美心西餅 (大圍站)

營業中

休息中

這天放工在美心買了兩個袋裝麵包, 分別是牛油排包及糙米芝士包. 牛油排包- 黃油油的十分吸引, 均勻的滿佈在每片面麵上, 但香味遠不及自己搽的香滑.糙米芝士包- 因為我喜歡吃芝士, 想試一下這新的口味！ 結果眼前一亮！ 糙米本來便是健康之選, 比白麵包多些纖維. 看不見的是內裡夾着一粒粒像方糖般大小的芝士, 給得大大方方, 芝士一口口的咀嚼, 滿足感十足. 除了頭頭尾尾的沒有芝士, 基本上每一片（ 有2cm厚）也不均勻的散佈着芝士粒, 看來芝士用量不少呢！ 比起在旁的什麼芝士包抵吃得多呢！可惜, 食用期較近, 下次去人流多的分店買, 會新鮮些

最近行經美心，見到3款顏色好鮮豔嘅長型蛋卷，有牛奶、士多啤梨、芒果3個口味，每款嘅pattern都唔同，非常吸引眼球！👀·每身想買黑白色嘅牛奶味，可惜當日只剩返橙黃色豹紋嘅芒果味，不過都照樣買咗嚟試下，上網睇返介紹先知佢係新口味。·👑 芒果軟心卷 🍰（$68）8/10蛋卷包住幼滑嘅澳洲牛奶忌廉，加上芒果啫喱，味道清新，感口亦唔錯！份量大概夠3-4人食，雖然有現金優惠價$68，但價錢算偏貴，不過一試無妨嘅！😎

近呢幾年美心推出好多好靚既杯裝蛋糕甜品或者造型蛋糕最重要既係價錢親民而水準有一定保證今次既梳乎蛋睇來都相當受歡迎信義妹買的當天，有很多人唔係討論買邊款蛋杯裝甜品，係討論買幾多杯～哈哈不過信義妹今次唔係買杯裝甜品啦！係買整一個蛋糕睇見梳乎蛋個樣都有夠梳乎啦！出面係慕絲，唔太甜，亦唔會太一 Pat Pat,質感比平時硬一些的內裡係朱古力醬同清蛋糕做間層亦都有香蕉增添美味整體蛋糕不太甜初初見到有朱古力仲擔心會甜到不得了不過切的時候要提提大家要小心。。。。切得唔好，啲朱古力就會走曬出來搞到梳乎蛋污糟曬架啦！好彩信義妹嗰日都切得唔錯😁😁😁

今日lunch食麵包，經過美心，就入去睇下有無咩新嘢先，見到有只南瓜提子包，好像幾健康咁，就買佢黎試下啦。 唔，無咩南瓜味，其實好像排包咁，不過就多左點提子干，甜甜地，不過好實正，都幾飽肚，好重牛油，味道就沒有什麼特別。 價錢還可以接受。

係美心買左個南瓜提子包。鍾意食美心既麵包。口感鬆軟，而且唔會乾，入邊仲保留住水份。而且13蚊，算係咁㗎啦！見到佢又個蜜瓜切餅好得意，於是又買黎試下。切餅口感都係好鬆軟，而且味道好有蜜瓜味，食到有層次感既，唔錯！下次再黎幫襯其他蛋糕！

愛吃蛋糕的我經常留意各大大小小餅店的蛋糕款式剛好最近又有一位母親生日，我又擔當起購買蛋糕的重任了這次的晚飯主要吃的是海鮮，席上有一半是長輩級。。。嗯，蛋糕不能選太甜的，不能選芝士口味的最後看中的是美心的彩虹蛋糕，這次沒買彩虹蛋糕首創店Ms B 家，因為長輩們都不希望太花錢在蛋糕上。不過這次的蛋糕倒沒有讓我失望，更獲得大家不錯的評價七彩繽紛的蛋糕，光是顏色看著就心花怒放了，很治癒，加上隨蛋糕附的一小盒棉花糖作為裝飾，簡單的鋪在面上就已經很好看切開蛋糕看到裡面的分層鮮明，以不同顏色的水果搭配，很有食慾的感覺餐廳燈光不太好，拍得有點差><''很好奇彩色的Cream 是怎麼做的呢？是噴上去的麼。從右往左數，分別是草莓、芒果、柚子、奇異果海棉蛋糕很鬆軟，感覺是新鮮做的，忌廉很滑身，量稍嫌有點多，因為每個分層都有，加起來就覺得滿口都是Cream~ Haha，不過總體來說，幾好食，價錢不貴，賣相又討好，可以再吃

自從唔知幾耐之前，美心出左法式撻呢味野我……同大家相信都食過不少-__不過難得今次係有影低既，就順便講下啦xddd榛子法式撻講真我好中意中間apricot jam果部分……（仲有平時cream＋杏桃醬果款西餅xdd甜中帶酸，仲有果香味，開胃又清新面頭有果仁碎，微脆帶果仁香，令整體感覺更富層次蛋糕體其實都可以既，甜得黎有微微既牛油香其實我幾中意佢蛋糕係有點實既，唔係太過鬆軟似風咁撻底香脆，甜度略高，不過整件吃下來還未有好滯好膩既感覺:^)醇朱古力撻表面既朱古力coating甜中帶苦，感覺冇咁肥膩朱古力香氣甚濃，加上果仁香，配搭不錯可惜佢中間既朱古力蛋糕體我就唔係好中意因為味道偏甜，但乾身同埋好似得個甜字，好寡咁/__撻底都係好脆口既，甜度稍高但夠乾，所以唔會食落覺得太甜膩唉……好似一眨眼就會景物全非咁細細個去美心揀西餅真係會好開心唔只係心態思想唔同左，係真係有好多tangible既野改變哂而家去美心係唔知揀咩好價錢貴左，款式又唔夠以前咁多咁吸引……

最近又收到公關朋友送來兩款聖誕蛋糕的換領券真謝謝你的厚愛♥♥♥前幾天就先試了法國Cacao Barry Baileys朱古力慕絲蛋糕 $188從接過蛋糕提袋時.我就一直好開心.期待著回家後要趕緊嘗嘗看蛋糕塗滿濃郁的巧克力醬，賣相也很精緻，閃閃的加上家中兩個小飾品，整個蛋糕也充滿了聖誕氣氛了蛋糕切下去也很有彈性內餡加入了Baileys愛爾蘭甜酒, 但酒香輕宜..是連大人都喜歡的口味更有白朱古力慕絲、朱古力脆珠跟朱古力海綿蛋糕....多種享受三者在口中同時化開來，這是一種被幸福圍繞的味道整塊蛋糕非常的濕潤、綿密、咬一口放入嘴裡就立刻充滿了香氣扎實的口感得慢慢品嘗，吃起來甜度適中相信朱古力脆珠多一點的話，口感會更好呢

今日同事買左西餅返黎請大家食，做飯後甜品就最好不過   我揀左最普通o既鮮果西餅，外表色彩鮮艷搶眼，每一件都用透明包裝紙包住，感覺比較衛生，長方形令人唔會食到成咀都係，設計好細心   蛋糕軟綿好似天使蛋糕咁好鬆軟，兩層蛋糕夾住creamcream入面有好多雜果，令每一啖都有野趙下，奇異果味道清甜 , 夠晒熟 , 唔會食到條利好 " 鞋 " 不過士多啤梨同芒果就偏酸，cream既份量都幾多，有助沖淡左生果o既酸味 , 同時帶來微微o既奶香## 平時真係好少去美心買呢類型普通款式o既西餅 ,印象中價錢都唔平 , 試過之都覺得 , 真係唔太抵 ~

美心新推出mini 蛋糕, 人地灶少少的我們正好可以買這個size 八的蛋糕品嚐!!之前已經食過正常size 既芒果脆脆, 呢個mini size version 同樣做得出色朱古力脆米做餅底, 加上生果芒果, creamy既蛋糕, 好味道呀!!

香芒雪芳蛋糕呢個cake 價值$16x因為抽獎抽中左,就有得食芒果真係香甜.........cream好少....成個都係芒果d cream 係有芒果味

美心冰皮中的皇牌，圓形外盒盛著八個不同口味的冰皮月餅，尊貴大方。以上為美心冰皮七星伴明月的部份文字廣告內容置於盒中央的明月為「燕窩冰皮」(約185克)，伴著的七星，每個約95克，包括:# 天使白朱古力脆脆（新口味）－白朱古力脆米、白朱古力# 魔鬼脆脆（新口味）－朱古力脆米、黑朱古力# 芒果脆脆－朱古力脆米、芒果果醬# 富士蘋果脆脆－朱古力脆米、蘋果果醬# 楊枝甘露－芒果、西柚# 抺茶甘栗－綠茶、甘栗# 滑滑奶黃－奶黃、綠豆# 燕窩冰皮－燕窩、綠豆冰皮月餅競爭激烈，美心的冰皮也加入兩款新口味（黑、白朱古力，概念來自天使魔鬼蛋糕），但被同業廣告竊笑沒有變化。老實說，美心冰皮款式已經老舊， 自家吃也覺膩了。再者餡料就比散裝的冰皮有偷工減料感覺， 可能燕窩冰皮佔去成本太多， 食味不太甜，能吸引我的只有楊枝甘露和魔鬼脆脆。今年的冰皮七星伴明月原價$245，優惠日期前$149，匯豐卡$147

放學，又係我去搵d靚靚而且又平既甜品既時候喇!!首先我去左火車站既美心買包食先既，之後先去金禧果間買西餅!!粟米碎蛋包($6):好普通，所以好失望呢!!!入面d料超少囉，又冇乜味，好似食緊普通既麵包咁，賣成$6好似唔係幾抵咁bo!!不過d服務態度好好，佢地同我講左好多次「歡迎光臨!」呢!!

幫襯美心西餅十幾年，以往給我的感覺正如廣告所述"皮薄鬆化，餡料幼滑，蓮味清甜，蛋黃油潤，甘香惹味的境界。"不過，今年係2009，美心月餅品質最差今年。什麼「寸三蓮」蓮子所煮成的蓮蓉，食入口得個嚡字。鹹蛋黃品質向來是全港之冠，點知咬落去個蛋黃芯竟然有硬物；吐出來檢查，薄如蟬翼的硬物原來是蛋黃芯其中一部份!...雖然唔係個個黃都咁差，但係令我對美心月餅呢個品牌無晒保證。

行咗兩間美心, 終於買到新出既"流沙奶皇飽"...其實想試咗好耐, 奈何其外貌不揚, 不過今天難得有空, 姑且一試吧!!!回家後便安其廣告指示, 叮咗幾吵, 不過係吾夠囉, 至少叮30吵先可做到流沙效果第一口咬落去, 無論味道同質感都勁似馬奶糕...不過越食就越似墨西哥飽, 流沙都叫ok, 但個飽真係好甜下, 食食下覺得好膩, 同埋個飽底都好油, 不過總叫試過下d新野...賣$6.5一個, 吾太低食