美聲9+2 (已結業)

諗左好耐到底寫唔寫食評好，因為老實一句真係好難食，係不予置評既感覺。最後決定寫。因為係新年時期，去到天恆發現好多間食店都無開，而呢間既服務員都好熱情咁叫我地去試下，因為新開張。眼見都好大間舖，而且畢竟新開張，我諗應該都唔太差掛？睇d餐牌，得碟頭飯之類比較便宜一點點見有海南雞就試下佢啦！只係52蚊。哇！一送到過來到，試左一口，真係頂5順！一滴汁都無？最後叫服務員比豉油先食得落。弟弟話，真的不好食。母親大人話，一般般。過得去。總括而言，除左服務員比較熱情之外，野食真係唔掂當。新開張泥講，真係不得了！

每次太忙/病 都想嗌茶餐廳外賣 唔洗自己落去 但次次打去都話冇人送外賣 一間茶餐廳連外賣都冇得送？仲做咩生意？ 今日諗住打去嗌 我自己落去拎啦 下午3點打去 竟然話冇下午茶？餐牌寫住2:30-6:00係下午茶時間 我問點解冇 佢話師傅要落場 而我唔明落場係咩意思？ 佢話冇師父煮野 要到夜晚先有 態度又唔好 個啊姐好似好趕住收線咁 一間餐廳有成三個鐘唔開門？師父唔煮野？真係第一次聽.....次次打去都嗌唔到野食 以後都唔會再嗌....

環境不錯品服務超棒因為住天水圍，所以坐鐺鐺車環線尋找吃的，發現這家室內大排檔。他家的份量好大，鹵水超讚，然後正好今日有蟹，就點了炒蟹，有很多生薑，不喜的人可以換別的做法，但是很好吃，因為蟹新鮮，肉質緊實鮮甜。另外兩個菜不推薦。還有個海鮮泡飯很好吃，而且只要45，由於太好吃了已被掃空，沒留照片推薦餐廳，營業到1點凌晨。

唔知係人手不足定佢地唔識，我見好多枱客都吹單，我等嘅早餐比起其他人算快，不過都要乘15分鐘😓腸仔、太陽蛋和方包都Ok，不過碗五香肉丁米就唔多掂，湯底淡到似水，只靠五香肉丁先有D味，奶茶都0k。

美聲改名叫臭聲啦！服務態度超差！烤魚又難食，湯底淡過尿！仲要比鯇魚份量係按人數比！2個人竟然比4分1條！4個人就比半條！有無咁過分！我比足錢架！你竟然同我按人數比份量！有無咁唔公平呀！同佢地投訴仲話無可能比咁少！多數比半條！我即刻比相佢睇！有相為證呀！之後仲話我地d配料都好貴！前後矛盾！投訴都唔理，仲要比佢鬧返轉頭！比咁少當我黑衣呀！以後請我都唔黎！曬咁多錢食咁既垃圾！仲要食到成肚都系火！第一次食飯食到咁火！遲早執啦呢間垃圾！

第一次入去食係食豬軟骨飯,上次睇餐牌見到菠蘿炒飯,再想試下,都唔錯,但菠蘿就比較少,味道都未夠入味,唔係太鹹，可以再更好,豬軟骨飯都唔錯,各人口味唔同,唔係比大家想像中差,服務態度唔錯 環境唔錯!

最基本既小菜都整得好差, 係屋企附近諗住新開試試佢, 簡直係離晒大譜, 冇下次烤魚唔夠味, 未食過咁難食既生炒骨, 椒鹽系列係垃圾中既垃圾, 份量又少, 質素又差, 比上手金城差太遠

今朝同個女食早餐。。大金華爆晒棚。。就行多兩步去呢間開左無耐嘅美聲9＋2諗住試食心態試下啦。。一入到去都係爆場搭到兩個位。。小朋友又肚餓。。就盡快嗌野食啦。。嗌完先feel到唔對路。。個個響度追單。。樓面哥仔拎住杯熱檸水左行右轉四圍問邊枱。。同枱呀姨話等左半個鐘先有得食。。我同個女等左三個字有杯可力飲下。。再等多半個鐘先有野食。。野食黎到佢話無叉用得筷子。。我話小朋友唔識揸筷子講左幾次先洗兩隻叉比我。。雞扒成塊上都唔緊要。。比把刀我用下都得掛。。又無。。我要用筷子撕開細舊啲比個女。。幾經波折食完個早餐。。經過大金華人地已經食緊晏😶好彩今日星期日唔趕時間。。唔係真係情願cut單走。。

衞生好差 下午非繁忙時段來好多枱冇抹 枱面都係油渣枱面上放住杯水浸緊餐具 個啊姐一來到就成杯整瀉落我啊媽到 仲話我地冇放好個杯令佢倒瀉 過咗陣都未有人處理水漬換過餐具過來 對筷子上面仲有條葱同唔知咩皮痴住 未見過咁惡劣既茶餐廳叫咗鍋酸菜魚 放咗十分鐘都未有動靜 原來係冇gas 肉又少又薄 一夾即散哩間今世唔會

新年放假，就同屋企人去左美聲9+2食，因為就係樓下幾方便。一去到個店員直接叫你自己搵位，態度唔太好，入到去果張檯超級污糟，成張檯都係一撻撻油漬，店員要三催四請先唔情唔願咁幫你抹下張檯，野食又少又貴。我叫左香茅雞扒飯賣相唔掂，個碟既邊有條唔知乜野係到。之後剩係比左匙羹我，我問佢拎叉同刀，佢剩係比左個刀我就算，店員一直黑口黑面，食落啖啖都係油，雞扒得少少，比錢果時收銀係到禁手機。仲要一個餐五十幾，餐款都唔太岩口味，寧願食大x樂，一粥x果堆鋪頭仲好食同平。