翠華餐廳 (黃大仙中心北館) (已結業)

上星期去食咗個午餐，本身好少幫襯，果日路經此地，貪佢易揾位，就食個午餐。午餐原全冇得選擇，只得一味 沙嗲烤雞飯，心諗應該都穩穩陣陣！飯到了一食，依……酸嘅，揾個侍應問吓有冇攞錯咗，個侍應問完廚房出來話: 個雞扒用沙嗲奄過，但個汁係酸汁！！！話……咁都得！下次我叫咖啡，你咪可以比柸奶茶我，話個杯用咖啡冲過啦！食好野要排隊真係定律！

This chain is my popular choice for a quick meal, and I am usually satisfied with what I pay for what I get. However, this one in Wong Tai Sin is disappointing, and I decided to write this comment after having several bad experiences in the past few months. Hopefully this could get to the chain's attention for some improvements. This restaurant is seriously short of staff, usually requiring a lot effort and time to get a waiter to come to your desk for order taking. You easily see many untid

呢間舖服務態度差!! 等了20分鐘, 有位坐下. 然後揚手示意點菜, 明明有服務員看到我們揚手示意但無人理會.   由坐下到揚手示意了15分鐘, 才有服務員過來點菜.  由坐下到食物送到檯面起碼30分鐘, 沒有伺應拿杯, 水, 碗等食具給我們.  最後我們自己去COUNTER自己招呼自己.  個雜扒來到, 發現沒有煙肉和腸仔, 於是問一個叫阿_的阿姐: "雜扒餐煙肉和腸仔的?"  阿姐答: "雜扒餐係無煙肉和腸仔的!"  我地回答:"但我地記得個雜扒餐幅圖係有煙肉和腸仔喔!"  阿姐不耐煩地答: "雜扒餐係無腸仔的, 今日廚房無煙肉!" 我們發現隔離台雜扒餐有腸仔, 於是再問阿姐:: "但隔離台雜扒餐有腸仔窩?!"   阿姐答: "隔離台系吾要牛扒先至補腸仔!" 我們: "我地想拿回菜單在看清楚."  阿姐開始晦氣答:"叫廚房補番煙肉俾你!" (剛才又話無煙肉!)我們看清楚菜單後, 再找回 阿姐說: "菜單上寫明雜扒餐係有煙肉和腸仔!".  於是阿姐馬上黑面, 晦氣地說: "補番比你!".呢個員工服務態度超差, 吾誠實又吾想do! 我們明白平安夜有好多伙計請假, 所以人手短缺.  廚

一入商場門口就見到翠華 好耐無幫陣 last一次係澳門食過 有d掛住佢地既鹿兒島豬軟骨 我每次必叫 因為整得好入味 d軟骨轉晒透明 軟滑香 不過伙記介紹左個餐 就食呢個真心幾好味 鮮蝦菠菜餃 足料大大隻虾 爽口 另外叫左魚蛋河， 瑞士雞亦，奶油脆豬 凍奶茶 魚蛋較實 應該加左粉 魚湯底瑞士雞亦都唔錯 d汁甜夠色澤奶油脆豬唔似法包個種脆 但帶點鬆軟可能坐房仔下下都要行出去先叫到伙記 但又可以舒服傾計 人就矛盾

趕時間 見到翠華咪入去食無人招呼 枱好多又未執行入去要見到第三個侍應 先理我我話落埋單丫 都掛住招呼其他人佢話波菜餃豬軟骨米線係最快就叫呢個啦 加杯凍檸茶叫佢幫我針水落我自己個膠樽度 因為好口渴佢針熱水.....我一掂到 就自己去攞杯倒出黎都係怪自己唔同佢講要溫水啦....（臨走個膠樽都有哂霧氣）碗野黎到 放低就走我無餐具... 都無人 咪自己去攞支叉食啦講真 豬軟骨明明應該好濃味 但無肉味 亦都無濃汁味波菜餃....食到爽口 叫做有隻蝦囉米線正常 無話淋哂或過硬我係女仔都嫌個米線少......開住風扇食 今日係熱左d 翠華open area 冷氣弱d正常嘅差不多食完咪催下杯檸茶囉催完又有另一個侍應黎問我...... 其實我想食完飲完就即走我都唔理隔離地下有幾污糟 成地都係飯 成枱野紙巾又係要先有 不過好過無嘅老實講唔係嫌貴 食唔起 又要要求多多慳嘅話就去買個麵包食都得啦！而呢間翠華餐廳 係衰過茶餐廳囉！

因為朋友唔想點行，又見黃大仙中心翠華唔使排隊拎位，所以諗都唔諗就入左去。下午茶炸雞脾配沙律正常唔會難食得邊，但呢度雞脾就冇咩味道，冇調味料，又唔夠香，沙律唔新鮮，仲諗住翠華出品會好食啲，點知會咁，唔會下次再叫。

本身住黃大仙返工之前食個早餐，等咗個早餐等左三個字都未有，對面枱同我同一時間落單，食完，我都未有得食，吹咗兩三次先有，問佢可唔可以整係埋單俾錢俾杯嚟咗嘅熱華田又話唔得，最後一次吹仲要勁大聲，大聲到成間餐廳都聽到，廚房入面啲人先會急着整你嗰個等左20分鐘嘅早餐，然後黎到個早餐個包係錯嘅餐包，不是牛油豬.其實街坊街里都知道質素係點，朝頭早趕住返工食個早餐無所謂啦，但係時間好緊要架，今日個早餐食咗差唔多成粒鐘基本上都遲硬，都係返返去上一層間泰國野度食早餐好了

翠華的大奶油豬次次都比濃嘅我再都吾想幫襯了因為時間關係附近早餐選擇少因為對翠華不嬲覺得口牌吾差但最近真系太令人失望了次次叫大奶油豬都系濃之前有叫人換過每一次再叫返又是一樣，難道不可以比D正常的我嗎吾會再來食了

黃大仙中心北館自從以新面貌面世之後，餐廳類型都變革了不少。面對沒甚選擇的情況下，是日與家人的早餐便選擇在翠華。早餐類型不算太多，不過勝在港式化。沙嗲牛肉麵配炒蛋、小麥牛油豬仔 - 牛肉不嚡身，麵質煮得合時，不會顯得過硬過軟稔。炒蛋炒得碎散，食落不算特別香滑，只屬平平的功力。豬仔包烘得頗脆口，食落亦不會太硬。彷鮑魚火腿絲湯通粉 - 通粉煮得不過不失～個人比較鍾情坑紋通粉，吸湯能力較高。彷鮑魚絲食落煙韌有口感，配上火腿絲感覺不再單調！奶茶茶味及奶味皆淡，味道實在一般。檸檬茶反而沖調得宜，味道恰度好處，不甜也不酸。

今日嘗試了新出的夏日特飲——檸檬茶沙冰，因為本身超喜愛飲檸檬茶，而非果汁沙冰也不多見，所以就算貴都決定一試，可惜卻大失所望！這飲品的茶味完全不足，只是酸酸的一杯沙冰，完全嘗不出檸檬茶的味道。唯一可取之處就是超夠凍！

位於黃大仙中心北館既翠華餐廳開業左一段時間，但d人成日評佢太貴，唔係香港人食既餐廳，所以一直都無念頭去食!但佢坐落既地點的而且確係幾方便，一出地鐵站就係了!所以咁岩今日同家人睇完醫生，唔係咁精神...就近近地去左翠華食飯，順便見識一下有幾離地!打開menu......價錢相比起其他茶餐廳真係貴成個double咁滯!因為唔舒服，就清清地叫個蛋白炒飯!飯，炒得都有鑊氣既，飯粒又唔油，ok既!!但係米既質素唔高，食落有d"鞋"口!蛋白炒飯既主角好應該係蛋白!!!!!但係成碟飯菜粒仲多個蛋白，完全錯哂!香辣泰式炒米粉唔算辣，有d失望!值得欣賞之處係加入完隻鮮蝦，夠新鮮爽口!但面層既肉鬆絕對係非常難食，質素低!!!肉鬆好"鞋"又好靱，沒有肉鬆既香!埋單兩碟野成$150，仲要唔包野飲!!食物既質素參差，但價錢偏貴，好唔成正比!!!

話說小弟食翠華不勝其數，港九新界都食過。黃大仙呢係最就小弟腳，但服務最差。Order 菠蘿包，經上次經驗（午市旺場都唔熱），今次落單時講明，唔係熱既話，唔該翻熱先上，上到黎都係唔熱，都算啦，order 左個炸醬肉絲麵，上到黎得好少醬，我話加d醬，個侍應話廚房話份量係set死左，冇得加！大佬，我要d汁喎，佢話冇得加。食埋呢餐，以後唔會再黎受氣！

如果你問我中意食中餐定西餐，我會話你知...我最中意既係港!式!茶!餐!廳!!!成日聽人講翠華餐廳價錢都幾離地，今次終於親嚐!!上枱既焗葡汁雞球飯賣相一點都唔討好!!!好明顯焗得太耐燶哂!焗燶既葡汁猜有苦味!整碟飯既份量都幾多，雞球啖啖肉夠嫩滑!最有驚喜既係一般餐廳僧加入薯仔焗葡汁雞球飯，但翠華就添加了香芋!香芋同葡汁既榔香味夠夾，唔錯!!!但價錢方面，相比一般既茶餐廳較貴，七十幾蚊一個焗葡汁雞球飯係唔包餐湯同餐飲!另外+$28先有餐湯、餐飲同餐包!整體黎講，翠華唔係走平民路線既價錢，食物既質素參差，試過就算了!

雖然地方鄰近地鐵站,坐位也很多,食物也ok, 也有獨立房位坐，但等候食物時間比較慢，有些枱與枱之間距離好近，感覺好迫& 獨立房位比較難叫侍應落單，重點服務態度很差,這間價錢不是便宜的茶餐廳，所以不會再去！

黃大仙北館開左好多新餐廳，翠華係其中一間，屋企附近新餐廳當然要試下，去到都幾多人，不過唔駛等位！叫左魚肉春卷紫菜魚湯米線，魚肉春卷爽口，最正係個湯底魚味好夠，紫菜又夠多，熱檸水貴就貴D，但檸檬有超多塊！