美滿會鵲局小菜 (已結業)

又打牌。今次特登早d嚟順便食埋嘢。我決定左喺呢度食dinner，又有房，又好味，之後可以打牌，食生果，好過喺旺角下面逼。結果我嘅決定係冇錯嘅。叫左店員推介嘅時令羊腩煲同埋啫啫芥蘭煲。今日有返d涼意，食呢兩味又香口，又熱辣辣，最好不過。個羊腩煲腐乳味超香，裡面仲有枝竹冬菇，好足料。生菜側邊上，可以烚下味道清新返d，唔會好滯。個啫啫芥蘭煲先香，呢d本地港式地道煲仔小菜真係一流。結果不斷係度畢羊腩煲d汁送飯，碟腐乳都比我yaam得七七八八。啫啫芥蘭又係餸飯野 。結果飯氣攻心，唔係開枱嘅話我訓左lu。

上個禮拜有人手痕，欲研究國粹，決定放工上雀會切磋切磋。有兩個朋友未到，叫住野食等食完先至開枱啦。兩個人叫左蒸肉餅，咕嚕雞球，芝士蟹肉西蘭花。兩碗白飯。正常啦。然後聖誕禮物早到了。Christmas came early~ 打牌姐，點會諗到d野食原來咁好食？！真係有驚喜。唔知係咪放工肚餓, d 小菜好好味。坦白講，都唔係咩特別野。全部都係家常小菜。但係勝在實而不華，咕嚕雞香口，有鑊氣，食唔停，我想今晚豁出去。I want something just like this.。蒸章魚肉餅豬肉口感剛柔並濟，油而不膩，送飯一流。芝士西蘭花正常，加蟹肉喺雀會算係咁。結果一個人食左兩碗飯，小菜夾埋都唔係太貴，舒舒服服獨立房食，夫復何求？店員服務態度都好好，我讚佢地d野食好食。佢話下次嚟有煲仔飯，羊腩煲！睇嚟減肥要等2019。