美心皇宮 (信德中心)

營業中

休息中

澳門回港信德碼頭落船，途經呢間美心皇宮，望見門口推介養生《適時適食》新菜式，膽粗粗入去試下那款［田七當歸起地雞］，當然係中伏啦！！！一點兒的當歸藥材味都沒有，雞肉無味如白烚，order 半隻的份量比半隻春雞還少至於服務就差勁問部長有否豆瓣醬，他大聲呼喝：冇！辣椒油就有（沒有豆瓣醬不是問題，這裡不是大排檔，給點基本禮貌服務吧！）

别管了，真的很爱吃鲍汁凤爪每次必点！🐓肥糯的凤爪被蒸的软啪啪的，在嘴里一呡即化，只留下油脂的香、酱汁的甜和一嘴的小骨头🍖🥩叉烧有点肥，但很香甜好吃鲍汁荷叶饭自带荷叶的清香🪷，糯叽叽的糯米和紧实的鸡肉合二为一，你中有我我中有你，既有酱香又有清香，还很饱肚子🍚吃完这顿再说吧

今日星期六特登去這間美心皇宮，因為他們是週末或日才有百花炸蟹鉗，這是第一次食，之前平日去吃唔到。果然味道不錯，$56 三件尚算合理。煎釀三寶熱辣辣，其中四件用蝦膠釀，兩件用魚肉個汁做得不錯不會太油膩👍環境寬敞坐得很舒服，值得推介😁

因媽媽生日，我們一家三口一同往「美心皇宮」飲茶當慶祝。職員過來落完單之後，並沒有吃早餐的我們已經餓到沒有耐性，便告知職員和部長。豈料在美心集團的酒樓竟然得到公共屋邨酒樓也未必得到的對待，呼喝我們再等一下。撇開有冇吃早餐的狀況，在酒樓飲茶，等半小時仍未有其中一項點心來到合理嗎？作為美心集團樓面職員的，對著客人追單不是應該答「我再幫你追一追」而並不是「嚟飲茶係要等吓㗎啦！」其實最不專業的，就是cashier的女職員。明明是她落漏咗訂單，卻堅持不認錯，黑著嘴臉向著我們。本來是這「美心皇宮」粉絲的我們一家，自昨天的經歷之後暫時不會再光顧。

很久沒有造訪上環順德中心的美心皇官酒樓，今次特來午膳，與部長聊天才得悉這間位於地庫下的美心皇宮酒樓在近兩年疫情期間也照常營業，屹立不倒👍選了鮮蝦腸粉丶蝦餃丶鵪鶉蛋燒賣，點心精緻美味；回味豬手仔，肉質鮮嫩，非常惹味，有嚼勁；鹵水鵝掌翼，烹調入味，有嚼感；最後來了一碗叉燒飯來結束這顿午餐。

在全面通關, 太座親戚幾年首次探訪, 親友回澳門前順便在這可靠品牌店舖餞行😋開關效應人客幾有七八成, 點了套餐含： 古法蒸多寶魚, 薑蔥粉絲蝦煲, 太座另加了南乳炆粗齋, 今餐走紅肉👏👏先上南乳炆粗齋, 煲仔上熱度足, 南乳香氣撲鼻, 佐米飯的好餸, 粗齋材料亦有助清清年假中大吃大喝的腸胃👏薑蔥粉絲蝦煲, 中蝦份量夠, 以粉絲墊底, 正好吸收薑蔥配料及蝦味, 入口味感正 😋😋多寶魚多是冰鮮, 所以魚肉質素不能過高, 捨清蒸而用古法, 巧妙避開魚的腥味, 效果十分理想, 魚肉入口有爽滑感, 魚味亦重😋😋這個品牌家常便飯十分可靠, 中規中矩的一餐中式晚飯👏👏

公司春茗，叫咗幾圍五千幾的酒席全包宴，點知食物味道一般，上菜又超快（趕收工），差唔多八點開席，未到九點半已經食完，仲要趕住執枱😑😑乳豬、蟹鉗（還可以）蟹肉燕窩龍蝦湯（稍為有啲睇頭）魚、雞一般（冇影到)其他餸菜都是一般 紅豆沙唔甜班蘭糕、馬拉糕唔好食😓

其實美心集團，係我飯堂，因為日常，好少寫，此間最喜歡來，因為夠大，又無澳門旅客，容易有位，勝在淨潔。正因為無打算寫，所以只影一張馬拉糕相$29，無心理準備，以為都係一般，鬆自然要有，有瓜子仁面，都滿意，但有黃/黑糖香甜，當一口咬入，有驚喜，令人愉悅，有油份不會笠口，有水份又唔會太濕，甜度我喜，正其次，桑寄生蛋茶$36，又係估唔到，係細碗已知，以為無蓮子，因為無寫但有，桑寄生香濃，雖然貴的，都值；另一個紅豆沙$29,因海港明星，都無蓮子但有寫，我要食陳皮蓮子紅豆沙！終於有，紅豆大大粒，有紅豆味，無溝粉，不稠，水質自然多些，滿意！

疫情已經2年幾，不停變更限聚要求，真係好耐好耐無飲過茶，難得有親友回港完成隔離，又可以8人一檯，就一早去飲茶啦～依家已經好方便可以遙距用gulu取票，唔使企喺門口熱住等。有部機喺檯旁自助加水煲水，送菜都變埋用機械人啦～狠狠地狂點十幾樣嘢食腸粉皮薄咗好多，餡料十足叫晒沙薑雞腳，鮑汁鳳爪，各有風味夠晒淋牛柏葉硬咗少少，蘿蔔糕勁好味！風沙豆腐皮脆而裡面勁嫩，椒鹽好惹味呀！海鮮窩麵湯底好清甜味道其實好好，但比起往日推車仔搶點心，少咗啲人情味同回憶

今日嚟咗上環嘅美心皇宮飲茶， 人唔算多，坐落幾鬆動。兩個人點咗四個點心，一個冷盤。分別係新春限定嘅四寶燒賣，清蒸桂花馬蹄糕， 香煎椰汁年糕， 排骨陳村粉同埋燻蹄海蜇。 四寶燒賣上面分別有 髮菜， 鮑魚仔， 瑤柱同埋帶子 ，下層燒賣味道同普通燒賣一樣 。配住上層 嘅鮑魚仔，帶子，發菜同埋瑤柱，再淋上蠔油汁黎食，好有新春氣氛！清蒸桂花馬蹄糕就比較少見 ，好冧，食落口暖暖哋 ， 入口帶有一絲桂花味味道清甜， 口感煙韌 ，係一道唔錯嘅甜品。 新年梗係要點年糕食啦！一如過往，煙韌得嚟又唔會太痴喉。 另一道點心係排骨蒸陳村粉，啲粉索哂排骨嘅精華，非常之入味。 不過呢次冷盤個燻蹄比較遜色， 雪到好似舊冰咁， 食落仲有啲冰粒， 唔太掂

呢間開左好多年既美心皇宮，有時想快食都會黎呢到，一般都唔洗等位。不過今晚人流多左，可能最近出左龍蝦優惠，幾抵食。不過我地趕時間就叫返啲普通野，鯇魚蒸得岩岩好，啲汁都調到岩岩好，送飯一流。個豆腐煲都夠鮮味，啲湯就偏咸。

已經很久沒有來這裡飲茶了。最初來的時候，已是十年前！當時每次遇上平日放半晝（當時返前線工作），就會相約家人到這裡飲茶。因為不是經常放半晝，所以每次都很珍惜，每次都吃得瘋狂，價錢已不是考慮之列！之後轉了寫字樓工，就沒有平日早走的機會，自然亦沒有再來的理由。今天再來，地方依然寬敞，下午茶依然有不少人等位，這些和從前的都沒變。留不住的，是質素，亦是最可惜的。有些點心以前是必點的，魚雲，腸粉，蝦餃等，如今全部都不外如是。唯一叫做可以的，是我媽喜歡的甜豆糕，和以前沒有的燒鵝瀨粉。今天試了柚皮鴨掌，也是可以的。整體來說，如果要尋回昔日的美好，似乎只能在回憶中尋找。

打去book位，話需要房，跟住間酒樓經理同我講要每人最低消費要350蚊，仲要話如果要房，就要10圍。甘我book 16人，食多2圍，都算數啦。甘經理就話可以叫小菜同點心啦，甘我問我老闆訂唔訂，佢話訂。好啦，訂左，跟住間酒樓，無端端whatsapp 張菜單俾我，仲要話要我地落1000蚊訂以作實喎，我同啲同事睇完，一啲都唔想食，唔啱食，所以就whatsapp問返佢，係唔係一定要跟佢菜單，佢話係。跟住間酒樓小姐就打俾我，話係要跟個菜單，唔係冇房，我就同個佢講，頭先你經理話可以叫小菜同點心個喎。個小姐話，甘同返經理講。甘收左線，我等經理打返俾我。點知個小姐仲whatsapp同我講，一定要菜單嫁，唔係冇房。個下焗鬼氣，打去酒樓，同佢理論。同佢講，想點，係唔係真係要跟佢菜單，先有房呀，我就同小姐講叫你個經理同我講。個小姐仲講一大論嘢，話經理好忙，招呼個客，又話招呼完客，會打返俾我，大約15分鐘。過左15分鐘，見甘耐都冇打黎，咪打返去，個小姐話佢經理招呼完客，走左去食飯，話頭先冇同佢講，話17:30打返黎。17:30個經理打返黎，我就走去問佢，你頭先話可以叫小菜同點心個喎，仲乜而傢要硬食你個菜單，仲

二人套餐抵食每人為起只係百幾蚊，味道唔差這個價錢簡直抵食。本來經OpenRice點歺自取兼取里數，但到11點幾都落唔到餐，打去美心皇宮問佢話已經開咗機，所以最後都係經電話直接同美心職員落order。去到佢哋好忙好多人但仍有禮貌👍🏻。

上環美心皇宮裝修完後，第一次再度光顧，詁吾到下午茶時段多人到接近坐滿，酒樓本身其實已經非常之大，座位亦非常之多同闊落，不過相信價格便宜亦是很多長者和退休人士的好選擇，所以下午茶時段，實在吸引到很多公公婆婆來幫襯，今日我亦同家人來試下午茶。蛋撻唔夠熱唔夠新鮮，蛋唔夠滑，味道一般。叉燒酥同樣唔算好熱，但係酥皮夠鬆化夠脆，味道中規中矩。腸粉反而非常細滑，夠熱亦好食，值得一讚。鹹水角味道很差，感覺像是放耐左，漏了氣一樣，完全吾脆吾新鮮，失分不少。燒鵝瀨粉30多元一碗，但竟然有燒鵝髀供應，雖然燒鵝髀比較細隻，亦唔算好多肉，但都算是不錯了。芋頭糕唔夠熱，又係煎得唔算好新鮮，同埋咬落去粉比較多，比較硬，吾算好食。煎藕餅入面嘅肉非常之霉爛，口感很差，實在有點失望。乾炒肉片河，肉片份量非常之少，河粉亦炒得比較油膩，但味道是不錯的。整體來講，餐廳環境係非常之好，可惜食物質素一般，可能餐廳的冷氣比較大，就算煮好的食物，溫度很快便變冷，吃起來點心像是不夠熱，希望下次再來會有改善吧~