翠華餐廳 (荊威廣場)

營業中

休息中

唔知想點，茶餐廳冇常餐。 😰但有cold cut platter， 係搭枱食。配凍檸茶奶茶。邊個諗出嚟㗎？嗌咗個魚蛋米，完全唔係嗰回事。 所有嘢飲另外。 以後唔會再嚟。唔好求其開間餐廳叫自己係翠華啦。😖😖😖

經過入去食早餐，果度啲射燈，搞到張張枱都好殘眼。坐得唔係咁舒服。再睇吓早餐，先唔講價錢，選擇唔多。一般最多人叫果幾款都冇，要通粉，轉左蜆殼粉…沙嗲牛肉變咗沙嗲牛肚… 等等。 想收多啲錢啫，唔使整色整水，香港人食茶餐廳好簡單，係想食開個幾款嘢，整得好地地。 所以坐低冇叫嘢就走咗，唔啱食。 立下眼睇個menu, 基本上唔可以當佢係翠華，只係用佢個名開間新餐廳。我冇叫嘢食，所以唔知質素如何，但想搵返以前嘅味道，真係失望。

首先啲味道完全唔係我哋以前熟悉嘅翠華味道。我叫咗嗰碗墨魚丸河粉，真心難食。你幻想吓自己喺屋企用滾水烚啲河粉再加啲丸落去之後上枱。朋友叫咗個豬軟骨嚟蛋撈飯嘅物體，ok d. 但係其實只係翠華嘅招牌完全唔係翠華嘅靈魂。同埋個Menu都幾唔user friendly, 因為佢哋喺個menu set 係Tablet度，但係唔可以喺個Tablet上面直接下單的. 其實係咪因為佢哋仲係試業關係？所以Menu的項目選擇實在少。

從前，中環兩大間翠華，在疫情時已結業。近日翠華在中環另覓地方重新開業，今日約左三位同事去新翠華食午餐。我們12:40分去到，門口排了約十人。排了5分鐘，我們順利入座，座在窗旁高枱的四人卡位，可以望到街景，相當不同。中環的舊翠華在生意高峰時期，午飯時間經常排長龍等位入座，現在明顯少了人等位。我和另一位同事揀了文昌雞飯定食。盛惠108元，有中湯，沒有包飲品。文昌雞去了骨，做得好滑，好好食。兩款醬汁，一款酸菜，配雞件吃，也好味道。中湯是蓮藕湯，味道正常。另一位女同事：揀了沙嗲牛肋腩麵 + 時菜芥蘭。她說芥蘭好食。牛筋腩麵只有牛腩沒有牛筋。沙嗲湯底味道也OK。另一位男同事：揀了咖喱雞飯，他說好食，值85分。白飯好吃，但不大碗。翠華午餐，只有兩款選擇，套餐竟然不跟白飯或意粉。沒有加一服務。食物質素保持到，但價錢就貴了些，因為所有食物，除了套餐，也不包飲品，也沒有加配。如果想飲野，就要單獨叫。

点了看起来十分美味的炸猪扒，上菜后实物和菜单图片完全不是一样，图片上猪扒看起来酥酥脆脆，甚是美味，可是实际上给你的炸猪扒仿佛是一个炸油饼，没有酥脆的bread crambs, 非常油腻，吃了一块，很大部分都是筋，于是找了几个店员核对是不是他们上错了，店员一口咬定就是这样的，他们的表情都是觉得是客人无理取闹😂，非常不耐烦。套餐中还少上了套餐里的蔬菜碗，问过几次之后才端上来。哈哈，就当200多块吃了个手抓饼，以后不再来。

搞唔掂喎真係 好差…個menu出哂事 完全冇晒特色啲碗碗碟碟又唔知做咩 懶係有特色咁…但係你個海南雞飯用印度盤係咩事？個飯一路食 個盤就一路轉咖喱吉列豬扒飯 飯又少 咖喱又少冇下次喇

環境係舒服嘅 裝修係靚嘅 員工係有禮貌嘅 一班做開茶餐廳嘅夥計被要求有餐廳嘅服務質素 睇得出係努力適應中一個早餐比一般茶餐廳貴十幾蚊 午餐價位更加進取吓 食材都係果D 但質素完全唔值呢個價位 上餐第一個感覺係就咁都收六十幾 麵包暖係應該嘅 但茄汁豆好似啱啱喺雪櫃拎出嚟咁 沙嗲牛公仔麵完全唔掂 過鹹而且麵底仲有部份係餅狀 場中間set咗個奶茶吧 好似好有gimmick所謂嘅席前奶茶 就係喺你面前直接拎個茶胆衝落隻有奶杯度 個夥計唔知係唔係新手 睇落有啲緊張 依個玩法如果中午旺場時間應該好快冧檔 做服務業有基本禮貌係應該 邊區都要 而講到尾茶餐廳最重要都係食物質素 想嘗試將價位拉起 唔係單靠包裝 希望俾多少少誠意 以食開茶餐廳嘅香港人要求嚟講 唔會係常去嘅選擇名單內