美心西餅 (花都廣場)

營業中

休息中

最近同中學同學傾偈講起我哋細個生日冇錢買大蛋糕就會lunch time去美心買雙子蛋糕一班friend share 兩個雙子蛋糕諗返起都覺得好懷念以前讀書時期嘅生活大家嘻嘻哈哈冇咩壓力又一日雙子蛋糕雖然細細個 但物輕情義重承載咗我哋一班friend嘅回憶見證我哋一班friend嘅友誼琴晚經過美心 突然有啲懷念以前一齊食雙子蛋糕嘅時候於是我就走入去買咗嚟食回憶下個味道我記得以前細個鍾意食朱古力味但人大咗 唔想食咁甜就買咗合桃味一啖咬落去係青春嘅味道！蛋糕超級鬆軟仲有一陣陣嘅蛋香味 加埋蛋糕上面一粒粒合桃真係超好食！我每食一啖都諗起以前啲朋友真係好想時光倒流俾我再見返大家 一齊食蛋糕 一齊慶祝生日 一齊嘻嘻哈哈乜都唔諗唉 真係歲月不饒人~~

補祝母親節同維尼b 2.5歲生日，係529呢個特別日子，買左蛋糕去婆婆度！試左呢個新蛋糕，茘支玉珍珠，我以為係原粒茘支，原來係茘支味既寒天珍珠😂😂一貫我既選擇，蛋糕唔多cream，生果好多，好岩夏天食！期待下款新品，再試新野！

我家B頭話咁快就6歲，B頭特别鍾情朱古力蛋糕或者士多啤梨蛋糕，但今次佢自己揀咗呢個鮮果蛋糕，因為上面有好多佢至愛嘅士多啤梨!Rose's 鮮果法國士多啤梨果蓉蛋糕蛋糕頂層舖咗多款鮮果，有芒果、奇異果、士多啤梨同藍莓，喺正中間位置係用芒果堆砌成一朵芒果玫瑰花，賣相好靚!其他鮮果都算幾新鮮，特別係芒果，超級甜!蛋糕嘅質感非常鬆軟，鋪滿外層嘅忌廉香甜軟滑，中間嗰層就係法國士多啤梨果蓉啫喱，反而我覺得唔係好夠士多啤梨味，不過整體係幾好味嘅!

為咗滿足家中兩隻小鬼嘅願望~~食蛋糕同吹蠟燭，所以農曆生日當晚喺屋企開餐，跟住就切蛋糕!其中一個原因係傻姑姐想同佢哋影相囉!法國朱古力黑森林蛋糕朱古力蛋糕從來都係B頭首選，再加上呢個有士多啤梨喺面，B頭嘅至愛士多啤梨。其實每次有人生日要買蛋糕，對於生日嘅主角嚟講都冇乜所謂，都係以B頭喜好去決定，而妹B就有得食就ok!講到呢個蛋糕，用料真係冇得輸!蛋糕用上一系列嘅法國食材，全部都標榜係一級材料包括法國朱古力、法國巴伐利亞式忌廉Bavarois cream 、法國朱古力車厘子慕絲等，餅底更用上法國直送嘅海鹽焦糖脆脆。外面比長型嘅朱古力脆片包圍住，其實好有比大樹包圍嘅神秘黑森林感覺。內層因為有車厘子醬，所以食落酸酸地中和咗蛋糕同cream嘅甜，再以法國海鹽焦糖脆脆作餅底，令成個蛋糕層次感好豐富。

同事請食蛋撻，包裝簡單，四個一層！ 蛋撻曲奇皮，用錫箔紙兜盛住，蛋撻大隻，牛油曲奇皮薄，唔夠脆，蛋黃甜，好在唔過甜！不過唔係新鮮出爐！所以唔熱，蛋黃就唔夠嫩滑，比較實味道正常！

朋友生日，成班人買左個蛋糕慶祝，近近地就係餐廳附近間美心買。鋪面的水果都幾豐富，除左奇異果太酸之外，其他水果都清甜。蛋糕cream的部份好多，熱愛食cream的我超喜歡，不過朋友就嫌海綿蛋糕部份太少。最好味係個脆脆底，食極唔厭，仲偷食埋朋友個底。

經常愛到美心西餅店的櫥窗欣賞新的西餅款式，每次總是讓人有目不暇給的感覺。今次，看到3.9澳洲牛奶系列，黑白色的設計，非常吸引我的視線，忍不住買了一個牛奶卷回家。現金價$68，用餅咭換就要用原價$78。店員用心地替包好，服務一流。晩飯後，作為飯後甜品，屋企愛甜品的家人，讚口不絶，蛋糕軟綿綿，中間白色的部份，濃濃的牛奶味，滿足的飯後甜品，為一天畫上完美的句號。

唔知點解我生日會買加菲貓蛋糕比我, 唔通家姐=加菲?  其實係咁啱加菲貓35周年, 美心出咗呢個加菲頭蛋糕, 而咁啱我媽同我妹覺得得意, 又或者其實係佢地鍾意, 所以先買嚟慶祝我生日, 雖然我未夠35歲, 當食定將來35歲果個生日蛋糕先啦~呢個加菲蛋糕襯返佢係黃色, 所以係芒果味, 雖然佢成個面係立體樣, 見到眼耳口鼻等器官, 但只係單色, 唔夠COLOURFUL, 但睇落就好似藝術感重D~ 入面好似係D慕士之類, 再加D芒果肉, 好好味, 芒果唔會酸, 慕士又唔會"漏", 如果唔係晏少少要食晚飯, 真係想成個食哂佢~

秋意漸濃，微風輕吹的季節，屬於栗子的季節，如情侶般形影不離！美心西餅全新推出一系列山東板栗蛋糕，於秋日以最佳姿態、成熟而完美地展示他不同的演繹。早前收到美心的公關朋友電郵，通知稍後會送上小禮物，為方便就在公司收取，沒料到當日轉個身回工作枱，枱面上一個栗子大汽球，真的給我嚇一跳，比收到鮮花更驚喜，同事們說笑是你老公送的嗎？心裡暗暗傻笑呢！隨栗子大汔球還附上山東板栗經典系列的換領咭及可愛的栗子磁石，大小外形就如一粒真正的栗子，如胖胖的可人兒，在此謝謝公關朋友的驚喜及會心微笑的禮物。看見一系列山東板栗蛋糕的換領咭，分別是果仁脆脆蛋糕 、紫醉甘迷及棉花糖栗子撻，已急不待要試試呢！山東板栗果仁脆脆蛋糕 $178:當山東板栗遇上......果仁脆脆蛋糕當然是大顆兒高高興興、熱鬧的一齊分享，就趁頌揚十月之星的生辰試試山東板栗果仁脆脆蛋糕。蛋糕的份量實在不少，足夠十多人享用，鋪上金薄的板栗作點綴就份外耀眼，六層的層次分明，由純栗子忌廉、鮮磨純栗蓉(100%鮮磨純栗)、原粒純栗及果仁脆脆所組成，純栗子忌廉入口軟滑，濃郁綿密的鮮磨栗子蓉、香甜軟糯的原粒純栗，與杏仁為主的果仁脆脆餅底，享受到一層層的豐富口感