翡翠拉麵小籠包 (已搬遷) 新店位置

這兩個月先後兩次來此店，感覺很不錯。相信有機會來銅鑼灣，會再來。兩次分別嚐過以下食品︰ 小籠包--水準依然。皮薄，肉鮮甜，汁多 燉雞拉麵 -- 拉麵幼滑，很不錯。雞及湯很鮮甜，一流。 擔擔麵 -- 味道很香濃，特別喜歡那麻醬的味道呢! 素鵝 -- 愛是釀了冬菇，不過這小食很膩呢，要人多才夠膽點。 五香牛展 -- 比我想像中大份。切得很薄很薄，很不錯的小食。 雪菜蝦仁炒飯 -- 味道太淡，感覺較差 雞火炒飯 -- 很惹味，火腿味道很濃，不錯。 糖醋魚柳 -- 感覺普普通通，沒有驚喜。可能友人比較喜歡「啖啖肉」吧。 高力豆沙 --很久以前已經想試了。感覺不太熱氣，很香口，豆沙不太甜，很好。 酒釀丸子。味道甜道剛剛好，我很喜歡丸子，很有質感、咬口！這店的服務很不錯，食物也挺好吃，值得一來再來！

星期日下午5點幾，有o的肚餓，隨意入左黎試試。兩個人叫左幾樣野﹕小籠包(4粒，$26)，咸肉津白，上海粗炒，海蜇，四川担担麵 (各約$4x - $5x)。小籠包肉汁豐富鮮甜，4粒真係唔夠喉~個菜都幾咸，最好搵野送，唔好咸死~海蜇同上海粗炒味道賣相一般，好彩係炒麵唔算多油~不過個四川担担麵好難食呀!!!!!!!又再一次衰左...成日都覺得係好好味既肉燥麵...又唔記得左上次既教訓，好憎食有花生醬味既麵呀!!!!!!!!!!!我真係唔識欣賞，所以評分唔包括呢一樣食品係咪好食~我會為左小籠包再黎食既!!

各同事都想出外吃午餐，吐一吐苦水及趁機鬆一鬆.. 已經訂了位及指明要比較靜的枱..但午市的一小時飯局，誰會幫你去安排. 何況我們只得小猫三、四人..坐下服務員就給我們熱茶，我們也點了以下..... 小籠包︰皮不算薄，汁頗多，比剛開張時稍微差醉雞：賣相及味道都一般薰魚：是廚師推介，味道可以，没什麼特別上海粗炒：炒得不太油，都OK水煮牛肉麵 ：好味，有麻辣味，真的從低沉、悶人辦公室出來的我們給打打氣，還記得前兩天本人剛吃了一個水煮牛肉，〈評語是 ：無辣味，牛肉好似落左梳打粉〉，所以這一個水煮牛肉麵就更加有好感，這個牛肉麵， 各人一致認同，所以也立刻多叫一客，服務員竟然問我們是否要減辣???當場各人都搶著答... 不用... 剛剛吃完的那一個没有加没有減辣，應該是本味. 不知是什麼原因，第二個比第一個遜色.. 是他們減了辣，還是我們有了期望

原以為ok, 點知唔得，男友仔食後即刻皮膚敏感，原因應該係味精。以後免問。叫左個酸辣湯、小籠包、一客湯麵、同埋鎮江肴肉。我要保護我男友仔!!!!!

是晚同男友來晚飯,平時大多去灣仔店...今次走過來試試...9時多才入座,所以不用等位a.食物1)醉雞2)糖醋魚塊3)小籠包另加白飯兩碗醉雞甩皮甩骨...賣相差...味道一般糖醋魚,當然是雪藏魚...但腥味嚇人唯一可取是小籠包,肉質鮮,多汁...個皮okayb.服務服務好好,不時加茶,有禮貌c.環境環境一般,裝修比灣仔店稍差,幾迫的感覺順帶一提, 碗碗碟碟好多都"崩"了...感覺好肉酸整體而言,水準之下,下次應該繼續去灣仔店

因為renovation 無 view睇,都坐得好舒服,.......開始評分,sweet and sour fish 好味,清炒津白 ok,葱爆牛肉 yummy 配銀絲卷好正,個銀絲卷 better than before,牛展夾餅好味,炒年糕好有水準,酸辣湯可以,唯一美中不足,個咸肉炒菜反,可能D菜出水关係,感覺太多油水.services-----d waitress 好快手有笑容&polite goodps 希望 wtc 快d整好.

個日本朋友由澳洲過o黎，話想係香港食下中國o野。我又唔想每一個菜解釋佢知係咩，所以諗邊到有日文餐牌o既地方。記得上次同朋友仔試過呢間，大家都覺得一般，但係就記得有日文，所以就決定去呢間。星期五晚，8 點半去到，要等10 個no, 大概20分鐘左右。因為好多人，所以坐到好迫，同隔o黎張枱係唔夠1 cm，好似同枱食飯咁。日本朋友點菜。蠔油煮荀 <--- 真係唔知佢會鐘意食呢D ，幾好食，甜甜地不太喊，但係無咩荀味。陽春撈麵 <--- 無咩特別，白麵一個，可能因為無湯，所以好煙UN。小籠包 <--- 好多湯，但係我覺得好油，日本朋友覺得好正，4 件一籠，佢食o左3件。但係因為份量好細，佢又大食，所以佢就唔夠飽。再加叫煎三鮮水餃。個點餐小姐話要等15 分鐘，我話無問題。但係等o左成20 分鐘都無o黎，唔知日本朋友係咪太肚餓，不停舉手問得末，搞到我好唔好意思。最後等o左30 分鐘先o黎。我都係覺得好油& 隻蝦有少少霉。但係日本朋友可能太餓，咩都話好食。我就覺得好一般，但係日本朋友就話未食過咁好味o既小籠包。埋單$147。

食物細細碟好唔抵又貴，又唔係好食，呢樣都算！但係佢地o的服務員態度真係好差，見錢開眼！話說我地買左個生日蛋榚，打算同朋友仔食完野之後一齊吃蛋榚慶祝。個經理話要收切餅費$50，我地話唔需要，個度o的服務員態度變得更惡劣，仲起度罵人(況死我地弄髒佢o的地方咁)。最終我地揾左另一個地方食蛋榚！呢間野好過份，比氣客人受，個次食到成肚氣，發誓以後唔去呢間野！

4/20/2008帶左媽咪同婆婆去試, 下午近三時唔駛等位, 侍應帶我地入座後好快再應我地要求等卡位客人一走就安排好卡位比我地, 全女班的侍應, 感覺上高級d o既服務態度好d. 雖然卡位窗外搭晒棚冇view, 但都坐得幾舒服.我地叫左小籠包, 都係皮薄得黎有肉汁, 放一陣冇禁熱, 夾住個頂一啖食好好味. 另外必叫的鎮江肴肉, 我好鍾意食, 婆婆冇牙都食到, 對佢黎講應該幾新奇. 仲有個上海炒年糕, 趁熱食好味, 就算凍左都唔,會話硬晒乾淨淨咁. 另外個麵我地要求唔辣, 侍應就話只可以小辣, 因為唔辣就唔係果樣野了, 佢地剪埋麵上, 不過都係覺得幾辣, 我要拿了兩杯冰水, 可能我唔食得辣, 最後叫左個醉雞, 唔係好醉, 唔算濃酒味. 這個麻麻地, 都幾肥雞同唔算滑.埋單每人七十零蚊.

離開學校.. 搭的士先避得變落湯雞去到銅鑼灣. 原來已經黑雨了...Sogo簡直就變左避難所…. 多人至極.同大比商量後.. 這天氣都應該過不了時代那邊.就決定在世貿找點吃的.阿拉同翡翠..選了後者因為天氣問題.. 星期六的晚上也只是半滿…我們一袋二袋大大的戰利品…經理還只是安排二人位給我們小比是有點微言的~~~但大比也說得有道理經理也很難做~畢竟是星期六的晚上~天氣不佳也不能take這個Risk的但小比對住咁細張檯~最不滿就係因為我會叫好多野食ga ma~依家要因為就張檯而每次叫得個一兩樣…先點了雞絲粉皮同小籠包做前菜青瓜+雞絲+粉皮+麻醬~本來就已經很配合的了但這次麻醬下得太多了~連青瓜也變得嗆喉了~小籠包依舊皮薄餡靚~夾起後~肉汁聚在包底~很好的一道小吃大比叫來的宋嫂魚羹~愛不釋手他寧吃少一點其他菜也要喝完這羹~小比卻只覺得有點普通~有點酸酸的感覺~是晚很想吃擔擔麵~明知大比吃不了這個辣度也照點了紅油油的湯~滿佈芝麻~漏口水了~hehe即叫即拉的麵夠彈牙~大比試了一小碗後辣到出唔到聲~小比唯有獨吃了~但當然以我的胃口~最後打包了大半碗~呵呵既然大比吃不了麵食~就點了個蒸銀絲卷和糖

我同老婆叫咗一籠小籠包、醉雞、糖醋排骨同上海炒年糕。小籠包....多汁，肉質也可以，糖醋排骨都好入味，醉雞就一般般啦，上海炒年糕就不太好了...啲年糕比較粉咗啲...其實只可以說是每款都ok，不過不失，nothing special。不過佢小籠包keep得到，算保得住招牌。此終太古城第一間鋪的時候係最好食.....唔知大家同唔同意呢？

想試好耐~不過以前得times有~~好多時都懶得行~去阿拉麵館算~不過依家world trade都有呢間~就試呢間~~~~先叫左小籠包同雞絲粉皮.. 期待已久ge翡翠小籠包~~哈哈~塊皮真係好薄~~~好好味呀!!!!比起上海ge南翔小籠包....呢度好味d囉我覺得...........個度個尖尖硬到拮死人.....仲要排2個鐘先食到.....雞絲粉皮就ok..不過d花生醬有d嗆喉而已..都不錯的... 之後叫左擔擔麵..糖醋魚柳..咸肉津白..... 個擔擔麵唔洗1 min就黎到~~不過我sure佢即整的~因為佢有個open kitchen~我望到晒~~佢逐碗拉的~有10個order~就拉十次~但好快手~~~~~~~~好味呀!!!!!不過就比平時食到ge擔擔麵辣少少~糖醋魚第一啖咬落去~都比佢熱親~~~Osiris都話~呢度ge糖醋魚係真係有魚味~唔係麵粉多過魚~~正!咸肉津白就一般~因為我覺得佢個設計有問題~靚係靚~但一大塊一大塊~食得好麻煩~~~~~留肚食甜品...每次食上海野必點ge~~~~~高力豆沙~~~ 呢度ge高力豆沙細粒d~蛋白無打得過老~所以好好味~為今晚劃上完美

難得見到經常潛水的大忙人潛返上水，現身MSN，即刻約聚餐先~~約左8點半，等左大約10-15分鐘度就可以入座了。2個人o益左：1.小籠包--好味，好多肉，反而嫌佢大隻左d，不過咁樣仲抵吃。2.嫩雞煨麵--好味喎，唔會太淡。3.清炒蝦仁--麻麻，唔夠爽，有渣。4.生煎包--好好味，個底好香口。5.蘿蔔酥--熱辣辣，又多涵，梗係好味喇。6.南瓜軟餅--都幾好，唔會太漏。...好似好大食咁添~~~飽死左~~~迫左d，張桌太細；侍應自動自覺加水，幾好。友人轉左工，應承左我請我食飯，所以今餐免費，多s晒=)(總共$255)

去過IFC店覺得唔錯, 又黎銅鑼灣店試下先幸好早到, 只等左一陣, 之後見有不少人等位小籠包: 實在出色, 皮薄餡靚, 汁多肉甜, 係我食過咁多間之中其中一間最好味的, 連墊底果塊菜都食埋. 朋友話鼎泰豐既更好食, 如果真既咁就真係要搵日試一試了!燉雞湯拉麵: 非常鮮味! 個湯好鮮甜, 真係想飲多幾碗. 雞肉也幾嫩.豆沙窩餅: 不過不失, 甜左少少, 也煎得不夠脆

差不多每個星期都會同個老友食晚飯，談談投資，談談體育節目，也是我減壓的方式之一。今個禮拜也不例外，地區仍舊是銅鑼灣，今次揀去翡翠拉麵小籠包。沒有訂位，七點零鐘去到，不太多客，還可以揀靚位，我也不知為何。坐定定，睇下菜譜，商討一番後，點菜方面也有定案。招牌菜的小籠包，必定要叫。皮薄、豬肉餡味鮮兼嫩口，肉汁也豐富，確實比起坊間不少酒樓做得好。一籠四粒，每人兩隻，剛剛好。老友是山東人，介紹我食山東手撕包，於是一人來一客。賣相並不討好，不過幾有內涵，撕開是一絲絲的，是熱呼呼的，味道有些少似蔥油餅，不過乾身好多，其實也算不錯。煎素菜卷，色澤不錯，吃落脆口，口感可以；羊腩排本身是名菜，不過呢度做得不好。外皮弄得太乾身，肉也硬柴柴咁，唔知以為食緊樹皮。邊食邊傾計，老友透露成功賣出兩個單位，有可觀的盈利，真係飲得杯落。