美心西餅 (已結業)

特濃純朱古力牛奶吐司之前係美心見到已經好想試，但$15太貴喇，咁啱見到做優惠價$13買黎試下先1袋有4片，都厚身，但細片一打開袋就聞到朱古力味包都好軟熟，好滑，可能因為牛奶嘅關係但食落就唔係好濃朱古力味，早餐送奶茶都係一個唔錯嘅選擇

係人都中意大件夾抵食今日路過睇下有咩引到我比條大野引到我講既係法蘭克福腸唔知條腸係咪真係得德國來呢呢個法蘭克福腸包👍🏻個名又瀟灑個包又長總覺得好出位。但不知道係咪來自遠方的德國🇩🇪既名令到個包都貴埋價錢不好👎🏻貴「我指在美心入邊算貴」但味道幾好不講包既味道只講腸😅腸好長似廚師腸質感但當然較硬吧👍🏻男仔的我食完後再買多個包食因為真係不夠喉被腸開了自己的胃唯有再是但買個包去填滿個肚🙂拎下個滿足感😆👍🏻

打工多年，已經不知收過多少粉紅炸彈，由於家中累積了多張餅卡，媽媽怕放太久弄掉了，就趁周末有空就換了幾件西餅來吃。由於想用盡餅卡內$48面值，所以就換了幾件不用價錢的西餅。朱古力慕絲撻($16)朱古力撻不會太乾，口感帶點鬆，所以咬下時撻皮會容易散開，但都吃到朱古力味。上面半球形的是朱古力慕絲，入口軟腍，甜度適中，整體味道令人滿意。Tiramisu($14)Tiramisu入口濕軟，但咖啡味不香濃，而且忌廉份量有點太多，味道只屬一般。蜜瓜蛋糕($14)蛋糕不會過乾，無論蛋糕面或蛋糕中間都有蜜瓜，整體味道不錯。朱古力蛋糕($4.2)選這件蛋糕完全是因為不想補太多錢才選，價錢決定味道，下面的海綿蛋糕比剛才幾件蛋糕明顯較乾身，可以用難食來形容。

新年快樂！今天是初七人日跟情人節這天帶著粉紅色的士多啤梨海綿蛋糕跟家人們開心Share我個人最愛這種Mini Cake整個蛋糕以夢幻粉紅色作主調重點是精緻又不貴 $98表面鋪滿粉紅色朱古力碎上面更有不少銀珠糖裡面更有啫喱跟果醬做夾心是很完美的搭配吃進口裡層次多元，海綿蛋糕口感綿濃濕潤不會太甜卻又輕盈柔軟家人們都挺喜歡在此預祝大家有個甜蜜愉快的節目～

近年次次買美心新出既蛋糕都中伏，所以越黎越少幫襯。呀妹聽人講話呢個牛乳卷都唔錯，今晚就買左返黎試下。賣相幾得意既，好似牛牛個身咁，一家五口岩岩好每人一件。海綿蛋糕幾軟滑，入面既cream食落有少少似奶凍既感覺，加埋一齊食唔算太甜，都算係近年來既水準之作

呢個3.9牛乳蛋卷出左一段時間早兩日行過忍唔住終於買黎試一拎出黎果下就聞到好大陣奶味都擔心會好漏但係食過唔單只唔會好甜 更加唔覺得漏佢d cream 好香好滑個外型仲好得意果日同幾個fd唔洗一陣就清到乾乾淨淨 下次試埋168果個蛋糕先!

呢排同朋友慶祝生日諗到r爆頭，都已經唔知再買咩蛋糕先唔悶。咁岩經開地鐵站，見到新出個「3.9牛奶蛋糕」好似好吸引，就心動買左 個蛋糕真係帶到俾我地驚喜 本身乳牛圖案已經好吸引好得意，點知食落個口感仲好豐富，好yummy！成個蛋糕都有好濃既奶香味，入口都係以慕絲質地既牛奶cream為多，蛋白蛋糕既比例則相對較少。而且，cream既比例控制得幾好，就算食多幾啖，亦都唔會話有好膩、太甜既情況出現，反而成個口留有牛奶既淡香味，感覺好滿足 成個蛋糕承惠168大元，係就係貴左少少，但都算係物超所值，對得起個價 。

美心又推新蛋糕, 仲要搵Chilam賣廣告, 這一陣子的確引起小小哄動.廣告中的彩虹蛋糕賣相同樣吸引, 不過最有趣的是每當我提議試彩虹蛋糕, 十位女仕中九位話:"我唔要蛋糕,我淨係要Chilam"... 我通常會答:"好,蛋糕照買,我攞張廣告postcard俾你對到夠, 哈哈"...可見廣告無揀錯人.是次以美心45週年"Let's Celebrate!" 為主題, 看得出美心刻意令焦點產品彩虹蛋糕與別不同. 除了蛋糕增高變窄外, 包裝亦下了點功夫, 白色外盒配粉紅絲帶, 再加個大紙袋, 營造既grand又有"慶祝"之意; 撇除環保問題, 這個包裝心思值得加分!未切的蛋糕全白無特別, 不過好香雲尼拿味; 棉花糖額外附送, 放多少隨個人喜好.切開後,內裡共五層,紅橙黃綠紫蛋糕,當中夾著水果片.頭層士多啤梨蛋糕加士多啤梨片最易估到, 亦最正路. 正當我以為第三層黃色是芒果, 入口才發現原來芒果藏於第二層橙色, 而第三層則是柚子醬. 第四層綠色是奇異果.問題在於除了那五層蛋糕, 除了士多啤梨外, 其餘四層味道幾乎一樣; 如果不是有柚子醬及奇異果片, 我根本不知道蛋糕是甚麼味. 所以我食不到第五

其實美心冰皮月餅非常—般，皮太軟，餡太甜，勉強來說宇治金時(抹茶紅豆番薯) 和紅豆甘栗還可以。 若以最傳統的蛋黃綠豆蓉比較，美心的味道便只算合格，聖安娜的好味得多(可惜鹹蛋有渣)，但論外皮的煙韌度及味道均較美心優勝，亦沒有那麽甜，下次試試吧！至於美心藍莓芝士便太甜了，難頂able! 團購價$39四個的確優惠，但下次我應該不會再選購了!

週末下午茶時分, 筆者的sister 買了蛋糕回家．筆者享用的是黑爵朱古力切餅(HK$18). 賣相頗吸引，用料好像不俗．試一口，是很香濃的黑朱古力味，外層覆蓋著朱古力粉末，內層有像莎莉朱古力蛋糕的濕潤蛋糕，中間則夾雜著朱古力cream, 味道不會過甜或過苦，口感也很好，不錯，意想不到美心也有此水準．但外層的朱古力粉末很不濟，雖然質感幼細，但過苦過乾了，粉末也周圍飄，筆者更吸入鼻中，很危險呢，是美中不足吧！

同事LAST DAY, 買左盒美心西餅番來請大家食.我選左件朱古力蛋糕, 其實就同普通既美心西餅一樣味道, 只不過豪華版本之下加左一粒藍莓再插一張紙卡.咁就要收貴40%, 宜家樣樣野都係包裝為先.幸好美心都有一貫水準, 朱古力海綿蛋糕都夠鬆軟, 甜度適中, 只係覺得中間既朱古力CREAM有點實唔算滑流.

月餅節將近美心推出憤怒鳥冰皮月餅造型非常可愛,還附上紅色"憤怒鳥"Angry Birds迷你冰袋味道係朱古力脆脆同楊枝甘露一向不好冰皮的我都忍唔住買咗男友愛楊枝甘露,我愛朱古力脆脆唔洗爭朱古力的脆脆已不脆了,但可愛樣子搭夠男友喜愛冰皮當然覺得美味吧,但不覺像楊枝甘露口味呢如果出多款傳統月餅就好嘞!!聽聞中國有喎唔知係真唔係呢?!

有日....同事請吃美心西餅!!其實已經好耐冇去過美心買西餅....一來貴左..二來有更多西餅店可以選擇芒果撻 , 以前東x堂那個實在不錯~行過都會買一件...自從佢改左唔係一片片芒果 , 就大失興趣了~今次多得同事 , 有機會試食美心新出的芒果系列前幾日已經睇到報紙 , 話一定甜~~又試下係唔係真先~~拎起手望下, 其實已經可以見到d芒果粒係非常熟那種~!芒果粒的size亦算是大粒~~的確十分吸引~~咬一下之後 , 會發現係一個脆撻~~中間cream定唔知吉士 , 都好滑~整個餅match得很好~~食完一粒作tea~都有飽的感覺~~如果下次經過美心會再買黎食~~希望佢其他餅都keep到個水準...唔係淨係期間限定先好食啦....!

「美心西餅」的市場策略一向都很不錯，所推介的蛋糕西餅也大都有一定的水準。遠的不說，較近期的好像「天使蛋糕」與「魔鬼蛋糕」都甚為成功。最近「美心西餅」又有新猷，新推出以芒果為主題的期間限定蛋糕與西餅，採用最當造的香甜芒果製作，看那賣相，可真十分誘人呢！聽說這些期間限定的餅點，只是售賣到這個月底，為免向隅，數日前特地拿取從前還沒用完的西餅卡，到「美心」換了數件以新鮮當造呂宋香芒為主題的蛋糕西餅一快朵頤。買來的是期間限定的「香芒脆撻」、「香芒奶凍」與並非期間限定，長賣長有的「芒果甜心」。在三件以芒果為主題的西餅中，最讚的要算是「香芒脆撻」。撻面上舖滿大量色澤漂亮的呂宋芒果肉，在撻皮與芒果肉之間則是一層白色的忌廉。撻皮甚為脆身，芒果肉清甜可口，中間的忌廉並不太膩，作為芒果與撻皮之間的配角，也恰如其份，整件西餅是好吃的。「香芒奶凍」同樣的好味！無論是最上層的清甜呂宋芒果粒，萬黃叢中一點紅的士多啤梨，芒果下面的甜蜜芒果汁，還是最底層的幼滑奶凍，均甜美可口，教自己連稱美味。假如要挑剔這奶凍唯一的缺點的話，那便是它稱為甜膩了點，不及「香芒脆撻」那樣在甜度上恰到好處，稍覺美中不足。但這只是小瑕疵，瑕不掩

上次果個朱古力蛋糕咁好味, 今次有friend生日梗係再encore!! 原本想買個細細蛋糕,不過太多人食唔夠分...咁就買個 新野"香蕉朱古力蛋糕" 食,一打開已經超級香蕉味有d男仔開頭好難接受 banana mix chocolate既味,不過食食下,佢地都係咁爭住食因為d朱古力mousse真係好濃好滑呀~成個蛋糕唔駛15分鐘清晒@@呢個香蕉朱古力d ""香蕉"" 新鮮過 awfully牌, 唔係咁爛蓉蓉...太好味喇...食到一半先記得影相~哈哈