美味故事 (已結業)

餐廳環境舒適雅致，有家庭式作業的感覺，不設時限，適合和朋友聚會聊天。除了正常坐位，還有少量榻榻米坐。老闆雖然心急，但很細心。雜菌湯菇味十足，濃淡適中。加上哈哈笑表情，讓人心情放輕鬆。蒜蓉包造型有趣，送湯一流。虎蝦青醬松子仁意粉虎蝦好有份量，入口啖啖肉，而且非常爽口彈牙。青醬味道原本已經十分濃滑，搭配上松子的香味非常特別芳香，零油膩感，特別開胃。麻醬蟹柳沙律 配 肉醬焗薯蟹柳拆成一條條，十分之足料。美觀又方便進食。唯獨麻醬不夠出未。而肉醬焗薯，肉醬用豬肉做，不食牛肉的仁都可以食。薯仔本身都好軟身和香甜。藍蝶荔枝梳打太甜。但外表一流。

找朋友食晏，佢推介呢間餐廳，上到黎感覺環境真的不錯，夠寬大，令人感覺舒服。由於最近想食得健康點，所以點了個烏冬，味道個人覺得一般，反而個湯是我最愛的菇湯，有驚喜，朋友話呢度焗薯好食，下次有機會再試試

老闆非常好人，處處關心客人的需要，一定會再來的！環境很安靜也很美，閒日下午來是個交心的好地方。呢度仲係良心黃店！食物好吃，推薦果茶。下午茶選擇很多，價錢40-50也不貴，性價比高

我去既時間係下午茶時間，人不算很多，但環境好舒服，可以靜靜地傾下計，和朋友一齊上來，好有家既free🥰食物好健康，個沙律🥗好好食，其他野食既味道都好好味，我當日唔係好舒服要左個橙茶，飲完都舒緩了一下唔舒服既感覺，個老闆好好禮貌，俾左咭片我地，又問我地識唔識倒越南咖啡，仲話可以幫我地倒添，不過朋友話自己鐘意玩所以就無叫老闆幫忙🤣整體價格唔貴，份量唔算大，但對我們女仔嚟講岩岩好，所以都會再嚟。。

今次黎到呢間舊樓入面既樓上cafe食野平日6:30pm左右到 以為鋪面無乜人原來差唔多都比人book哂我地好彩咁岩walkin到😛裝修同氣氛都幾舒服👍🏻呢間餐廳主要係做dinner set 但都好flexible雖然唔係好平既價錢 但勝在好多選擇仲可以加少少錢叫多份 好適合啲大食或者一班人黎既朋友👅一坐低就上左杯welcome drink-芒果冰沙 芒果味都幾濃 啲冰磨得好幼細飲落似芒果汁作為welcome drink都幾開胃！餐湯我地每款揀左一個兩個湯都好濃！真材實料既感覺個人偏愛南瓜湯😋有個笑哈哈係上面好得意😛前菜淨係記得影一個😂另一個強烈推薦煙三文魚他他！個醬配得好好 其實本身想嗌煙三文魚薯仔沙律但見另外啲選項都已經煙三文魚所以揀蟹柳就係普通蟹柳沙律 只係略嫌唔夠麻醬蒜蓉法包都okay 唔會太硬主菜都係淨係影左一個🤭 擺盤好靚叫左澳洲牛柳 食落ok但無太大驚喜焗薯唔熱 就咁食偏淡 但上面既煙三文魚醬好食墨魚汁冷面幾岩我口味 面底好彈牙所以同朋友交換左黎試嘻嘻是日水果茶係橙茶 叫左凍既香橙味都幾夠 唔會比茶味搶哂個人幾中意甜品係紅豆奶凍 唔會太甜岩岩好👍🏻—————————————

特登係apps 同 facebook 的群組檢查過，確認有認證先去食☺️ 咁樣食得安心💛一坐底，佢地就比左一杯仔甜品（免費的），係楊枝甘露砂冰，好味而且唔會太甜😘叫了一個餐（full set) +一個主菜以下是蘑菇湯，有香濃蘑菇味，唔是一般白色的蘑菇湯，呢個好正👍🏻左：溫泉蛋蟹籽沙律右：紫菜雞卷🥰（雞肉夠滑，好味，如果份量大少少就好）主菜1:慢煮香草三文魚 (好滑☺️又香）另外配墨魚汁冷麵（上面有少少炸芋頭絲，同d 冷麵一齊食都幾夾，好特別呢👍🏻）主菜2: 另外驚叫兩個full set 食唔晒，佢地可以揀"開心share" + 主菜/小食/甜品等～～最後我揀了黑松露芝士薯蓉焗大啡菇（好好好味，夠味又香，不過得一件...有點貴呢😅）是日水果茶（有凍/熱） & 北海道奶凍 (甜度剛剛好😉）整體我覺得非常好食🥰，侍應服務態度好，不過，如果份量多少少就完美了☺️

同朋友臨時決定過黎食飯上到黎6點都未到店員通知我地要6點先開始晚餐但首先黎左2杯welcome drink先冇記錯係芒果沙冰，唔會太甜👍🏻佢地晚餐幾特別，可以係個set上面再加上去，自己決定要幾個湯，沙律，主菜咁唔錯，可以因應自己需要講番個磨菇湯，我就覺得唔太似湯，似醬多啲，可以再creamy 啲會好啲，不過味道都唔錯一個沙律份量都唔小，2個人share岩岩好，個擺盤都幾靚主菜我地叫左薯茸芝士大啡菇👍🏻👍🏻👍🏻好juicy又香，仲有叫左安格斯牛柳👍🏻👍🏻👍🏻煮得幾林，我覺得唔點汁都已經好好味最後甜品係奶凍，奶味都幾濃，好味但飲品我地叫左熱既水果茶，係橙為主，可能因為我地食完甜品先飲，所以覺得都幾酸下😂😂😂臨走之前，俾左張咭片我地，同我地講下次可以打俾佢叫佢bk位，每個店員都同我地講拜拜，so nice😌

食材同心思絕對對得住價錢有餘，餐前飲品有誠意，塊牛柳好有水準，甜品幾好味，輕微過甜但可接受。服務態度有善，會繼續支持。。。。。。。。。。。。。。。。。。。。。。

下午茶時間，一個人在旺角鬧市閒逛，走到旺角道與彌敦道交界的十字路口，就從網絡介紹來到美味故事這間樓上咖啡室。相比起街外的喧鬧，下午茶時間的咖啡室很寧靜。步出電梯間進入咖啡室範圍後，筆者好像從傳統的唐樓空間來到一個舒適的小角落一樣。筆者到來時顧客不太多，很快就找到座位。坐下後，點了個全日早餐就開始進入放空狀態。等候食物期間，我一邊觀望窗內的裝潢、窗外的風景，這裡的暖色、簡約設計讓人有點想放慢節奏。聽說這裡有教會背景，但從裝潢、宣傳品而言，餐廳的說教味道並不濃厚，他們比較像是個拿鍋剷的牧者，為普羅大眾提供飲食。筆者望向不遠處，他們擺放了一套鼓，店長說他們間中有聚會唱詩，讓鄰近地區的同仁相聚。等了一會兒，餐點開始到來。主食前先來蘑菇湯、沙律和蒜蓉多士。前菜的賣相吸引，廚師在蘑菇湯上用食材劃笑臉，蒜蓉多士呈長條形，從餐點呈現的方式來看，已感到他們的用心。至於前菜及全日早餐的味道，則比不少連鎖食店的全日早餐少一份油膩感。牛角包烤得很香，即炸的薯餅脆口，另外筆者選擇加錢試試慢煮牛扒，牛扒煮得很嫩，值得一試。全日早餐或者並不罕見，但這陣子去過不同良心小店後，我才發現一件事。相比起美味的食物，更寶貴的

因為係附近做物理治療，所以搵到呢間上樓嘅餐廳食晚餐一入去坐底送咗一杯細細嘅芒果沙冰，芒果味好香口感好滑。落單後好快就上湯、前菜同沙律，湯有蘑菇湯同南瓜湯，上面仲有個笑哈哈樣，好有心機呢~南瓜湯都算滑，不過香料黑椒比較重，反而蘑菇湯好濃郁亦食到菇蓉。之後係沙律同前菜，我叫咗個柚子汁配寒天沙律+韓式豆腐餅配木魚絲，好少餐廳會有寒天食，再配埋甜甜地嘅柚子汁，非常特別。而韓式豆腐餅加咗木魚絲好香，微微的泡菜辣配合豆腐餅淋淋地又幾夾幾好食。另一半叫咗個三文魚沙律+三文魚他他多士，沙律對比起我嘅寒天沙律失色咗少少，但反而三文魚他他多士配上沙律醬同蟹籽，咸咸地幾濃味反而我比較鐘意。主菜一個係慢煮三文魚配三文魚焗薯同烤大啡菇配酸忌廉焗薯，三文魚都唔錯，有魚味幾香，肉質比較實咗少少。反而烤大啡菇一上檯已經好香，上面仲滿滿芝士薯蓉，配埋黑松露好香好好食！三文魚焗薯Mix 埋真係有蛋黃嘅蛋黃醬真係好正！ 酸忌廉焗薯上面亦滿滿煙肉碎粒，真係估佢唔到！最後係甜品係朱古力蛋糕同水果茶，朱古力蛋糕都唔算太甜，蛋糕底比較實，似係手工做，朱古力味可以再濃D 就好。而水果茶比較甜，但又配埋片橙酸酸甜甜咁 又幾特別~ 呢到

與同事聚一聚，同事介紹這間餐廳，今晚第一次來，好有樓上cafe feel, 裝修很自然簡約，但又好舒適，好適合傾計，食物好美味，地点好方便，就係出左MTR, 沿彌敦道行幾分鐘就到 ，另外，價錢合理，一個set dinner 包括幾款食物，抵食! 可以係旺角這個人多的地方，找到一處青草地，同朋友傾計， 慢慢品嘗食物， 實在難得 這裡無限時，可以係到relax一個晚上。👏👏👏我今晚好鍾意兩個主菜，係慢三文魚香草 和 慢煮羊後膝 ，實在意想不到，下次我一定會同朋友再來 ! 😊

覺得加大約一半價錢就有第二份呢個idea幾有趣，所以和友人選擇了這餐廳。格局很寬敞，坐得舒服，環境乾淨舒適。一個晚餐包括了很多樣式，每個樣式都是小份的，但是原來食嗮係好飽！而且每樣式都好好味。南瓜湯正常餐廳水準，牛油果大蝦沙律的牛油果加了黑椒調味，有點過火，不過仍然好好食。蝦鮮味十足。小食：紫菜雞比較特別。主菜方面，叫了焗薯做配菜，主菜是大啡菇和牛柳。牛柳肉質鎖得很好，軟綿綿，好好食。大啡菇一點也不大，但是勝在菇好入味，真係好好食，所以再大一點應該就膩了。焗薯一般般，可能較晚進餐，所以似乎是滾得太耐既口感。甜品檸檬芝士蛋糕質地好特別，有別坊間芝士蛋糕，值得一試。侍應壓力好像比較大，所以趕來趕去的，但是他們盡力地服務和保持禮貌，所以做顧客的體諒一下他們辛苦也不妨。值得再去。

行過旺角突然見到有間樓上舖 ，咁就上去試下， 叫咗兩個set dinner， 另外最後嗌多兩個甜品， 主菜、沙律、湯,整體都幾好食， 散嗌兩個甜品就一般啦， 服務都認真唔錯。

想揾間靜靜地既餐廳食個飯，係網上睇到呢間餐廳既環境好似唔錯於是就黎左食飯。當日平日而且比較夜先上去所以唔算好多客人，幾符合我地想要既餐廳環境。呢間餐廳用電子化點餐，係手機點完餐之後好快就上菜。因為太肚餓所以影左前菜就無影到其他。餐湯方面有兩個選擇，今次揀左蘑菇濃湯，個湯同出面飲既好唔同，佢係比較“結"身，食落有d一粒粒蘑菇蓉既感覺，味道亦都比較濃郁，分量亦都唔少。飲完湯就上左沙律，兩款沙律分別係日式麻醬蟹柳沙律同牛油果大蝦沙律，沙律好鮮甜，仲配左兩隻大蝦，平時唔太食牛油果但呢個既味道令人接受到幾好食物。主菜就叫左大啡菇同埋牛柳，自己中意牛柳多d, 熟度岩岩好牛味都幾香，另外跟主菜仲跟配左焗薯，不過同我想像中有d出入，佢係連皮焗略嫌淋左d，覺得可以再焗得脆同香口d。最後跟餐仲有甜品同飲品，個甜品都幾好食。好耐無食西餐，呢餐都幾豐富同價格都合理，最緊要坐得舒服，下次有機會都會再黎食。

因為生日所以上左呢間餐廳食飯，作為樓上café黎到既環境好寧靜，好適合小小人係度食餐飯慢慢傾下計。呢段既選擇都幾多元化，一個set入面包左好多野食可以試到唔同野。首先上左個鮮果冰沙，雖然唔係好大杯但夏天坐低可以飲杯凍野好爽。然後就上左餐湯，係濃郁既蘑菇湯。前菜都有好多唔同選擇，其中三文魚他他多士好好食，如果可以再大份d就更加好喇。另外叫左韓風豆腐餅，同想象中既質感唔太一樣同埋分量都比較細，建議可以選其他小食。沙律就叫左牛油果同埋蝦，牛油果無影到，但兩個沙律都好新鮮。主菜方面就叫左三文魚忌廉一份同牛柳，正常味道牛柳煮得幾淋。最後仲有甜品奶凍同水果茶，奶凍好食，水果茶就正常。整體上成餐cp值幾高，食物款式同量都唔錯，如果想食下西餐同揾個有feel靜靜地既環境傾下計都推薦可以試下。