美樂小食

營業中

休息中

喺金鐘返工食飯都唔平！難得聽朋友介紹嚟到呢度，雙餸飯只係四十六蚊，加6蚊仲可以飲埋個湯，咁抵食當然要試下佢！😆雙餸飯 ($46) 2️⃣🍚✨炒油麥菜 - 油麥菜都嫩身，食落都爽嘅，炒得剛好；間唔中仲會食到小小豆豉鯪魚嘅肉碎，相信佢加咗小小去一齊炒，食落都幾香嘅~🥬🥰✨欖角蒸排骨 - 排骨都有啲肉食下，唔會好似有啲餐廳咁全部得舊骨，味道酸中有鹹，撈飯一流！肉質都算軟腍，但又唔會似用鬆肉粉乸到唔知食緊咩肉咁，幾好~🐷👍🏻.呢度食物味道都唔錯，係份量有啲小，食完過一陣就開始肚餓…可能下次要多飯先夠食！😎

餐牌食物十年如一， 毫無改變。 食物質素一日差過一日， 難食到嘔。 其實我唔用心去做服務性行業， 倒不如唔好阻住個舖位，留畀有心機做食肆的人開店， 咪阻住 金鐘上班的人午餐用膳。

上次食完森川 真次決定食美樂都幾多款揀 有選擇困難症的我都企喺諗左一陣食乜好 由於要揀有菜有肉 所以今日揀左節瓜粉絲同叉燒 再加錢要個冬瓜湯 好多冬瓜 幾清相信真係無味精夏天飲好啱呀 又唔洗飲啲有糖嘅嘢住家feel 又平 四十幾蚊 再加幾蚊有個湯真心呢個價係金鐘難求 好過大家樂啦每日都有好多唔同款 有菜 有肉 任君選擇 有時好怕啲餐廳得肉無菜揀所以好好呀 我揀的粉絲節瓜一啲都唔油唔係等左好耐 會再買呀 食完都唔頸渴叉燒好味我清曬啲飯哈哈哈

💛💛💛美樂小食💛💛💛黃到黃之鋒係社交平台到出過post介紹只做外賣，最好自備餐具啦🥺。兩餸飯 $46我揀左煙鴨胸+鹹蛋+粉絲紹菜有成四五塊煙鴨胸，每塊都好完整好大塊，食落去少少咸好鬼香，用黎撈飯一流💗。完整半隻鹹蛋，無蒸過龍，所以食落去個鹹蛋黃好綿，直情有啲油流出黎😍。紹菜粉絲好食，雖然係兩餸飯，但個小菜都係好新鮮嘅。粉絲仲有啲咬口，絕對唔會話浸咗好耐之後淋晒😌。兩個餸都唔錯啵，好食又抵食！多口問咗句有冇啲飯盒可以擺到聽日嘅，老闆娘推介臘味飯，仲專登俾咗個可以擺落微波爐叮嘅兜我，我隔日叮左嚟食😽。糯米飯裏面有花生同栗子，食落又唔錯。如果大家都想食嘅話，下次可以問問老闆娘，價錢幾多就真係唔記得，我聽到臘味飯就狗衝左🥰。

金鐘呢頭食黎食去都係得大型連鎖快餐🥱前排搵同事介紹下仲有咩小店外賣推薦🥡真係冇介紹錯 呢間小店嘅2餸飯又好食又健康🤗-#梅菜蒸肉餅拼煙鴨胸+咸蛋 $46餐廳標榜健康 食得出真係少油少醬汁肉餅嘅梅菜冇砂 唔怕整親個口鴨胸仲要大大件 加埋隻鹹蛋好抵食😋-#雲耳紅棗蒸雞拼紅燒豬肉 (滷蛋 +$6) $46雲耳蒸雞嫩滑 而且雞件斬得細件得黎又冇碎骨紅燒豬肉煮得好入味 邪惡嘅肥豬肉更加係我嘅至愛 加多少少錢就有隻好靚嘅滷蛋🥚-#蓮藕排骨湯 +$6呢個湯真係超推薦 加$6就有仲要好高質平日打工仔夜放工冇湯水飲就可以係呢度食午餐嘅時候順便買埋真係有媽媽嘅味道 絕對唔係味精湯而且勁足料 撈極都有湯渣唔止有拉到絲嘅蓮藕 仲有好多章魚粒添🐙真係又抵又好食！🤩-📍美樂小食金鐘夏慤道18號海富中心103-104號舖

美樂小食是金鐘打工仔的必備飯堂之一位於海富中心，價錢實惠，而且出名是沒有味精，住家飯的味道很滋潤。每一日都會有不同的午餐，可以自己選擇不同的餸。今日是星期四，咸蛋蒸肉餅一早已經賣光，還有：咖喱雞翼、煙鴨胸+咸蛋、叉燒、魚腐煮蘿蔔、粉絲紹菜、潤腸或臘腸、羅漢齋。.我最喜歡吃的煙鴨胸+咸蛋，煙鴨胸厚切啖啖肉，煙熏味也很香。親愛的都市人，你們有多久沒有吃鹹蛋？偶爾回味一下，還是十分滋味的。配上咖喱汁吃，更是正。.叉燒也是很受歡迎的，煮得入味而且濕潤。羅漢齋就夠晒健康，材料多元化。.平視我會飲滋潤靚湯，不過賣光了，於是就買紅豆沙代替。紅豆沙甜度適中，而且夠沙，熱辣辣很補呢。.招牌上湯泡飯更是好味到意外，非常香芫茜味！不要看它平平無奇，入面有很多材料包括吊片、蝦乾、肉碎、雞肉，有一種既清又窩心的味道，帶點鹹香鹹香，味道層次豐富。.這間小吃店已經生存了10幾年，每次到午餐的時候都會大排長龍。無他，想在中午的時候食一頓滋潤的住家飯。

最近轉左去金鐘返工，呢邊lunch嘅選擇已經唔算多，想搵到抵食嘅就難上加難。今日同同事行到去海富嘅2樓，發掘到原來有個專門賣外賣飯嘅角落，大約有四至五間店舖，而我哋隨機咁揀左呢間美樂小食嚟試。店舖的門面十分簡潔，感覺比較偏向住家餸嘅感覺，門口貼住每日嘅菜單。食物嘅選擇就係自選兩餸飯($46)，每日大概有8款選擇。今次分別揀左叉燒配雜菜同埋韓式泡菜豬肉配雜菜，同事另外仲加左個糖水。飯嘅賣相都算唔錯，叉燒望落去似太瘦但食落又幾夠淋，而泡菜豬肉味道亦相當惹味，但味道就唔太似韓國味嘅泡菜豬肉。湯同糖水方面味道做得唔錯，唔會太味精湯；糖水嘅甜度都岩岩好，食落帶點滋潤，但唯一美中不足係唔夠熱。整體來講，以咁嘅價喺呢區都已經算性價比高，食到簡簡單單嘅兩餸飯又有湯水飲。

金鐘呢個美食沙漠要搵餐飯食真係唔容易，難得係海富中心搵到好食既外賣，當然要推介下。餐廳淨係做外賣，每日既餐牌同例湯都唔一樣，上社交平台 睇番每日精選，再打定電話落單，晏晝食飯就唔洗大排長龍😂兩餸飯：韓式泡菜豬肉+炒雜菜份量十足，細食既人記得嗌少飯。豬肉片配泡菜夠哂惹味得泥又唔辣，送飯一流。米飯軟硬度適中，充滿米香。炒雜菜分別有椰菜、椰菜花，翠肉瓜等，肉類同蔬菜份量一樣，營養夠哂均衡。節瓜瘦肉湯湯渣有好多節瓜，好足料，飲落清甜得泥幾滋潤，最重要既係唔落味精，飲完絕對唔會口乾。腐竹薏米蛋花糖水加$12會有埋糖水飲。入口好滑，留番下午茶食真係一流😋

今日我無帶飯，於是同同事去左買外賣飯盒。買外賣最緊要快，呢間絕對做到。去到時已經有好多人排隊，餐廳星期一至五都有唔同款既菜式。自選兩餸飯盒$46，金鐘黎講叫平。一個飯盒要韓式泡菜豬肉同炒雜菜，另一個要叉燒同馬蹄土魷肉餅，要左一碗湯同糖水。韓式泡菜豬肉都幾辣下，豬肉係偏肥個種。炒雜菜有椰菜同翠肉瓜，補充纖維。叉燒唔肥，個叉燒汁幾正。馬蹄土魷肉餅幾好食，爽口又唔油膩，節瓜瘦肉湯飲得出無味精，仲有好多節瓜添。最後有腐竹薏米蛋花糖水潤一潤，唔會好甜架。

附近返工，第一次來呢間買午飯。選中係因為它寫沒有味精。今日星期二，叫左麻婆豆腐+粉絲節瓜，我覺得味道勁好，勁有味。 覺得自己好似發現寶藏咁，我以後會成日來買嫁啦。

今日好忙，雖然係Happy Friday，都係買外賣算數。同事介紹呢間位於海富中心既美樂小食。呢度做自選2餸飯盒，賣$46，今日星期五有8款餸揀，有菜有肉，選擇都唔少。加$6跟湯。我同我同事一人叫左一個飯盒，我叫左蝦醬魷魚肉片蒸豆腐同叉燒，同事叫左叉燒同咸蛋蒸肉餅。餐廳非常快手，唔洗1分鐘就走得！蝦醬魷魚肉片蒸豆腐同叉燒 $46呢個飯盒係我既。叉燒份量都好多，係瘦叉唔肥，叉燒汁用黎送飯超正！蝦醬魷魚肉片蒸豆腐既蝦醬唔重，幾清淡。豆腐同肉片份量好多，肉片其實係豬腩肉，都幾肥，但係塊皮超有彈性！白飯既份量適當，唔會太多或太少。叉燒同咸蛋蒸肉餅 $46呢個飯盒係同事既。同事既叉燒居然有菜墊底！咸蛋蒸肉餅我試左少少，唔過咸或油，都幾健康。蕃茄薯仔湯 +$6加錢要個蕃茄薯仔湯。個湯絕對唔係清湯，有好多薯仔，蕃茄，榨菜等等，飲落唔會過咸但夠味。薑汁蕃薯糖水餐廳阿姐居然送左個糖水俾我，可能見今日係元宵節！糖水係薑汁蕃薯糖水，有6大舊好淋既蕃薯，而薑汁適中，糖水入面仲見到薑片添，正！食飽飽繼續努力工作！

聽身邊啲朋友講，位於金鐘海富中心嘅呢間美樂小食賣嘅午餐出名少油冇味精。咁岩呢排想食健康啲，所以過去買黎試下。呢間舖頭做外賣兩送飯為主，每日有唔同嘅餐單，可以去之前上佢哋社交平台 page查左先。我去到揀咗佢嘅鹹蛋蒸肉餅同埋西芹雞柳飯。本身諗住呢啲健康午餐應該都唔會話特別好味，點知食落竟然有小小意外。啲肉餅雖然少油，但金鐘呢區黎講，佢既肉餅都算係好味。另外，佢有半盒都係西芹雞柳，仲有些少鹽焗腰果，份量充足，味道唔錯👍🏻

海富好多買飯嘅好地方，今次試美樂小食，位置係海富三樓，店舖只有外賣，食物有住家飯感覺，每份$48，湯就+$6。每日有唔同嘅菜色。今日星期五，今日就揀左潤腸、臘腸，粉絲紹菜，另一份煙鴨胸+鹹蛋。平時少食呢啲食物，今日一於試下。呢度嘅姐姐個個親切，落單後好快就有。飯份量都正常，女仔黎講都幾飽，但餸菜略嫌較少。食物感覺無味精，同時又夠味，的確好有住家飯感覺，呢餐有菜有肉，好健康。 下次有機會再試其他菜式。

每次work in office都喺中環金鐘地帶探索外賣🥡 平時向中上環方向比較多，今日同事話不如去下金鐘，話之前同其他同事食過美樂小食幾抵食～ 美樂小食喺海富2樓，平時自己相對少去，好彩有同事帶路😂 係專賣外賣嘅小店，去到就有以下餸菜款式可以選擇～買咗野食就拎號碼牌等，等一陣就有，啱晒無咩時間嘅打工仔！同同事真係各有喜好，我就食肉獸，所以揀咗咸蛋蒸肉餅同叉燒！ 同事就要左煙鴨胸+咸蛋加潤腸～ 鑑於太肉，我地就每人都加咗個節瓜瘦肉湯，諗住有返啲湯水得嚟可以食返少少瓜，平衡一下😂🥢 咸蛋蒸肉餅&叉燒好豐富☺️ 叉燒份量幾多，我分咗啲比同事食！肉餅係比較淋身嘅，好容易就可以同飯一齊夾嚟食☺️ 味道食起上嚟我覺得都唔會太鹹🙆🏻‍♀️🥢 煙鴨胸+咸蛋&潤腸可以揀潤腸或者腊腸，同事就揀咗潤腸～ 隻咸蛋影相都覺得靚～ 同事表示滿足😊 鴨胸佢比咗舊我食，煮得都啱啱好，雖然略嫌層皮肥咗啲，不過味道係okay嘅～🥢 節瓜瘦肉湯加$6，都算大碗，入面都多瓜架，煮得夠淋🙆🏻‍♀️ 落咗皮蛋都無話太鹹，所以鹹味應該直接係鹹蛋度嚟，無咩另外落鹽～$52有兩餸飯有湯，真係外賣唔錯嘅選擇，附近返工朋友可以一試💁🏻‍♀️

過年假期結束上班的第一天，聽有同事叫易起去公司附近的海富中心“美樂小食”吃飯，想也沒想就跟著去了。金鐘的餐廳一到中午總是排著長龍，上班族們為了節省時間經常也是外賣拿回公司吃。这家主打健康无味精！我們今天要了一份鹹蛋蒸肉餅+紅燒豬肉和一份雲耳紅棗蒸雞+蠔油冬菇面根，份量十足！鹹蛋肉餅蒸的火頭極佳，嫩香鮮美；一塊塊五花豬肉醬色油亮，肥而不膩，入口彈牙，回味無窮！雲耳蒸雞肉質鮮嫩，香滑軟糯，與紅棗搭配更是色澤分明，營養勝出；香菇面根用蠔油一燒，甜中帶鮮，汁多入味！沒想到公司附近還有這麽方便又好吃的地方，而且每天都有不同的食譜，看樣子以後會經常光顧它了！