美心香港地 (已結業)

食過幾次豬扒蛋公仔麵，但係啲質素越嚟越差！今朝又點咗豬扒蛋公仔麵，一口咬落舊豬扒度，即刻吐返出嚟！舊豬扒梅嘅！完全冇肉嘅質感！我淨係食咗蛋同麵！啲店員收碗時都唔會問你舊豬扒做乜唔食？我同收銀講佢都當無嘢！

呢一間呢係我成日去食嘅一間餐廳嚟嘅，稍為要我講一講呢我就係覺得佢個價錢呢比較貴，咁但係食物方面呢覺得佢個品質都唔差嘅我對上果次就食咗佢個乾炒牛河啦我覺得佢炒得好乾身啦，食落去亦都唔油膩啦佢個牛亦都好有咬咁又唔會太銀，其次啦我最鍾意佢嗰個就係雲吞麵啦我覺得佢個雲吞麵好有味啊好好食啦又好看蝦子味喎！不過略為遜色就係佢個價錢實在太貴，若果佢平啲或者我都會每日都幫襯但係實在太貴好唔化算囉我覺得，不過味道係真係唔錯嘅所以我都可以推介俾大家。

途徑上水廣場， 晚上九點多還未吃晚餐， 見到有太興但已經食到很悶了，所以今次 試下美心香港地。 餐廳環境不算光猛，點了兩個餸韭黃叉燒炒蛋$66， 椒絲通菜牛肉$62，加$15 白飯 ＋ 是日中湯。韭黃叉燒炒蛋～ 如果韭黃可以再多一點，味道會更加香， 炒蛋不算太滑，一般般的， 味道普通。椒絲通菜牛肉～ 牛肉份量比較少， 椒絲通菜調味不夠，味道比較淡。叫餸轉套餐加15蚊可以有白飯和是日中湯， 跟隔離太興的價錢差不多， 但味道還有進步空間。

香港地下午茶又有新嘢..,一份簡單豐富☕下午茶唔使50 蚊,椒鹽🐷🍜,腸仔,火腿,蛋,厚多士🍞,好多人係下午5點後去食這個餐,佢哋好多選擇,另一款係A+B+C,但份量較少,粉麵🍝係迷你版,可能唔夠食,所以落單要留意😀

今日經過上水美心香港地 諗住食個下午茶見個afternoon tea menu好吸引 下午餐有一碟炒野加自選小食加飲品叫左個干炒牛河加咖哩魚蛋點知原來咁差服務態度唔再講 個waitress黑口黑面野食簡直不知所措我叫個碟干炒牛河 一睇一食就知係擺左唔知幾耐再microwave 翻熱個碟好熱 面頭啲蒽係reheat到變晒色黃晒 啲牛仲要硬到咬唔到 最後只係得一舊牛咬到成碗面油到不得了我朋友碟炒麵仲咸到食唔到 落得太多鹽真係實在太差了

星期日，由屯門坐小巴返到上水，已經近4點，十級肚餓，就上左上水廣場諗住搵野食，之前都經過過香港地，想去試下，今次見等的人唔多就去試啦 ! 等左10分鐘，就入座坐左中間的卡位。點一中一西了2個茶餐。西式的牛尾湯班尼粉配日本農場炒蛋. 火腿. 香腸. 牛奶厚多士加奶茶先到。牛尾湯不很濃，有些似中式蕃茄湯，班尼粉比較少，味道普普通通。標榜是用日本農場蛋做的炒蛋，蛋香是濃的，不過熟了一點，不夠滑。火腿.和香腸是一般貨色，也沒有煎香。多士本以為烘得過火了，但卻沒有燶味，反而多了一分香脆。奶茶是茶餐廳的香濃味道，有茶香，也有奶香。接著的乾炒牛河加紫菜魚蛋湯加熱檸水，炒牛河算是大碟了，炒得頗有鑊氣，芽菜不少，牛肉雖然淋滑，但切得細碎，影響口感。紫菜魚蛋湯的紫菜不少，湯雖濃且有鮮味，但卻較鹹，而當中的炸魚片頭，很彈牙。檸水很大方，有4片檸檬，足夠加水飲多杯。

今日無飯煮婦日，去左海洋公園玩完，番回上水，來左香港地食晚飯！叫左OX醬西蘭菜炒班球，我既最愛，魚夠大塊，又有西蘭菜，好健康！另外叫咸蛋蒸肉餅，肉餅蒸完食落口，有陣雪藏味，唔好食，腰果椒鹽豬扒，味道野味，腰果炒得好脆！加左$15，有白飯，飲品或湯，抵食！

周日諗住同阿菇北上，所以就相約上水廣場食早餐，阿菇比我先到，每一間快餐店或茶餐廳都十分多人。最後選擇美心香港地。我想食緊牛尾湯粉已售罄，改食魚柳餐，魚柳算大件，而魚肉亦算滑，最出色的是牛奶厚多士，奶味香濃。阿菇食鮑腿通，加兩隻反蛋及牛奶厚多士，份量對她來說剛剛好，但對我來説太少呢！

Happy Holiday..訓醒出街食lunch!來左美心香港地食，見到推出新野-花膠竹笙海皇翅+XO醬炒飯，望見餐牌就想食，當然叫來試下。XO醬炒飯炒得好入味，飯香軟熟，花膠竹笙海皇翅份量好多，料好足，但味道就咸左少少，整體來講$65哩個價錢抵食！

放假，去左上水廣場食早餐-香港地早餐款式唔算多，但都揀到自己想食的。揀左雪菜肉絲湯米粉餐，有養場煎蛋，牛油多士，飲熱奶茶。鍾意哩度環境坐得舒服，早餐又豐富夠飽。

今日食過呢餐，發覺我煮嘢都唔係太差， 哈哈😜！紅燒豆腐煲， 通菜豬頸肉煲配白飯和老火靚湯  - 豬肺白菜湯。 我想知點解煲湯無味道嘅 🤔，紅燒豆腐，是用义燒配豆腐， 叉燒味道偏甜，好彩豆腐夠滑，加返分數。 通菜炒豬頸肉， 夠惹味不過比較多油。 連鎖店快餐式食肆， 上菜夠快， 但都要留意一下味道喎！希望只是今次遇上喇！

見好似好耐冇食過！特登走去買個乾炒豬扒河粉！去到話轉河粉要加$6蚊！真系食咁多間餐廳都未見過轉粉麵要加錢不特止，仲要加$6蚊！真系想錢想傻咗唯有焗住買啦，因為特登行到過去！最黎買完拎返屋企啦，一打開，真系忍唔住要爆粗！完全冇落豉油，白生生，睇見都唔開胃！食一啖，真系完全冇味！你唔想比人轉粉咪話冇得轉囉，洗唔洗加完錢又要咁求奇咁比客人，落少少鹽或豉油都可以呱！以後唔會再去食！唔怪得佢執咗咁多間分店！以前啲質素都好好地，越黎越不知所謂！冇味道已經系第二次！唔會比機會佢有第三次

真係好少會出上水今次來到上水廣場嘅美心香港地，本來諗住食少少野，食件三文治咁啦，但6點幾係完全無呢d賣，得番一個咩午餐肉蛋治，咁唯有早少少食飯啦，我係叫左和牛漢堡排咖哩飯等左好耐，終於到啦，睇落真係好好食一啖有齊漢堡排，炒蛋同咖哩飯，真係好好食！漢堡排有肉汁，結實真係幾正，然後咖哩係日式嘅咖哩，帶少少辣，炒蛋好滑，有蛋汁3樣一齊食真係好好食唯一係覺得漢堡排細左少少

今日下午我們喺上水附近做完嘢之後去咗上水廣場搵吓有咩好食之餘仲要係快嘅，因之後仲要趕時間去做嘢，所以我們就揀咗「美心香港地」食個下午茶！我們叫咗濃蕃茄和牛肉通粉配日本農場炒滑蛋·牛奶厚多士同龍蝦湯叉燒意粉配日本農場炒滑蛋·牛奶厚多士嘅蕃茄濃湯唔係好濃郁，而且比較稀，但味道都算鮮味，而牛肉嘅肉質就比較硬實，唔係好鬆軟，至於通粉都幾煙韌彈牙！至於龍蝦湯嘅味道相當腥，叉燒嘅肉質亦都係又乾又硬，一啲都唔鬆化，意粉嘅麵質就不過不失！喺咁多樣嘢食入面唯一一樣係我們覺得最欣賞嘅係日本農場炒滑蛋，因炒得非常嫩滑，而且蛋味亦好香濃，牛奶厚多士亦烘得好酥脆鬆化！

今日只想食茶餐廳,碟頭飯最好有埋湯飲,最好唔系例湯喇!諗諗下好耐無去美心香港地，有點掛住煎蛋豉椒免治牛肉飯(炒底)，乾炒牛河！7點前來到唔洗等位，又有電視睇！新推出既滋心孖寶～砂鍋炆飯加原盅燉湯各$78無加一。滋潤杏汁燉豬肺好大碗足料，可惜用的杏仁粉太重味，是沖調飲品的杏霜味重，不是正宗的杏汁湯～當然用這個配方是經濟又快捷，飲左幾啖就接受左個味，D湯渣無食太大碗，同時砂鍋飯到了！香菇章魚火鴨炆飯份量唔少呀，飯比較油潤，不段地撈，砂鍋的熱力繼續幫助令炆飯乾身一點，飯慢慢就粘在鍋的周邊，有點飯焦的效果！已調味的炆飯味道唔太濃又唔咸，火鴨味重，仲有冬菇片同菜粒，章魚很少！