子拼盤, 丸子拼盤，每樣都好新鮮，而且餃子和 丸子都應該係即叫即做 呢度有幾款甜品選擇，叫了焦糖燉蛋, 薑汁芝麻湯丸, 楊支甘露, 都好好味

一行12人包房打邊爐.上6樓vip房,環境舒一服,有獨立洗手間,電視,sofa.幾好!原本想與朋友好好enjoy一晚,但餐廳有很多陷阱,真要切記小心!食物方面,有特色,特別係不同種類既餃子,比其他一般打邊爐地方顯出創意,但份量及質量一般,係灣仔區中上價錢.如果要抵食,有質數的話,這間上樓鋪,非我選擇.因為當結帳就會發現,茶位,冇問就有既皮蛋薑+青瓜,醬油,每樣計,但還可接受.不過,bonaxxx礦泉水,lee度就要18蚊一支.仲有態度差,自把自為既服務員,收茶位,但唔會提點客人.又未經客人同意,食食下嘢熄燈送上蛋糕.似趕客走,多過誠意.最後埋單60xx蚊,白單清楚列明每項,但簽卡送上78xx蚊單,细细張,夾埋一齊俾我簽.好彩我一向细心睇清楚先埋單.但數字上差距太大,收銀員,服務員都可以留意唔到,又唔道歉.不值得再嚟.

凍凍地又係邊爐時間 有幾個月冇打邊爐lou,一打邊爐即唸起美味廚,我覺得最好味都係佢哋D湯底同埋獨家自制D丸餃,佢哋新出嗰個咸豬手加埋黑豚肉既丸好好味,皆因我覺得淨咸豬手很定會好咸 但加埋黑豚肉落去就有個種叫"Balance"好夾好好味^^配上我至愛既冬陰功,簡至係絕配

本人已有一段時間無去美味廚打邊爐,今曰同3位朋友上到去,D伙計仲記得我姓咩超開心.一上枱先來糖心皮旦及酸青瓜,ok保持水準.湯底又多咗幾款......法式鴨湯...川辣花螺湯...芝士焗洋葱湯...咸菜胡椒豬肚湯.除咗普通雙拼原來仲可以三拼..勁.叫了一碟本地手切牛肉...肉味夠濃,牛肋骨肉..無骨..夠淋.芝士咸牛肉餃,ham木耳餃,咸豬手丸...七色丸...夠新意.仲有冬天一定要有既......豆苗..唐蒿菜.先前有人話依到D伙計會sales海鮮,講真間間舖都有啦.我哋都無點海鮮.埋單$17xx,ok喎,大家都話可以接受,都好滿意.

睇openrice 食評同相片都吸引，諗住同老公慶生日，點知被騙食到週身唔自在，因為叫得少同唔係食貴野，比人白眼咁，都唔係食評所講物有所值，價錢貴都唔好呃得咁離譜丫，扣埋100蚊coupon都仲要比650，搶錢又貴又細碟，最慘唔係想像中咁特別，係咁sell人要細海鮮並盤，成5舊水，如果想食得飽，我諗一人無500都落唔到樓，如果比得咁既價唔洗上灣仔樓上店啦

Make reservations for a big room. This place is good for a group of 10-12 people to gather around in a private room and enjoy a hotpot meal. I am not usually a big fan of hotpots, but this is probably one of the only hotpot places that I like in Hong Kong. You get to have your own hotpot, which I like because it's sanitary and you don't have to eat other people's saliva, and you get to choose your own broth which is good for people who like different things.Anyway, the quality of meat is not tha

公司聚會，選擇了食火鍋，去到發現訂了房間，環境尚當不錯，是我食火鍋感覺最高尚的一次 房內有sofa,、有電視和獨立廁所。兩人一鍋，每鍋三個湯底，都選了比較特別的(如圖)，火鍋料基本和其他火鍋店相同，我最推介雪花和牛和鮑魚，鮑魚是𠝹好了幾刀，容易滾熟。 另外，侍應姐姐服務好到令我覺得不好意思，十分like y

Upon arriving to Megan's kitchen, prior to placing our food order the server brought out a small plate of preserved egg and another small plate of pickled cucumber. Assuming it's like those complimentry dishes that korean restaraunts provide, or like the bread italian restaraunts provide. We were under the impression that it was free since we didnt order it and it was already given to us.We have came in for the late night special where they offer 1/2 off soup basebuy 1 get 1 free meat plate,and

平時經過樓下, 都會見到有個牌, 淨係望過吓個牌都唔知係食啲咩嘢, 當然就無去試啦. 終於最近朋友聚會喺. whatsapp group朋友們問雯雯係食咩ga, 佢答大家一齊烚吓烚吓架呢(即係打邊爐lor) 呢啲天氣最愛打邊爐 ^o^ 正~ 我最欣賞係呢度有o既三格鍋, 無錯係三格鍋 (即係有三種湯底). 佢哋招牌湯底疏乎厘蕃茄湯, 好香同好濃郁, 冬陰功cappuccino 味度唔太辣, 跟住係什菌洋葱湯, 個湯o既面頭有一塊係用蛋黄焗出黎o既蛋好特別啲湯真係超濃郁. 呢度o既雪花紋肥牛均勻, 塊塊都薄得o黎又有成A5紙size咁大ga, 勁ar~ *O* 真係估佢唔到, 一放入口即溶仲要巧香牛味ar, 服務員介紹係A5和牛, 茅得頂呀!!!食A5肥牛打邊爐串咀到呢...哈哈~ 碟豬肉睇落仲薄過A5肥牛呀, 即管又試吓啦. 嘩...好味到呢 ^3^ 原來係西班牙黑毛豬, 黑毛豬呀, 黑毛豬原來你都好好味架, 哈哈~ 呢度啲天使麵好滑好幼ar, 另外, 韓國泡菜餃, 麻醬青瓜雞肉餃味道都ok~ 整體服務生好有禮貌, 環境舒服, 本人讚好o既嘢食係(肥牛, 同埋黑毛豬) 巧巧味

平時我好少打邊爐，今次無失望！呢度啲嘢幾好食不過貴啲！湯底可以揀3個口味，除左一般可以見到果啲，仲有法式洋蔥湯、忌廉湯等西式嘅湯！幾得意〜我地叫左冬陰公湯底、皮蛋莞茜湯底、潮式蛤蚧湯底，係個冬陰公差啲，較甜！和牛同無皮魚好正，又滑又爽！下次再食過先得！

今日同班中學同學慶祝生日,天氣凍凍地,有人提議去打邊爐,呢間野我之前都有食過lunch,價錢都唔平,我地23人包左間房,間房都幾大又有toilet,成間藍色都幾舒服,仲有部機可以插iphone播歌,幾正!講番食物先,我地一共叫左8個湯底,8個一齊開果陣都幾澎湃,我地果個係胡椒豬肚拼麻辣,胡椒果邊夠晒足料,麻辣果邊就真係辣到食唔到,牛肉我地叫左2隻,本地果隻好食d,d餃子同d波波就真係多到記得,我最有印象係黑松露和牛餃,好似好貴重咁,食落去都幾香,不過d皮好似硬左d,另外我地叫左海鮮船,都幾大隻,有魚蝦蟹帶子螺片包魚,仲有響鈴同我至愛既豆苗,最後我地仲試埋個湯丸,另外仲有生日蛋糕,番屋企搭車果陣直頭飽到郁唔到,好豐富既一餐,下次都會同屋企人去享受下!

如果講番兜餐廳, 美味廚係我食最多次嘅火煱店佢真係成日有新野, 今次我因為收到佢哋部長whatsapp咗個信息話有新湯底同埋新"餃"作, 所以我第一時間黎捧場 (其實我之前去過一兩次, 咁之後佢哋就一有新嘢就whatsapp我超體貼). 講番今次我叫咗佢地個新湯底: 焗芝士洋蔥湯底拼足"料"胡椒豬肚湯, 超掂同埋隻咸牛利芝士餃, 勁掂 (我真係好鐘意食芝士)做得真絛好好好好好味^ 3 仲有油炸鬼釀鮮蝦膠, 呢個蝦勁爽, 油炸鬼勁脆 (先頭我5識煮, 煮到油炸鬼好淋, 好彩有個部長教我要夾住放落去, 就咁將件蝦膠放底,油炸鬼背向頂, 有佢煮2分鐘就掂, 超超超超超正 下次有新野麻煩再whatsap我la !

美味廚 is one of the finest Hotpot restaurant in Hong Kong. It has modern décor, with each table fitted with electronics cookers. More importantly they have VIP rooms with private toilet, sofa, and television. 美味廚 is famous for its fusion hot pot soup base, such as Tomato and crab soup base with soufflé finish. Beside Hotpot, 美味廚 also serve a lot of special Cantonese dishes such as Braised Bell Pork with Mui Choy in Soufflé finish. Cuisine: CantoneseFood rating: 5/10*Service: 6/10 Ambiance: 5/10Pr

火鍋(打邊爐)近年已成為中餐的一股主流，優質的火鍋店更越開越多。而美味廚就是當中的其中一家。這裡的火鍋以下兩點特色:第一點，極富創意的湯底 --- 其中最特別的是Cappuccino湯底和梳乎厘湯底，喜歡特別的湯底的一定要試試；第二點，很多火鍋店也以牛肉為主打。美味廚的牛肉並不特別出色，只能稱得上是中上。相比起輝哥，金牌，合興還要遜色。這裡的海鮮才是最出色，只因他們很捨得買一些優質的材料回來。例如象拔蚌，龍躉，聖旨等等。如果閣下喜歡用海鮮作火鍋的食材的話，美味廚絕對是一個好的選擇。還有一樣不能不介紹的，是黑松露和牛餃。顧名思義，是真正用上黑松露菌，和和牛肉碎作餡料。黑松露菌味相當濃厚，是一款很具創意的餃子，我絕對推薦各位試試。當然，美味廚的強項並不專注在火鍋，其小菜也是極具水準的。特別是午飯時段，他們想到一個吸引更多顧客的方法，就是每點一道小菜，便會送湯和飯。平均每人消費只是五十多塊，非常經濟。反而晚市的火鍋就不是那麼便宜，平均也要四百塊一位。儘管如此，但是當你一踏出電梯門，看見一道貼滿明星光顧的照片和簽名的牆(當中還包括日本天后濱崎步)，自然會對這裡增加不少信心。