0
2
1
| 餐廳: | 美心MX (綠楊坊) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
07:00 - 21:00
星期一至日
07:00 - 21:00
公眾假期
07:00 - 21:00
以上資料只供參考, 請與餐廳確認詳情
早兩日先感冒先好返嘅我，呢兩日隻腳又鬼死咁痛🤪 千里迢迢走嚟荃灣見我嘅御用醫師針灸，拮咗十幾針，似乎好咗啲❤️ 為免搞着阿媽，順路行去 #綠楊新邨 搵食，打算食飽先返屋企😙 由大堂扶手電梯直接上到2樓，面前一排都係 #美心集團 嘅餐廳，點指兵兵，最後揀咗 #美心MX晚膳。本來以$48（17:30-18:30時段）購買一個雜扒餐，仲有湯同啫喱送，呢個優惠價真係好吸引。而且食物以呢個價錢嚟講，質素係唔錯嘅。不過個酥皮湯就似乎得個外表，層酥皮係做得唔錯嘅😅但係啖「湯」就只可以形容為龍蝦味嘅水，誠意欠奉！不過最令人不安嘅係佢哋嘅餐具，未用過嘅餐刀居然黐立立，刀面滿佈污跡，實在嚇人！搞到本來好有食慾嘅我，都可以慳返lu 😅😅
繼續閱讀
同老公諗住是旦見有位就入去食、點知就入左劣食無底深淵，我好耐無食，細細個食覺得好好食，但依家間間快餐店都越做越難食，難怪港人頻頻北上搵美食。叫左兩份餐，飯乾到似隔夜幾日（我平時有有飯、我知道飯隔左三日後已經乾到無水份其實都吾係好食得），老公叫左滑蛋牛變炒蛋牛配隔夜飯，牛肉開始變色（不健康過期牛既色水）食開新鮮牛一定知牛煮完都會泛紅、美心佢係白白地綠綠地甘。搞吾掂。全場無年輕人食已經死得，得番班$2長者食，其實個餐都貴。$5x-$60我叫左炸雞扒菜飯、雞扒肥膏多炸皮厚，雞無醃過無味。我諗我未拎到$2前都吾會再食依間快餐多謝你曾經俾過愉快既童年我RIP
繼續閱讀
我今早去到綠楊坊的美心快餐食早餐，裝修後的面積寬闊左，座位也多左。我點了A2的龍蝦濃湯腸片螺絲粉配多士烚蛋及咖啡$35，龍蝦濃湯美味，份量適中，多士搽練奶好食，我的至愛！
繼續閱讀
落街買餸，不過太肚餓，見暈暈地，於是就入咗間快餐店，揀咗最平嘅下午茶餐！對於價格只需要30元既餐並無過高既期望。首先，奶油豬有完整一個份量，都有足夠嘅煉奶同花生醬。除左奶油豬，仲有一個雪菜米，雪菜米的份量正正常常，不過雪菜份量好少。而呢個餐仲包咗一杯熱飲，我揀咗熱朱古力。整體嚟講$30.1個下午茶算係咁上下，唔好太有期望！然而，每間餐廳嘅食物和服務都因人而異，這篇食評僅代表我們的個人觀點。其他人可能有不同的用餐體驗和意見，建議您根據自己嘅喜好和需求做出選擇。
繼續閱讀