翠亨邨 (美麗華廣場1期)

營業中

休息中

💁‍♀️💁‍♂️2/12/2022(Fri), Dinner🍽因為有翠亨邨既coupon關係🤩~所以今晚同A先生走左黎 @翠亨邨 到食中菜餐~而今晚我地order左：🔆 超值鮑翅餐 （$648/person）🔆 蜜汁叉燒叉燒上枱時熱焫焫，入口鬆化軟熟，選用既肉質唔會好肥，面層有🤏少少微焦，有點蜜糖香氣但又唔會過甜😋。🔆 紅燒竹笙雞絲翅每碗都好足料，竹笙、雞絲同翅都好多，湯頭鮮甜，又唔會太水汪汪或者太濃稠，唔使落醋都好夠味、好好食😋。🔆 蠔皇八頭湯鮑鮑魚入口彈牙，雖然唔係乾鮑但都好有鮑魚味，切落去有少少黏刀。蠔皇汁都好鮮甜蠔油味，配合鮑魚同伴碟既芥蘭都好好食😋。🔆 脆皮妙齡鴿脆皮妙齡鴿既份量係每位一隻，呢度既乳鴿整幾好食，真係皮脆肉嫩，熱焫焫咬落仲有大量肉汁💦，A先生本身唔係好鍾意食乳鴿，怕有啲鴿肉會有騷味。但呢度既乳鴿就無呢個問題，A先生都覺得好好食😋。🔆 甫魚炒飯呢個炒飯香氣十足，配料有乾貝、甫魚同燒鴨，飯粒炒得乾身唔會黏埋一舊，食到碟底都唔會有油，唔錯。🔆 燕窩杏仁茶杏仁香氣十足，味道唔會太甜，食落感覺都好滋潤好舒服，作為呢一餐既結尾，十分完美❤。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A

1/12 book左7:30因為家人慶生，28/11打電話訂位當時問釀蟹蓋要唔要訂staff話唔洗！當日我哋準時到同埋自帶紅酒兩支staff幫手開曬唞氣及倒了大半支落抔，7:40我地商量點菜落單，之後侍應話今日冇蟹蓋，我哋點豆苗冇豆苗，我我要我要講嘅點柚皮冇！之後再點一隻片皮鴨同埋叉燒，3分鐘後再回我地講片皮鴨賣曬！然後地決定唔食走人，白白浪費左我地D酒，2/12上一佢網站寫意見書一個星期都冇人回覆！打電話去又話叫餐飲部打俾我又係冇打嘅！大集團咁service 實在太差到爆

🤩今晚黎到尖沙咀美麗華翠亨邨中菜，吃過幾次質素穩定，最愛椰青翅，每位足2两。椰青湯底清甜，入面滿滿的魚翅，基本上要用筷子夾黎食，好似食麵咁，非常滿足。正價：$560一人份量。星期一，二有優惠65折，簡直物有所值。另外點了黑魚子芒果大蝦，沙律醬很開胃，大蝦啖啖肉，很滿足的感覺。還有蜜汁燒羊鞍及燒銀鱈魚都係十分推介。羊鞍夠入味，肉質夠嫩。銀鱈魚個邊邊煎得很脆，魚肉更是不用多說，很滑有魚味，都係必食之選。#翠亨邨#魚翅#尖沙咀

在香港，上四五十年歷史而非集團式經營的酒樓，已買少見少了，其原因應該甚多，租金昂貴只是其一，多也是因為下一代人不願意接棒繼續經營而到此為止。集團式經營而有超過四十五年歷史還拿飲食獎無數的粵菜經典 - 翠亨邨，仍然屹立不倒於香江，足見這酒樓留住食客的實力了。遠在八十年代初，我已有印象回憶，當時經常與公司同事往午飯飲茶，那時的翠亨邨已是大名鼎鼎的食肆。女兒知我好蟹，舊年因疫情而向隅了蟹季，今年就要報復式去吃了，正所謂秋鱸霜蟹，九月圓臍十月尖，不吃還待何時。最近翠亨邨出了大閘蟹宴套餐，看了餐牌後，她說抵食就定了枱，今晚就來了。這天是星期一，酒樓已坐無虛席，甚多枱也是吃這蟹套餐，足見這蟹宴的性價比。先來的是蟹肉文思豆腐羮，將軟綿綿的豆腐切成幼絲，已非一般廚師能作，高手盡顯了功夫。羮裡一般只用帶子切粒以為這已是高貴，但翠亨邨用的是粒粒蟹肉，令這個羹更配合今晚的蟹宴主題。再來出場的是主角足四兩二隻的大閘蟹，首先要稱讚這酒樓，蟹是續隻上的。客人吃完一隻，侍應才送上第二隻，這樣蟹保持著熱度奉客。十月吃公蟹，酒樓果然沒有抽水，我們二人共四隻的蟹，全是公蟹，沒花沒假，白膏黃油膏兩樣俱備，香味濃郁又甘香，再

今日在尖沙咀剪髮，先與先生吃過午膳，他選了美麗華商埸內的翠亨村，地方寬敞。先來了滷水豬腳仔～味道香口，皮脆肉滑，有嚼感；筍尖鮮蝦餃～鮮甜皮薄，爽口彈牙；翠亨村招牌炒米粉～原隻蝦丶叉燒切條丶芽菜丶韭菜炒成一道招牌菜，確實美味香口。嘆完又去扮靚靚啦！

翠亨邨的大閘蟹套餐不是全城最平不過有一定質素每人兩隻蟹兩隻都爆膏吃得過癮乳鴿非常juicy又熱辣辣 蟹肉豆腐羮、炒飯、蟹粉菜都超足料蟹粉夠香口星期一至四仲減$100只需$588可以叫滿足又冇投訴之選

這曾頗負盛名的酒樓今次終於首度光顧, 楼底高好開揚,枱桌可以少一些更有舒適感🤔好想多嘗不同菜式, 決定先來鹵水豬腳仔, 味道中規中矩, 入味又爽口,墊底蠔油豆甘香味美😋再來鮮蝦餃,外觀無太大驚喜, 但入口感到皮薄餡靚, 外鬆軟內乾身但蝦肉有口感, 十分討好, 水準之作😋主食選了翠亨邨招牌炒米, 米粉炒得軟滑有咬口, 配料亦足, 有蝦仁, 义燒絲,酸瓜絲, 碰撞出惹味感😋未算太有大驚喜但不失又是一次探名氣粵菜館的經驗👏

午市飲茶限時1.5鐘，食品1個鐘仍未到，追問起碼4位服務員，4位反應一樣。。。沒有回應，沒有跟進。沒有起碼嘅服務態度。。。跟服務員說來不了便取消。最終在1個鐘頭25分鐘後才有得食。食品味道一般

呢排見佢勁sell大閘蟹套餐, 相約友人一同試吓，點知中伏！頭兩項食品，上菜速度正常。到第三項乳鴿等了45分鐘都未有，突然轉先上了第四和第五項同一時間送上，食物溫度只係微暖！食完又再等咗約30分鐘，乳鴿依然未見影，再追問下，不停話入咗單。再等多15分鐘先出，攞到嚟炸到d翼同脾亁到不得了，但個身又出血水，本人真係未食過咁樣嘅乳鴿！有相為證。全餐飯花了3個小時食6道菜，一肚氣！！！

2022 09 28 (三）6人 晚餐 結帳$3800 不是嫌貴，是服務差，又難食，訂了一隻全體乳豬，話新鮮做製作，極之難食，不值$1680。老人家話冷氣凍，請幫手閂細少少冷氣，結果啲服務態度差，同你開得更加凍俾你嘆，敷衍話已經閂細咗，成日叫啲夥計嘅時候扮睇你唔到，一男一女夥計都是沒有服務態度，對你藐嘴藐舌的態度。重點是食物，可以說是難食，食到一肚氣，永冇下次。當日是無乜客人，服務和食物都不能有水準，真是差極。

選了翠亨邨跟屋企人做節，貪佢地點就腳同埋枱與枱之間比較寬闊，坐得舒服點。之前經理已經俾定菜單揀餸，佢哋嘅北京片皮鴨要預訂，同埋叉燒很出色，所以預先點定菜，佢方便時我又唔使去到先慢慢諗，大時大節，大家都方便D 。北京片皮鴨給叉燒來不發影相已經大家起筷了。紅炆斑腩頭很惹味、菠蘿咕嚕肉酸度適中，香脆可口。 另紅酒黑醋脆豬樓，個汁甜甜酸酸，很特別！但鮑汁荷葉飯比較失色，飯底不夠乾身，沒有荷葉香，只有少少鮑汁味。最後食埋甜品芝麻卷及桂花糕，大滿足😍

今晚隻鴨真係唔錯，米芝蓮級‼ 早一星期訂枱，好奈冇去尖沙咀美麗華翠亨邨食晚飯，想食返佢哋嘅片皮鴨，之前食過感覺唔錯，所以訂位時預定咗一隻先，原本是散叫小菜，上到去發現有套餐可以選擇，所以食咗千四蚊四人套餐另預定一隻片皮鴨，開了一支紅酒，鴨醬大路，配料略差，服務就真係好，成晚主要都係一位姐姐服務，招呼週到豬肺湯可以，叉燒麻麻食得出唔係鮮豬肉，魚子香芒蝦相信係雪藏越南虎蝦，乾，炸粉厚，炒飯真係唔錯，成晚嘅出品感受係不過不失，除咗今晚隻鴨，隻鴨係最好印象‼

The service was bad, VERY COLD attitude, Ignoring you, waved at the different servers 3 times, couldn’t get them to come over🤔 One of the bowl was not clean, Food tastes are mediocre. Not worth it. Not coming back and not recommended!!!!

8號風球隔日、諗住出邊實好多人食飯。點知嚟到呢度、10張枱都唔滿。 食完餐晚飯之後、我哋知道原因了！食物唔錯、價錢都合理。 不過啲服務員、一啲服務都冇。 Macdonald 仲好過佢哋多多聲！ 去到門口、嘩訂咗枱、巨稱呼Hello都無、木無表情，坐低號、D應更加冇表情。 買咗單後、 冇表情冇唔該晒一句都無。 門口啲阿姐掛住傾偈。 兩位食咗八百蚊、我何必要來呢度呢？ No way! 出邊啲侍應愛我冇工做？ 咁嘅態度、香港嘅服務業、啲客人應該俾面佢哋嗎？

三蚊一個外賣盒，另加五蚊一個袋，茶唔夠熱，又冇人加茶，服務態度差，食物質素一般，價錢唔平，一定無下次。行街經過美麗華商場，諗住簡簡單單去飲茶，就去咗尖沙咀翠亨村，之前去開中環嘅都OK，原來尖沙咀有D唔同…食物質素一般，蝦餃冇特別，春卷ok 都係教熱的，黑松露排骨，媽咪覺得OK，XO醬腸粉一半，脆皮叉燒包OK，炒伊麵亦OK，整體來講咁嘅價錢嘅食物一般，如果當呢度係平價啲嘅酒樓，食物也可以，但兩個人食$550，我以為態度可以好些