影片
以上資料只供參考, 請與餐廳確認詳情
相關文章
颱風過后，出去走走逛逛，當然要運動💪運動，個多小時，汗水 💦梳洗一下，😀黃昏時分，搵個位坐坐 休息，美心MX下午茶 okay ，款式多，車仔麵霸、多士 、三文治、鮮牛肉滑蛋…. 等等嘩！芒果盛會，必須試試P1. 香芒楊枝甘露 ，扒芝士火腿三文治 $34甜甜芒果肉、滑嘟嘟西米、柚子肉，冰凍香滑，不太甜，非常不錯😋三文治烘了賣相 nice, 夾火腿，溶化芝士一口咬住，吃得滋味，仲有香脆薯片🤗正吃飽飽，回家啦，下次再嚟，bye
繼續閱讀
其實好耐冇食美心既晚餐喇，不過見有手機支付程式既promotion所以就諗起佢。兩個人，點左一份西冷牛扒餐，另外一個焗飯西冷牛扒，點左黑椒汁，另有一堆配菜包括薯仔甘荀翠玉瓜牛扒算係咁，唔會落左好多粉變到好人工個種淋法，又唔會韌，除左筋位都冇問題，味道冇咩特別。配菜就翠玉瓜叫好食啲。個餐除左可樂其實仲有個酥皮湯，不過肚餓得濟，食左之後先影相。個酥皮可以，個湯就稀左啲唔creamy，好一般。另外叫既焗飯overall算係幾好既，算有驚喜 (有諗寫食評都係因為佢)賣相幾好，汁唔會過多，飯有炒過，但未算好出色，菜料正常芝士唔係一大塊，有溶既，但再香啲就好喇因為用左優惠價，覺得好抵食呢。好評係畀性價比既！
繼續閱讀
正所謂好又一餐唔好又一餐，有時忙起上嚟，連飯都唔得閒食。之不過，飯始終係要食嘅，最多咪食簡單啲，食快啲囉。去到MX，唔想學人哋咁重口味食火鍋，就揀咗個簡簡單單的 “叉燒撈伊麵套餐”，貪佢有麵有叉燒之餘，又有個上湯浸時蔬和一杯嘢飲，仲可以用pay wave信用卡過數儲積分添。原來，都有咁多人好似我咁，咁夜先食飯，香港人真係要咁忙? 莫非，忙才是香港人的核心價值嗎? 其實個餐都唔差呀!個伊麵都幾大碟，跟一碗上湯，任你自己撈，想食淋啲又得，唔淋又得。叉燒方面，竟然有7大件，係就係瘦咗啲，不過唔韌，仲幾好味添。 個上湯浸時蔬都幾健康，不單只有油麥菜和黑木耳，仲有好多粒杞子。聽講黑木耳可以通血管、降血壓，而杞子就可以補眼，啱晒我哋呢啲望手機、電腦Mon多過望人嘅人。嘆埋杯奶茶就啱啱好。 快快趣趣食完走閃，返去搞埋啲手尾。
繼續閱讀
今日簡簡單單,去到快餐店食晚餐,見到這個蒸雞套餐唔錯,就叫這個吧有中湯,,中國茶,豆卜蒸雞和大大碗白飯。都是49元中湯好多料,又大碗。有雞腳。唔味精,好似住家湯,蒸雞就好似多啲骨,少肉,。有啲豆卜浸咗啲雞汁好夠味。飯很大碗,足以夠一個男人食最後配埋杯中國茶,消埋滯,啱啱好
繼續閱讀
好耐冇食美心，叫了個䜴油王炒麵，真是不似預期，失望外表炒得黑黑的，有點芽菜點綴，因為太黑，想撈一撈先吃嘩，撈一撈 中間完全冇炒過、冇䜴油冇上色成個面，又腍又冇口感，黑色的面比較咸，冇上色部份就淡淡冇味，又炒到好多油，劣評
繼續閱讀