美味餃子店

營業中

休息中

和朋友工作後想吃一點不太heavy的食物，她推介了自己的‘飯堂’，這家美味餃子店是老字號，現在到兒子來經營，依然有高人氣，主要是性價比高，而且每一隻餃子都真的很飽滿足料！其實餃子店的選擇不多，餃子主要是白菜和韭菜口味，不過要提醒大家白菜經常很早就賣完，所以大家想吃就要早點。份量方面有小的（7隻）或大的（10隻），如果有5隻選擇會更好，因為我真的吃不了這麼多。哈哈。餃子可以選擇煎餃或湯餃，它的魚湯湯底非常醇厚，不會有魚的腥卻又魚的鮮甜，有點喜出望外，因為我是不喝魚湯的lol煎餃的話皮不算厚，但外層煎到一邊金黃色，咬開裡面依然保持到豬肉的肉汁，每一隻都豐富飽滿，所以吃5隻已經很飽，加上餃子是每天人手包製，這份新鮮感讓餃子更入味，聽老闆說他們每天最少要包上千隻餃子！（不過他一直跟我開玩笑，所以我都不知道是不是說笑哈哈）其實這裡還有麵食，不過大家都是吃餃子，希望大家去的時候有白菜吧T.T （還有要喝豆漿喔）

叫左煎雲耳椰菜餃+韮菜餃 十隻$56送上枱已經哇一聲煎得好靚，金黃皮脆！不過明顯見到好多油雲耳椰菜個餡明顯清淡左啲，無乜味，加過菜脯有啲辣就好好多韮菜餃餡料好香，食到停唔到口全部餃都皮薄，外層香脆，內層煙靭有咬口😛😛見到好多人會買生餃返去煮，期待下次試下水餃😋😋😋

作為重度餃仔控既我，呢一間不得不推薦俾大家❤️呢間餐廳得三款味嘅餃子，分別係白菜餃、韭菜餃、雲耳椰菜餃，每款都食過好多次❤️每次嚟親我都會叫湯餃，一定係雙拼同埋10隻🤣🤣佢個湯底係自己專登熬製既野葛菜魚湯，鮮中帶甜，建議大家試餃子嘅時候試埋碗湯！辣菜脯入面有埋啲豆豉，我每次都會淨食幾粒先，本人極鍾意佢嗰隻辣味🤣然後搭埋餃子一齊食，雖然菜脯食多幾粒都幾辣但係連埋餃子一齊食既話，會提升埋餃子嘅味道😍😍溫馨提示：白菜餃好快就賣曬，有興趣記得要早去啦～

第一個post 想介紹一間由中學食到出黎做野既小店☺️ 唔知開業實際係幾時，但最少15年+ ，見住佢由細鋪搬到大鋪， 太子街坊都一定識 😄 湯白菜肉餃 10隻 $55 3 個靈魂， 餃子， 湯， 同辣菜脯 🌶️ 餃子： 有三款，白菜，韭菜，同雲耳椰菜。 白菜係我嘅最愛，用既係小白菜唔係包心個種。 通常最快賣哂， 有時下午6點幾就冇得食。 原因係因為白菜處理工序比較多，一黎多沙，二黎煮完再揸乾水先可以包餃子，店舖人手有限，所以每日供應都有限。 餃子皮薄、煙韌又飽滿， 煮完會喺外面會透到啲菜嘅翠綠色，食落會咬到新鮮蔬菜應有嘅爽脆，唔會覺得自己淨係食緊一舊冇層次嘅肉團。 野葛菜煲生魚豬骨湯： 鋪頭唯一一個湯底，味道好特別，鮮甜順喉， 唔係雞湯/蕃茄湯咁常見，而喺出邊搵唔到嘅。以前唔覺得呢個湯底有咩咁特別，但後來發現佢係令人最懷念，最令人想番轉頭嘅味道。所以我每次都會飲晒！辣菜脯： 菜脯調味辣度適中又有油香， 加埋豉油，咸香辣既組合會令到一碗清淡簡單嘅餃子，惹味10倍！ 所以無論重口味定淡口味嘅人都可以滿足得到 ☺️除左湯餃之外， 都有脆卜卜煎餃，但因為太欣賞個湯，次次都會叫湯餃😋 男士黎到怕唔夠飽

3年前係太子返工已經俾同事介紹過個陣好中意食 但之後返元朗就一直冇去過🥲前幾日去旺角 特登兜去食🤤味道同之一樣咁好食煎雲耳椰菜餃味道會清少少，對比起韭菜，但係雲耳爽口 口感會好過韭菜少少，但搭配菜脯食就岩岩好。煎韭菜本身唔係好中意食韭菜嘅，但依個韭菜餃好香，肉汁全部鎖住係皮入面，一咬就會bit出黎。比起菜購卜，點醋會冇咁搶韭菜嘅味。除左野食好食之外，店員都好好人，有個哥哥見到我地醋滴左落件外套到都即刻拎紙巾俾我地，臨走打包都送左一細樽菜脯俾我地，唔知係原本就送定見我地係咁食菜脯🤣我地叫埋佢嘅豆漿飲，不過不失，但建議都係叫野飲，20隻煎飲食完會熱氣🤣🤣總結： 餃子都係一如既往嘅好食又大粒，因為好大粒所以食量唔大嘅人可以叫7隻，或者食唔曬再打包都得，我地2個人叫左20隻煎餃，最後都剩左7隻打包返去，但下次可以10煎10湯，比較冇咁乾同冇咁熱氣。菜脯絕對係神隊友，單食會咸左同辣左啲，但夾埋餃子食就岩岩好絕對可以無限encore 呀🥟

一直心心念念美味餃子店嘅野葛菜生魚豬骨湯同佢嘅豆豉辣菜甫。平時好少會經過又冇乜經會特登過去食，所以對上一次食都應該係半年前了。3種餃入面最濃味係韮菜餃，口感最有層次係雲耳椰菜餃，所以揀左韮菜餃拼雲耳椰菜餃（$56）。如果10隻餃$56的話其實唔算抵，我會寧願食雲吞麵店嘅雲吞/鳳城水餃。不過個湯同辣菜甫真係水餃嘅靈魂，缺少左是但一樣，都唔會完美。啲餃子真係好大隻，餡料好足，食到第6隻其實已經飽，因為成碗湯都俾我趁熱飲晒。不過食晒啲野係對廚師基本嘅尊重，所以最後我係食晒嘅。

「天寒地凍搵餐食」系列之美味餃子很美味話說「又到聖誕~ 又到聖誕~」又係時候同老友囧囧約出黎食飯吹水串下咀。天寒地凍飲熱湯食餃子就至岩啦 ~呢間傳統餃子店淨係得 3 種口味 - 雲耳椰菜肉餃、韮菜餃、白菜肉餃, 可以配湯或煎, 即叫即整, 廚房入面幾位姐姐不停咁包, 咪話唔新鮮今晚 6 點幾到, 門口已經唔少人排隊, 而已已經聽到樓面姐姐話白菜肉餃經已售罄, 真係好好生意呀雲耳椰菜肉餃併韮菜湯餃 : 2 款都好好食, 一啖咬落去, 饀既菜肉比例好均勻, 菜比例多啲, 所以食成 10 幾隻都唔會覺得膩, 唔會過咸, 雲耳椰菜好爽脆, 韮菜好香濃配埋個野葛菜煲生魚豬骨湯底, 成碗飲哂都冇問題, 個湯好鮮濃, 餃子連湯全部掃哂, 成個人又飽又暖煎韮菜餃 : 大推, 煎香左既餃子更加將韮菜既香帶出黎, 少少油, 卜卜脆, 好滋味重要提示 : 個辣菜圃好好味呀! 一定要試!!

感覺好多街坊去食，個個都10隻10隻咁叫，都有唔少人叫外賣。我嘅朋友話2-3年前個餃子皮韌啲、好食啲，而家冇以前咁高質。美味餃子都有辣菜脯，比較乾身，又香又重口味，但同我嚟講少辣。*煎雲耳椰菜肉餃 大碟(10隻) $54餃子好大隻，10隻裝滿成個碟。煎餃煎到卜卜脆，皮唔厚但唔夠韌度。雲耳椰菜係屬於淡味嘅食材，但係餃子餃絕對唔會淡味無味，味道豐富又口感多，食材都好新鮮，加埋少少醋更加好食！韭菜肉餃 大碟(10隻) $53湯餃都好大隻，滿滿嘅一碗。湯係野葛菜煲生魚豬骨湯，係幾唔錯飲。餃子皮浸湯會再腍啲，餡料新鮮，韭菜份量好多但未算好香。

太子餃子店多，今次嚟美味餃子，睇睇吓係咪真•美味。太晏去到得返椰菜、韭菜，直接嗌份雙拼。-▪️ 煎雲耳椰菜肉餃拼韭菜餃 10隻 $56▪️豆漿 $10🥟餃子分7隻同10隻，姨姨表示俾多$5，多3隻🫡煎餃大大隻，撇除面頭嗰兩隻，8隻餃子齊齊整整呈圓形咁排，賣相都幾靚。平時都食開韭菜餃，第一次食椰菜雲耳呢個配搭。食完覺得都係韭菜好味啲，雲耳就比較清淡。兩款餃子都係菜多過肉，所以食晒都唔會飽飽滯滯。畢竟係煎餃，油係多咗啲，飲啖豆漿清清喉嚨。-如果想食辣，美味餃子呢邊都有辣菜脯，不過唔會有其他辣椒醬/油。自家製辣菜脯入面仲撈埋豆豉，辣而帶鹹香，配煎餃係有啲刺激，可能配湯餃更好味。-如果食湯餃，湯底會係生魚豬骨湯。設最低消費，每人$30。

呢間小店話只此一家，主打餃子同埋招牌野葛菜煲生魚豬骨湯做湯底，聽講用呢個湯做湯底係佢哋第一個咁做，之後因為好掂所以開始出面好多人都咁做，不過都有一段時間無黎，今次硬係覺得無以前咁好食，D野好似退步咗。今次叫了雲耳椰菜餃並韭菜餃，要大碗的10隻，$56，煎餃同湯餃都係一樣價錢。記得以前D雲耳椰菜餃好似係漲卜卜D，不過好彩D餡料都算新鮮。韭菜餃D韭菜就唔夠香。另外要試吓佢嘅自家製辣菜甫，辣椒同菜甫之外仲有豆豉，仍然係好好味。

晚上覺得胃口不太好想輕便一點吃餃子恰巧人流不多不用等位便吃到這家人氣餃子店🥟餐牌選擇不多 餃子餡料主要有3款白菜、韭菜、雲耳椰菜可選湯或煎餃（7或10隻、可雙併）當然兩樣都要試🥢上菜前先試吃了辣菜甫辣辣的挺開胃 略嫌太油煎餃賣相超吸引比想像中大隻是平日餃子的1.5倍😮韭菜煎餃的皮香脆足料可以醮點醋減少油膩感是一口吃不完的大小！湯餃則是較清淡選了椰菜韭菜雙併椰菜餃味道較遜色湯煮韭菜餃也很好吃吃飯途中有不少人點外帶抑或是內用都是首先想點白菜🥬卻是早早賣完了令人好奇味道是否驚為天人🤔喜歡這種親民的小店難怪平日有人龍呢

菜莆夠咸又有微辣，幾爽口。湯餃湯果然稀多，似水，無十年前好飲，餃比想像更大了，涵如常，但皮包得不黏口，有幾顆皮肉分離的狀態。煎餃就有驚喜多了，雖然有油膩感，金黃皮得剎食。皮出出出出奇的薄，一口就可以咬破外皮，不像湯餃皮那麼厚。吃著吃著發現可能包發也有些不同，煎的看上去是內褶，但死黨說好油，下次都是跟我食湯餃。現在有最低消費每人30元也輕易達到，餃子沒太多驚喜，變化不大，韭菜餡還是不錯，椰菜就好淡，白菜🥬做得少，經常賣光。

相信唔少人諗起食 #餃子 當然會諗起 #美味餃子店琴日咁啱揸車經過 趕時間都特登落車買個外賣 #懲罰 吓嘛企咗係門口一陣睇menu 有個姐姐就行出嚟問係咪叫外賣啦～仲話佢地出名就係個 #野葛菜煲生魚豬骨湯 所以當然叫湯餃啦😉本身想叫雙拼 可惜冇哂 #白菜肉餃 🥺咁就叫咗個 #雲耳椰菜肉餃 大碗(10隻) $54係等外賣嘅期間 見到佢地貼哂野「無分店 只此一家」就覺得好奇怪 印象中長沙灣都有間架🤔🤔再上網search吓 Diu🤬🤬🤬https://ppfocus.com/0/fo8813900.html🈲原來呢間唔係黃店嚟架🈲真係同長沙灣果間冇關！！！呢間可能真係原始店啦～但個老闆就特登澄清啲 唔澄清啲係到扮黃店 💙甚至係。。。💙當然 睇完篇報導都冇表明啲咩嘅 #自行判斷 😤中立啲講返食物質素先啦～以魚湯嚟講～ 佢真係做得唔腥！但堅要趁熱飲 怕腥嘅小編 凍咗都發現有輕微魚腥至於餃子方面 夠哂大隻 等於兩隻匙羹咁大😱獨食成碗 真係好飽😅料亦真心足嘅

2022-09月，只此一家的美味餃子揾食揾到去太子，記起朋友介紹有間小店食餃子，地址位於太子大南街74號地舖走在大南街的路上，已見有人龍在排隊，原來就是美味餃子店幸好是週六，原來星期日息時間約六時多，等了約五分鐘有位有多款不同餡料餃子供應，有放湯的，也有煎的，還有車仔麵點了兩款餃子: 10隻韭菜豬肉煎餃($53)第一碟上枱有點嚇一跳，隻隻餃子加加加大碼尺吋，外型金黃香脆飽滿扎實的煎餃，滿滿的韭菜，外皮香脆，好吃餃子有點多油，去油步驟有改進空間湯雲耳椰菜肉餃7隻($49)用上無味精野葛菜湯底，足料野葛菜、南北杏和蜜棗等熬製，不加味精，少鹽少油，食餃子之餘又可清骨火去濕熱又係好好好好大隻的餃雲耳椰菜做餡料，豬肉選八成瘦，爽脆有咬口，口感豐富桌上有醬油、醋，菜脯，辣菜脯爽口，不會太辣，保留著蘿蔔的味道進食期間，不停有顧客買生料餃子外賣，看來此店的餃子很受歡迎埋單: $102煎餃外皮比較油，湯餃較清新健康，真材實料，飽肚美味附近的街坊真有口福

由中學食到而家做咗嘢幾年，味道完全冇變，仍然係只有三種口味:雲耳椰菜/白菜豬肉/韭菜豬肉，但係整得好真係唔需要咁多花臣！佢個野葛菜湯底真係好好飲，完全係我既comfort food ，雖然佢搬過一次但係無論搬去邊度我都會繼續支持！