美盛匯 (已結業)

今日去換證件，但攞完籌之後要等2個鐘先有得攞😣行過天橋見到餐廳寫住$98 任食，望入去乾淨光猛，就入去一邊食一邊等😝 主食有超過十款食物🤩🤩有飯、包、牛腩、蒜香骨、鹽焗雞、豆角炒牛肉、炒菜、炆枝竹、蒸餃子、粗糧拼盤等等，仲有湯水同糖水、涼菜前菜！每款都好足料，味道都啱口味，唔會過份重口味。另外，仲有廚房部，可以即叫即煮湯粉麵、餃子、雲吞🍜鍾意食辣嘅我就叫左碗正宗酸辣粉，入口第一啖覺得濕濕碎，但原來後勁好犀利🤪🤪~好味自助餐咁食法，$100 唔洗都真係物超所值，仲要生果類都多種類，有蜜瓜、啤梨、布冧仔、龍眼。對比喺灣仔區食個常餐、碟頭食抵好多😚

會展天橋對面開咗間主打家常小菜餐廳，$98/位就可以任食十多款菜式，還有餐湯、甜品、飲品、白飯任食🤩 亦有即叫即做湯麵餃子等餐廳裝潢簡潔，中間放滿一盤盤小菜，有蓋蓋住，都幾衛生。 款式種類繁多，有冬瓜炆燒肉、魚香茄子🍆、荔芋炆排骨、蒸肉餅、醬油雞、蒸粟米南瓜、燒賣、炒麵等，好有地道色彩，熱騰騰上，食慾大增😍是日餐湯係我最喜愛嘅節瓜魚肉丸湯，糖水就有蕃薯糖水😋 另外一邊還有幾款涼菜及水果提供，飲品有汽水、豆漿、熱中國茶，亦有啤酒🍻旁邊還有個麵吧，即叫即煮餃子🥟、上海餛飩、酸辣粉、重慶小麵、清湯腩粉麵，我試咗酸辣粉，麻辣鮮香，油而不膩☺️ 而餛飩皮都幾薄，餡料飽滿 眼見店員時常refill 小菜或換上新菜式，同時亦會幫忙關好蓋。

灣仔依一間自助餐真係超級抵食，夜晚$98就有得任食兩個鐘，而且仲有得飲啤酒，真係勁抵食，不過如果你中午去嘅話剩係得任食一個鐘，所以個人更加建議夜晚先去，咁就可以食得更加滿足。佢每日嘅菜式都會有少少唔同，費事啲人會食厭，今日我去嘅時候菜式都好豐富又蕃茄炒，蛋咖喱牛，腩白切雞，炸雞翼，菜肉包，蛋花湯，燒腩肉等等，超級豐富飲品方面，除咗有啤酒仲有羅漢果，豆漿，同埋水。而且亦都會有提供水果。座位方面都相當寬敞，唔會話好迫，員工都好Nice。

灣仔近日開咗一間以中式茶式為主嘅超平民自助餐，位於灣仔地鐵站5分鐘步程，非常就腳！啱哂附近返工或街坊嚟品嚐，中午任飲任食一個鐘，而晚上都係一樣價錢，相當實惠！有齊唔同嘅中菜小炒、粉麵飯、中式湯水、生果糖水等等。現場約有24盤熱盤中式小粉，各分12款左右兩行排隊以自助形式享用，每日各有不同菜式提供，今日嚟到就有雞、鴨、紅腸、蒸粉絲、炒菜、客家三杯雞、枝竹炆火腩、蒸餃子、粗糧拼盤等等，鐘意食碳水化合物先飽肚嘅有白飯炒飯任裝；鐘意湯麵濕濕地又開胃，重有一個粉麵站提供小雲吞、牛腩粉同麻辣薯粉，另外冰櫃居然有啤酒任飲！唔飲酒嘅可以揀豆漿、汽水、羅漢果水同有埋新鮮水果夠哂健康🥰同朋友各點咗一碗牛腩河同麻辣薯粉，即叫即整，每次都可以同時做到4-6碗，而且丫姨煮得好快手，咁就唔駛驚人多排大隊！牛腩勁入味有埋白蘿蔔夠哂柔軟，而麻辣薯粉煙靭Q彈，辣而不嗆、麻而不搶，落齊花生、香蔥、香菜、黃豆等配料，麻辣足料超開胃！

一個lunch 自助餐竟然$100都唔洗呀😎仲要原來晚市仲抵食，可以同價仲要可以食耐啲食足2個鐘😳超平！雖然佢就話剩係食一個鐘，但係我哋食耐咗佢都無趕我哋走🙈我哋慢慢坐慢慢食都得！飲品水果都係all you can eat!不過好搞笑飲品得啤酒，所以對我黎講就好似無飲品一樣🤣水果有蘋果，橙，香蕉！飯後食啱哂！佢分開咗2邊，一邊係廚師即刻煮，有粉麵有水餃!麵偏硬，正呀!!我搵到個隱藏食法就係自己拎碗蕃茄湯再加麵一齊食😍😍好好食！！蕃茄湯高質‼️另外主食大約有成十樣左右啦！有意粉，水煮魚，鹽焗雞，牛肉球，茄子，燒賣，豉油雞髀，炒菜，粟米，小丸子🤭最好食係前菜，有蟹籽蟹柳沙律😍超好食！勁足料👍🏼👍🏼Overall 黎講都好抵食!!咁嘅價錢係港島區食到午餐all you can eat!!🤣

夜晚唔想煮就和家人去這間餐廳食飯。平時中午間中都會買兩餸飯，自助餐形式的兩餸飯都喺第一次食。我決定這次一探究竟，睇吓性價比同食物質素如何。餐廳環境頗多，晚市款式不多，由5:30開始供應。自助餐是先付款後取食物，每人盛惠$98無收加一。是日款式包括番茄炒蛋、翠玉瓜炒牛肉、白切雞、獅子球、炒蝦；蔬菜有蒜炒菜心、高麗菜、四季豆。餐廳都有提供前菜、熱湯、水果和中式甜品。飲品方面則可以選擇豆漿、羅漢果和酸梅汁。除了自助區的食物，另一邊的廚房有提供肉夾饃和麵食，包括重慶小麵、上海雲吞、酸辣粉和日式清湯腩粉麵。全部即叫即煮，都看到也是人排隊等候。總括而言，從價錢而言性價比算高。

My families and I went to a restaurant called "Mei Sheng Hui" （美盛匯）located in 2/F, China Underwriters Centre, 88 Gloucester Road, Wan Chai灣仔告士打道88號其昌中心2樓.There are wide variety cuisines,Noodle soup,dumplings,fruit and sweet soup that are all you can eatsnow flake beer（雪花啤酒） ,coke,soy milk are free flowpersonally like the stirfry beef with garlic shoot(蒜心炒牛肉） the beef is tender and soft.healthy and bright.The beef brisket(炆牛腩）is juicy,moist and chuckLoveeeeeee the Chongqing sour and spicy noodle

踏入門口睇到 ”珍惜糧食 從一粒米開始” 本人認同該店的理念但本人於12點左右踏入餐廰，理應是午市剛剛開始，所謂自助餐餸菜已所餘無幾。其實等了很久，員工並任何意圖添加。咁都算。諗住反正俾左錢有乜就食乜，頂佢個肺D 野全部搵油浸過咁，菜都係反光既油既，盤俾人清晒又無人理，老實講佢D 餸仲衰過樓下間三餸飯。我最後揀左幾個餸，同埋去麵檔揀左個手拉麵(寫就有好多種，去到只有一種選擇)，一食落口完全中伏，個麵咸到如果日日要食，食完都腎虧。諗住麵唔掂都算，食D 餸就得。結果唔食都唔知 “一熱遮三醜” 係真既，本身D 野先唔講好唔好食，D 野唔講以為係冷盤黎。講返D 餸，基本上盤盤都無乜，求其揀D放左入盤返到位坐又凍又無味。煮野食係要經驗同技巧，你請個人返黎當你請錯個未畢業既返黎，但整熱少少好難咩，唔通調溫度都要上培訓班咩?其實你門口貼住 ”珍惜糧食 從一粒米開始” ，其實你個廚煮野咁難食，其他人保溫都唔識做。明明D 野煮得好好地，人類食左就唔浪費，俾你地廚房咁去D 糟蹋D 好地地既食材，簡直係同 ”珍惜糧食” 背道而馳，貼海報的人是 “沒有食過” 還是 “人格分裂”。其實老闆有冇諗過 “珍惜糧食”

🍴$98位自助餐🔸其實呢幾個月行過灣仔天橋見到呢個好似新嘅food court都覺得幾新奇，今次真係上去食發現原來係中式自助餐，$98就有交易對想瘋狂食嘢嘅打工仔嚟講又算幾好🔸其實每晚有嘅食物都會唔同，但都係中菜／小炒為主，同埋有中湯，大家可以睇我啲圖做個參考。比較出色嘅我會揀排骨，大肉丸，紅酒牛尾同梅菜扣肉。另外佢主食有粽食，唔一定要食白飯，都唔錯🔸除咗自助區，仲有個區係有店員整上海粉麵，水餃等等，呢度我覺得水準OK🔸飲品方面就係汽水機，豆漿等等，同樣係任飲。啤酒都有一隻任飲

80% 嘅盤都係無嘢，20%  係生果涼菜。 得一個人煮湯麵類。條龍等越等越長。絶對唔會再嚟。餸方面有蕃茄炒蛋，雞翼，茄子，四季豆，小棠菜，菜心。比兩餸飯重差。等咗好耐先有一個梅菜蒸肥肉，係九成肥肉。綠豆沙得返個底係不唔到㗎。我同個主管講，問佢有無餸。佢就只係答我得得得。態度係ok嘅。加咗碟薯仔牛腩。臨走前先見到有咖喱魷魚，腩肉雲耳。之前見到其他網民讚到無得頂嘅post, 事實同內容有好大落差。$98 一個，我唔會有好高嘅期望，但未至於咁差。買三個兩餸飯好過。本身好想試吓佢嗰啲酸辣麵同埋雲吞，但係由於條龍太長完全唔想等。絕對冇下次！

位於灣仔的港式食堂，自助餐形式供應各款中式食物。餐廳面積很大，燈光光猛，座位很多，地方寬敞，方便客人出出入入。午市及晩市收費同價，沒有加一服務費，性價比甚高。午飯時份較多人，大部份都是附近的上班族。晚飯時間相對少人。餐廳中間位置擺放了一排食物盤，每天供應大概數十款中式菜式，款式多樣，有蔬菜、肉類、小炒、炸物、飯麵、湯水、蒸糕等；廚房補充食物也蠻有效率，不時留意外面的食物情況，加添剛烹調好的食物。另一邊還有即點即製作的麻辣燙、上海餛飩、餃子、酸辣粉、重慶小麵、清湯腩粉麵。飲品有羅漢果水、啤酒及汽水；甜品有中式的糖水、水果，全部都是任飲任食。餐盤分好格數，放置不同種類、醬汁的食物，不會混合起來。四川麻辣菜出色，涼拌香辣又醃得入味；酸辣粉味道出色，薯粉十分煙靭，吸收了湯底的麻酸辣，十分惹味。

我昨晚星期六，18:45分入埸， 其實有小小擔心weekend加晚飯會唔會無平日啲blogger講咁多嘢食，不過這價錢又不會有太大寄望，只求味道正常有足夠refill就算。最後都係我所預期，第一轉啲餸只剩一半到三分一。第二轉只剩下啲汁，生果又無，有人投訴影相先向旁邊熱櫃取二、三盤餸出黎。其實嗰埸都唔細，都坐滿大概有一半或者三分一，但都無意思keep住refill，已係做任食嘅大忌。要排麵檔起碼要排十幾二十分鐘，可能無餸比人食，所以條隊好長，見啲人都兩三碗甘叫。不過萬幸味道都正常，話食兩小時...有嘢食就一啲都唔耐，不過無嘢食一小時都多左。這個價錢如果買二餸三餸飯返屋企一定食到嘔。如果要試平日午飯應該隱陣啲。

最近我的朋友說又差唔多到糧尾所以要慳一下，但愛食嘢的他便介紹了在灣仔附近，有一間中式餐廳推出中式自助餐，自助餐供應大概十多至二十多款中式熱門菜式，更有即叫即製粉麵檔，而且$98 可以兩個鐘任食， 性價比都還可，他形容為「打工仔福音」！食物款式中式料理豐富又夠飽肚，其中我愛吃蒸水蛋， 苦瓜排骨，又有中式湯 同木瓜雪耳糖水呀！有時想食得夠豐富又夠平價， 呢間確實不錯👍美盛匯地址：灣仔告士打道88號其昌中心2樓

$98任食自助餐仲要係灣仔區，真係抵食都不得了🚩平時係呢頭返工朋友有福了😍$100有找👍🏻中午同晚上同一價錢🔹🔸入到要買櫃枱前購票，然後可以自由揀位坐，環境非常企理乾淨衛生，員工好有善。中式自助餐好岩我食💗有不同特色小炒，各款粉麵飯都齊。我最喜歡食辣野，所以選擇左麻辣麻糬粉，再加上特色配菜，好惹味呀。再加上海水餃🥟正呀👍🏻仲有糖水，中式湯水，生果真係夠晒健康。飲品方面除左啤酒汽水🥤仲有羅漢果水同豆漿。好特別！

今次用平民價錢$98就可以食過十款食物，隨個人口味選擇自己想食的，素菜、肉類應有盡有，而且亦有飲品提供，中午、晚市自助同價$98！菜類都已經有多款選擇：菜心、高麗菜、四季豆、茄子等，喜愛食菜人士都好多選擇！肉類方面，豬扒、咕嚕肉、炒牛肉、豬手等唔同種類味道都一應俱全。除左以上自助，廚房仲提供麻辣燙、上海雲吞、正宗酸辣粉、日式清湯腩粉麵等既選擇，即叫即烹調都係唔錯既選擇！飲品方面提供汽水機、中國熱茶、羅漢果涼茶等，所有食品、飲品都相當齊全！美盛匯灣仔告士打道88號其昌中心2樓