群眾小廚 (已結業)

好食嘅小炒真係越來越少，一係就可以幾碟餸炒到同一個味，一係又唔夠鑊氣，加上身體咁多靚女朋友，邊有人鍾意食小炒，今次係有個朋友仔住呢頭，即興食個飯，先有機會試下佢個飯堂咋！好得意喎！雖然佢門口係一間好老派嘅鋪頭，諗住佢入面都會有嘀那渣，A？地方係舊，但好乾淨，每張枱重鋪咗枱布，好有時光倒流，返返去以前嘀舊餐廳嘅感覺。小炒邊少得椒鹽九肚魚呀！炸漿好薄，魚肉大大條好滑，又鎖住晒啲肉汁，唔乾！送啤酒一流呀！金黃蝦又點少得呀！蝦肉又大又彈牙，蝦殼炸得脆卜卜！加上咸蛋黃鹹香惹味！膽固醇？咩嚟㗎？呢個炸豬腳仔，我朋友至愛，夠哂麻甩！哈哈！全部都係送啤酒嘅餸！價錢大眾～鑊氣一流！正啦！如果唔係咁遠！我都成日黎呀！

區議會選舉後，市區開始平靜下來。適逢週末，先用年票去海洋公園，之後順道去灣仔食晚飯。上次經過「群眾小廚」已經想幫襯，今日終於執行目標。位於灣仔口的一條橫街，除了上班日子的午飯時段，晚上都以街坊生意為主。所以，裝修只是典型街坊小菜館，唔需要富麗堂皇；最緊要出品質素好味道及抵食。餐牌菜式選擇算多，以大眾化口味菜式為主，適合附近街坊的家常晚飯。椒鹽鮮魷（$118）外層的雞蛋漿及乾粉均勻地鋪滿每塊鮮魷表面，炸得顔色金黃、夠乾身；只是乾粉份量稍嫌太多，雖然香口，但咬落去就有點硬身了，味道亦偏鹹。魷魚唔夠肉厚，所以未夠爽口彈牙，但有鮮味。整體來說，算是一碟好食的椒鹽鮮魷，但有改進空間。蔥油炸子雞(半隻)（$178）雞皮香脆，雞肉入味、質感嫰滑，不過，味道同樣偏鹹。雞味一般，但自家調製的香蔥豉油就非常好味，彌補不足之處。兩味菜式味道皆偏濃偏鹹，典型街坊小菜館質素，估計其他小菜也是相同情況。講烹調技巧及菜式質素，當然未至於出類拔萃；但濃郁惹味，迎合大部份香港人對普通晚飯的要求。只是以小店的裝修、服務態度及出品質素來說，價錢似乎貴了一點，莫非地區因素？

今日食午飯，由於同好多同事一齊食，所以就決定行到黎呢一間群眾小廚，有大枱可以坐多啲人。我叫咗肉絲炒麵，我之前就食過星洲炒米，覺得好有鑊氣，炒到又唔會好濕，炒得乾身又好味，就諗住今次肉絲炒麵嘅都唔差。先講個麵底，雖然肉絲炒麵嘅麵應該係脆，但係呢個麵底就真係麻麻地，淋之餘亦都唔會話係好熱講到上面嘅肉絲，呢一個汁過分多油，再加埋啲麵就真係油林林，味道方面，咸味又唔係好夠，所以整體來講，入口就好似食咗好多油咁。而我叫多咗一杯熱奶茶，熱奶茶基本上係冇乜茶味好淡口唯有下次試吓其他炒粉麵睇吓會唔會好食啲啦！

今天看完超級月亮後來到覓食星期二的晚上幸好不用等位打開了菜牌 食物選擇小得很坐下來也懶得走了點了咕嚕肉及琵琶豆腐咕嚕肉:炸得過了火好像是在吃烤肉乾一樣琵琶豆腐:粉多得過份。完全吃不到豆腐,魚肉亦到吃唔出有,吃到的只是炸粉及空氣。整頓飯十分失望十年前幫襯過一次十年後完全走曬樣價錢貴了 但食物質素大不如前下次 應該不會再來。

枝竹班腩飯，冇味！睇下幅相，一粒蒜頭一條蔥一塊薑都冇。最討厭啲食肆以為自己個名響咗唔憂做！之前叫蘿蔔牛腩飯因為本人唔多喜歡食筋，同佢講可唔可以走筋；如果你答我「盡量啦」都可以接受。佢一句話「唔得喎，原本都冇乜筋啦」。買到返去一半腩，一半筋。no next time。之前都係好耐先幫襯一次希望會有改善。但係每次俾多次希望自己俾多次機會佢換來嘅都係再一次失望。有次朋友想食羊腩煲貪方便幫襯佢，二百幾三百蚊成煲皮&骨；我有所微言，夥計話「皮先最好食」。咁你有冇理下喜歡食肉嘅顧客？起碼羊骨羊皮羊肉比例成正比好不好？

行過此店幾次了，平常都沒有意圖進內。今天趕時間便不多直入一試。叫的是午餐豉椒涼瓜牛肉炒米粉。這個不很了，剛從廚房出來，非常新鮮熱騰騰。最厲害是米粉。基本上是煎不是炒，用油不油，略帶一點脆，十分香口有鑊氣。看相可見米粉是一餅餅有些焦的。大廚必定非一般茶餐廰級數。看看牆上的菜式，有柚皮，盤菜供應，更加確信廚房的水準。心想一定再來光顧再一次來是一星期後，叫的是星州炒米。越普通越是試出功力。這次沒有驚喜了，咖哩味不夠，米粉本身不是幼身，更不入味。(如果米粉夠幼比例上可以混入多些咖喱味）第三次再來，這次試肉絲炒麵，也是基本選擇。這也沒有大驚喜，合乎水準。總括來說，這裡是不錯的，特別是以灣仔的價錢。

係屋企附近，但平時只食過午市，今晚來試下晚市。 豉汁炒蜆炒得很香口，有wok氣。蜆也很新鮮，沒有沙，肉大大粒，食唔停口。配埋啤酒一流啊。 豉汁蒸鯧魚鯧魚很大條，新鮮，魚肉鮮嫩可口。豆豉炒香過，比較干身，稍硬，配上魚肉的嫩滑，相得益彰。下次來試下其他。

因為記起朋友曾經提及群眾小廚不錯，所以行開灣仔就試下。雖然係橫街但都幾full，見好多人柯打炒蜆，雞或者蒸肉餅加啤酒，因為得兩個人所以叫左條豉椒蒸倉魚好新鮮好味道都算大條。但個雞煲就麻麻肥膏多過肉。見到d伙計會主動送糖水比熟客，所以都試問有冇，細細碗芋頭西米露唔太甜好味道。兩道菜加一碗白飯＄２１８其實都幾貴！不過海鮮應該可以一試。

群眾小廚是中式小廚，主打小菜，晚市亦有海鮮。這天和同事到這兒吃套餐客飯，點了沙薑雞。沙薑雞好好味，雞本身好滑好嫩，醃過沙薑後更入味。餐廳也很貼心，給了雞翼位、脾位、胸位等，但可惜是份量太少。由於本身已有沙薑味，不需再點附設的沙薑汁，否則太鹹。套餐有湯，是一般茶餐廳老火湯，應有下味精。我點了凍檸茶作為飲品，茶味香濃，檸檬亦有多片，可以接受！

我們一行5人經過店門口的時候已經差不多晚上10點半, 問問員工姐姐, 她說可以讓我們點菜後用膳至11點, 所以便想也不想便進去了...我們點了: 清炒西蘭花, 涼瓜煎蛋, 咕嚕肉, 琵琶豆腐 + 2碗白飯西籣花很新鮮, 涼瓜煎蛋煎得很香但不油膩, 而且煎得圓圓的, 所以大家都一致讚賞, 朋友們吃咕嚕肉跟琵琶豆腐, 也說很不錯, 而且賣相都OK;雖然我們吃得很趕, 但店員們非常有禮貌, 沒有趕收工的感覺, 而且個人覺得用料很新鮮, 沒有太多味精, 還有濃厚的街坊小菜感覺, 款式多, 可以下次再去試其他菜式!!!  

上菜龜速@群眾小廚灣仔機利臣街14號基利大廈地下A舖 廚房上菜是集了幾個一樣的order先整萬一你叫的餐當日少人叫又或許叫了個偏門的食物, 要等上半小時就要10分鐘內鯨吞再回公司了我好彩叫了個大路的咕嚕肉飯但是也足足等了15分鐘呀看住其他人比我們遲來都先有食物心中很不是味兒!!附例湯一碗, 沒味精~夠火喉當天是小豆湯, 遲去都無得飲因我聽到1:30去的人問還為何沒有湯附送原因是湯派曬了咕嚕肉佢用了豬扒切片弄不似一般似dice 咁, 食落不是一粒粒屬正常, 白飯就乾身及有點粗"鞋"一班人每一叫一個菜再share當小炒會開心d叫炒麵等死你呀~預30分鐘架@46

店位於灣仔機利臣街內，日間小街攤子林立有水果、服裝、花店。群眾午市做碟頭飯，平、快、靚為主。而夜晚小菜海鮮式式俱備，同鄰近富豪食堂有得俾咖，晚飯時間座無虛席，人多最好訂位及預留心水海鮮。花膠炆鵝掌-好夠火喉，鵝掌size夠大，花膠細細隻勝在肉厚。百零蚊物超所值。王雞-夠肉唔會太肥，熟透都保持嫩滑，唔鞋。胡椒蝦煲- 中蝦好鮮甜肉爽，胡椒頗重手，勁香辣！ 菜份量足，夠穫氣！

「群眾小廚」談得上是 lunch 的飯堂啊，差不多吃遍了整個午市餐牌。每款午市套餐為一個小菜、例湯、白飯。例湯非常足料，如果可以添飲就好了。菠蘿咕嚕肉：小炒有獲氣，咕嚕肉酸甜度適中，青椒很爽口。蘿蔔炆班腩：蘿蔔清甜，班腩很入味，只是感覺有點肥膩。栗米班塊：班塊炸得太厚身，魚肉不多，配上栗米汁還算可口。金銀蛋浸時蔬：鮮甜的白菜仔，金銀蛋份量也多，比吃油菜健康。咸蛋蒸肉餅：推介！肉餅肥瘦適中，火喉剛好，雖等得耐還是值得。麵醬蒸鯇魚：推介！很香的麵醬，鯇魚是超新鮮啊！ $44 一個午市套餐，健康的家常小菜，還有令人回味的靚湯。

Tucked away down a side street away from the busiest part of Wan Chai, this small restaurant has a wide selection of dishes available. Vietnamese spring rolls where crisp and tasty, pork spare ribs with salty batter were a little too greasy but still good, smoked duck breasts were great with a bit of mustard. Scrambled eggs and veggies were standard, not much you can do with those.Service is typical Hong Kong, brusque but efficient. Not too busy, but it's small so fills up easily.

十二月下旬．晴這兩星期是訓練的高峰期，為免受傷，要多加「炭」。記得這裡的蒸肉餅好吃，就來吃個午市的套餐。肉餅蒸了很久，拿出來是薄薄的，完全沒有肉汁，已心知不妙。吃起來肉質鬆散，沒有口感，咸蛋只是「散蛋」，講完。成日說大坑的民聲大不如前，但其他地方亦完全不爭氣，這是事實。今時今日，要找個地方做肉餅做得出色的，也真難。杯熱咖啡反而不錯，但埋單要47元，以同樣價錢在附近應有大把選擇。