美心皇宮 (已搬遷) 新店位置

Four ppl enjoyed the lunch set of Bank of China credit card. Three selected dishes incluidng shrimp pot, pork and pan fried vegetable with chicken and squid. All taste quite good. I love the pan fried rice. many conpoy. very good. I think Hong KOng ppl are quite rich. It is quite expensive to have dim sum here. But there are still crowded ppl waiting for seats at 2.

因新城市廣場從新規劃，美心皇宮大酒樓已遷往：沙田新城市廣場第一期8/F

喂..完全唔掂，無野食，無人執枱.

今冕同屋企人嚟食佢個滙豐四人餐加拿大龍蝦仔，幾新鮮彈牙瑤柱魚羹，都ok羊仔骨，極不濟炒蝦仁，ok啦雲腿魚塊，本來都ok既，之不過阿媽成日都會用新鮮中龍躉塊，配上環海味街既上等雲腿嚟蒸，所以食到口都刁晒糖水一般不過價錢唔叫貴，所以唔可以要求咁多

去美心飲茶d野係幾好食...不過真係好貴...兩個人食幾籠點心, 埋單成二百蚊~阿媽鍾意佢0既牛仔骨, 我就鍾意佢所有有魚肚0既點心另外仲有一隻...係芋泥球, 上面鋪滿杏仁片架...好香..又唔會太甜

九月時我因為同屋企人慶祝生日，去左食佢o既晚市四人套餐。佢ｄ野真係幾好味，不過portion較細，如果唔係有蛋糕我地四個會有ｄ唔夠食。因為我地有coupon，所以個佢由原本600蚊減到500蚊，都ｏｋ啦～

早排有個星期日朝早,同屋企人一齊去飲茶。叫左個楊芝甘露,後來唔知點解上黎既係個芒果布甸,咁就問個女服務員啦,佢話"唔知呀,單係咁寫。"ok,本來想食鬼左就算數,但後來有個類似部長既肥佬行埋黎話,楊芝甘露賣晒而芒果布甸一樣價錢所以就比左布甸我地。當時我個心巳經諗:你冇就同我講聲先啦,就咁拎黎,乜咁嫁。但我都冇出聲。不過當我正在想算數照食時,又有個類似上菜阿姐咁既物體行埋黎,佢三個就黎料啦。佢地o向我個頭上面(我坐左o向度),不停口沬橫飛咁爭論究竟廚房重有冇楊芝甘露同埋兩樣野個價錢係咪一樣。我即時冇心機再食,佢地越嘈越大聲,最後我終於頂唔順要叫佢地行,同個布甸都冇食到。好頂唔順,朝早飲茶時候巳經嘈,都算啦,因為預左。但係佢地咁玩野法就唔該返後場先啦~~~~

禮拜日有個親戚下午訂左三圍檯，諗住一大班人去到會可以即刻入坐。點知去到個receptionist竟然話俾住一張我地先! 嘩!大姐，我地一早訂左檯仲俾左訂金寫埋酒席菜單，依家我地成卅人一齊O係門口要我地等位，無病呀!咁同我自己係門口輪籌等飲茶有咩分別!見我地口黑面黑，佢就O係個一張已有O既檯附近安排兩張分開既檯俾我地；但入去個時仲係要我地廿人企係度等個兩檯茶客埋單先有得坐，真係俾佢激死! 仲有就係三張檯分隔得好遠，我地依家係三圍檯上同一份菜單既菜O架O番，請問個waiter點serve呀，檯與檯之間又點傾計呀!谷住成肚氣，諗住有D好野食補數，因為價錢都唔平。但係唔知點解條蒸魚"鞋"口得黎又要唔熟喎，九成係用水烚而唔係隔水蒸啦!D蒸魚豉油仲得人驚，得陣花生油味，搞到想撈飯都唔得。個甚麼甜品"鮮奶杏仁露"又十分唔掂，奶味重到死。仲有仲有，正常酒席waiter會每隔一陣就換碟一次，但係由頭到尾兩個鐘頭都冇人幫我地換過碟，仲要有D姐明明見到要幫手上菜都可以大大聲話：「關我咩事!佢負責之O麻!」!!!!!!唉!諗唔到咁大間酒樓質素竟可如此差劣，都唔明點解仲有咁多人係度排隊。卅人一致認為：以係都唔會

價錢抵,食品都不錯!個北京填鴨,正!芝士龍蝦又平又抵食,我本人應為好食過漢寶的芝士龍蝦潻!試試~

We went there for dinner a few days ago. The dishes were fine but maybe because the restaurant was very busy, the level of service was not excellent. It was hard to get a waiter/waitress to come by and they looked tired. There were not fresh hand towels for us when we were about to leave. We ordered steamed/boiled shrimp and we had to remove the shell ourselves. There was no tea or water for us to clean our fingers.

我係去食晚飯既,d野既味道都唔錯,服務都幾好!一家人去都幾好架!

記得以前飲茶去美心唔駛講起碼要提早一至兩鐘去等位，辛苦並唔緊要，最緊要服務同埋D野食掂，不過可唔可以平少少??同埋我幾鍾意佢D全白色既餐具同茶壼，D阿嬏都幾有禮貌。

去過兩次飲茶，第一次等完住入去飲茶啦，點知要我地幾個人企響度睇住果張檯個客簽咭埋單，仲要等執檯，成班人好似傻仔咁，有冇搞錯呀，上張檯都未找數就叫我地入去？簡直唔係路，第二次去我地成班人十四人，等一陣就有檯，點知十四人俾得十人檯，點坐呀，個部長話俾多張細檯喎，仲有侍應話十人檯係最大o 既檯喎，呃我去得茶樓少呀？好彩我地噪得幾噪，即刻先至響出面俾張十二人檯我地，以後請我都唔會再去呢間cheap 野架啦