翠河餐廳 (寶達商場)

營業中

休息中

過說今日夜晚同屋企人食夜晚，諗住近近哋喺樓下食，叫咗個火腩魚頭煲，另外仲有一個蔥油雞飯。。點知個蔥油雞飯淨係得雞屎忽同骨同頸，另一個餐等咗成九個字都未到。。最後同我講廚房冇單。。問我要唔要煮過另一個魚頭煲，之後廚房大叫冇魚頭喎。。最後取消咗張單去咗買麥當勞

第一次食”翠河”叫咗椒鹽肉扒 夾咗幾舊見到有頭髮墊底🤮勁想嘔！同個店員講 然後佢冇反應🥲拎埋個碟就走咗最後個魚香茄子煲都要撩下個底先，驚咗佢真心 冇下次，唔會再幫襯😢<唔知點解加唔到相，不過我當然有影低，有圖有真相>

2022 -10 -14  晚上6點小弟第一次寫食評，估吾到係呢一間翠河。 小弟入廚中餐7年，無論係食過的餐廳定係廚房學徒煮嘅都無呢間野煮得咁難食。第一，茄子拉油吾夠整到成個炆米都係油加上仲要多油煮，入口第一下全口都是油立刻放低筷子。第二，炆米變左炒米，又油又干不得了。第三，我以為自己食緊飯吾知炒定炆到一粒一粒，非一條一條。如果煮的所謂廚師，月薪得萬2 /萬3蚊，我吾怪你，我仲要同你講對吾住，你幫你老細倒米係應該。但如果你係一位萬4蚊以上的廚師，你煮緊呢碟野根本係垃圾，你對吾住自己份職業，可以話係廢。最後,我前後食左兩啖，個侍應望住呆左，我只同佢講左句呢碟垃圾黎就走左去賣單。呢碟野食左五六十蚊 ，可以話廿蚊都吾藉，浪費曬D材料。

疫情關係 沒有到來這裏堂食 素描安心出行 忘掉數打針紀錄 服務人員主動幫忙 看到菜牌 沒有改動 菜牌上叫多款都是沒有 翠河集團都唔知怎樣打理 唯有 求其 叫了兩個小菜 味道可以 第一個小菜 味道有啲鹹 取消再做 很快出嚟 起餸菜也快。

突然好想食公司三文治，搵咗好幾間餐廳，得翠河有，價錢相對出面貴(好似$5x)，唔緊要，真係好想食，外賣回家點知.... 都識趣，落完單，走去買下野，再逛下，先返去睇下拎得未.... 間舖唔多人，今日唔係跑馬日，但我足足等咗25分鐘，見住啲下午茶客埋單走，有啲遲過我落單嘅外賣都拎埋，真係好難唔燥...下不為例。無誇大，睇住張外賣收據，係25分鐘啊..... 味道，唔錯，足料得嚟都豐富，但佢要我等25分鐘，永別了

今日同老公落咗樓下食飯本身諗住屋企煮嘅不過老公隻腳痛所以就冇煮到平時都有幫襯開但係都係冇留意到今日竟然見到個二人套餐幾抵食 三個餸仲包兩個飯同兩個湯熱飲可以加三蚊 嗌咗個酸菜魚，麻辣雞煲同埋茄子 三個餸送飯一流茄子我至愛不過嫌佢有啲切得 比較大舊同埋唔係好夠淋但係個汁撈飯非常正麻辣雞煲d雞唔係好多肉同埋啲雞唔夠嫩滑 不過唔會話好好辣食唔到 ，幾惹味 酸菜魚嘅魚就偏向比較彈牙唔係好似平時食嘅魚咁樣但係份量都多 ，酸菜都非常之多 因為我絕對係一個唔係咩米都會食嘅人所以米對於我嚟講係好緊要呢一間鋪頭嘅米粒粒分明因為我比較細食加上仲有三個餸所以我只係食咗半碗 仲有兩個湯都唔錯，真材實料，冇味精 客人掃完安心出行量咗體溫之後 自己搵位服務態度唔錯你舉手即刻有人應你加上208蚊有咁多嘢食其實都非常之抵我同老公都食唔曬所以我哋畀多咗兩蚊出嚟打包返屋企食

唔使等位，絕對極快可以入去坐低食嘢，每款都係好普通，而且基本嘅常餐都做唔好，比起連鎖嘅分店都難食，絕對係食物質素勁差，開業咁耐幫襯完呢次絕對唔會有下一次，因為真係好難食

今日去寶達間翠河餐廳食飯，來到無服務都有心理準備，入座等了幾分鐘先有人比杯水你就行開，我睇咗餐牌都成5分鐘都無職員問你要什麼到我睇好想叫職員，發現附近一個職員也沒有，我就舉手叫職員，舉了一會才有個職員叫我等等，來到我點了一個時菜鮮魷飯，話飲湯，職員話無湯，我說飲凍奶茶少甜，她說加$10我說好，當碟時菜鮮魷飯來時我看到呆了一呆，這樣子叫時菜鮮魷飯？我想了一會再叫職員，問她這是時菜鮮魷飯？她說是再問她一次她叫另一個職員來，她說是這樣，她說廚房那種菜多就煮那種菜，我說你們菜真多，她就走開，我心想你們餐廳菜真多才一棵小棠菜都沒有，連菜葉也少，這也收$51？加凍飲$10實收$61

5人行嚟食晚餐～都幾好生意～一到就有位好彩唔使等位啫～不過出名服務差～所以已經有心理準備咖哩牛腩煲份量足～咖哩汁有濃濃椰汁香唔辣～牛腩都算淋好入味送飯一流通菜炒牛肉可以簡蝦醬或者腐乳～通菜偏生～炒牛肉太少啦～小氣咗喎～都係現成蝦醬味道冇咩特別～不過依個份量唔抵食栗子炆滑雞煲熱辣辣～睇落好大煲～其實下半煲全部都係洋蔥想㸃？味道可以薑蔥蒸鯇魚全晚最差嘅餸～食完咁制先上魚～薑蔥絲冇味～鼓油冇味～魚蒸過咗肉有D硬每個餸可以加$9配白飯、例湯或者飲品～加咗4個$9白飯同例湯～唔洗加一

一行四人，坐低叫到好似食自助餐咁，先送上兩碗跟餐蘿蔔粟米肉排例湯，冇乜味精味，鹹淡得宜。芥菜肉排湯飯嘅湯底都唔錯，不過呢個嘅味精味就重啲啦。排骨唔會乾柴，反而幾鬆化。唯獨這裏的飯都比較乾一點。涼瓜火腩飯的米飯也是比較乾，加上那個調得比較傑的獻汁還是乾硬。涼瓜煮得半爽軟，火腩就都幾咸得緊要。肉醬意粉好唔好食，但見朋友就只係分食咗好少。第一次上嘅炸雞脾，一切左去成地血水。第二次攞翻返嚟，就因為炸多咗次，所以比較乾實柴了。最後嘅廈門炒米就炒得唔錯啦，炒得乾身，且味道得宜。

叫咗一個常餐 A 食, 不過塊多士上面嘅煉奶簡直不知所謂, 搽咗等於冇搽, 同食一塊無料多士冇分別, 沙嗲牛肉公仔麵啲肉少得可憐, 連湯都唔夠沙嗲味, 非常失敗, 應該唔會再有下次

朋友的，我試一口，不錯的。價錢49+飲料10元。。。。。材料略微單調，因為好像只吃到火腿，腸仔，蕃茄一點花枝丸拉麵 下午茶40 花枝丸炸得很平均，略為咸了些，但也是很好吃的，也很大顆！如配條蟹柳沒那麼單調加3元有這個。不過可能是我飲不慣，微酸苦本來是逛街逛到，有些事和餐廳經理交涉，還有員工，她們實在很好人！最後決定在這裡吃第一次到寶達商場，才看到這一家，可能我那附近沒這家吧？環境不錯的這是我那一頁這是我朋友叫的那頁

作為一間茶記如何可以1800上去食飯已經無晚餐精選？咁點解要有晚餐精選？樓面話無材料就唔做乜簡單到豬扒蛋飯都無？茶餐廳嚟講都可謂垃圾已經係午市晚市都一樣餐單晚晚都約莫咁多人食真係咁難預食材？還是一間連鎖店，連餐廳基本營運都唔識？

今天到寶達朋友家中打Majok，順便在這商場晚餐。原來這商場有很大改變，商店換了！餐廳都變了！　本想到KFC，現在變了茶餐廳。靚靚門面有餐牌，內裡有卡位，於是馬上就座。　點了三份，不久，餐飲先上。　　朋友點的芝士焗肉醬意粉。朋友撈意粉之時，意粉冒出大量白煙，見到就覺得熱辣辣。　　椰汁南瓜香芋煲　　滿心期待香甜美味的椰汁南瓜香芋煲，誰知真身卻是有點失望。淺啡色的椰汁滲有白色點點，好似西米粒粒，生粉勺芡打唔勻的感覺。而帶白色點點的椰汁没有底味，淡茂茂，跟一般遇到如牛奶般幼滑的CREAMY又香甜的椰汁，有明顯分別。而炸芋頭炸至又乾又硬，而部份已變為啡色，也没有煮溶的痕跡，要比牙力去咬。　幸好煲內有正常的南瓜，南瓜的甜味十分突出，全因為椰汁本身淡茂茂。　　　梅菜蒸鯇魚        等了很久很久很久，就連池過我們入座的隔離枱，也開始享用剛出爐的梅菜蒸鯇魚。而我們再三催促，也要等待十分鐘，才見到鯇魚呈上。可能真係剛蒸好，魚肉很滑，鮮味ＯＫ。梅菜才是精髓所在，撈飯一流。只是朋友把梅菜吃光。搶不到梅菜，唯有食多Ｄ魚肉吧！　　裝潢ＯＫ，食物及服務就真係油麻地。