翡翠海鮮酒家.明珠宴會廳

營業中

休息中

飲茶飲茶多人既聚會就梗係去飲茶啦，可以狂嗌點心🥧狂畫點心紙，好治癒既感覺喔每次都係黎哩間飲茶，飲到啲職員都識我地啦黎哩度一定要食雪山叉燒包，係要搶架，點心紙都無架，係限定係列黎架，今日搶到一碟外脆內軟既感覺好棒👍由於多人既關係，幾乎成章點心紙都tick滿哂，叉燒腸，牛肉腸，蒸排骨，蒸鳳爪，蒸牛肉，蒸魚肉，煎蘿蔔糕，煎炸菜肉絲包，叉燒包，薑汁糕，皮蛋子彊等等等每樣都食小小，滿足到不得了呀，係好食開心的飲茶💕💕招牌雪山叉燒包💕💕流心奶皇煎堆仔💕💕香煎魚肉青椒💕💕點心山

太子的翡翠海鮮酒家.明珠宴會廳, 是同事們歡迎或歡送同事的午餐聚腳地!!! 也是部份喜歡飲茶同事的心水選擇!!剛剛颱風(山竹)遠去, 當然要叫山竹牛肉啦！ 山竹牛肉夠滑, 肉味濃, 好好食!另外一款推介是春風得意腸, 外面雖然是腸粉皮, 但內野仍是很脆口, 口感和味道頗佳!!雪山义燒包是部份同事所喜愛食品! 外皮鬆化, 义燒的質素亦不錯!!!鴛鴦雞絲炒飯是自己的所愛, 飯底炒得夠香和乾身, 紅汁和白汁亦煮得香濃, 配上雞絲和蝦, 真係不錯!!至於其他點心, 水準平均, 也做得不錯! 此店玻璃貼上( 米芝蓮推介)的字樣, 是真是假就不知, 但整體食物質素就真係不錯!!!

幾年前(2011）來過一次晚飯, 睇嚟師傅都換咗好多個，再沒有什麼"攞你命菠蘿飽"之類得個名的點心，這次是中午來, 午市時間反而沒晚飯般多人, 點心價位一般,星期六茗茶$8.80, 小點$17.80, 中點$21.80, 大點$24.80, 特點$28.80, 頂點34.80, 以價位計泊住大集團但地點則只屬於小社區, 講返食物:飽汁大雞腳$45 汁杰味濃, 雞腳質感唔算過淋身,蜜汁义燒飽(小) $17.80三個, 造型精美, 餡料一般但又ok金珠咸水角(大) $24.80 有點貴, 金珠效果做得到, 餡料夠咸香,潮州蒸粉果 (中)$21.80 同樣偏貴, 不過餃皮同餡都幾正宗,山竹牛肉球(大) $24.80 呢個算係大點有點過咗位, 口感比正常的多一點咬口同肉感, 不過都唔使咁貴啦!香辣星洲炒米(週六價)$69 炒得有睇頭, 蝦大大隻雖然唔係鮮味十足,味道有點香辣夠貼題, 整體合乎標準, 任座唔早趕客, 服務一般!

老豆食完點心灌湯餃大讚，想試晚飯小菜，一家大小應酬下打電話訂七點，話八點先有位，我問七點半，佢話要等下。嚟到等下七點九有位。真係坐無虛席，咁掂？- 炒淮山藕片: 我地要求走可肉鬆，有做到，豆豉炒香口-中式牛柳;肉粒夠嫩，洋蔥夠甜，無鑊氣- 石鍋京葱羊肉煲：味道可以，但無石鍋，没有燙口感- 三摧四請才到海參鵝掌煲：鵝掌都算炆得夠唸，海參厚白有漂過嗎？暖暖上又沒有煲啲石鍋呀煲呀去哂邊？因為用哂洗唔切。後三碟用錫紙包盤上。有常識都知錫紙包熱食是放毒的。我向侍應呻了下，阿姐好似識做話送甜品，咪又係每抬都有嘅骨膠造桂花椰汁榚。唔想食膠所以無吃。這裏翡翠隔離明珠，見大厨有點面善加上梅小慧，好似師奶台私竇。正如一大堆即棄濕紙巾，地毯有虱，庸俗無常識，害了中毒的我們還有三歲小孩。有少許可取之處：味精不多。

翡翠、明珠其實係同一間酒樓同一個老闆。呢度飲茶我哋經常來，因為貪佢價錢夠平民，食物多元化今日一點正嚟到勁多人，啲人排到出門口。我地食過好多次，覺得唔錯，中午咁好生意，點解咁多負評嘅？不過口味嘅野係見人見志。我哋一坐低就點左以下食物見到已經流晒口水也是我最喜愛的其中一款菜。最正係D邊脆卜卜，足料烚秋葵加麻醬，夠晒健康呢個煲真係麻麻，四寶丸都好一般煎得好靚蝦滑夠彈牙好味!腸粉做得好好，皮薄又新鮮正正正，皮薄，有蝦的鮮味鍾意食芋頭嘅朋友呢個係必點嘅真係好好味熱辣辣，成舊都係芋頭總結: 會繼續幫襯完全唔係好似其他食評咁負面，不過可能大家食嘅嘢唔同，又或者改良咗同換咗廚師啦呢度唔好嘅地方就係好嘈，同埋侍應生唔夠，但係食物是不錯的

朋友約了我到明珠宴會廳飲茶，入到去找不到朋友，於是打電話給他，究竟坐在那裡，他竟説坐在隔離的翡翠海鮮酒家，原來兩間是同一酒家，但卻有兩個名，兩個入口。今天中午去到，都幾多人，我們叫了四個點心。點心拼盆（特$24.8）點心拼盆有四粒，蝦餃、燒賣、潮洲粉果、魚翅鳯眼餃各一，各種都是不過不失，一般般。子薑皮蛋香蝦筒（$24.8）蝦筒炸得香脆，但內面的子薑較鹹，子薑亦很'梅'。义燒包（小$16.8）义燒包都是一般，無特別。春風得意腸（特$24.8）腸粉包着春卷，但有些地方的腸粉包唔到，賣相已不合格，春卷還是涷的。

第一次寫食評， 多多關照上星期天氣跌到得返十幾度， 同屋企一家5口太子行完街晚餐想揾下羊腩煲， 暖下胃。 經過見到呢家酒家， 等左15分鐘有位， 就入去試下。叫左羊腩煲之外， 仲叫埋粉絲焗蟹煲同油浸星班。 份量夠， 味道水準以上， 送白飯最正。 阿仔少有地仲要添飯。

一向以來認識的鱷魚肉，皆以用作煲湯材料為主，肉質嚡而無味，去年聽說鱷魚掌可吃，產生了多少好奇心，但當時願意做此菜餚的食肆位於交通不太方便的九龍城，一直未有成行，直到近日，在另一家位於太子的，朋友發局，邀請大家同嚐鱷魚掌餐，一湯一餸，終於成事！吃過方知是寶，原來鱷魚掌係好好食，骨膠原豐富，口感軟滑不膩，我們一衆無不拍手encore!做此菜式的酒家不多，現在亦只知道有2家，也許是因為工序多或需要技巧之故，來貨現在不會成大問題，各地皆只有養殖的，但據這處的老闆娘說，來自祖國的掌較瘦且黃，她的貨源是南非野生品種，上乘有別。今夜光顧的，是位於太子的翡翠海鮮酒家，佔兩個舖位，跟旁邊的明珠宴會廳實是同一家，一般街坊酒家的裝潢，設置不少私人房間，最低消費每位兩佰多便可以有房，當然亦要視乎是否繁忙日子而定。我們預先已經訂菜，餐牌我沒有看，相信一般海鮮及小菜必備，價錢親民，迎合街坊客群，但我們是來者有心，欣賞的是特色菜，這四款中已挑兩款。一行七人，吃了以下菜式：錦繡花開富貴粵式前菜一向並不輕身，很多時候都是煎炸肉類，近年流行健康飲食，這一道炸雲吞刻意配上大量沙律菜，中西合璧！十只雲呑包圍沙律，賣相不算有美

同事帶去太子食飯, 頭盆係2頭鮑魚沙律,賣相唔錯好大隻鮑魚，未試過咁樣食鮑魚，通常都係蒸或炒, 呢個好健康嘅食法,食到鮑魚味 同埋好諗滑。第二道餸係乳豬,其實我對乳豬冇乜好感，次次去飲都要片肥,所以冇乜期望.但原來今晚係食香草焗乳豬，佢將啲肥油焗晒出嚟, 皮好脆，肉juicy而且有香草味,我地8個人竟然食晒一隻乳豬！果然有驚喜之後飲了個足料的無花果燉鱷魚掌湯, 嘩!超潤幾個小菜都OK, 個乳鴿飯就好特別，之前未食過,好香手撕乳鴿焗飯。但最好甜品好味:流沙煎堆仔，本來經已好飽，都食咗兩粒，唉。明天又要跑多幾個圈了!下次會帶埋屋企人去再食

翡翠海鮮酒家位於洗衣街,鄰近界限街太子花墟;據悉前身是桃苑酒樓,早午市有點心供應,並為米芝蓮推介食府..不知道米芝蓮準則如何?首嚐此店,面積不大,裝潢有點俗套,食物水平拉上補下尚算不俗,服務則一般而已.是晚家人生日,選了此店,說是食物很好..我們訂了七點鐘,店子已經爆滿,人聲鼎沸好不熱閙.家人選菜,點了以下項目,其中話説有必吃三寶:{香蔥乳鴿飯},鎮店名菜,鴿肉拆絲烹調,米粒乾爽鲜明;將儘吸肉汁的米飯,襯熱伴勻葱粒,份外惹味!{脆皮雞},顏色外觀很是亮麗,肉質尚可,唯雞味不濃..{胡椒支竹雞腳豬骨煲},一大窩份量很足,豬骨腬滑,支竹軟硬適中,湯汁胡椒香噴惹味..略嫌不足處是雞腳還未煲得夠身.{蟲草螺頭燉豬𦟌湯},雖然眼見有頗多湯料,可是如此淸徹寡淡的燉湯,確實令人既感意外又失望..家人説像摻了滾水似的,我也有同感..{中式牛柳},中式烹調,牛柳很軟腬,沒有過多梳打味.{砵酒𧐢},生𧐢酥炸,澆勻砵酒醬汁,外脆內軟,調味口感很好.{㰓菜肉鬆四季豆},四

星期日早上，忽然好想食些點心，想起這間食店，之前說過來一試，可惜完全忘記了。潮洲蒸粉果（中）∼ 材料有沙葛、東菇粒、花生、肉粒和香𦭐，皮太薄，沙葛太多，花生又太少（一隻得一粒花生）。春風得意腸（特）∼一般內餡多用油炸鬼，但這裡就用上芋角皮，這樣就不怕放涼了變淋，再包著蝦和馬蹄、蝦彈牙，馬蹄爽口，皮薄。迷你珍珠雞（特） ∼ 材料有東菇粒、雞肉、蛋黃和糯米，味道油潤，雞肉過韌，蛋黃太乾身，分量超少。懷舊鵪春蛋燒賣（大） ∼ 二隻唔新鮮的蝦加少量豬肉便當是燒賣，獻汁又太多，失去彈性的鵪春蛋，真係幾差。完全沒有誠意的作品！水準未如理想，一試無坊。**最近太多人的食評出現問題，以表示支持及配合（不想誤殺良民，又白費自己一番心血），特上載收條，以示清白。

今日係佢哋媽咪嘅生日，即係我老婆嘅生日有朋友介紹咗我去一間酒家食個晚飯 －翡翠海鮮酒家今晚Book咗呢度，點知佢安排咗我哋去隔離嘅明珠宴會廳佢話因為今晚翡翠呢邊俾人包咗個場今晚嗌嘅餐單係咁:涼伴皮蛋豆腐 $42濃湯蝦球魚肚拉麵 $88原個南瓜牛仔肉 $88花菰靈芝菰時蔬 $68欖角醬燒骨 $85當紅脆皮雞(半隻) $90酥皮叉燒飽(半打) $48開餐啦！先嚟一碟冷盤皮蛋豆腐因為我好鍾意食皮蛋...點知...超難食我開始夾俾Hysan食個吓佢即刻想嘔我本來都唔信，仲話佢誇張！點知真係好難食佢個醬係甜嘅，但係甜甜哋又怪怪哋，我問伙記佢話個醬係自己溝出嚟！我想講好難食囉跟住嚟咗半打叉燒飽啦！原來呢個叉燒飽係米芝蓮推介好在真係有保證，好好食！叉燒餡唔鹹，個皮好爽脆！我覺得好食過添好運嗰D哥哥頭先食咗好難食嘅皮蛋豆腐，依家食番呢個叉燒飽就覺得超好食，仲一口氣食咗兩舊其他菜式都不過不失，普普通通！呢個價錢嚟講唔算貴又合理！呢個原隻南瓜牛仔肉都好好食，牛肉好林...好彈牙！呢個欖角骨真係麻麻，同我上次喺名匯食過那碟差好遠呢窩拉麵都好普通仲要D麵嘅鹼水味極之重今晚食完呢度之後，下面哥哥張相就已經表達我

LEE個食評我真係要插隊快快出呀！原因大家一定要睇內文今晚我們這一家出去食飯同老豆慶祝生日呀之前係BEECRAZY見到好似都幾抵食又話米芝蓮推介食店就買來試下啦！仲訂定位添LEE個叫翡翠海鮮晚餐真係搵笨一次過，真係唔會再來幫襯呀......大家睇下LEE個餐食D乜啦！鮑汁扣鮮鮑魚~~~ 鮑魚冇鮑魚味，鮑魚D肉好"梅"一點口感都冇，勁多獻汁天婦羅脆蝦~~~蝦是冇味的玻璃雪藏蝦，唔可以叫天婦羅只可以叫炸蝦......煎焗石斑球~~~完全睇唔出邊到有煎焗，更睇唔出亦食唔到係石斑球，個魚最多只係雪藏魚柳，仲要係有雪味的，個魚柳係炸左再喺上面淋D獻汁，難食蟲草花螺頭燉豬展湯~~~個湯唯一的好是夠熱，其實燉湯應該係好濃味，但LEE個湯清到好似飲水咁......唉木耳彩椒炒珊瑚蚌~~~珊瑚蚌又是雪味好重，一點鮮味都冇珍菌泡翡翠~~~就係普通的上湯灼白菜囉珍珠糯米飯~~~一上枱已經"O"咀，珍珠雞......即是問唔係糯米飯咩，個上菜阿姐仲大大聲答，LEE個咪糯米飯囉，係咪當我地傻架！酥皮叉燒包~~~係成個餐唯一讚的，個包好好食，入面D叉燒餡仲超級熱，好味食到一半其實已經知道不妙，快快ORDER多幾個

我自己就從來都沒有購買團購劵，朋友話睇到及試過其他團購，話餐廳想做旺個場同口碑及多些人認識餐廳，多數會物超所值。提議我一起試下，朋友買了以下 ，價錢吸引，即管試下，但昨晚試完，簡直是差到要寫出嚟比大家，唔希望大家做傻仔。訂了位及六點半早食，來到已坐滿一半，即有位，之後見全酒家差不多所有檯都食此團購，上菜等了一陣，然後每碟餸都要等一陣，話五人份量但少到離譜, 每碟菜只有平時嘅例牌碟頭一半，每人分得幾粒，天婦羅蝦大細比煙頭差不多，絕無誇張，上湯白菜，成碟都唔知有幾兩，每人食幾條，一斤菜有幾錢呀，佛跳牆，用例湯湯碗裝出，清湯面有幾粒豬肉東菇粒之外，乜都無又唔熱。湯點會唔熱，唔係煲住，真係費解。鮑魚就好似指甲大細。。。。實在心情大壞，因朋友推薦買劵試菜，不好即時大鬧及拍照，破壞友誼，但實在過份。但最後每人都要$140，其他酒家已經很好。最後朋友散去，完全不飽，我自己再去其他餐廳食正式晚餐。各位，千祈唔好做傻仔。。。。

上網見到有$68一位團購點心, 有三款點心 (大中小點任揀), 有菜, 有甜品, 仲有迷你飯。雖然上網睇食評麻麻地, 但見到D份量都應該飽, 所以都照買。一早book 咗星期六去食, 驚人多, 所以book十一點, 當食brunch。去到真係唔多客人, 只係得d公公婆婆, 估計係熟客。 雖然客少, 但係好難先搵到個waitress, 同佢講話book 咗位, 個waitress 都好似唔理, 求其篤張枱叫我地坐, 咁有位坐就是但啦, 坐底剔點心, 發覺張點心張同團購網上嘅食物list有好大出入…. 但係張點心紙又好似用咗好耐, 奇怪…剔完其實等咗好耐先有waitress 過嚟接, 因為成個場得一個waitress…. 跟住問佢菜要走油, 佢就話：「無架喎, 團購無得改架喎」我就話：「我依家係減嘢, 唔係加嘢喎, 咁都無?」跟住佢先話好似無蠔油, 豉油就另外上…. 佢講到咁, 咪又是但囉, 都畀咗錢囉, 唔通唔食咩….先嚟菜同甜品, 碟菜真係少得可憐, 同網上張相差好遠, 兩碟夾埋都無網上張相咁多….. 甜品size… 還可以吧….之後個迷你飯到啦, 同我想像嘅差唔多, 不過畀得太少豉油