翠苑甜品專家 (北角道)

營業中

休息中

腰果糊很香、芝麻糊燉鮮奶很滑。還有，可選擇比多兩蚊加蓮子，蓮子也做得很好！

哩間鋪開無耐，我已經黎食過兩次．昨晚同男友黎食糊，我欣賞哩間鋪頭整得唔太甜．我叫左碗熱養顏杏仁糊，蝦肉色既糊，好香甜．男友叫左碗熱補腎合桃糊，好香滑．我之前試過食腰果糊，都係一個唔錯的選擇，哩間最多糊食．我覺得糊都係要趁熱食，如果唔係就會俾人食左架喇！

行開北角,見到有間翠苑就入去試下,叫左個凍合桃糊,合桃糊唔太甜,幾滑!!好味!!!原來呢間翠苑平銅鑼灣果間1-2蚊架!!!

26 March 2006 (Sun) - 甜品今日全日都唔係食咗好多嘢，所以又食下甜品頂下口癮！見到呢個杏仁糊燉奶好似幾得意咁，咪試下囉，不過杏仁糊好少，主要以燉奶為主，我鍾意杏仁糊多啲，所以冇咁鍾意！但係其實都OK架！

同女朋友係牛一清湯腩食完晚飯，就過到這裡試下糖水，睇食評話樣樣都好掂。叫了碗薑汁麻蓉湯丸和蓮子腐竹薏米糖水。薑汁好重，湯丸好大粒，好煙靭，麻蓉好香，正! 蓮子腐竹薏米糖水，蓮子好多，不過硬，薏米不見，不是好甜，可以接受，但我還是喜歡長沙灣那間6蚊糖水舖!

星期五去左呢道食甜品, 叫左二溝-- 芝麻糊+杏仁糊. d 杏仁糊的色好似花奶(同石磨坊& 佳佳糖水不同, 他們的杏仁糊係白色) . 杏仁香味唔濃, 甜度偏淡, 唔太"傑". 而芝麻糊比軟稀, 芝麻味亦唔太濃, 甜度尚可. 當芝麻糊同杏仁糊混埋一齊之後, 基本上已食唔到杏仁香味.個人喜歡食一品齋& 石磨坊的芝麻糊同埋佳佳的杏仁糊多d)

食不到松記..也沒有算失.真的好....好味...旦白好滑...芝麻夠香...只是太細碗

自問並不是港島人，但不知道為什麼對北角有一份好感。星期六在北角逛擺，在馬寶道買了些出奇地平的衫，就走入了翠苑歇歇。當日合桃鮮奶特價，只是十蚊，即叫﹗另外細妹要了星期六日才有的腰果糊。合桃鮮奶香滑得很，不太甜，想不到兩樣味道也很夾。而腰果糊就更香，同樣也不甜，我們都喜歡吃不太甜的甜品，所以很對胃﹗最後要試試豆漿，新鮮有豆味，也不錯唷﹗

01/07/2005 16:15難得有一天假期，走到北角舊區一帶逛逛，收獲是沒有的，倒偶然走到了這間一直想再食的翠苑。旁邊的八記人頭湧湧，呢度反而小貓三數隻？有冇攪錯！唔係出品退步嗎？吃完阿鴻後口乾乾，糊類咪攪，一於叫碗腐竹蓮子($10)潤一潤先～好大碗，比一般的大三分一左右，腐竹是未煲溶的，還可以一片一片吃，不錯。蓮子色澤偏黃，睇落幾靚，不過食落唔夠鬆化，薏米未完全煲腍，不過反而有得咬下，口感不錯！女友的木瓜杏仁炖雪耳($13)賣相普通，不過冇試唔知味道如何。似乎我都係擔心過早，翠苑點都比八記好掛？

見門口寫芝麻糊皇，冇理由唔入去試，叫了一碗熱的，色澤都幾靚，可惜入口發覺跟八記差不多，芝麻香不夠，過稀，而且偏甜，看來這兒的芝麻糊不是我杯茶，所以我不覺她出品的芝麻糊可以稱皇囉！

食完東寶聚之後，便來了這裡食甜品，我還是叫回我的至愛< 芝麻糊燉鮮奶>。芝麻糊都幾香口，可惜芝麻味唔夠濃，燉鮮奶就好滑，唔會太甜，味道剛剛好。有食家話<澳洲牛奶公司>的燉鮮奶比較好味d，我想因<澳洲>的甜品主要是買燉鮮奶和燉蛋，比起這裡好，也是正常的。而我就覺得各有各好，因<翠苑>可以一次過食到兩種唔同的味道。

星期天, 賺完外快, 食完晏, 洗完衫.沒事好幹, 又去試機. 由家出發長征看看有冇野好影.行行下去到北角, 人行到熱熱的, 還是吃點東西才繼續行.見到呢間甜品店入去吃.要了海帶香草綠豆, 店員說"海水".我便覺得有點怪.來到原來是這麼一回事:果碗海帶香草綠豆都頗為稀, 唔係幾叫得做沙.海帶都幾多下, 但唔見臭草(香草), 唔通煲到溶哂?一路食都見到數人入黎食甜品, 大熱天時甜品店應該會幾好生意. 仲聽到的豆漿賣哂~八蚊碗唔貴又唔甜係幾好, 但見唔到臭草都係只可以俾ok面.

昨晚食完晚飯便來了這裡食甜品,次次都食唔到腰果露(唔係唔記得,就唔係星期六日), 今次終於食到了.腰果露唔會太甜,但味道比較淡,唔夠濃和香.沒有想象中好.下次還是叫回芝麻糊燉奶好d.

係鳯城冇食甜品，其他成員就返屋企，但我與家姐就去食甜品，今次就試了合桃露燉蛋及麻蓉湯丸。燉蛋都係一樣的好味，唯獨合桃露少左的，同埋落碗底時唔係分佈咁平均。至於湯圓就除左有一舊因為新而滾得唔夠耐，它們都皮薄hum靚，湯則是薑湯，順便飲埋佢。埋單24蚊，當然係我比錢啦。

同友人食完dinner後，去左食甜品﹗其實之前都食過一次，所以今次都介紹其他人黎試試﹗水準唔錯，都無令友人失望﹗因為食完dinner，比較飽，所以放棄LE度出名既燉奶系列甜品，叫左個清清地既木瓜銀耳﹗味道一般，所以下次最好都係叫番燉奶系列甜品﹗