翠苑牛什粉麵專家

營業中

休息中

星期一夜晚兩個人去食，有個短頭髮既女職員幫我地落單。我地叫左牛腩雲吞米線同牛腩粗麵，我地見到張單落多左杯凍奶茶，短頭髮職員行過黎話：下，明明你頭先自己叫架喎！你自己落錯左仲要一行過黎就話返個客？事實係我地根本都冇叫過野飲，亦都唔會飲凍奶茶。叫米線最後又黎錯河粉都唔洗佢幫我換，雲吞上面有一隻好細既飛蟲，短頭髮女職員話係黑芝麻，我地忍唔住問佢：你雲吞入面有黑芝麻？定牛腩用黑芝麻炆呀？影相放大有翼，佢都話係黑芝麻，最後另一個職員過黎幫我換返粒雲吞同講唔好意思。野食其實唔差，我都唔係第一次去食，不過態度要改善下。

平時帶點港女脾氣的我，一向都覺得打卡餐廳或者高級飯館比較有看頭。平時很少去嚐牛腩麵店。怎料今天媽媽去吃牛雜麵食發現這家麵店的確非同凡響！她要了牛雜麵之外，我叫了牛俐撈麵試試。這裡的撈麵都是用上油麵，口感很好。牛俐是我食過質感最幼細嫩滑的牛俐！！頗彈牙。麵還是牛俐也份量很多。只需45。加7蚊有凍檸檬🍋茶。貧窮月可以來食啦。下次應該會試試出名的崩沙腩或者牛丸麵。雲吞麵也只是33蚊一碗。

光輝圍，一個周邊有大量餐廳同民生店舖既地區翠苑既牛雜係呢片地區做得幾好既食物之一，基本上有位泊車就一定入去而牛雜飯必食既程度亦高過牛雜跟粉麵其中原因包括：1. 牛雜飯所供應的牛雜底會有幾件蘿蔔，其他店會用黎濫竽充數，但翠苑既蘿蔔做到清甜可口，當食其他內臟感到口腔肥膩時，更可用黎清肥膩感2. 牛雜飯主角牛雜本身做得非常出色，肚，肺，大腸，小腸，肝，份量唔少，口感夠淋，五香足夠令食用時唔會有臭味或唔舒服既感覺，風味十足既汁用黎送飯，加上少少辣椒油，比粉麵更好食3. 大腸，小腸既脂肪多，放係飯上面，有少少溶化，放入口中嘴嚼時脂肪同飯融合出香味，口感係其他店食唔番，因為本身米飯煮得好，米質素亦唔差4. 因為叫牛雜飯會送紫菜湯同飲品，性價比最高

每次經過佢門口佢嗰陣牛腩味都好香，雖然唔會成日去食，但係久唔久食下佢個牛腩麵都幾好，最鍾意佢嘅地方就係開到好嘢，每次夜晚玩完返屋企嗰陣時，經過佢都未關門，食碗麵再加個奶茶就啱啱好。

食開隔離果間牛腩店，見這間成日有人在門口， 就試下啦，試左一次牛腩，完全唔得。第二次再俾機會佢試雲吞水餃！就係唔得。好想知解啲人揀佢都唔揀隔離果間，唔通貪佢大碗啲？ 個湯冇香味，牛腩簡直同隔離冇得比。唔想再有第三次

凌晨2/3點口痕想食野 但真係選擇唔多但一入到餐廳基乎坐滿 ，叫左個牛腩撈粗 。賣相其實真係麻麻地 但食落真係好滋味 。牛腩好林 唔痴牙 入味 ，有腩位仲痴住膏位 勁好味。粗面方面 有小小鹼水味 同蠔油一齊真係好夾。生菜比鹼水淥過依然保持鮮綠色。同埋夠爽夠脆！！份量都係覺得好大份 ，2份食都夠飽有突宵夜真係唔好食太多因為太唔健康 但真心宵夜黎講 呢個牛腩撈粗算係唔錯，附近仲有好多宵夜食 。鐘意食宵夜既朋友仔可以去附近探下路呢！

上機前一餐，梗係要食返本地特產。牛雜舖周圍都有，但係要搵間擺得入口既靚牛雜又真係好難。今次呢間不但夠哂濃味而且個所有什都炆到入哂味，梗係要多青先好味啦個份量重多過啲粉個人覺得最好味就係個牛肺，爽得黎又唔會有腥味越食越想食

我行到門口諗住叫外賣，跟住有個服務員倒緊魚皮一邊問我，要咩，答完佢要咩之後佢搵第二個同事過黎，又再問多次，好，我叫果碗野要走青既，我望住佢整野食個師父，一路整都無問題，問題黎啦，到關蓋之前個幫我落單既倒左一勺蔥落去，算，我當睇唔到，佢拎個外賣比我，我問佢，唔該請問有無辣油，佢答我有架喇，咁好喇，我反到屋企準備我既晚餐，一打開個袋，辣油呢～？真心覺得無誠意做既執左佢喇，點解一啲咁細微細眼既事都可以搞成咁

這間是附近食店之中價錢較便宜的，二十多元就可吃到一碗面，而且味道也不錯。這次吃了餛飩麵，23元。餛飩的蝦肉爽甜，蝦肉大顆，餛飩皮滑，口感不錯。不過吃完覺得咸了點。曾經試過這間的水餃麵，水餃有蝦肉，木耳等，但卻沒餛飩那麼咸。幼麵則不過不失，幾有口感，不會太硬。總括來說，味道不錯，而且價錢公道，十分抵吃。

本身都幾鍾意食哩間既牛腩,最近又迷上左九記既牛腩伊麵,今晚行過翠苑食個宵夜先!好,叫左牛腩伊麵,有時食翠苑會覺得個湯比較淡口,今晚麵一到,先飲一口湯...出奇地!味道剛好!!!!立即眼前一亮,好再試一啖伊麵先。嘩!!!爽口彈牙!!!立即愛上了!牛腩質量剛好,不太冧又不太硬，爽口,好香牛味!如果九記既牛腩我比8分,翠苑既牛腩我會比7.5分，順帶一提九記賣的是清湯腩,翠苑賣的是五香牛腩,兩者味道上係有分別的,今期推介:翠苑牛腩伊麵!!

自從食左一次,就鍾意左呢間既河啦!呢到D河料好多,我今日同男朋友一人叫一碗金錢肚河,食呢間野既河一定要加佢既辣椒油,因為真係夠辣又香,我只係加左少少已經辣辣地啦,但自問我都OK食得辣佢呢到仲有佢自己整既辣椒酒賣TIM!仲有呢到既檸檬茶都好好飲,唔會好似出面果D咁淡到好多水咁,又唔會得檸檬味,呢間就岩岩好,又有茶味檸檬味又岩岩好,甜度又OK WO!

悶悶地又寫下食評先,今晚無啦啦想食野,咪同我老公食下宵夜,我地叫左好少野食,因為我地都係

可能住o系葵興關係樓下實在太多野食每次吾想煮野都會落街食記得樓下都有好幾間食面既我就系懶依間夠方便最中2食佢地既魚蛋河魚蛋三粒 炸魚片三塊=19蚊魚蛋打得一d腥味都冇 仲好彈牙 味道吾錯炸魚片都系街上個d甘我通常買開外賣 佢都系河粉同湯分開上甘樣麵就吾會焗到糊左仲有佢地既自製辣油真系一流 真系會食上癮 太正了!!!!有機會經過葵興都要試試