翠華餐廳 (已結業)

第一次試呢間首先試吓佢星洲炒米先佢嘅顏色同其他餐廳唔同顏色冇咁鮮艷 同埋比較軟身少少亦都冇蝦仁但係價格相宜同埋係另一番風味亦都有少少叉燒都算不過不失而另外一個豆腐火腩飯就比較好食啦火腩嘅數目都唔少呢個可以再叫👍🏽總體而言性價比都係高嘅

由細食到大, 質素正常。 但近年每況愈下, 今次叫的咖喱牛腩飯, 令我第一次要寫食評: 飯經常都係爛我接受, 今次收外賣個飯都凍了。 個牛腩汁好難食, 無味, 薯仔得1粒5豪子size, 牛腩得1粒, 其餘全部牛筋。 🙈我食左2口就掉低左。 另外, 如果你地有時想係個餐轉小小餸, 例如火腿轉蛋, 要問侍應。 女老闆娘唔會肯轉, 而且本身態度仲衰過d侍應。 同埋千祈唔好叫有豆腐既飯, 食過幾次都係又縮又酸

今日同阿女午飯時候經過見門口有個叫經典焗豬扒飯咁就膽粗粗入去試下，試果失望至極，買相冇問題但味道就淡而冇味個鮮茄汁冇鮮茄味個炒飯底油冧冧，個名叫焗豬扒飯但一的焗既痕跡都冇，只此一次下不為例

一見到翠華, 而且咁既裝修, 仲以為係上市公司果間翠華既發跡店(元祖店鋪)如果係元朗老街坊必定知道, 呢間翠華同"果間翠華"非常唔同, 呢間係元朗好長好長時間了,我印象中仲早過"果間"好多, 而且最近重新裝修過, 光鮮企理左好多,食個早餐都份外精神呢度既沙爹牛肉, 係屬於"濃味"派別的, 而且個沙爹色水好深, 最合想食濃味沙牛既朋友另一個亮點係, 通粉係"有坑通粉", 當各大小連鎖集團因為成本問題, 已經放棄用"有坑通粉"了但呢間仍然繼續傳統老味, 值得一讚另一方面, 呢度早餐都係以附近街坊食客為主要客路, 所以價格都係走"親民路線"每枱客入到來都唔使點睇餐牌, 侍應甚至記熟晒有些熟客飲什麼, 呢種味道, 世間上所餘無多了, 要好好珍惜

今晚想食飯，於是入左呢間茶餐廳。之前試過lunch 覺得佢好抵食，又有湯又有野飲咁，所以今次嚟試下個晚餐睇下抵唔抵。叫左兩個晚餐，一樣係有湯有野飲。味道係正常茶餐廳味道，飽肚同埋好食嘅。唔會話食完覺得成個口好鹹同口喝，而且份量亦都好大。肚餓嘅時候食就最岩啦！

因之前份工返另外一區 , 而且工作時間十分長 , 所以差不多二年冇去幫襯。近日食開屋企附近既茶餐廳 , 好多都係一雞死一雞鳴 , 好多以前好飲既奶茶及碟頭飯 , 一係就保持唔到 , 一係就係執左笠...唉!近來去番呢道 , 有重新部份裝修過 , 包括牆身、枱及椅等等 , 在內環境光鮮左 , 而且以往既異味冇哂 , 坐得舒服好多 , 抵讚啦!仲發覺左一樣野值得讚 , 就係碟頭飯選擇種類多左好多 , 我最鍾意食既【火腩】, 配【枝竹、豆腐及冬瓜】都有 , o岩哂我口味 , 正呀!不過就因為食物物價近年升幅勁 , 所以都加左價 , 但都係屬區內較平。一碟涼瓜火腩飯HK$29元送飲品 , 但凍飲另加HK$2 元 , 加埋都係HK$29元 一又係抵食! 我最鍾意食火腩 , 呢道火腩係用靚脆燒肉煮 , 好鹹香好惹味 , 而且唔肥好瘦 , 成舊連皮食好正。炒粉麵都係HK$30~33左右 . 大大碟茨汁唔算多 , 覺得較健康可接受。最正杯凍奶茶 , 茶味及奶茶都好濃郁 , 元朗區都算數一數二。招呼方便保持到親切 , 埋單俾錢都有講句【多謝】, 呢樣我最欣賞。近來幫襯得好頻密 , 希望再嘗試下其他新

越近婚期生活越忙，很多時食飯已經不是為了食飯，更多是為見人。週日返教會崇拜前，來了這裡吃早餐，為的也是一些蜜月意見!　是間普通的茶記，有著普通的環境，與很大路的定價：六款早餐索價$20，凍飲加$2，是日選擇如下：　餐肉煎蛋配多士-用的是普通餐肉，小小的一件又沒有過分油益味，偶爾一吃也無妨啦!煎蛋很嫩，咬開蛋汁四濺，好吃，但多士就平淡失色了。　沙嗲牛肉麵-沙嗲味未能與湯底融為一體，而且牛肉咸味偏重又不夠滑，與近期熱愛的南北店水準真是差遠了，吃剩半碗收場。　雞翼腸仔配多士-細細隻雞翼看來吸引，可恨傾計之際被龍全數吃光；反而又實又難食的腸仔就留了半條給我，豈有此理!　五香肉丁米-龍的選擇，用上較粗的滑身的米線而非米粉，而其實個人較愛索味的後者。　凍奶茶-正常大路的味道與水準。　熱奶茶-幼滑細膩又香醇，比凍飲要好得多，是全餐最滿意的一項。　如非考慮卡位因素，無論如何我一定會揀附近的南北店，它的早餐真的好吃太多了!

最簡單的菜色卻是最難變得outstanding.這裏的火腿通粉給我很深刻的印象，滑滑的通粉，清淡又不是無味的湯底，滿滿的火腿絲… 使我每一次懶得下廚時都想起它，還有一次腸胃炎胃口缺缺也是它令我飽餐一頓！還有值得一讚的是，他們外賣的速度驚人！落單到食物送到家都只是十五分鐘~

今次終於唔駛陪女友及母親食飯,可以自己抽時間幫襯。餓到下午差唔多三時,我先去食午飯,見今日天陰冇猛烈太陽,所以就步行十多分鐘,再去幫襯一下啦!去到睇到電視卡位爆哂,我揀中間四人坐,仲係正部電視底下,因為當時播緊【南華vs 傑志】。我叫好耐冇食過【涼瓜肉片炒河】,及一杯【凍奶茶】。話時話,呢間我未飲過【凍奶茶】,因為以前我係有段時間,轉飲【凍檸茶/凍檸賓梳打】。等約十分鐘內,【涼瓜肉片炒河】到,今次炒廚房師傅,並唔係我最口味果位師傅,相信佢應該係收工,因為以我所知,呢間餐廳廚房師傅,平時見有成三個輪流做,但邊個係長工邊個係替工,我就真係唔清楚啦!我凈係知一個三四十歲,高大都幾肆正師傅炒最正,尤其濕炒河,佢茨汁唔多最我注重健康食家。今次【涼瓜肉片炒河】,由另一位有輕微似【Mr.Bean】,中年師傅炒,茨汁及豆豉都比較多少少,但味道都ok 值80分。今次我仲破戒,一向唔食辣我,倒少少辣椒醬撈亂食,真係開胃好多成碟食哂。【凍奶茶】ok 值85分,奶味大過茶味,如果茶再濃少少真最好啦!水吧師傅咁耐都係冇轉過師傅,呢個師傅一向唔多出聲,同埋我以前成日去玩攝影,都偶爾撞到佢去攝影,大家都係同道中人,

自從幾年前食到有小強之後就冇再去食過不過我以前間唔中都有去食算係茶餐廳應有既水準

我上星期睇到有食家post 呢間餐廳,我仲以為元朗幾時開左翠華餐廳分店?!原來係同名既一間舊式茶餐廳,我同女友搵左一陣問下人先搵到,入到去感覺較殘舊。睇左牆身餐牌好耐,發覺冇小菜食只有碟頭飯,我叫了涼瓜肉片炒河+凍柑桔檸蜜,我女友叫了三絲炒瀨粉+凍檸茶,我倆叫的食品及飲品,確實沒有令我倆失望,尤以食品較出色,坐了近一小時離去,埋單都唔需要六十元還有找,真抵食,值得下次再去。

原來呢間茶餐廳做埋夜市,但只限至晚上九時正,所以大家想去食野就要早少少啦!

呢間舊式茶餐廳,喺元朗大大話話都十幾廿年,唔好睇佢好似好殘舊咁,但其實食品十分之有水準,但係就冇晚市嘅。佢冇小菜食,但碟頭炒粉麵飯甚具水準,就算普通鮮茄肉片飯、粟米肉粒飯或濕炒河粉,都好有鑊氣好新鮮好味道。平均一個碟頭飯$25元送飲品,炒粉麵飯都係$27元送飲品。奶茶咖啡及檸茶都好好飲,而且人流唔算多好易有位,招呼都算有禮有人情味,起碼你幫襯多幾次,佢都會同你打下招呼講聲多謝。仲有下午茶餐都好多選擇,價錢又平,仲有外賣送添呀,唔駛另加費0架!位置雖然係偏僻左少少,雖則我住元朗市中心,每日步行十數分鐘都一定要去果度食晏,呢間餐廳近安寧路盲人會對面,屏會街口右轉角福盛徑。以咁嘅價錢食咁嘅水準,我個人覺得真係抵得爛。