美心西餅 (沙田站)

營業中

休息中

突然間好想食cheese cake, 去a-1見到佢$20件, 諗諗下都係去食美心十幾蚊一件.去到連價錢牌都無睇, 就叫店員ling比件芝悠焗餅比我. 可能啱啱加價, 店員姐姐都未改到口, 本來話收我$12, 之後先記得而家要收我$15. 我心諗: 加價!! 跟住再望一望件餅, 見到佢比我以前食既時候好明顯矮左一截. 我不禁講左出口: 加左價舊餅仲要細件左?! 店員姐姐都唔知比咩反應我. 但係我當時確實好想唔要囉...早知食a-1嗰件啦... 呢條數我真係唔識計囉!

店員姐姐介紹的新產品, 唂咕包簡單講其實係一個好濃味的朱古力包個包好大個，一家人食都夠，$12 算合理麵包裡面有熔左的朱古粒，所以成個包朱古力味好勁包面上有dd牛油味、甜甜地的粒粒，加埋都幾好味 不過個樣唔係好靚lor....

　　媽咪公司每位員工派左兩張$20優惠劵 , 不嬲都唔鐘意食美心餐廳既野 , 所以我就拎左去換d西餅同麵包 , 估唔到處40都換到幾多 , 西餅平時要用$4黎買一件真係唔太捨得 , 宜家換左7件西餅同兩個麵包都淨係需要補返$1亦冇所謂啦。吞拿魚蟹柳包日式咖哩雞肉包4件拿破崙2件黑森林蛋糕 <---呢2件係未影相之前已經比細佬食哂1件白朱古力蛋糕

Today is Aunt Ivy's birthday, so we'd like to have maxim again This is as good as i remember The cake is having sweet mangoes on top, choco crisp (cereal) as the base with sponge cake layers.I think they put more cream in the cake??? is this cheaper?The cake is very good, we only got the 1 pd cake. They need to be 2 pd to get them order, so it's kinda..hard to get this, first in first serve base. Lucky us!

菠蘿包 ~ 宜家大型連鎖店麵包真係食一個又唔夠飽 , 兩個又有d誇張 , 所以都已經諗住將係美心買既菠蘿包用黎作為宵夜口痕個陣食 , 點知真係"賴"野 , 菠蘿包唔脆不特止 , 個皮仲要勁薄 , 而且味道超甜 , 夜晚食個咁既麵包落肚完全係受罪呀。美心越來越多新產品推出 , 但係相反以前做得出色既產品就不停退步 , 甚至消失左 , 就好似芝士撻﹑雲石雜錦呢d西餅 , 想買返黎食都已經冇機會 , 真係令人失望

前星期朝早到沙田政府合署領取特區護照，無時間到食肆食早餐，所以就黎左「美心西餅」，買定d包包，以備不時之需牛油粟米包﹕點解上水美心無呢款包包賣既﹖﹖ 呢款包都唔錯呀!! 個包都頗軟熟 再加上我喜歡既 牛油粟米 ，真係一流呀 牛油味好香好香，粟米又有“趙口”，但又唔會太硬，真係想encore栗子包﹕個包都唔錯既...但就無上一款既咁軟熟啦 但係d栗子餡料就好香，甜度適中 但我個人就喜歡甜多dd啦~拿破崙﹕呢款係我在「美心」見到就會買既item 有幾好味，可以睇返我以前寫既食評最唔明既係...點解上水「美心」無 牛油粟米包 賣既﹖﹖真係有dd唔明白及唔開心 因為我覺得呢一款包包真係幾好味架p.s. 味道既 5分 係俾個 牛油粟米包 同 拿破崙 架~

提子丹麥條($6.00) ~ 本人不嬲都唔鐘意係大型既麵包連鎖店買早餐 , 因為d麵包份量往往都係食一個又唔夠飽 , 食兩個又太多 , 而且細細個麵包已經買成差不多$10.00完全係唔抵食 , 結果揀左呢條丹麥條又係得個樣 , 食落淡而無味又唔酥 , 提子多就多 , 不過酸既 , 好唔掂呀。 法式蒜茸腸仔包 ($6.00) ~ 其實係好普通既腸仔包 , d腸仔顏色仲有d偏黑色 , 幸好蒜茸加香草味道都夠 , 麵包食落先冇咁難食 , 所以話呢 , 我都係喜好係大型連鎖店買麵包食囉。

表弟生日搞生日會,大大個蛋糕,原來係芝士蛋糕。面頭有好多好多芒果,仲好好味,又厚切,而且好甜唔酸添呀!中間有幾粒士多啤梨,都好味,但係細粒左少少,有六粒左右,都算唔錯啦!不過,最最好味當時係個蛋糕,硬身的,幾香芝士味,不過餅底係淋既,同芝士蛋糕的質感無乜分別,我覺得脆底會更好!雖然個蛋糕好好味,但係真係好heavy,由於我地人唔多,大家分晒黎食,一個人要食好大件,真係飽得犀利!如果light一點會更好!呢個蛋糕勝在無忌廉,芝士味香,而面頭白色既酸芝士又真係酸酸地,感覺唔錯,不過食完肥死!哈哈!

拿破崙三文治 ~ 雖然係叫做三文治 , 不過唔係平時個d兩塊方包夾住d腿蛋﹑餐肉或者芝士咁樣 , 而係有一層酥皮包住蛋糕同少許芒果肉 , 我咁鐘意食酥皮當然就一定會鐘意食啦 , 因為蛋糕本身唔會乾身 , 外面既酥皮又夠薄 , 最重要係唔會太甜 , 一啖咬落去仲有生果肉好fresh。 皇甘鬆 ~ 新產品 , 不過唔太特別 , 只係將一個軟包面頭放滿肉鬆 , 令到食麵包個陣反而覺得越食越口乾 , 而且價錢都偏貴左d唔抵。

是日為著減肥既原故...黎到沙田打算做gym....因為經過美心.....就順便睇下有無可愛既快樂小雞......o係樂富見過之後...一見鍾情.....所以經常搵佢....但原來唔係間間有架......大埔墟站....南昌站....美孚站....都無......今晚見到佢既倩影....用左百分之1秒去考慮買唔買.....因為要減肥....當然呢百份之一秒就掃雷不及掩耳咁過左....店務員聽到一聲快樂小雞....佢都好快手咁包好比我....and then 收錢......我就好似一個得到玩具既小朋友一樣....即刻衝到隔離行人通道....放低佢....幫佢拍低寫真....再大啖大啖咁食.....(當然...食既時候只係望到佢....望唔到身上既肥羔)評語:奶味唔太重亦唔太甜, 非常ok...不過佢對翼 & 鼻就係原片朱古力...真係幾甜....食左d 朱古力 加埋d 奶凍.....味道就會濃淡適中...抵讚....不過我都係鍾意佢個奶凍多d.....一個人食....絕對可以當一餐.....食完因為深知自己幸福得滯既原故....加倍努力咁跑步& 行樓梯機......

雙色排包($13) ~ 一袋分成6塊朱古力Mix牛油 , 朱古力味道比較濃d , 因為間住兩種味道既關係 , 食個陣可以撕開一條條黎幾得意 , 試過咁多間既排包 , 無論麵包口感定係味道美心始終做得比其他餅店出色好多 , 不過可能我本身唔太鐘意食朱古力 , 所以都係覺得原味既牛油排包好食。

雖然仲未到中秋節 , 屋企已經收到一盒美心冰皮月餅 , 唔係大班冰皮月餅真係失望 , 因為係美食博覽會都試過美心d冰皮月餅 , 層皮係勁粉又唔煙韌 , 而且有d味道仲好似藥水咁難食 , 不過屋企人話要點都係要食左佢 , 所以就揀隻最穩陣既味道黎食啦。 抹茶栗子 ~ 都總算唔太難食 , 而且真係有一粒粒栗子 , 可惜始終都係好粉 , 綠荳蓉亦唔香。

媽咪有餅卡($48)我搶左黎換西餅返屋企歎要左egg tart,牛油蛋糕,意式風情,朱古力蛋糕x2,芒果蛋糕,朱古力napolean,普通napolean,cheesecake賣相ok 但係個姐姐仔執比我地果時有d笨手笨腳...我暫時只試了意式風情同埋cheesecake意式風情:最面有一件小泡芙,個puff已經唔掂 入面d cream都係差,唔得下面有一塊白朱古力,都好難唔好食啦,唔錯再下一層係朱古力蛋糕,幾香朱古力味之後係一層拿玻崙果d餅乾層 估唔到好脆!一吉就碎最底係sponge cake ok啦~cheesecake:四方形,tart皮底,ok...跟住係一個金字搭型既軟cheesecake,幾滑,唔錯最頂係一pat類似cream的整體黎講 呢個算好好!!

天使蛋白蛋糕 ~ 淡淡的蛋白味道不甜不膩真好食 , 而且口感比較濕 , 用呢個份量大大地既蛋糕做早餐十分適合。 蛋白脆脆 ~ 第一次食個陣就已經覺得好好味道 , 尤其係個蛋糕用蛋白整出黎唔會太甜 , 加埋d生果就岩岩好啦 , 仲有個餅底好脆口 , 冇改錯名呀~~~脆脆系列仲有芒果脆脆蛋糕等款式揀 , 每隻款式都唔錯。

在美心買了一個芝士三角包和蜜桃撻作午餐 , 吃完之後感覺是...1)芝士三角包 ~ 裡頭的芝士粒粒少了很多 , 價錢貴了但是材料相對也減量 , 吃的時候芝士味道也不太濃 , 令人失望。2)蜜桃撻 ~ 太甜了 , 而且一吃就知道蜜桃是罐頭食物 , 再次失望。這個午餐真差勁!!!美心的西餅和麵包應該是時候要作出檢討了~~~P.S. 幸好一班員工的服務態度很好 , 充滿笑容 , 對此我非常滿意。