美味樂園

營業中

休息中

美味樂園撈面係藍田開左十幾二十年大家都知。味道係十年如一日，鍾意食撈麵既去開藍田掃街必食。當然價錢就完全同當年唔同，記得當年試過$1 $1包 而家就$5 一包 五倍價錢。而家食得撈面都係食果種情懷了

十幾年前同男朋友黎過 一齊食過呢度既冷麵仲好新奇點解會用機器去攪拌錦high class因為通常啲人係用人手攪拌以前既價錢同依加都好唔同由十幾年前🄾🅁🄳🄴🅁係⤞ 中華沙律 八爪魚 冷麵⤝到依加都仲係(🅱🆃🆆都係同一個男人帶我黎食σ(≧ε≦ｏ))我地之後自己另外再加餸 買左紫菜同粟米撈落去個冷麵即刻豐富左 其實真係會愈黎愈少買冷麵食 因為自己係屋企都做到 又平啲食得多啲 不過懶起上黎 又或者為食起上黎 貴一貴都會買既 Ψ(｀◇´)Ψ一個餸𝟝蚊 總共：三個餸𝟙𝟝蚊

細細個紅極一時嘅味精撈麵，今時今日喺匯景都仍然屹立不倒，仲有唔少現任同前任嘅學生哥學生妹排隊食，我就係其中一個，經過親都一定會買嚟食。雖然啲人話好唔衞生，好多菌，又好味精，但真係好惹味好好食😋。雖然童年味道不變，但價錢係以前嘅4.5倍😖，真係睇住佢由$1包，變到$2、$3到依家$4.5包😅😅😅。講真，食一次豐富嘅一定過$20...，變咗唔係小食價，我自己主要鍾意食嗰麵底撈埋啲蒜粒同醬，所以一定食大麵，大麵即係細麵嘅2倍，盛為2包料嘅價錢，$9。餸方面，其實都好多選擇，可能有30種以上，都pack得幾好，幾乾淨咁。但份量其實好少🙈，一包可能得紫菜幾條、一粒丸切開、一條腸切開、一塊火腿切開等等。因此我只係捨得食一個大麵同一個餸🤣，無啲小朋友咁奢侈。我要咗大菠菜麵同埋紫菜，姐姐就會將2包倒埋一齊，問我要唔要算蒜同辣，再隊埋去部機攪2下就搞掂。一食就覺得浸回憶返哂嚟，真係無變過，仍然係咁惹味，啲蒜粒好正，食完會想飲可樂🥤。總括嚟講，呢個撈冷面真係好正，其中一個鍾意食嘅原因係個麵質唔錯。我相信呢個絕對係對於90後嘅一大經典，我會一直食，食到無得食為止XD。唔知第日會加到幾錢一包呢🤔😜？

每次去藍田都會黎美味樂園食冷麵。由想當年一蚊包食到而家$4包。依舊係多蒜少辣，味道不錯，只係分量少左好多。以前嘅窮人恩物無左嚕。叫左$20都好似食左陣風咁，好彩呢到仲有其他小食。必點食物: 鵪春蛋，雞腎，鳳爪

收工覺得餓，便去買些吃的。藍田選擇很多，美味樂園也不錯。我最常買燒賣，只要7蚊便有6粒。咬下去黏黏的，沾上豉油和辣油。還有其他選擇也十分便宜，是放工後晚餐前的好選擇。也可以試試配撈麵，魚蛋或者冷麵等。

琴日無野做，就去左藍田呢度行下買下野食。話說呢間小食店，我係中學無乜零用錢味陣已經幫襯緊。以前我就叫魚蛋加撈面，今次我叫左魚蛋、燒賣、牛柏葉、撈面。食物既質素同以前一樣，對得住個價錢！食既每一淡亦都充滿住無限既回憶。

爺爺嬤嬤住附近～以前讀書同佢哋一齊住～放學番屋企經過都會偷偷啲食完再番屋企食飯～近期同阿媽去睇兩老帶阿媽來食完坦白～哈哈哈哈哈哈～升咗價都抵擋唔住回憶の味道～但喺點解覺得食完好大陣蒜味？唔通以前都喺散住咁大陣味番屋企嘅？！所以爺爺嬤嬤一直都知道我喺外面食咗嘢？！

撈麵燒賣（$12）以前番學日日食一兜自從畢業後已經好耐冇食啦藍田呢間小食店係地鐵出口，放學放工時間都好多人幫襯，住係附近嘅都一定去過。好多學生放學後嚟食，仲有唔少人放工後篤番串魚蛋燒賣先番屋企。呢晚食完晚飯後食飽都整番碗，例牌燒賣必叫，由於有一段時間冇食撈麵，心血來潮就叫晒2樣野。燒賣仍然係好好食，不過撈麵就煮得太過軟腍，冇晒口感，味道好似不及從前。雖然係咁，但姐吃的是回憶✌🏻😋而且$12仍然好抵食！

藍田美味樂園出名平靚正又快唉點知新年後啲野食平均都有加到1蚊啲魚蛋變到6蚊8粒而且來貨好似唔同左冇以前咁彈牙有少少失望而且服務態度愈黎愈差已經唔係多人, 好似唔愁冇生意咁會俾多次機會

之前食過佢既咖哩魚蛋($5/8粒)同燒賣($5/6粒)，已經覺得佢咖哩汁唔錯而且抵食，而且係商場入邊可以嘆住冷氣食~今次試左佢咖哩豬皮($5/份)同埋咖哩魷魚($15/份)，一份有5塊豬皮，大大塊咁，好抵食!!! 豬皮無臭味，煮得夠軟，好食魷魚就差D啦，大概半隻手掌份量，唔係用咖哩煮，只係滾水煮熟後加咖哩汁，味道淡口，可以唔試大愛香港小食!

好耐冇食撈麵，去到藍田就即刻買嚟食。雖然藍田有好多間撈麵店，但係都係鍾意食去開嗰間老字號。今次我揀左三包麵、兩包中華沙律、一包海蜇，加上勁多蒜蓉，真係超滿足！雖然味道同第一次食嗰陣一樣，啲麵都冇以前咁彈牙，但係所有配料夾埋都好香好入味！特別係佢個海蜇好彈牙，特別要推介一下~可惜價錢已經加左頗多，所以以後都要少啲去食la~

當日收工後，就是搵食時間這次去了平平撈麵檔「美味樂園」其實都只係覺得平所以先幫襯佢觀察店內衛生實在差強人意但一般小食店也無謂再多多要求看看可選擇的材料，每一包都小得可憐甚至只有一兩塊雖然5蚊3包太平但也多一點點料吧...簡左一包米線，一包中華沙津和粟米叫了多辣多蒜可是撈完後真的把我氣死了米線變成了碎，甚至比粟米還要碎相信這就是用機打的壞處了。態度方面頗差，等了一輪才會幫我撈好吧..明明手上沒有工作但與客人談天(吹水)與同事談天，也不服務等待的客人？還有那個撈麵的機理應打一次抺一次但打完後沒有抺過就直接打下一包麵這是十分之不衛生啊

幾蚊包d冷盤小食,八爪魚,,牛柏葉,紫菜,魚蛋..魷魚...,蜆肉、1蚊包，食到肚仔好飽平就平,不過衛生就麻麻喇﹗但係性價比之下..咁平咁好味...算吧啦...

如題啦一蚊一包 已成過去現在變成了五蚊三包 貴了份量沒覺變多 ( 不過多買多平撈麵用的醬油感覺也變少了 味道有點不足 大辣不夠辣波菜麵有點硬身較難入口 不過竽絲和豆腐口感很爽 很好吃是次消費:$50 共30包

是日去朋友藍田住所拎野. 拎完之後見仲有時間, 當然要去食藍田最出名既撈麵以前返學成日搭車黎食. 見住佢由$10/3包---> $5/3包---> $1/包所以其實依家出到mk 都唔會食佢地既撈麵, 因為我已經食到連$5/3包都覺得貴了.但當然, 人地做得$1/包. 份量就會變相減少.不過3年前既$1/包, 豆付有4舊, 今日幫襯返只得2-3舊. 但味道依然.我最鍾意撈麵加爽豆付, 因為真係好爽口好正試下個雞腎, 食落已經唔夠凍, 有d 出水, 仲要3 舊黐埋左分唔開. 咬開覺得入面未熟晒, 仲紅紅地. 有d 驚添...仲有牛骨髓, 哩個本身冇乜味, 係食口感. 我不嬲都鍾意食, 而且依家依然仲係大大包.牛柏葉少左好多了.少辣多蒜. 以前覺得少辣都夠辣, 今次食完覺得少辣冇乜料到. 係我變左定佢變左...我平時仲喜歡落好多芝麻. 但尋日冇晒. 我同佢講個樽冇晒芝麻喎. 佢冇理我... 同我講聲佢地入面都冇晒都好丫...咁算啦... 你都唔休做. 都唔駛講服務態度檸檬茶只係$3 包, 忍唔住買左!