美心西餅 (已結業)

不得不讚佢地D 新口味既BIRTHDAY CAKE幾正~點左個芒果燕麥CAKE 有乳略其他既有楊枝金露做底都正恆生CARD有折,仲抵

原粒車打芝士蕃茄包係美心三月新登場其中之一,一見即刻買黎試,因為我係芝士迷!原粒車打芝士蕃茄包既外型同原粒車打芝士包差唔多,但個包多左蕃茄味,而且比較圓,而芝士方面同樣有好多一粒粒既車打芝士,份量好足,但深黃色芝士醬少左,反而混笸左少少蕃茄色既醬,不過芝士既酸味同蕃茄既酸味出奇地夾,估唔到配合起蕃茄包,反而仲帶出車打芝士既香!尤其食到中間心時候,芝士味十分強,好似滿口芝士咁,感覺好正!此包值得一試再試!

提子亞麻籽方包算少少新,出左一段時間,但係我而家至試...味道頗淡,似麥包,有口感,但係提子太少太少,唔夠甜,質素一般啦!

琴日係媽咪生日,一家人食左個美心既芝味什啤梨蛋糕慶祝。我地個個大讚好味,芝味滋味,果然無改錯名!個蛋糕好多層,真係好以層層咁呀!最底係朱古力薄脆餅底,我同媽咪好鍾意呢層,佢話夠薄又好味且唔膩,我就發現佢面頭有薄薄一層朱古力,我覺得好好味!餅底上係蛋白同普通蛋糕,然後有一層唔知係mousse定係咩既芝士味層,呢層係我既favourite,而且應該係最有味道最甜既一層,軟滑既質感,厚厚又少少creamy既口感,比蛋糕更有趣,可惜呢層都好鬼漏下…一路數上去,仲有一層什啤梨喱,係紫色既.味道酸酸甜甜都唔錯,但係我細妹話如果呢層薄些會令整個蛋糕更美味,呢點我都贊同,喱上又有什莓慕絲,同樣好味,蛋糕面就係一個個唧出黎既芝士mousse,黃黃地色一個個,好可愛,而蛋糕邊都唔弱,以一片片白朱古圍住,每片都有彩紋圖案,又靚又好味,我嗲地就係讚個白朱古力好味喇!整體上,我成家人都俾佢一個高分數呀!媽咪仲話要試埋芝味系列既芒果味添!

唔係係呢間買但邊間都一樣喇媽媽用coupon以$15買左wasabi月餅成份:綠豆蓉,水,冰皮粉,砂糖,植物油,wasabi,etc中心係一少wasabi,比平時點sushi還要少abt半粒花生到喇綠豆蓉幾好味,唔溜加埋wasabi幾得意d wasabi唔算好辣份量剛好小食幾好,我諗食得多,會覺得幾怪~

終於試埋美心今次新出家庭裝包既最後一款,即係特濃朱古力包。個長條形既包用紙兜包住,見到少少朱古力,因為朱古力餡係以螺旋形式混入包中。味道方面,包夠軟,亦食到朱古力味,比起坊間一d話係朱古力包但只係朱古力色既包而無朱古力味好,而且除左有混入左朱古力既包之外,都會食到朱古力醬,口感會豐富一點。雖然係咁,但係對於一d朱古力愛好者,好似我咁,就會覺得應該再加多一點朱古力會好些。呢個包唔太膩,所以都算好,但係好大個,所以會食到好飽。總括黎講,我覺得值得推介既!

香純鮮奶包係美心四月新登場既四款包其中一款,外表似美心以前出過既黑糖提子千層包,口感同樣都係有少少層次,似似地酥既包,至於味道,香純鮮奶包甜甜地,但係唔太有鮮奶味—雖然介紹話佢用在比一般包多2. 5 倍既北海道牛奶製造…另外,包面太多白色既粉,唔要反而更加好。如果同家庭裝既北海道牛奶包比較,我會鍾意後者多一點。不過,香純鮮奶包都唔係太差。

新出既黑芝麻口味!我屋企人專登訂左一個番屋企,係慶祝復活節既節目。蛋白質蛋糕軟綿綿,好得意,比普通蛋糕少左蛋味,但係都好好食,[感覺上會覺得多左空氣,但係唔知實際係唔係呢?呢款口味最好味既部分,我認為係比較近底層既芝麻醬,好香好有芝麻味,同上面一層黑芝麻慕司唔同,上面個層比較似啫哩既口感,亦無咁香,我無咁鍾意。呢個蛋糕忌廉唔多,岩晒我!而我屋企人最鍾意既係個杏仁餅底,媽咪同細妹都話又香又脆好好味,但係我覺得只係麻麻,而且咁鬼硬,ok啦!整體而言,個蛋糕屬ok,不過我估芒果味會好味一點。

以前無見過呢款方包,可能係新出品,味道同普通麥方包相似,但係無咁”麥”,麥味少左,所以淡左,令人覺得無乜味道,感覺上唔及麥包咁好味,不過可能健康d 卦!

美心又出左新款條裝蛋糕,一共三款,分別係綠荼夾楊莓果醬天使蛋糕、朱古力夾楊莓果醬天使蛋糕、原味夾楊莓果醬天使蛋糕,雪儀今次試左前兩款,因為見最後一款無乜特別,所以唔試!兩款蛋糕唔多,都係三層蛋糕卷住兩絛天使蛋糕,天使蛋糕中係有楊莓果醬既,驚喜既係原來兩條天使蛋糕之間有層拿破崙酥皮,呢個係我之前無留意既,食落至知,所以咪會驚喜囉!兩款分別在於外圍蛋糕一個係綠茶味,一個係朱古力味,同埋甘面蛋糕碎都係跟番蛋糕隻味。兩款都各有各好食,蛋糕軟熟,綠茶蛋糕比朱古力味好,較清淡而少甜;但係我唔係咁鍾意綠荼夾楊莓果醬天使蛋糕面頭既合桃,因為太多喇!反而朱古力味個隻係一片片好靚既黑白朱古力就岩我心水,不過我知呢d係見介見智既!不過,有一樣野我唔係太喜歡,識我既朋友都可能估到,就係cream 喇!由於外圍蛋糕有三層,三層之間都係cream,所以我覺得幾多下。整體而言,唔錯!註:因為有東方日報coupons,所以只需$32就買到一條喇!

美心今期做三款條裝拿破崙蛋糕,有原味,朱古力味同咖啡味三款,試左頭兩款。一款叫棒子朱古力夾綠茶拿破崙蛋糕,呢款比較好味,有兩層朱古力蛋糕,一層綠茶蛋糕同一層拿破崙,綠茶蛋糕好特別好清新而且好香,蛋糕又好軟;另一款松子原味夾朱古力拿破崙蛋糕比較普通,雖然蛋糕都係好軟,但係味道無咁特別。不過,c兩款都有一道唔好,係比較多忌廉,因為層與層之間全部係忌廉。好既地方係拿破崙真係好夠脆同埋好好味,而蛋糕又真係好軟熟,同埋加左d棒子,松子等,感覺上同食美心其他普通款蛋糕唔同。

自從美心加左價之後,都未食過滋心意,因為覺得$7.6好貴,但係見到新款又想試,終於抵受唔住誘惑,試晒六款…黑森林:個外型幾特別,係一個半圓,不過件蛋糕本身就普通d,只係朱古力蛋糕,旁邊有少少杏仁片同朱古力忌廉,面頭就有士多啤梨同埋黑加崙子啫喱,最好味係個d啫喱,一般黑森林係蛋糕夾住啫喱,但係呢個特別d,係分開既!味道算唔錯!芒果布甸:一大舊有果肉既芒果布甸,下面一片無味既蛋白蛋糕,等如食布甸一樣,唔係好算蛋糕喎!唔鍾意!芒果楊莓:橢圓形,由底數上,係蛋糕,芒果mousse,蛋糕,楊莓mousse,果肉,mousse幾滑,甜甜地,芒果同楊莓味道都幾夾,都算好食!楊莓什果忌廉:長條形,由底數上,係蛋糕,有什果既忌廉,蛋糕,楊莓啫喱片,果肉及一片朱古力,有一層啫喱都幾得意,不過層忌廉太厚,而且只係普通忌廉,無味道,拉低左整體質素。藍啤梨芝士:芝士味道其實唔太芝士,但係質感好滑,食到藍啤酸酸地既味道,唔錯,個樣又靚,上面又有條朱古力,我覺得呢個好味!意大利芝士:同以前味道一樣,只係變左樣,以前拱形,而家長形再加多片朱古力,都幾好食架!

美心既Tiramisu變左樣,以前平平既長方形,而家面頭有兩個小弧形,又特價$6.5,所以買一個睇下味道有無隨外表而改變。答案係無既!味道同以前一樣,不過蛋糕面多左一片薄朱古力,面層仍然充滿芝士味,底層都係朱古力蛋糕,話晒係西餅,蛋糕比例較多都係應該既(雖然我喜歡芝士較多既Tiramisu)。P.S. 聽左大家既意見, 我寫埋呢個之後,會儲埋多款包同蛋糕先寫,唔會出現得咁頻密架喇!如以前對大家造作任何不便,請多多包涵!

車打芝士係processed o既, 味道唔夠o侯. 不過個包丁熱食係幾正, 包身係非常o既軟熟. 蕃茄味嘛...似麥記漢堡包裏面o既蕃茄味.最impressive o既, 係員工o既服務同禮貌.(RE: 請Editor加入調景嶺地鐵站分店)

係新出既包款其中之一,有報紙coupon,原價$6,有半價,即係$3,幾鬼抵!呢款包真係好惹味,有兩塊酸瓜,味道同麥記漢堡包個件一樣,都幾酸,最正係個d沙嗲牛肉,真係好惹味架,不過我呢d唔係好食得辣既人就覺得幾辣,仲有一d紅椒絲,難得既係佢竟然令我唔食得辣都覺得好食而寧願一邊飲水都食晒成個包!我覺得幾好食!