翠湖軒豬扒酸辣米線 (已結業)

有探開車媽媽blog的朋友應該都知我頗喜歡食米線所以都吃過不少風味的米線店,這天在荃灣行過呢間翠湖軒豬扒酸辣米線見它打正我最愛的豬扒和酸辣的旗號便被吸引進去^0^好抵C門口有5張卡位比唔"健康"的客人,我哋咁"健康"當然生室內啦haha~餐牌講到咁勁梗係要試它主打的豬扒酸辣四川粉啦!!每碗米線可享半價飲品一杯,要了例牌凍檸茶及熱奶茶但味道可以不理啦哈哈!!{招牌豬扒酸辣四川粉}$36,問侍應姐姐何謂四川粉她說是粗身薯粉,心想正喎最喜歡食粗薯粉呢^0^點知原來只你呢種所謂的粗薯粉(不是扁寬的那種)可惜淋pat pat沒甚質感可言,湯底辣味係有的但可惜香味不足而且酸菜亦不夠醇香,唯獨那豬扒肥瘦適中質感很軟淋而且醃好夠味有驚喜啊!!{麻脆雞扒魚湯泡飯}$36,雞扒跟泡飯分開上這點很讚,先評魚湯泡飯坦白講一點也好味,不濃不淡的湯底令人摸不著邊際!!但麻脆雞扒就勁讚,熱辣辣炸起來外層酥脆味道帶麻且香,雞扒炸至恰好還帶少許肉汁真的十分好吃呢!! 如果店家能改善一下湯底以它的炸功我相信他不愁沒生意呢!!

由於我要看齣戲的關係，晚飯時間到達荃灣廣場外的食店吃便飯，見到這家米線室外竟有卡位，又常常有人一邊呼吸，一邊幫襯，所以試試（但我不是「張志明」，我坐入面看電視好了）。//由於有點趕，點了一碗米線，一杯凍檸茶，應該好快有得食，但在只有幾個食客都等了10分鐘才有⋯幸好第一時間咬一口豬扒，外脆內軟，醃料香又入味，而且豬扒選擇肥一點的，不易炸得乾，可見廚師醃豬扒有一手。但其他配料就失色一點，米線芽菜份量少了一點，亦不夠酸辣，只是普通之作。//不過說句題外話，我的食慾可能被某免費電視新聞專題說什麼「行山有意外，都是行山人士自己疏忽造成⋯」「行山意外一宗接一宗，年頭有一宗，年尾有一宗⋯」這種那麼「精僻獨到」的報導有所影響吧⋯⋯//我有可能會為塊豬扒再來，但要在無咁趕、多人和不是看免費新聞的時候⋯⋯

個朋友無乘乘夜晚10:00打比我，叫我去食宵夜！唸唸吓，荃灣廣場對面開左間新餐廳，就同朋友去試下，係門口有1排卡位係無冷氣，因為同餐廳裏面分開，我就坐出面d卡位，因為可以睇到車！我叫左肉燥招牌豬扒飯，，d豬扒有麻辣味，麻辣味過濃，而肉燥方面就幾好食，咸味不太重，d肉燥粒算幾有誠意，大大粒肉粒，口感十足，另外我重有杯凍啡，味道剛剛好，咖啡味和奶味兩者可平均到，易入口

星期二晚, 呢間都幾少人, 可以任坐。男朋友試左豬扒酸辣米線, 我試雞扒酸辣紅薯粉。(其實我係叫雞翼架...不過見佢好似都幾好味就算啦)豬扒係麻辣果隻, 雖然浸湯, 但係都好入味, 麻而不辣, 件件大塊, 而且都有咬口, 好味嘅! 雞扒超脆丫, 都係麻辣果度, 我都中意! 紅薯粉只係加$1, 出面多數要加$2-$3, 佢煮得好冧, 加埋佢酸酸辣辣的湯, 我一個女仔成碗食清光 。特別一提就係D酸菜係唔同出面普通酸菜, 係自家醃製, 至於味道有咩分別我就唔識講了, 總之唔係一味酸, 大家自己來試下(賣廣告feel...)。唯一我覺得要彈嘅, 係小辣真係好小辣...我再加左3匙辣椒油都只係多左d香味, 辣度仍然一般般, 但係香嘅。(平時譚仔食開3-4小辣。)

好難食？明明記得之前係好好好好食架今日個食多次不過冇之前咁好食啦我湯底冇咁濃啦酸菜呢唔夠多啦比起一開始啱啱開店嘅時候水準真係下降左好多希望店舖可以好好改善下啦因為我都係介紹咗好多朋友佢哋個個都話好好味估唔到開張唔夠兩個月就會下降成咁樣真係要好好改善

今日放半日朋友約埋去荃灣廣場追《迷你兵團》，時間尚早找左呢間填下肚。我地點左兩杯凍檸檬茶，豬扒米線同口水雞米線。飲品好快到，比起茶記冇敢甜易入口又香茶味。朋友碗米線先到偷夾左舊豬扒試下，味道唔差但係塊扒薄到同茶記冇兩樣冇口。我叫的差不多相隔十分鐘先到。一試個雞個汁陣酸味蓋過其他味又唔麻又唔敢辣又膩。老實講同我之前食過的其他餐廳主打菜有差距。埋單價值錢算係合理。可以比機會下次試其他食品