群記爽腩店 (已結業)

今天lunch去咗灣仔群記，佢最出名係食不同的牛腩，款式超多，而且價錢唔貴，最重要係好食！所以經常排長龍，就算唔係lunch time都會坐滿，大家最好揀非繁忙時間去！牛坑腩豬膶米多青！真係好多青！正！我喜歡芫茜蔥，所以必叫多青！牛坑腩超淋超入味，而且數量不少！好正！豬膶就一般，切得比較細，少咗份口感！湯底好味！濃得嚟又香又正！金錢肚牛筋麵，金錢肚同牛筋份量都幾多，而且好淋好入味，好好味！真係幾扺食！十分推介！

平時都好鍾意食牛腩麵,所以都會發掘唔同嘅牛腩麵店。今日介紹嘅呢一間牛腩麵,本人覺得好食之餘仲十分抵食。當日叫左個崩沙腩河，只係三十蚊！係灣仔地段揾到一碗三十蚊既牛腩河真係奇蹟！重點係，雖然佢係平，但俾既食物真材實料。碗面有大約四五塊牛肉，牛肉煮得淋身，亦都非常入味，爽脆又濃郁。至於湯底方面，清甜可口，飲左大半碗都無口渴！至於我不嬲食粉麵都中意加辣椒油，大家對佢既辣椒油就別抱太大期望，因為辣椒油炒得不夠香，所以味道麻麻。只能說咁既價錢有咁既質素，真係嗌街坊。

灣仔食肆林立， 連鎖快餐店遍佈全區，在午飯時間時總排着長長的人龍。群記爽腩店，凡凡之輩，三十蚊一碗，性價比大大跑赢牛腩店同業。在繁忙的灣仔道，美食處處，群記為該區 居民默默付出，價格簾宜。䱽仔受土瓜灣店教訓，當時點的爽腩河的牛爽腩太瘦，很難咀嚼，肉質死實。但決定覆桌，一於在下單時點，要「肥D」。 牛筋 部分比較多，亦有牛腩清香味， 肉質鬆軟，煮得幾淋同都juicy。幸好在十一點時間用餐，人流較少，十分適合喜歡 brunch的大家。

🙆‍♀️ 爽腩河 $29 #灣仔係灣仔食lunch，真係完全唔需要擔心無野食。朋友話呢間牛腩唔錯，所以一於去試下。平時其他牛腩舖好快賣晒爽腩，想食真係靠彩數，但呢到下午兩點都仲有得賣，但唔係因為無人食，正因為多人食加上用爽腩做主打，所以供應量較多😁 爽腩炆得既腍又爽，筋膜煙韌有咬口 帶少許肥。河粉挺軟滑，吸埋無乜味精既牛骨湯，湯應該用大量牛骨熬，好香濃，而且飲完唔口渴，$29真係超晒班，最難得係爽腩同河粉都好足料，誠意十足👍

It always not easy to find a cheap lunch in Wanchai. This restaurant mainly sell noodles and I order the cuttlefish ball rice noodles ($25). It has around 5 cuttlefish balls and the portion is medium size. The cuttlefish balls are quite crunchy and not so salty. Noodle is quite thin which I like that. The soup is very plain, yiu may add some pepper powder as seasoning.

同友人係灣仔有D 野做, 做完野都已經八點幾九點幾, 想搵下牛腩麵食....係果個位, 又諗唔到有邊間特別好食, 行下行下就望到哩間..都算多分店的群記,簡簡單單想食碗牛腩麵, 但群記又有分爽腩, 切腩, 坑腩 等等 鬼咁複雜, 其實我都唔係太識分, 咁就揀左個崩沙腩撈粗, 朋友就揀左個牛根河..都幾surprise...個撈麵汁係甜的唔係蠔油,又唔係腩汁, 幾特別個湯都幾有牛味,又唔係太油.. 牛腩唔太軟, 都OK, . 不過D 麵唔係太彈牙...牛根好多！但個taste 我個人覺得偏淡

因為我老婆約左人出街食飯，又係淨返我自己一個人食，放左工唔知食咩好，之後過灣仔188行街啦，行到去遠望見到有間牛腩店，不如食牛腩飯啦，去到門口望下餐牌原來有好多唔同既牛腩，有坑腩、爽腩、崩沙腩、面珠墩等等。入到去諗下想食邊個位置既牛腩啦，因為係其他粉麵店唔係有咁多唔同牛腩既位置，平時真係好少食其他位置，食來食去都係牛腩牛筋，今次特別d叫左個【崩沙腩飯】來試，一來到見到都幾靚，第一啖飲左個湯先（個濃湯說到用了多少材料再經過多久時間去煮成，個人覺得佢地應該有加＜八角＞落埋一齊煮），所以勁好飲，到個崩沙腩，我真係好少食，所以食落口好特別，爽爽地又有咬口又不會太硬，岩岩好。我下次一定會來試埋其他位置既牛，真是值得一讚！

確實是牛腩專门店，因為打開餐牌基乎任何部位的牛腩都有得吃。牛腩指牛腹部下的側肉，腩在中文中常指腹部，即牛腹部及靠近牛肋處的鬆軟肌肉，是指帶有筋、肉、油花的肉塊，這只是一種統稱。细分為：坑腩（即無骨牛小排）：牛味最濃，取自牛胸前的牛小骨/肋排或旁邊牛肋條部位的的肉。爽腩，又叫「繃紗腩」、「崩沙腩」或「蝴蝶腩」，是牛肚皮的腩位，位於牛的橫膈膜附近，爽腩貴坑腩一半，由於有塊薄軟質，爽軟不硬。一場来到，就点个镇店之寶：金牌爽腩河。上來就闻到湯香撲鼻，一口喝下，濃烈嘅牛骨湯底带点薬材和芹菜香。可惜不夠熱。大塊牛爽腩带点肥和根，味道濃郁，稍微不夠腍。我估計爽腩是由中央廚房處理，然後送交每間分店加熱。可惜分店主理加工時間不夠，攪到湯不夠熱，肉不夠腍，負了廚司一番努力！

同寶寶在跑馬地跑完步後就往灣仔方向尋找晚飯吃，路過這間粉麵鋪發覺價錢很便宜，便入去一試。我點了面豬墩河 ($30)，湯底有驚喜！味道十分清甜，帶有牛肉的香味，又不會羶。原來餐廳每天把新鮮牛肉，加上牛骨和十幾鍾香料熬五小時作湯底。其實我未吃過牛面豬，每隻牛也只有兩塊面頰肉，煮得又稔又入味。原來還很有咬口，口感有點像牛筋與牛腩之間。河粉的份量也不少，實在難以相信這種質素在灣仔竟然只賣30蚊。寶寶則吃秘制咖喱牛筋飯 ($35)，牛筋十分彈牙煙韌。咖喱也頗辣但非常惹味，還有薯仔，拌飯吃一流，可惜如多飯便要另加 $5。

行過見到呢間群記三點鐘之後有下午茶食,熱野飲唔使加錢,就試下佢啦~叫左個爽腩河粉,加兩蚊有杯凍奶茶。佢個爽腩肥瘦均勻,食落去好爽口,唔會太腍。同埋佢好有牛腩既香味,唔會煮得太耐無哂味道。而D河粉亦都軟硬適中,配埋佢個辣油仲更加香~ 佢碗粉既分量好大,唔會因為係下午茶而變細左! 大家無食lunch黎食都一定食得飽阿!雖然間鋪頭係細間D, 要搭台,但係佢勝在冷氣夠大同埋以呢個價錢(32蚊wor)  , 食得過啦!!

Stumbled upon this beef restaurant because they had very nice pictures of beef noodle in front and I just had to go in. I quickly found out there was no English menu (despite being in the middle of Wan Chai and has English store name). It did not bother me as I just wanted a simple bowl of beef and ho. I asked for the beef noodle and the waiter asked if I want 'normal' or 'special' and I went with the former. I ordered not knowing what to expect and the bill placed on the table showed it was $25

這間鋪頭的牛腩分開三款，爽腩，崩沙腩和坑腩，另外還牛面珠肉，如果想要食好啲，也有舖頭出名的金牌爽腩，金牌爽腩會肥一點，爽腩和崩沙腩比較瘦D坑腩就比較似㷛完湯的肉，不吃也吧！味道方面整體有70分，扣分是都有些少雪藏嘅味道可食到！

今天放半晝去了吃牛筋雲吞米，專登吃一下別的配料，牛筋夠林好味雲吞是有豬肉餡傳統那種。米粉出奇好味質地勝過好多魚蛋粉丐舖，不鞋粗度very good, 份量我喜歡，因為不算少到吃唔飽。個湯底好好味！之後到晚餐時間，因想推薦朋友幫襯，所以我唔介意再吃多次！哈哈! 我再吃了牛肚魚蛋河無得彈，越食越肚餓我好似又想吃了！

今天放工執完屋，突然想試一試呢間野究竟掂唔掂！因為記憶中佢剛剛開店時係以超平價去俾人試食，仲主打係牛腩因為我怕肥唔敢食牛腩，營養師話任何腩係最肥嘅，所以我唔敢食！好彩我上咗Open rice睇吓佢有冇魚蛋或者其他餸嘅粉面, 點知原來有喎! 仲有好多其他特別野什麼龍蝦丸雞絲蘿蔔好新奇！所以我就叫咗平時喜歡吃的牛肚魚蛋河粉，或者下次試牛筋都得！ 一嚟到碗粉好靚有D芫茜點輟成碗嘢升哂呢！好多牛肚有兩粒魚蛋一條唐生菜一舊白羅白👍🏻不是求求其其。食落唔錯河粉算滑完全可以接受，最緊要係啲湯望落雖然深色，但食完不口渴！我會再嚟幫襯！估唔到佢幾好食份量同價錢可以接受不算勁貴又唔係最平嗰種，佢勝在材料中上所以呢個價錢OK！另外叫咗碟菜心，佢係落咗好似豉油嘅汁唔錯清清哋幾好味！比起一般落蠔油冇咁鹹添！而且記憶中佢開得夜少少，好多食肆九點就收㗎啦！有時肚餓都多一間店舖可以選擇了！好嘢！我會介紹朋友嚟食。試遲咗佢真係蠢咗！一味淨係識食隔離信興，因為佢哋D魚蛋好好味，但湯底白頼晒及千祈唔好飲，因為我試過口渴架即係落咗味精！泉記又晤抵食貴得離譜份量又少食咗都唔飽成＄50食個粉同菜不如去大家樂食飯。香港仔魚蛋王就都

路過灣仔，見到呢間舖頭食評可以！諗住試下招牌爽腩啦！我一心諗住食爽腩，但係佢就混入左唔係爽腩的部位比人，完全和商品說明不符！比左貴少少的價錢，但係食左次一級的食品！完全唔抵同唔值！下圖可以清楚見到2款唔同的腩部位！