翠河餐廳 (已結業)

✨蔥油雞好滑，真係好滑！無諗過在普通茶餐廳可以食到這水準#推介.✨人人愛酸菜魚😋😂以這個套餐價錢來說係好味，當然唔夠酸😂😂.✨黑椒牛柳粒牛柳粒可以，薯片煎香再炒，好味！.【funny.eat.the.world評價😜】.🇭🇰價錢：$208三餸餐😋味道：🎈🎈🎈🎈 🎈😍再來：🎈🎈🎈 🎈 🎈funny最高指數😜：🎈🎈🎈🎈 🎈📍屯門大興商場翠河餐廳

翠河都算係茶餐廳既老大哥，佢份memu 由午餐，下午茶至晚餐都相同 唯獨是晚餐貴5蚊左右 午餐比下午餐又貴幾蚊 所以 每次都壓線食下午餐就最抵食。蛋白炒飯 $39蛋白一片片藏於炒飯當中，炒飯炒得好要飯粒乾身彈牙又唔硬 翠河廚房做到70分 扣分位是口渴 相當多味精加入飯中，茶餐廳唔落味精又講唔過。魚香茄子炆米$38魚香個part走左老 冇左魚香味換來是落左魚香醬 即係咸茄子炆米 米粉ok 有咬口成件事都係平 街坊價 侍應會吹你1830前落單以爭取平價 所以 一眾長者冇飯c9都趕住1830開飯 因為平 所以有下次 對面意樂 百分百邊有呢口價

來到連鎖經營既翠河，想試下高級料理，點知中左伏!依碟芝士大蝦伊麵，用既係急凍蝦，雪藏味勁濃，仲要冇咩蝦味，好似食蟹棒甘!成隻冇開，好難咬開，最後要用手食。芝士同伊麵一般，冇咩特別。跟住點左椒鹽鮮魷，有驚喜❤。新鮮同埋雪藏既強烈對比，覺得特色好食，彈牙。炸粉薄薄地，剛剛好，值得推薦~

今日一心諗住去大興食個乳鴨下午茶，可惜我去開的茶餐廳已關門大吉，唯有去對面既翠河啦😭諗住是旦食過下午茶餐咋，完全無任何要求餐廳有很多座位，可惜幫襯既人客並不多我揀咗瑞士雞亦配西多士半件，兩樣食品上檯都唔熱🤦🏻‍♀️令我好失望奶茶唔夠茶味😥

大興好多茶記以前大多數都係小鋪經營依家逐漸多咗集團式嘅餐廳包括今日食嘅呢間翠河黎都茶餐廳一定要食佢嘅常餐常餐價錢$40， 凍飲另加$3首先有火腿奄利配多士多士都夠脆如果係厚多士會更好而奄列就冇乜特別會寧願佢跟炒蛋不過要炒靚嘅蛋都唔係咁容易另外再配一個五香肉丁米粉五香肉丁都係罐頭野都唔期望有咩咁特別雖然我今次係食常餐但一入鋪頭都聞到好香鑊氣相信呢度嘅小菜應該唔錯但環境方面就麻麻哋喇因為有好多蚊飛來飛去

經常沒人理，要見多次才有服務員來，下單好像未睡晒，經理經常下錯單，早餐沙嗲牛麵牛肉又韌，下單要熟蛋，蛋都是生，凍咖啡差得很，水Bar師傅好像無心做，同翠華無得比，翠華多個前員工開業時都在做，最後一個一個走，個個都話管理有問題才走，我們顧客到見管理好有問題，早上沒多客時沒人理，晚上不到七點菜單上大多數都冇，這是笑話，晚巿剛開始樣樣冇，希望高層看到要盡快處理及教育一下。

晚市時段食飯，餐牌13個餐，未到七點已經有五個賣曬，但現場仍有好多空座位，所以唔會係因為太多人食而無曬，而係廚房準備不足。而且職員態度好差，通知賣曬時語氣不佳。餐牌上仲要無刪除當時已賣曬的餐，等到客人接連叫左幾個餐先知無得賣，非常掃興。另外叫左個意份，點知發現上面有唔乾淨既牛油殘漬，令人食慾大減。

屯門區工作，去呢度食早餐，餐廳幾大，桌椅唔迫，揀咗一個窿嘅卡位，早餐食品有啲特色！除大路早餐之外，仲有啲特色嘢！菜肉餃子雪菜肉絲湯米線（$31）賣相幾好，雪菜好多，有啲有梗！米線嫩滑，餃子細細，係上海式餃子，皮薄菜多肉少幾健康，湯底唔算太味精！好味！炸薯餅：西式雪藏薯餅，炸得香脆乾身，薯味幾香！好味！熱檸茶：茶底夠熱香濃唔澀！茶餐廳水準同事食鮮茄薯仔湯通粉（$30）配煎蛋漢堡扒，蒜香牛油多士：凍檸茶：凍奶茶：店員姐姐有禮，仲識攪笑，好似同事嘅餐唔包薯餅，我個餐包，佢會笑笑口話你哋可以交換食！😋茶餐廳難得的驚喜

今日好開心放假一天，入左元朗屯門探朋友仔，隨便tea 一tea先。入到餐廳,好殷勤的後生靚仔招呼我們入座,十分有禮貌，送上二杯暧水，餐廳温度適中，好個好好傾計的好地方。西多士朋友叫左份西多士,好肥呀,朋友話食完至減肥啦, 西多士, 一片方包搽上花生醬,沾上蛋汁,再高温油炸,十分可口。上枱温度熱騰騰的品嚐時入口可口,濃濃的蛋香加上花生醬,簡直PERFECT。整體而言,呢度坐得舒適和食物好正，待應服務殷勤，人又唔算多人，可以響呢度HEA足一個下午。同朋友吹下水，分享生活趣事，這是悠閒的生活。

今晚叫西檸雞+白飯及例湯，我將例湯改維他奶紅豆冰，点知翠河來錯(我估)，因收貴了由8元变12元😟，我問女店員後行去收銀部，跟著返來話無收錯從話我叫紅豆冰不是維他奶紅豆冰，我本人十分不滿因指圖落單(以下圖)，最後收銀部店員改單，但女店員用極差態度回覆我，我心心感覺被屈