翠河燒味

營業中

休息中

今日去到火炭，去咗駿洋邨商場地下樓層（G樓）的翠河燒味餐廳，餐廳寬闊光猛，下午茶時間唔算多人，我們兩個人坐下，餐牌選擇都唔少，有燒味，有午餐，有全日麵餐，又有下午茶餐，。燒味四寶飯，有燒鴨，有紅腸、叉燒及半隻咸蛋，叉燒算軟腍，燒鴨都唔錯，最欣賞係有跟酸梅醬，好多地方四寶飯係唔會比的，例湯都可以，唔係味精水。吉列豬扒拼沙嗲牛肉麵，吉列豬扒的確認真唔錯，外脆內軟，重點大大塊好滿足，沙嗲牛肉麵都算濃郁牛肉OK,整體我比7分。

經外賣平台 叫左蒸肉餅同梅菜扣肉外賣，外賣時間等左足足一個鐘有多！咁都算，一份肉餅要成$115，結果一打開仲要有昆蟲🐛！咁既質素，咁既價錢，仲點食得落？唔會再幫襯！！！

今日去火炭換新钞，未夠時間就去左翠河嘆個早餐，地方大，人唔多，D姐姐幾好禮貌，我order左個仿鲍火腿通配熱奶油，多士唔overheat好香；通粉ok；奶茶夠水熱先最

都唔知點解宜家嘅服務水準差到咁，呢間餐廳嘅野食就係一般茶餐廳嘅水准，態度仲咁差。個收銀真係講野似點客做野咁😂😂，好似我地唔係黎食野，係黎配合佢做野嘅工人咁。有時明明可以幾個字回應完人地d野，佢就要講兩三句，好似教d客點樣做野咁😂。明明我地d客花錢黎食野，仲要好似俾人話咁。我都理解中午人多，有時人手唔夠會比較忙，但係都應該對客保持基本嘅禮貌同尊重，d客都會理解。但係做到咁嘅話，以後真係唔想幫襯呢間店，不如去食其他算，人多就叫外賣，費事花錢俾自己買委屈，食餐飯都食到唔開心😂

出色檸檬茶 我覺得呢間翠河 係成個火炭最好飲既凍檸茶成日都落黎食早餐早餐出得快 趕時間都唔怕 沙嗲牛麵好食 (其實反而麻麻地) 呢度最好就係早餐去到12點！平時返晏黎食都仲有早餐叫~每日飲個醒神凍檸茶 個人都開心D 

見落雨近近地食下晏。本身諗緊食魚香茄子定係炒贵刁好。最後都係食下炒野算。因為食飯時間餐廳好多人，所以要搵人落單都已經要等一段時間，點人知等野食仲要等咁耐，都算啦。黎到個樣真係我預期之外！由落單到後尾等到有得食等左差唔多半個鐘，佢既炒贵刁啲配料少到我以為自己食緊淨麵。佢既蝦仁同叉燒絲又少又細粒，雞蛋都已經唔係一啲高成本既野，但係都係唔係好覺有。芽菜都係少得可鄰，韭黄都無一條。哩個價錢性價比真係極低。粉既口感都係一般。唯一可以讚既係，你會食得出佢個粉係有用黃薑粉及咖哩粉炒一炒。曾經有食過佢既魚香茄子飯，佢既魚香茄子係比哩個好食好多，如果咁樣對比之下。希望佢地既炒野可以改善一下！

落單問有乜午餐冇晒，佢就話樣樣都有，到叫是就乜都話賣晒，改種類，最後叫咖哩雞，點知落單變成梅菜扣，仲話我落單是講數字誤會佐，乜咖哩雞3個字有數字咩？最後上佐碟圖示，半碟咖哩雞（2件裝），真夠一流

廚房返工為左等放工，10:30pm關門但9點未到就菜脯無蒜蓉無咖哩汁無呢樣無果樣無，令光顧的街坊們怒火中燒味！今晚8:45pm叫了咖哩雞，禮貌的問侍應可否多汁，他答應了，但最後要求加汁就說廚房收爐了很多東西都沒有了。我跟他說這不是做餐飲業應有的態度。漁村蒸肉餅好吃。鹹魚煎肉餅好吃。魚香茄子不穩定。

今天中午的時間老公過來找我吃飯，剛巧公司附近的屋邨商場新開了幾間餐廳，所以我們便隨便選一間茶餐廳來吃午餐了No.1【燒腩仔拼叉燒飯】$53這間餐廳主打燒味飯，於是我便點了一份燒腩仔拼叉燒飯來嚐試一下，叉燒是是典型的半肥瘦叉燒，肉質非常豐腴肥美，柔軟嫩滑，其味無窮，珍饈美味燒腩仔的外皮十分香脆可口，肉質亦十分緊緻彈牙，細嚼慢嚥的時候，鮮甜無比的肉汁立即傾巢而出，在唇齒間留下一絲絲濃郁的豬肉氣息，鮮甜可口，肉汁四溢，口感豐富而飽滿，讓人唇齒生香，念念不忘No.2【避風塘雞中翼配印尼撈麵】$55由於雞中翼是即叫即炸，所以外皮十分酥脆香口，而內裡的肉質則十分嫩滑可口，鮮甜美味，最後配上微微香辣的紅辣椒粉，味道立即更上一層樓，簡直完美得無懈可擊，讓人吮指回味，鳳髓龍肝印尼撈麵是經典的營多撈麵，入口彈牙之餘時亦相當有嚼勁，口感煙煙韌韌，另外其實應該可以走辣的，最後的奶油多亦非常香脆可口，是一份出色的「常餐」No.3【凍檸檬茶】$3由於檸檬質素都算不錯，所以並沒有苦澀或者酸溜溜的味道，而且走甜的關係，味道一點也不甜膩之餘，更嚐到淡淡的紅茶氣息，最適合在炎炎夏日飲用了價錢方面，燒腩仔拼叉燒飯 $53，