翠華餐廳 (已結業)

好耐未試過咁早起身約朋友食早餐囉...沙爹牛麵﹣牛肉無味、鞋口，麵就一般...事實上真係唔知自己食緊咩...因為牛肉唔似牛肉....粟米奄列﹣應該係靚蛋0黎，因為碟奄列一上檯，即刻聞到好濃0既蛋香，夠滑，唔係太多油，幾健康∼如果餐包轉多士就更好∼因為個餐包太甜...

平安夜晚，被友人S賣豬仔，參加了一個又貴又沒趣的派對。他自知理虧，和我到灣仔星街的One Fifth開了支Moet。誰不知此店未到三點更打烊。因為之前未有吃晚飯，又有些餓，於是便到此店消夜去了。很少光顧茶餐廳，但就獨愛吃此店的鐵板蝦球麵，又是因為我的「假洋妞」口味。很喜歡那些兩面都被半煎半炸得脆卜卜的幼麵，非常可口。蝦球大得驚人而又新鮮彈牙，永遠不會煮得過熟，而且又份量十足。而那個酸酸甜甜的獻汁更是靈魂所在，除了加添了味道外，淋在熱辣辣的鐵板上時，那活潑跳躍的情景，直叫人食慾大增。記得小時候常常撒野，不肯吃東西，媽媽就買了個鐵板，天天為我做鐵板餐，增加我吃東西的興趣。就是因為家人的溺愛，弄得我現在吃東西也嘴刁得很。

入到去咁岩有位，唔洗同人搭台，叫左特餐，厚多士好正，加埋隻幾乎完美既煎蛋，蛋汁滲落ｄ包度，真係好好食．．．個肥牛公仔面就冇乜特別，不過不失ｌａ～真係仲好回味厚多士＋煎蛋呢個完美組合．．．！！

20051107 3.30pm買寵物用品, 行到支力. 搵間茶記歇一歇.要o左一個脆皮奶油豬($10) share.一杯COT, 一杯OT. 脆皮奶油豬熱辣味美, 同中環蘭芳園有得比.不過環境比較差, 細又逼人又多兼且好大煙(我食煙都係咁話), 同埋服務又係好唔掂, o的o靚仔無禮貌.

入到去, 見佢大大隻字推海南雞飯...叫左黎試下啦...好唔掂, 比石頭更硬... 好多肥膏碗飯太淋..唔會再食

近排食過啲海南雞飯都唔係好得，星期六去咗呢到食晏，咁就試吓睇吓好唔好啦，45 蚊個餐都可以，唔係太貴。份量都可以，但係啲雞就好韌，無雞味同好油，無甜豉油，飯ok，唔太油而有雞味，湯好甜不過就應該好多味精。下次唔會再來呢到食海南雞飯。

08/08（Mon）晚同朋友&佢0既朋友一共4人吹水食飯，叫0左4樣0野share食…滑蛋蝦仁炒河﹣覺得個獻汁有d怪，漿粉水咁∼味道就一般。鮑汁玉蘭雞粒飯﹣個人口味關係，覺得唔係咁好食（炒飯唔夠香口同乾身）海南雞飯﹣雞好瘦，無肉。鐵板蝦球炒兩面﹣係鐵板伊面兩食，就咁炆同油炸，上面有酸甜汁蝦球。蝦球夠爽夠彈牙，係大家一致裁定係最好味0既！凍華田，咸檸7，凍奶茶﹣一貫翠華水準。

26/7 (Tue)之前一晚0係朋友仔屋企借宿一宵，第二日一齊食早餐，感覺好...正！哈哈哈~~朋友叫0左早餐B，豐富到...唔記得埋個名，大概係魚卷加幾樣肉再加麵咁0既一碗大碼麵...我叫0左早餐A：鮑魚火腿絲通粉，雙蛋、餐包，凍啡少甜。鮑魚火腿絲通粉-味道ok，因為茶餐廳食鮑魚本來就唔應該有期望，通粉爽口，有水準！！雙蛋、餐包-雙蛋煎得相當靚仔，半生熟，個黃0岩0岩好半固體半液真體，重要0既係無乜油。餐包，哈哈哈~~請容我講一句，真係有專業水準！！！！！！外面烘到脆晒身，但裡面又有麵包應有0既口感，我仲食到有少少糯米果種...好有韌度0既感覺...總之因為lee個包，成個早餐加晒分係啦~凍啡-翠華0既啡係好0野就唔使再講~但自己飲慣少甜，有時覺得佢甜0左少少囉~所以特別強調要少甜，味道就GOOD晒喇~是日早餐多得摰友謝小姐於本人山窮水盡時獨家贊助，充分表達出『雪中送炭』0既真正意義，感『謝』感『謝』！！

20050627 1.30am因為銖記的意外, 男友從老遠的屋企過海來相陪, 十分無辜.先食個夜宵.我要了杯熱奶茶, 還可, 不夠濃. 不過個杯都幾搞鬼.男友吃了一個餐蛋治, 我無食, 無心情, 不過件蛋治o的蛋勁厚.同埋飲o左杯熱奶茶, 同我一樣.=_= 唉~ 好彩還有杯熱奶茶暖暖胃, 當然更好彩就係有個好男友啦.

來翠華我幾乎只會吃魚蛋粉﹐但由於呢間野同其他茶餐廳一樣﹐成日好大煙﹐所以除了非不得已﹐唔係都唔會去。昨晚一心想去天后食德昌魚蛋粉﹐但又覺得遠左少少﹐便來呢度看看咪環境。星期日晚近八時﹐幾張卡位冇人坐﹐可能之前落過雨﹐D人返晒屋企啦。一入門口就有侍應問﹕「食唔食煙﹖」拿﹗茶餐廳都分吸煙同非吸煙區呀﹐你地真係要學下喇﹗我叫了魚蛋米線和通菜﹐兩樣野都冇中環分店咁好食﹐魚蛋硬係差D咁﹐通菜亦差DD。不過勝在我坐的位﹐離開吸煙區遠少少﹐所以都算叫做吃了一餐安樂茶飯﹗

4個人叫3樣野,咖喱牛筋腩飯,白汁雞皇飯同海鮮炒意粉,樣樣都好味,d咖喱勁正~ 佢ge野食絕對唔係一般茶餐廳ge級數,樣樣野都拍得住出面高級餐廳ge味道,仲要平好多,真係正正正!4個人先食左$117,十分抵~

之前黎過一次, 係食海南雞飯. 雞的水準欠佳, 多骨, 肉韌, 味道麻麻. 雞油飯較可取, 都有點香味. 沒有黑醬油, 而所提供的醬亦沒有可取之處.唔係太記得價錢, 大約$40左右啦!

星期六要到銅鑼灣買書，順便約男友到翠華吃下午茶，時間是下午約五時，都幾多人，男人話未食lunch，所以要了一碗墨魚丸米線，另要了一個鮮奶油豬仔包和一碟炸薯條。 魚湯米線都係跟其他分店一樣，極濃魚o既鮮味，米綿都尚算爽口；奶油豬仔包就焗得好香，邊皮微脆，配合著半溶狀態o既奶油，冇得彈！最後要講講炸薯條，以籃上，薯條面撒上七味粉，本來覺得有點怪怪，但食落又幾得意，唔錯！

我次次都係食呢個~無論湯同魚旦魚片都好正~不過我覺得魚片好味過魚旦, kaka!

昨晚同朋友食,試下佢個所謂招牌四大菜,"魚湯娃娃菜腐竹", 點知有隻昆蟲係度.即刻叫佢換"魚湯娃娃菜豆腐". 都算佢知機,肯換. But, d 娃娃菜又少又生,騙錢既!$20呀! 魚湯食食下又腥,唉,咁都叫得招牌菜,唔係呀嘛.