翠湖軒豬扒酸辣米線 (已結業)

星期二晚, 呢間都幾少人, 可以任坐。男朋友試左豬扒酸辣米線, 我試雞扒酸辣紅薯粉。(其實我係叫雞翼架...不過見佢好似都幾好味就算啦)豬扒係麻辣果隻, 雖然浸湯, 但係都好入味, 麻而不辣, 件件大塊, 而且都有咬口, 好味嘅! 雞扒超脆丫, 都係麻辣果度, 我都中意! 紅薯粉只係加$1, 出面多數要加$2-$3, 佢煮得好冧, 加埋佢酸酸辣辣的湯, 我一個女仔成碗食清光 。特別一提就係D酸菜係唔同出面普通酸菜, 係自家醃製, 至於味道有咩分別我就唔識講了, 總之唔係一味酸, 大家自己來試下(賣廣告feel...)。唯一我覺得要彈嘅, 係小辣真係好小辣...我再加左3匙辣椒油都只係多左d香味, 辣度仍然一般般, 但係香嘅。(平時譚仔食開3-4小辣。)