翠苑甜品專家 (北角道)

營業中

休息中

又去睇醫生...不過今次睇中醫, 希望苦口良藥, 藥到病除啦....睇完中醫, 阿醫師話我感冒加埋好燥熱...係呀!! 呢排返工真係返到個人好燥呀~~既然係咁, 返去煲茶之前俾d小甜頭自己...去翠苑食碗糖水潤一潤先!! 坐低諗咗一陣...都係食我嘅最愛!! 木瓜杏仁燉銀耳 $13 :呢度我食過好多次, 係唔係最好食就各有喜好, 不過以咁嘅質素, 加上咁嘅價錢, 整體來講, 我覺得全香港最好嘅燉木瓜雪耳就係呢度啦! 呢度係用盅上嘅, 由個蒸櫃攞出來, 糖水味道好清甜, 唔會係個種死實嘅甜, 係少少冰糖加埋木瓜本身嘅甜, 所以飲落好舒服~ 裡面嘅木瓜大大件有三件, 木瓜嘅熟度剛好適合用來做燉品, 雪耳爽口, 不會太硬...咁大盅木瓜雪耳, 如果去旺區或連鎖糖水舖食一個木瓜雪耳, 我相信起碼都要$2x-$3x, 不過呢度都仲係賣緊$13!!! 係邊度搵呀?! 呢度d糖水都係$8起(加配料另計) , 最貴個樣龜苓膏都只係$18!! 當飯食都抵呀~ 食完真係潤肺又潤埋個銀包呀...哈~

我：「一個楊枝甘露唔該。」老闆娘：「凍架wor。」心想，難不成楊枝甘露有熱的嗎？她很快手，馬上轉個身從冰櫃端出一碗楊枝甘露來。雖然不是很大碗，味道是正正常常啦，冰冰甜甜的，算是少甜的程度，而不是滿記那種又濃又甜，可能因為比較稀的關係，屬於可以接受的範圍之外。那些西柚絲很明顯是隨手「meet」的，有大有小還有頭有尾，很少見楊枝甘露裡會出現粉紅色部份的柚絲啊！但 $13 真係好抵食，得閒一定會再黎。要是再吃一碗，兩碗加起來才 $26，比得上到出面的滿記食一碗了。

轉車路經北角，想搵糖水舖食宵~見到即入左黎！我叫左大良敦奶，唔會太甜，味道算不錯，奈何我叫的是凍的，但卻未雪凍....有點暖暖的...唔夠凍好古怪......試埋朋友碗桑寄生蓮子紅棗蛋茶，藥材味味太重，蓮子又芯清得唔乾淨，有d苦!麻麻地....唔太鍾意~勝在夠平，平均都係$12-$13碗，新式的店絕對唔會有呢d價。環境係一般的舊式糖水舖~好懷舊~

夏天悶悶熱熱咁，食番碗凍凍甜甜的糖水，真係叫人好鬼滿足。今日叫了芝麻糊+湯圓、腐竹薏米糖水。芝麻糊有很香的芝麻味，d湯圓皮很薄、饀很多及很流，甜度剛好，好好味。腐竹薏米，d腐竹唔係完全煲到溶哂那種，所以個糖水有得飲，亦有得咬下，正。2個人食完2碗冰凍的糖水，都只係20多元，比起新興的糖水舖，1碗閒閒地都要20幾元，真係冇得比。所以我都係喜歡傳統糖水舖多d，不過真係買少見少lu。

翠苑嘛, 我是由它開店吃到現在的了, 竟然未為它寫過食評, 就趁今天困獸鬥了一整天後, 來吃碗甜品慰藉一下, 記它一記吧。由街頭小店做到如今有三家分店, 我算是「睇住佢大, 睇住佢壞」的; 現在的質素已今非昔比, 跟旁邊的大良八記已相差無幾, 但價錢仍是後者的差不多一倍。但在附近仍未有更好的糖水店之前 (我吃的時候王記又未夠鐘開啊), 這裡還是吃得過的。這天吃了鎮店名物: 芝麻糊燉鮮奶 ($14)。如我沒記錯, 它跟合桃糊燉鮮奶一樣, 應是此店首創的特色甜品, 店子也因它一炮而紅, 此後仿傚者眾。雖然我到如今都不知他們怎麼把芝麻糊釀入燉奶之內的, 可是也不影響它成為我的最愛之一。但今天的芝麻糊燉奶就真的令我有點失望了, 燉奶是實實的, 全沒燉奶的軟滑質感, 奶味也不濃; 裡面的芝麻糊倒還不失禮, 有點芝麻香之餘也不算太甜 - 但連這個都失手的話我就不知吃什麼好了。那又未必...這裡的腰果糊 ($10) 有健脾補腎之效, 坊間也不多見, 口味有點像合桃糊, 還算不錯; 另一樣較常吃的是薑汁燉奶 ($13), 不過對我來說是不大夠薑味, 水準比以前也是差得遠矣。只能說一句: 「當愛已成往事

喜愛傳統甜品的我，發現左lee間糖水舖後，就經常都會嚟幫襯!!!最愛佢的腐竹雞蛋糖水，d腐竹完全溶得剛剛好，充滿腐竹的香和滑。雞蛋一流，很滑漏!!! 最近賣埋清心丸，很少甜品館有得供應，有興趣一定要嚟試下!!!

本來一直都有幫親開大約一星期三,四次(因在附近工作)一直以來都覺得D阿姐態度好差(好無禮貌)不過10多元一碗有質素的糖水(木瓜真的很不錯)也就算了吧那知前日再光顧叫左碗凍木瓜食食下...點知..有條頭髮!那我也沒打算追究了(人有失手嘛)於是便叫阿姐過來看一看打算叫她換一碗給我(不過份吧?!)那知...當時有2位阿姐在出面佢地聽到我叫佢地(我只是指一指碗 表示碗內有異物)但無一個人有反應(是無視囉!)於是我再叫多一次 而且細聲地說了一句"碗糖水入面有野呀!"(因不想影響其他客人)但..那個阿姐只是走過來收了我碗糖水又算!!(沒打算再給我一碗新的!)雖然最後沒有收我糖水錢但碗糖水有頭髮 多少都要道歉吧?不但沒有任何道歉 而且無視客人縱使糖水幾平幾好食都不會再幫親!

不知不覺間, 係頌揚入面興起了一個甜品六人小組. 連續兩次大局之後, 也係這六位弟兄姊妹一齊再吃個甜品. 其他戰鬥力不足的, 已經先行告辭了.上一次來翠苑食甜品, 已經係我們兩個第一次參加開飯的大局, 三年間的轉變係相當之大. 是晚來到, 文迪也吃不下一碗甜品, 我們兩個就只叫一碗腰果露分吃.首創健脾補腎腰果露$10: 9分, 只要$10一碗的腰果露, 價位來講係超值. 但要留意的係不是天天有得食的, 只係星期六日供應. 這裡是否首創, 又是否能夠健脾補腎都不是小弟能夠評論的範圍, 但這個腰果露係相當之滑同香, 腰果味濃郁, 不太杰或者太稀. 盛上來的時候係非常之熱, 真係要慢慢嘆. 當然, 也驚訝亞姐的手係完全的隔熱!吃得多西式的甜品, 有時吃吃這些精彩的傳統糖水, 又幾好.

今日同一班弟兄姊妹出席完最後一天的活動,就到呢度食返個糖水作結~我地由貴夾普通水準的甜品, 越食就越平但好味!! XD環境就唔會點expect喇,不過有時都會想0係返d咁有味道的糖水舖食下d中式糖水0既~~~本人叫0左個喳喳湯圓,雖然明知佢高熱量...不過未食dinner 0既情況底下就算啦...^^"個喳喳同以往所認識0既唔同喎!!少了平時屋企/其他舖頭必落的椰汁,多了好少0係喳喳中食到的番薯~!有點特色我喜愛~!!!豆量都唔少,品種都幾多!!唔錯唔錯!!芝麻湯圓都不俗,呢隻軟糯度幾適合用0黎配以其他糖水的~整體滿意!! ^^試了姊妹的芝麻糊燉奶同淨燉奶~前者幾特別!!將芝麻糊灌入去個燉奶度,但芝麻糊再杰返d會好味d, 同個燉奶都夾d~~~~燉奶幾實,但好夠滑!!同平時食開果d"浪"下"浪"下反晒光0既唔同~幾欣賞!!!一定會再去啦~~~反正近教會,都係幾步路0者~ 最後買0左碗桑寄生紅棗蓮子蛋茶返屋企,試0左幾啖,good!!!我鍾意佢D紅棗唔係煲到爆晒花,又好香棗味,蓮子雖然唔粉,但都夠腍,阿媽話有D未去芯...個人認為糖水可以減一點甜~~~不過, 整體都好滿意~!!

食完阿鴻辣鴨舌, 嘴唇麻痹到好痕(!?), 又需要糖水解辣, 行行0下見到呢度, 一入0黎就俾身形略胖0既阿姐怒啤(發生咩事目露凶光!?!? 嚇死我!), 0拿0拿臨食完個熱芝麻糊俾錢走人.賣相唔錯, 食落幾滑又唔太甜, 味道幾0岩我, 只係個人覺得唔夠杰, 整體唔及旺角石磨坊. 不過笑面係值的, 而且$10 一碗又真係幾抵食.

8月5日，22：25食完粥，繼續往東走，到這街回味"牛一"。天氣太熱，需來碗綠豆解暑。香草海帶綠豆：雖未至香氣撲鼻，但仍有臭草味，海帶幾厚身，豆碎而香濃；但個人覺得太甜，偏俗了。街坊店，服務幾好，值得再來。下一目標：桑寄生蛋茶。

合桃糊($10)食糖水要食熱先試得真味, 途經呢度, 記得大部份食評都話唔錯, 咁就要順便試一試啦!合桃糊, 熱, 幾大碗wo... 但合桃味唔濃lor, 而且都唔係好甜, 所以食晒成碗都唔覺膩. 我仲加兩粒湯圓($2/粒), 湯圓都係大粒, 芝麻餡亦都好多, 都幾香, 可惜皮太厚, 唔算好食.薑汁燉奶($13)又係叫碗熱, 見到碗燉奶好多煙出呀, 但食落原來唔係太熱ja, 一定唔會燙咀! 唔通係微波爐叮熱? 好彩, 呢碗薑汁燉奶好滑, 薑味都夠, 都幾好味, 當係對呢度不滿補番數啦!雖然呢度d糖水係幾平幾大碗, 但味道就普普通通...

腐竹薏米($8)+湯丸($4) - 腐竹煲到熔晒, 好香腐竹味, 湯丸另加每粒$2, 芝麻餡, 唔太甜冰花燉雞蛋($10) - 蛋味唔夠楊枝甘露($13) - 勁多多多西米, 整到碗野好杰, 芒果好酸, 無奶味, 食左幾啖已經食唔落, 呢個係我食過最差既楊枝甘露

今次決定唔食難食的大良八記，去左佢隔離的翠苑食，都係食芝麻湯圓。今次真係夠水準啦！d 薑汁味勁重，真係勁開心！雖然比大良八記貴兩蚊，但我都覺得抵食呀！一定會再食多幾次！^^

我是看著這間店開張的..而且平均一星期就會來光顧一次...本人最喜歡它的"熱" 腐竹白果糖水($10元正) 比起銅鑼灣的分店還要便宜兩塊錢..而且它的腐竹白果糖水又不會太甜..適中喔!!不錯不錯!!滋潤一下乾燥的喉嚨^^~~還有它的腰果糊<=== 只有星期六和日才有的..要吃可要快!!合桃糊/ 杏仁糊/ 芝麻糊燉奶<=== 真的很特別..可在同一時間嘗到兩種不同的口味..可兩樣口味又那麼的配呀..好吃好吃!!任何產品都可以加兩塊加雞蛋, 蓮子, 薏米, 白果, 湯圓...等等喔!!整體來說這間糖水店的價格和產品是成比例的!! (而且店面比起銅鑼灣分店大兩倍左右..而且又不會擁擠!!不會有坐得久一點就會有別人想趕你的感覺!!!一﹏一"嘿嘿)