翡翠拉麵小籠包 (已結業)

門面光鮮整潔，被門外的menu 圖片吸引，又標籤是美芝蓮，我諗應該不會太差。但....... 叫了一碗紅燒牛肉麵，但湯底似辣油加水，麵質ok 但有濃烈的鹼水味，台灣牛肉片樣貌但味道是甜叉燒，超難食，吃了兩口就9秒9離開。唔怪得店內冇乜客幫襯，中伏了。

港島西食評系列 ~關鍵詞：１個人、工作日午餐第20站：士美菲路41號店名：翡翠拉麵小籠包餐廳類型：中式--上海菜提前訂座：沒有COVID--19疫情下，生活習慣改變了，其中包括：不聚餐，工作日午餐，多數自己１個人吃，就很少吃中餐，難得翡翠拉麵小籠包午市供應１人餐，果斷 walk in。點了午市豐盛套餐，包括以下的：#涼菜：雞絲粉皮，餐牌標示為半份，１個人吃剛剛好，花生醬香濃，我喜歡！#主食：酸辣湯拉麵，挺辣的，對我胃口，可惜麵條煮太軟，沒有咬勁，扣分項。#餐飲：凍豆漿，不甜，豆味濃，好喝！#Add on：加５元配甜品，桂花酒釀丸子，飯後一點甜，very nice！總體感覺：街坊熟客為主，店員與客人談話家常，多了份人情味！

今日午餐來到<翡翠拉麵小籠包>，以為會好似以前一樣高質有驚喜，點知係有少少失望嘅。小籠包上枱熱辣辣，裏面係有湯汁嘅，不過每夾一隻小籠包，佢嘅皮都會穿開，然後啲肉汁就全部流曬出嚟，隻隻都有穿皮嘅情況，食小籠包但係啲湯汁流走曬，實在嚴重失分。上海粗炒其實味道都唔錯，都算入味，不過略為油左少少。蘿蔔絲酥餅係最好食嘅一道菜，酥皮嘅外皮非常鬆化，而且入面有好多嘅蘿蔔絲餡料，非常好食。煎餃子就冇乜特別，味道正常。上海排骨拉麵，湯底略為清淡，酥炸排骨有一塊約四件甘多，如果份量再多啲會更好，排骨都炸得夠鬆脆。上海擔擔麵都屬於高水準之作，因為湯底味道非常濃郁，有花生醬同麻醬嘅麻香，亦都有少少辣度，非常惹味。豆沙鍋餅炸得外脆，而入面嘅豆沙餡料亦都帶有微微香甜，是一度的非常不錯的上海甜品小食。餐廳環境非常舒適，不過整體來講，價格係比以前貴咗，而且水準都冇以前發揮得咁好，希望下次再來會有進步吧！～

第一次黎呢間食，服務態度惡劣，食物上菜極慢，食物質素可能同佢上菜慢，變得食物質素其差，不建議來這堂食😑😑😑😑侍應吹廚房出單，聽到廚房仲鬧返轉頭話排緊隊。。。。

食物味道和招呼保持連鎖翡翠一貫不俗的水準，蘿蔔絲酥餅大件有火腿咸香，推薦。侍應有主動加茶。只是65蚊一碗酸辣湯麵加一件點心的午市套餐，要加一和7蚊茶錢，埋單近80蚊。在堅城這個不多寫字樓的舊住宅區不算抵食，建議包多杯豆漿之類的飲品。