影片
食評 (5)
今日係星期三,所以平D星期一至星期四$6565蚊任食我地叫左沙嗲同豬骨湯底等緊個湯個陣我地出去拎野食好快個湯得啦同D野食都黎左我地就開始打邊爐我鐘意食就係肥牛腐皮卷都好好食D芝士腸唔好食整體都OK
繼續閱讀
早幾日同朋友食飯，大家都想搵番一間又平又正既火鍋店，搵搵下就見到呢間舖頭。呢間野係屋邨商場入面，唔多顯眼，不過就真係好平，因為我地以七十八蚊全包（加左價，以前七十二蚊）就走得，即使係荃灣食都要一百蚊啦！一入到去，人唔算好多，我地編左去呢個位：嘩！我去過咁多間打邊爐，都未試過有咁樣既「電視位」，實在唔錯！不過，佢呢ｄ電視位唔多，全部都係晒窗口位，大家要早ｄ去霸啦！之後就揀野食啦，佢唔同以前咁樣擺晒出黎，主要都係好似一般酒樓咁，用配料紙咁點野食，不過都算跟足單出，唔會話少左好多野。不過，我個人對佢個湯底予以「一般」既評價，因為比較淡，ｄ野食擺落去都無咩味咁。大部分野食都唔錯，只係個人覺得肥牛太肥了。如果大家（尤其是女士）怕既話，真係唔好叫得太多。至於出面既美食亭，同以前一樣有熟食任拎，我個晚去有炸物（春卷、咸水角、炸雲吞）、薑醋、豬肚、燒味等，佢一大碟咁拎晒出黎，之後就唔會再添加，所以要趁早拎。另外，佢都有糖水飲，但係就十點幾左右就會收晒，各位要睇住時間去拎啦！飲野任你拎，但只限罐裝，仲有埋可口可樂比你飲，算係肯落本啦！最後，其實我自己都推介呢間舖頭既，不過我就覺得呢間舖頭既衞生程度只係一般，因為佢個杯碟都係洗得一般：如果大家真係唔介意呢ｄ野，咁又無咩所謂既，至少我食左都無肚痛既同埋，另外一樣野好，佢雖然官方上任食兩小時，但係佢唔會趕你，只係去到十一點左右就會停晒所有食物和飲品供應，所以一大班人去傾下計都無問題啦！
繼續閱讀
今次已經是第二次來這間酒家打邊爐,我覺得$72任食自助火鍋,都幾多嘢食所以同朋友嚟多一次,不過今次我們自備沙嗲湯包,因為湯底唔係好夠味,不過任食材料款式很多,生的熟的都有,推介胡椒豬肚湯同薑醋,真係飲完再飲ga ~ 另外會不定時推d燉蛋,壽包,水晶包等.........記得留意啦
繼續閱讀
咁又一年la~~~~~今年做冬本身想buffet但實好爆既所以決定打邊邊~~呢間第一次去七十幾蚊有任飲汽水啤酒同幾多熟食醬料自己拎~有生熟蒜蓉~蔥呀辣椒呀個d火鍋款有d幾特別但有好多平時order只有幾粒既好似芝心丸 蟹黃丸 蟹柳丸 菠菜丸(?)墨魚丸就太咸la牛丸就得黑椒個隻肥牛就成日refil好多水餃都好味仲有內臟~粉腸 雞子 豬潤 等等丫~同埋會有免費蝦兩碟~好生猛@@仲有田雞幾靚肉好彈牙火鍋料都係咁上下味唔作多講專講熟食燒味成日出不過太肥唔好食由於胃空間有限後期出既野都食唔落好似芙蓉蛋 炸雲吞 炸蕃薯 芋角仲會有d實食飽人既野糯米飯 炒牛河(見到炒得幾乾身) 陽州炒飯個類咁既邊爐真係第一次見一開始拎d薑醋食下sin!蛋好入味有蛋香豬腳膠質豐富size cut到細一細唔怕食到飽左食唔落不過可以再淋d醋味ok酸甜度適中~胡椒咸菜豬肚湯唔太過咸豬肚唔會韌咬得開而且好滑不過幾辣下炸芋頭糕同炸馬蹄糕初頭睇樣以為舊芋頭糕係反沙芋頭ok la不過有少少被fake既感覺馬蹄糕幾多馬蹄夠爽冇欺場~仲有煎讓三寶淩魚肉彈牙有火腿呀馬蹄係入面層次豐富不過青椒最好吃夠清甜茄子就唔好啦好霉食到個胃就爆當然要食埋糖水先complete有紅豆綠豆同蕃薯試左紅豆有大西米係入面架唔太甜冇一d糖水鋪煲到好甜膩既感覺同埋好起沙~蕃薯都好味每舊有麻雀size la好甜夠軟淋d糖水好夠薑好舒服呀綠豆就麻麻家人話唔好食夜左就多人架la~~~
繼續閱讀
9點前 $72 全包價 beer 汽水 任飲 9點後 $58抵食 肥牛都算新鮮大量魚頭 鱔片供應仲有糖水 (紅豆 綠豆 紫米露)仲有出前一丁 good good!大家快d去試下....
繼續閱讀