美味餃子店 (已搬遷) 新店位置

雖然本人不太迷戀餃子，對餃子了解不深。平日都有來這間店外賣的習慣 覺得餃子做得不錯，但我很少堂食，因為。 第一 佢啲湯做得唔好味，個人認為佢啲湯影響個味道 ，很差的味精湯，第二 衞生差（特別個冼手間，公廁等級）所以外賣是不錯選擇

其實我都經常黎哩間小店吃餃子,不過價格就一次比一次貴左少少...我最喜歡食就係雲耳棷菜餃同韮菜餃雲耳棷菜餃就比較清甜,而且好爽口...唔會啖啖肉既感覺,而韮菜餃就比較隱陣...吃落都有韮菜香...另外,哩間小店既醋+自製辣椒醬油都好正!用黎點炸餃非常一流....自製辣椒醬除左有辣椒之外..仲有菜莆同豆豉...非常惹味!最後,最重要一提當然係哩度出名既湯底-野葛菜煲生魚豬骨湯真係見好多食客成個湯都飲晒,不過當然真係好味.因為好清甜同埋無落味精..飲完都唔會好口乾..飲完個種甘香都俳回係口入面~~~感覺就好似飲緊老火既住家湯一樣~~~不過最唔好既地方就係地方好細..食得好辛苦!而且長時間都係好多人~~~-

終於有時間打番，是日放假，所以就諗住過黎食可能仲早喇，唔係太多人係度等位~見到入面有人係度密密包，有人係度密密煎，即刻流口水咁岩撞到2個朋友，所以可以叫多d野share食見到咁多人話個湯底先係精髓，所以突登叫黎試下但我同朋友都唔係太接受到o個種味叫左豆漿~豆味濃~又夠凍~正!!網友們都話要試下，我雖然唔係好食得辣，但點可以唔試下呢一試真係會上癮!!其實一"筆"出黎已經聞到好香用黎點下d餃子，真係冇得彈隻隻餃都好足料!!真係食過番尋味!!搵日放假一定要同豬仔再黎食過

近來好多時出街吃了都無帶相機, 所以無blog 好寫.今次用 BB 姐部 S2 影. 又幾好bo, 所以DC 之後的市場都會越來越細, 用手機算了 ^^.....這間餃子王我第一次試, 次次經過都有條人龍. 但佢星期日又 close , 所以今次放了工來試.6:45pm 多來到, 有位.主要是食餃的小店一間, 5張大檯. 但都有 5,6 個呀姐各有各忙其實佢餃類都不多, 只有好像 3種.今日連白菜肉餃都已賣清 >_< ! 所以只得2種可選order 了 湯餃 (mix) 和煎餃各一.湯餃加麵底 (多 $5) ****等了 10多分鐘, 湯餃到先都算大隻 , 10隻$28, 不算平.2種餃, 我外行人都評一評餃皮 ok, 不易散, 但又不會覺咬落太厚.餃料都算多, 漲bob bob 的.但肉的比例不算多 (菜比較多). 我想合女仕口味.味道合格, 但又不太特別 : 韮菜餃比較香.雲耳椰菜餃比較少見, 但味道也不算特別.麵正常.看到E樹, 可能你會講失望....因飯網好多笑臉 bo, 不通又............其實這店是有特別, 特別在湯底 !是野葛菜煲生魚豬骨湯.

Just happen to lived around this neighborhood 2 years ago for internship.Being a foreigner, dont speak any chinese and never been to Hk before I didnt know what to eat.So I just tried everything that might look local, and the 1st day I stumbled into this restaurant.I tried the wonton soup, fried wonton & soya milk drink.I dont know if thats the best wonton in Hk or not but for me so far it was the best that I tried when I was there.

i was around prince edward to pick up my shoes, thought to look up a fast chinese food joint for a quick lunch. as i saw this dumpling shop was nominated in open rice, i thought to give it a shot.this place has about only 20 seats, actually quite busy consider its not located near by subway station.i ordered a bakchoi pork dumpling with soup. dumplings size is big, but the skin is is too thin and over cooked, so not chewy enough. the soup has a very fishy taste which made my bowl of dumplings

餃子可以當主食又可以當小食，啱哂我止口痕。下午時間都坐滿哂人，要搭枱再搭枱，所以好迫，亦唔可以坐得耐。佢D餃子有分煎或湯，亦可以叫7隻或10隻，如果唔夠可以再加麵底，如果唔想食餃子呢，到又有車仔麵，不過我諗應試好少人食，所以有兩個亞嬸雙手不停咁包，仲要把口一路問D客食咩?幾位？幾忙吖！仲誇張嘅就係隔離個雪櫃有幾盒好大好大盒嘅餃子餡等住包。

來過附近數次想吃也吃不到，今次決定無論如何也要到這裡一試~沿著荔枝角道直行，這店一點也不難找到，在街的轉角位，店子小小的，沒有奢華的裝修，沒有舒適的桌椅，也沒有體貼的服務，卻於這個周末的黃昏時間擠滿了食客，頓時不禁對此小店有點期望~好不容易找了兩個位坐下，空間很小，著實很不舒服，但看見每位客人也吃得津津樂道，越來越想試一試~點了較穩陣的煎韮菜餃，再試一個我從沒試過的雲耳椰菜湯餃。先來煎餃，看上去沒甚麼特別，入口才發現是新鮮煎起，皮脆脆的，最意想不到是餃子內竟能保存肉汁！ 配上自家製的蒜蓉豆豉辣椒醬，實在美味呢！差不多吃完煎餃才奉上的湯餃，第一時間喝湯，原來是招牌野葛菜煲生魚豬骨湯！感覺沒有味精，有點住家老火湯的味道！實在驚喜！再試雲耳椰菜餃，估唔到皮夠軟、雲耳爽、還有幽幽椰菜香味！怪不得湯餃比煎餃要貴$1- 餃子很多地方也有，但很少有印象深刻的，這裡的餃子皮不會太薄，但偏偏吃的時候皮是軟的，而餡也不會太多肉以搶去其他配料的味道，不會很「滯」的感覺，難怪這裡客似雲來，外賣也多得應接不下，相信必定因為這裡的質素及價錢吸引吧！

見食評評價不俗而本人又極LIKE餃子, 所以昨日專程駕車會一會佢... 地方易搵, 舖頭細細, 但內裡油煙味頗大, 所以要求阿姐開枱比我地坐出面昨日八點前到, 已經無晒白菜餃... 少少失望餃子種類得三種, 好少選擇,只剩返椰菜餃同苟菜餃, 咁兩樣都叫晒, 有水餃同煎餃水餃先上, 湯底好特別, 欣賞! 餃子味道唔錯, 苟菜餃但唔算太特別, 反而椰菜餃又幾OK喎!煎餃後上, 皮薄, 阿姐煎得好靚, 讚!味道 : OK, 估唔到用椰菜做餃子都幾好味, 得呀!結論係 : 有下次!

收工7pm,一心同老公去金鳳食扒,點知去到等15張台,老公唔想等就去左附近o既餃子店食,見佢都好多人食,就試下啦....等位等左10mins,其間見好多人買外賣,亦有人等位,阿姐又唔比飛人,咁佢點知邊個先呢,就只係有人就時問邊個先,呢個做法好亂而且好易會引起打交law....1/魚旦,羅白,腸仔幼面....老公食呢個,因佢會鐘意好濃味個d,佢就覺得普通,我同佢交換左少少送,覺得魚旦無咩色水,唔係好吸引,腸仔加$5先比果一條,好似貴左d bor2/ 豬紅翼尖米粉,....因我都食得淡味,我覺得ok o既, d送水準就普通啦....3/ 煎九菜餃....好油,..我唔鐘意d餃好多肉同肥肉,佢好在多菜少肉,而且肉唔肥總括食左3樣野,d野食都ok,抵食,但要等咁耐就一定唔值,而且唔會再有下次....p.s.等d野食都等成20mins有多, d阿姐手腳好慢,個個坐係度其實係等耐過食......呢樣野唔改善,真係好難再回頭

妹妹同妹夫早陣子來這裡食過,覺得唔錯,今晚妹夫回家時說順路,想買些餃子回來給我們試試.碰巧媽咪今晚也是包餃子,於是她決定用煎的,而妹夫那些就用烚的.妹夫說雖然是買外賣,但都要等一陣,而且白菜肉餃又賣晒,只買了雲耳椰菜肉餃及韮菜肉餃各一打.兩款餃子外形扁而長,感覺內餡一定唔多,不過食落都還可以,但我會喜歡餡料飽滿些,食落有嚼勁些.雲耳椰菜肉餃~~~豬肉比椰菜對比少些,不過加了雲耳,都好清甜爽口韮菜肉餃~~~韮菜香濃,味道幾好品嚐兩款~~美味餃子~~之後,第一種反應就是好有媽媽自家製的感覺至於媽咪包的餃子,味道當然不用說啦此店得到好多人稱讚,可能大家都感到有家的味道吧

店鋪外表感覺很清潔, 一入店內, 服務員態度很好, 食物選擇不多, 叫了煎韮菜餃及椰菜湯餃, 在等食物其間, 有食客去了洗水間, 在那裏傳出一些不好的味道, 韮菜餃味道一般, 但加上辣油味道便好好, 因這裏的辣油味道真的出奇的好, 然後來了椰菜湯餃, 餃子味道不好, 湯底跟一般的不同, 但味道真的不好.

認識我的朋友，或者大部份的食友也如是，真的很少翻兜同一所店子，我不敢說沒有，就如是日，再次造訪一年零九個月前來過的這所餃子店，為的除了是重溫餃子的滋味，也順便可以帶媽來一嚐本人真心覺得好吃的美食。是日總共點了一煎一湯的大餃子，意即一份十隻那一款，味道也是如昔的三款口味，韮菜味道較濃，加上家人喜歡這個口味多一點，所以就要了十隻煎的韮菜餃，另外再要了十隻雙拼的湯白菜豬肉餃及椰菜雲耳餃，那大家就可以試勻多款口味了。先來喝口豆漿，是日的豆漿來得不夠冰涼，加上豆味也是如昔的很淺，難免令人覺得只屬普通貨式。之後送來的是一碟煎餃，用上大量的油及水焗煎的餃子，餃子皮很均勻的被煎成很焦脆的模樣，吃起來脆卜卜的，感覺很爽！外皮來得薄脆，很容易的就感受到韮菜餡的香味，多多菜少少肉的配搭，令人滿口也是韮菜香味。想吃得再重口味一點，不妨再蘸點豆瓣吃，味道更形濃郁，帶有一陣蒜香、一陣蝦米鹹香及豆豉辣椒的刺激，總的就是香口惹味好吃。接下來的是湯餃，本人除了期待其餃子之外，另外更是期待店家的野葛菜生魚豬骨湯，湯喝入口就是有陣野葛菜水的味道，甜美之中有點甘味，但感覺來得含蓄，加上濃鮮的魚味及一陣豬骨香，喝得人好不痛快。

來這裡就為了餃子，沒別的。店面像小小的火柴匣子，只有三張圓桌，擠得不能再擠，幾乎是背靠背的坐 。任何時候都滿座 (起碼我碰到是 )，甭怕沒位子，等也只等一會兒，大家很「合作」，吃完立馬結帳，絕不妨礙店家做生意的。掛牆餐牌抬頭即見，餃子三款：雲耳椰菜、韮菜和白菜，皆搭配豬肉，可煎可放湯可雙拼。小的一客七個，大的十個，最貴的組合不過二十六元。現場所見食客們「清一色」地大啖餃子，雖有牛腩豬手等粉麪及車仔麪供應，大概形同虛設罷？先來一杯自製豆漿 ($6) 和一客雲耳椰菜拼韮菜煎餃 (小*，$21)。豆漿甜度適中，沒甚豆味；比超市紙盒裝稠身一點點，也夠冰凍。六元，總比汽水強，吃煎餃時可助解膩。煎餃子緊接而來。黃金賣相是乍看心裡會「哇」的一聲那種 ：噴香、燙嘴，盤底油多了點兒，不正眼看就是了──從來好吃的東西與油難解難分 。皮脆且薄，餡料個人認為韮菜較出色，菜多肉少，鮮美十分；雲耳椰菜則一般，菜絲不夠爽脆，不及前者。別忘了問大姐拿小碟舀些自家調製的辣醬蘸餃子，醬內有豆豉、菜脯等，鹹香辣兼備，鄰座下得可兇呢，添完又添。我獨愛醋，惜店家提供的不對味 。若你認為四方八方的台式鍋貼稱得上物有所值 (註：久

朋友推介食餃子的新食點「美味餃子店」，其特色在於湯底，有別於其他店舖，以野葛菜生魚湯做湯底，而自家製的白菜餃亦大受歡迎，故一行5人放工後前往品嚐。門外已有食客排隊等位，等了一段時間才有位。店內面積並不大，只有三張圓摺枱，地方頗為狹窄。店內的一角，有兩位店員不停手地包餃子。該店除了餃子外，有淨野葛菜生魚湯，亦有車仔麵。當日白菜餃已售罄，真的有點失望。最後點選了以下： 煎 / 湯 云耳椰菜餃 煎 / 湯 韭菜餃 生菜(湯上)餃子皮真係夠薄，加埋自家製的豆豉菜甫辣油，又香又辣，十分配合。值得再次幫襯。