美心香港地 (已結業)

因為和媽媽到樓上ＤＳＣ買電腦椅，所以便在上水廣場吃東西，經過一翻思想後，決定在這兒吃晚飯。本來我們決定都吃雲吞麵，但原來只剩下一碗，我心裡有少許不滿，因為覺得這間餐聽明知有很多人要吃，所以應該要弄多些才對，不過因為媽媽在場，所以才不發火。最後，媽媽決定要雲吞麵，我則要雞扒韓國麵。（其實是出面賣的農心麵）！媽媽的雲吞麵，麵雖然硬，但好強烈梘水味，不過雲吞卻很好味。我的雞扒韓國麵，好好吃，塊雞扒好滑，而麵亦好滑。服務不錯，侍應會講不好意思，很好！

今天到上水處理公務，辦完事後，已經是午飯時間，不過對於上水那裡找吃的，真的丈二和尚，摸不著頭腦。最後來到了上水廣場，逛了一圈，似乎也沒有什麼新發現，最後到了頂層，看到一間叫「美心香港地」的食肆，似乎是一眾食肆中比較有新意的選擇，最少我未光顧過，便做做白老鼠去。午飯時間，人客仍多，因此侍應安排我搭枱坐到一張2人的卡位。看來這是美心集團旗下的茶餐廳，而不是自助形式的快餐廳。看看餐牌，一時三刻也想不到吃什麼，簡簡單單就要常餐好了。炒蛋，火腿及牛油多士常餐的主角先到，不過看起來就不大吸引，先看主角中的主角炒蛋，面層乾巴巴的，毫無光澤，感覺就像早就煎好晾乾一樣，而且蛋的質感像煎蛋餅多於炒滑蛋，份量亦少，看到已叫人提不起勁。吃起來，炒蛋明顯是放涼了的，質感既硬且乾，令人十分倒胃口。炒蛋如此，心已涼了大半，不會對火腿及多士有任何期望，火腿從來都是雞肋，不可能有什麼驚喜，多士用厚方包，經輕烘，也塗夠牛油，是還可以一吃的。雪菜肉絲米驟眼看這碗雪菜肉絲米還算對頭，感覺上好像滿有餸料，吃細看下，其實沒能發現任何肉絲，莫說肉絲，肉粒也難以發見，肥肉倒是有的，也擺。吃起來，雪菜沒有任何味道可言，而且切得過份細碎

星期六早餐食好D，就試下D地道奶茶~真的不錯，勁有茶味!叫左個個沙爹牛肉面早餐，好入味，D牛肉又"林"，湯味夠濃，正!食食下見到隔離枱個炸魚柳好似好好食，下次一定要試下先~

做野忙到11 點先有時間食早餐，不過間間都轉晒午市，價錢貴一倍份量又太多，好彩仲有美心香港地。佢地早餐供應到11：30，落單一份鐘內已經有野食，岩晒等唔切的香港人。仿鮑絲火腿通粉，啲絲切得岩岩好，一匙有齊通粉火腿同仿鮑絲，方便；個湯夠清早餐岩岩好。個餐包已經搽埋牛油，烘埋底，用叉督住食乾手淨腳；煎蛋轉炒蛋，不過不失啦；更欣賞係杯檸茶，俾左半個檸檬㗎！唔欺場。早餐黎講廿零蚊算好唔錯喇！

行完商場，就來醫肚。點左奶油脆豬，豬扒湯烏冬，同埋雞扒韓式湯麵。奶油脆豬好香，Size又夠曬大。個包夠曬鬆脆，牛油同煉奶都融合得好好味~豬扒Size啱啱好，煎得幾嫩，唔會太“干曾曾”，夾埋爽口彈牙o既烏冬，真系好好味~Friend話個雞扒唔錯噶~湯底唔會太鹹~服務就一般啦~等位等左一陣，佢地D伙計忙到甩轆，都唔得閒招呼我地~

琴晚同屋企係大陸返到上水就去左呢間野到食飯。點左:菜遠牛肉﹑粟米脆斑腩﹑北菇蒸滑雞+凍奶茶X1( 附送 白飯 和 湯 )餸菜味道咸淡適中,我係好仲意食D濃味野..但呢幾道菜我都覺得幾好味*由其粟米脆斑腩*如果大家都係好似我一樣,得閒想食下D清淡野都係唔錯嘅選擇。以上消費只係$150,我同屋企人都覺得好低食!!另外,我地去到可能係煩忙時間。冇乜好貼心服務。不過係"茶餐廳"咪係甘個囉?

下午約十二點走入去,每個侍應都好似好忙,沒有人招呼,只好自己找個座位.看過餐牌,午餐不吸引,就決定食茶餐.我拿著餐牌想點餐,左望望右望望,見每個侍應不停行來行去,但沒有一個發現我的存在.其實餐廳只是半滿,他們已經忙個不停,若果到了午飯時間,真不知他們怎樣應付.點餐後,最快上枱是熱奶茶,可惜只是一杯暖奶茶.不久,就是腿蛋多士連沙嗲牛肉麵一齊上.先食多士,個麵就霖,先食個麵,多士又凍,真是難決擇.其他食店比較少用厚多士,口感比薄的多士更好,所以我是先食多士,眼白白望住個麵發漲.沙嗲牛肉麵只有兩片牛肉,實在少得很,味道一般.整個茶餐要HKD28,食物加服務都是一般,下次我會幫襯傳統舊式茶餐廳,有時真是新不如舊.

美心集團下的新搞作.叫做香港地的店.經營方式係同茶餐廳相同..環境的確有用心機.金錢裝修過..員工雖則不熱情..也不過不失..效率都幾高..叫落單好快就到..也很快打好張單放左桌面...21元一個早點...加2元凍檸茶...呢個價錢.雖然不是跳樓價都合理...而且餐牌上選墿多..有中式..有三文冶.有麥皮等....凍檸茶:有的差...我都無叫走糖...同我走糖...味道好苦..連檸也只得三片...火腿通粉:火腿落得好慷慨每一啖都食到火腿..而通粉彈牙.湯都夠熱....而二隻蛋無黑邊...蛋汁香滑價錢合理,環境衛生....我應該會回頭......

Not much people at night time, good environment, but not qualify with the service, slowly worked staff, I waited my food for over 30mins, it is not acceptable, compare with the effectiveness in hong kong style restaurant, no more than 10 mins you can get your food already, but here you pay with a bit higher price, but only get fast food level quality of food, but not fast food level of speediness. Need improvement on the flow of business.

丈夫喺上水同班師兄弟開會切磋後, 順便喺香港地買盒飯比我做晚餐,聽講都要四十多元美心香港地特色炒飯真係好特色嫁！配料有蝦仁3隻, 疑似魷魚肉10丁塊左右, 菜梗, 蛋白碎及飯。 味道是少鹹偏淡, 唔好見d炒飯顏色喺咁深色呀

美心香港地見佢新既就試下特餐 沙爹牛肉麵 要成 $28 太貴啦d 牛肉唔知點解好咸個麵黎到就霖左最好呢就係塊麵包脆脆地~~不過全部食物都唔熱既賣點明明係茶餐廳但杯咖啡係機沖既我expect 佢係茶餐廳咖啡失敗!!!!!仲有咖啡黎到俾佢倒左dd 走.....仲有!! waitress 好慢....... 好似唔想做甘...

今早知道無人煮飯，便sd sms問老公今晚食乜？初初諗住落沙田食，但又怕老公返完工太攰所以我say no, 之後老公就話不如去上水廣場新開個間到食仲叫我上openrice睇下食評，因忘記了叫咩名，所以都搵左一陣因是新開張關係，所以得2個食評開頭睇食評覺得都有點貴後到去到食又覺得D價錢ok wor叫左一個set dinner & 一個單點set dinner: 黑椒雞柳炆烏冬(夠熱, 鹹左D) + 華田(略甜)單點: 咖哩雞(唔夠辣, 好多汁)

知道呢間新開無耐，同媽咪來食可能因為此終係商場入面，只係得2、3檯客叫左2個早餐，一個常餐同一個三文治餐同平時係美心快餐O個O的。。。。。無分別。。。。。同小左好多選擇咁不過個奶茶真係做得幾好，難怪佢份MENU 同餐紙都夠膽用一杯奶茶來做主題其他食物。。。。。。美心快餐，一樣！價錢方面，同美心快餐應該差不多一樣，唔係太趕又唔想係火車站同人迫，都可以選擇係到食

出外用膳鐵律之一︰不要在開張日光顧餐廳，因為新手上場，食物、服務可能未盡人意。早知如是，近日卻無意中明知故犯，再次印證這條鐵律。十二月十八日，往上水辦事完畢，正值午膳時間，在上水廣場看到美心香港地新店開張九折優惠，心想不如試試看。店內座無虛席，服務生眾多，均熱情招呼，親自帶位入座。我坐在二人檯，對面是即將離開的中年漢。按觀察所得，此店應不設搭檯。貴為摩登茶餐廳，燈光明亮，圓形卡位夠親密，盛餐紙牙籤的盒子是美國名牌。常餐套餐是十分大路茶餐廳款式，有雲吞麵等麵食，有碟頭飯如芙蓉蛋飯，有各式三文治。可能今期流行，餐牌有兩款日本出前一丁麵食，用來撼黃毅力乎？又有兩款秘製撈丁，只是沒有強調日本製造，最少平四元。看了餐牌一會，點了蔥油豬軟骨撈丁，以及平時叫慣的紅豆冰走冰。為免服務生以為我存心戲弄，誠惶誠恐問紅豆冰可否走冰，負責落單的中年女服務生沒有質疑，反而用對講機問廚房售罄沒有，然後寫單。慎防遺漏，我又強調一次紅豆冰走冰。稍後我的紅豆冰走冰來了，按照本人「過得去的食物加過得去的食物等於不會難吃」的原則，這杯紅豆奶水夠凍，奶並非如一般花奶，被糖的甜味喧賓奪主，有奶味。紅豆永遠好吃，百吃不厭。此時青

今日中午老公見到上水廣場牆外有張廣告寫住<美心香港地> , 係一間新開既餐廳, 我同老公就走上去睇下有乜野食, 上到去見到有五個人排隊, 諗住應該唔會等好耐, 所以又排埋一份.. 見入面大部份都係卡位, 有一部大電視, 感覺幾乾淨舒服, 而且可能新開張, 服務都幾殷勤有禮等左三分鐘左右就到我地, 安排左我地坐近門口二人卡位, 該店有午市套餐, 有即食麵餐, 有咖哩, 雲吞麵, 炒粉麵飯, 幾多元化, 最後我地選擇左乾炒黑椒牛柳絲意粉($34)同埋福建炒飯($40)老公加多一杯熱鴛鴦(跟散叫食物只加$8)熱鴛鴦送來有9成滿, 沒有倒瀉, 老公飲落覺得很香滑有水準, 唯一缺點唔夠熱, 扣點分乾炒黑椒牛柳絲意粉送來出煙夠熱, 但唔夠乾身, 味道唔錯, 分量都幾多福建炒飯賣相一流, 有幾隻蝦, 有菜心, 雞肉粒, 菜粒, 汁唔會太多, 飯亦唔會太濕, 兩者很配合新張其間仲有九折優惠, 埋單盛惠$73.8 一個唔錯既LUNCH