美心西餅 (已搬遷) 新店位置

陪女友在附近睇醫生後，因時間緊迫，遂跑入這兒買了簡單食物，各自帶回自己公司當午餐吃。選了兩客焗意粉（$15/客）。另買了兩件西餅（$3.8/件）給她，讓她服藥前打底用。 1. 她挑了： a. 「焗白汁磨菇火腿螺絲粉」，白汁夠香濃夠creamy；磨菇薄片雖是罐頭貨，但挺有咬口；螺絲粉軟硬適中；表層烘烤得香香的，相當惹味！以OL 而言，份量剛好。（可能因為她生病，覺得有些微鹹，但可接受。） b. 「瑞士卷」：份量適中，海綿蛋糕部份質感香軟，絕不會有「食風感覺」。香香甜甜，適合生病的她，用來服藥前打底用。 2. 我挑了： a. 「焗薯蓉意粉批」：拌有蕃茄汁的螺絲粉甜酸惹味，表面以格仔形式的擠上薯蓉，經烘烤得金黃香脆。以此價錢，相當有水準。對男生而言，份量偏細。 b. 「椰撻」：水準依舊，賣相乾淨企理，絕對係我杯「茶」！此分店有焗意粉出售，不俗！

之前我ｍｕｍ生日，我大佬買左呢個旦糕，我勁開心，因為個樣經已好得，個面有好多鮮果＆好多藍莓醬，（我好好好鐘意藍莓），加上朱古力味蛋糕，而且中間夾住既朱古力mousse又唔會好多ｗｏｒ，薄薄咁～最好食既係個底呀，有朱古力脆塊做base,個旦糕邊重有ｄ細細粒既碎果仁/杏仁，好有口感～最重要係個旦糕唔會好甜同好漏，good!我記得個別比其他好似貴dd~

朋友買左個美心既朱古力鮮果脆蛋糕同我慶祝生日, 我對美心蛋糕一向都有信心, 呢個蛋糕好靚, 未食已經加分, 食完之後仲比多幾分添! 蛋糕面有好多鮮果, 圍邊有藍莓醬, 蛋糕係朱古力味蛋糕, 中間夾朱古力mousse, 而最底係我覺得最好味既地方, 因為最底係有一層朱古力脆脆, 好脆唔冧, 配合鬆軟既蛋糕和滑滑既mousse, 簡直一流! 而蛋糕旁邊仲鋪滿杏仁片, 仲有六塊大片朱古力, 增加味道又增加口感, 唔會以為朱古力一定好甜好漏, 呢個蛋糕就唔會喇, 甜而不漏, 實在好好味道, 不過要18個人分, 唔係好夠喉!

今個月美心出左四款新包, 我試左兩款, 分別係原粒車打芝士包同香純鮮奶包!先講原粒車打芝士包, 見佢牌上既描述, 話係大大粒既芝士, 但我食到既唔係一粒粒既芝士, 而係一片片既芝士, 芝士片唔算好多, 勉強都算夠, 但芝士只夾於麵包中間, 左右兩邊係食唔到有芝士, 除左芝士片外, 仲加左芝士醬, 我覺得味道大部份來至芝士醬, 而唔係芝士片, 所以我覺得唔咁好味, 芝士味道唔夠純正, 整體黎講, 呢個包都有芝士味, 不過我覺得唔夠, 太少, 如果加重芝士既份量, 咁就會正好多喇!香純鮮奶包, 個樣同黑糖提子千層包一樣, 不過變左白色同冇左提子, 我覺得呢個包只係有甜味, 而冇奶味, 而且包面有好多我唔鍾意既糖粉, 所以令到個包更加甜, 我唔明點解要加糖粉上去麵包到, 攪到個包鬼咁甜, 而且個包白雪雪, 我又唔覺得好好睇, 食完個包之後, 仲攪到自己成身都係白粉(我已經食得好小心), 個麵包袋又留下半茶匙既白粉(我唔會食埋佢), 其實如果唔加呢d 糖粉會仲好, 起碼環保d 先!

呢款歐陸西餅出左咁耐, 今日先至第一次食. 由於蛋糕新鮮, 所以質地鬆軟(呢樣聖安娜就做唔到!). 兩層朱古力海綿蛋糕夾住薄薄一層拿破崙酥皮, 無乜butter cream, 由於酥皮少, 所以無$3.8一件o既拿破崙咁香口, 但亦相對地無咁漏. 面頭帶酸o既藍啤梨醬豐富左蛋糕o既味道, 本人認為如果可以o係夾層內亦添上果醬味道會更佳!整體黎講, 唔算好驚喜, 係水準之作啦!

前言：同事生日，幫手到此店買蛋糕，順便買了袋麥方包。食物和評語：買了一個‘乳果天使蛋糕’和一袋‘麥方包’。 1. 芒果粟子乳果天使蛋糕：內有芒果塊、栗子蓉、天使蛋糕（蛋白蛋糕）、乳果（楊梅乳酪）、麥粒脆餅底，口感清新爽口，感覺較奶油蛋糕健康。美心在產品包裝上，又贏了！ 2. 麥方包：$4.2 一包，內有四片。賣相質感扎實、有麥的粗糙口感和味道，感覺較健康，整體水準相當高。較超市的「嘉x」或連鎖店「東海x」的更抵食和美味！

好鍾意美心的新款蛋糕，因為貪佢無咁多cream，又有我最喜歡o既餅底，今次試o左芒果粟子乳酪天使，用料十分豐富，逐層逐層慢慢品嘗，每一層都有唔同o既驚喜，品道唔太甜，最好味都係最底層o既餅底同埋中間o既蛋白蛋糕，但係當中有一"pat pat"透透地黃色o既膏狀物體就怪怪地，唔知呢o的係o係所謂o既乳酪呢(但係我平時食開o既乳酪係白白地色，好好味個喎)，好彩唔係太大"pat"，但係都為呢個原本好好食o既蛋糕打了折扣，如果無o左o個"pat"o野就perfect喇，不過總括o黎講都食得過，因為渣打咭有八折，只需一百多完，仲有個可愛天使公仔送添^o^之前仲試o左蛋白香脆有心蛋糕、芒果脆脆．．．蛋白香脆有心蛋糕﹕係本人食過咁多蛋糕中最喜歡的，當然係因為有脆脆餅底加上蛋白蛋糕o拉，仲有好多新鮮生果添，諗起都想食...可惜宜家只有兩磅裝訂o拉...芒果脆脆﹕一般o拉，可能加o左蜜糖，味道有點兒怪怪的...

紅咖哩雞包相信係新出品, 因為平日係灣仔都唔見有, $5一個, 個樣雖然係好平凡好平凡, 但食落又唔錯喎紅咖哩係幾香, 少辣, 有好幾粒薯仔, 數片洋蔥, 雞件不多, 但整體來講都係唔錯, 晨咁早食curry 幾有新意, 好味啊!!不過MTR個間店d飽全部用膠袋pack好晒, 都係有得自己夾夾個d shop好feel d