美姐糖水

營業中

休息中

呢間糖水小店真係童年嘅回憶👼🏻 只有一個簡單嘅小檔口同埋好多桶糖水🥰 但係每一次食都有童年回憶既味道❤️ 糖水有得揀細碗同大碗建議大家簡細碗試唔同口味👍🏻口味唔算係非常驚為天人 但覺得比一般連鎖糖水更出色🍭⭐️ 紫米咋喳 💜紫米帶上獨特既香氣同咋喳既豆同芋頭好夾🫘 但係芋頭嘅口感比較實而且甜度比較高🍠建議細碗就唔會太飽岩岩好⭐️ 美姐糖水 (筲箕灣)📍 筲箕灣筲箕灣道57-87號太安樓地下G4號舖

原來太安樓的食肆在新年期間亦都會照常營業，當然可能只有五六成食店要開，不過去到當然值得前去參觀一下。本身喺入邊睇到呢間糖水舖，還以為有很多款式，點知在外邊再行返入去，發完原來只是細細檔的企檔。就好像事情一般，從另一個角度看可能完全不一樣。本身我想吃那些合桃露、腰果露，但是沒有，點了個紫米咋喳，都非常足料，有很多渣，紫米的味道帶點甜香，挺為香濃，另外咋喳的用料亦都充足，各款豆都不少，亦都有些西米粒。除此之外，還有四大舊我不吃的芋頭，沒有吃芋頭都覺得非常飽肚。

個人覺得嚟太安樓其中一樣必食嘅野就係美姐糖水，我最推薦薑汁湯圓同喳咋細碗有六粒芝麻湯圓，薑汁又濃又甜，湯圓皮好煙韌，配埋流心芝麻餡好好味呀喳咋係美姐糖水的招牌，椰汁濃郁，雜豆軟綿，西米爽口，口感非常豐富

食咗美姐糖水十幾年，而家先知佢地响openrice都有account添每次必點嘅涼粉西米露椰香勁濃～ 西米爽口～ 涼粉甘甜，配埋一齊好和諧呀～老公至愛呢個～我要戒口唔食得凍野，就叫咗熱芝麻糊，勁香勁滑～ 食晒成碗都唔會覺漏㗎～

去完聖十字架堂，起太安樓等車，見未有車黎就極速望下門口有咩野食加料番屋企。呢間糖水鋪之前無見過應該係新開，而且堂食價錢都幾抵，都係十零蚊。✨店員有問糖水加唔加花奶，有得加幾大都加xD✨南瓜西米露（$18/小）：開頭食覺得味道唔錯，又唔會太甜，南瓜夠腍身。不過食食下唔知點解覺得南瓜有d酸，實在大打折扣左。✨雜果西米露（$30/大）： 呢個相比下好食好多，香d食到有椰汁味。西米都好多，大大粒，甜度啱啱好。開頭我有諗過會唔會係d罐頭雜果黎，因為睇唔到佢點整，佢都係起個筒度裝出黎，不過好彩都有新鮮生果。✨生果就有西瓜，雪梨，哈蜜瓜同芒果，除左芒果有d 甜酸，其他生果都唔錯。呢個價錢我下次都會再encore，其實我幾鍾意食中式糖水，下次堂食感受下街邊風味先。

收工去到太安樓，自己食完都要買外賣比肥髀食，呢間糖水店上次試過，今次去到唔使排隊，店面依舊簡陋，不過換了一個後生女店員，落單佢就𢳂外賣！發泡膠碗平實紫米咋喳（$18）叫了細碗，材料好多，每一啖都滿滿材料，紫米炆得透，有咬口，另外大大小小雜豆炆得透，自己喜歡有咬口，椰汁唔多幾滑，唔太甜食得出每種豆嘅味道，好味薑湯芋圓湯圓（$38）只有大碗，加了兩粒湯圓（$3/粒）肥髀食女店員唔多說話，𢳂好收錢攪掂！依然好味嘅中式糖水！

重陽節往龍脊登高去。比起平時行山遲出發，完了便在筲箕灣晚飯。飯後意猶未盡，沒有甜品就是差一點！想起西灣河的太安樓甚麼都有，甜品沒難度，叮叮過去吧！這裏食物多得五花八門，美姐相比起人不算多，有枱櫈可坐下慢慢食。叫了一碗薑汁芋圓。兩位美姐眼明手快，不消幾秒已給我們遞上。薑湯味濃，還有一塊塊薑在湯內。除了芋圓，還有地瓜圓。圓很qq，味道算是不錯。芋圓比地瓜圓味濃，兩款我都喜歡。盛惠30大元。在這裏吃的不止是糖水，還有街坊文化。下次還在再來。

坐阿頭去香港島，佢推介呢間甜品店嘅芋圓，自己好少去太安樓搵食，佢好好咁車到我去太安樓門外，入內四通八達，甜品店只係一個好細嘅店，所有位置都做晒廚房，堂食只係在店外靠牆位置放幾張櫈！環境比較簡陋！餐牌選擇好多，同唯一嘅姨姨落單，佢好快手𢳂好比我！薑汁芋圓加湯圓（$33）外賣只係好簡單嘅發泡膠碗，薑汁好濃，微辣！芋圓好多，味道都有幾款，黃薯、紫薯、原味、香芋！大小不同，因為搭咗好耐車，芋圓浸到有啲發大，口感都仲煙韌，好QQ，味道豐富！加咗3粒湯圓（每粒一元）皮煙韌，流心黑芝麻餡好味！姨姨有禮！好快手！中式糖水又有好多選擇！慢慢試！