翰林茶館 (已結業)

第一次光顧，不如算啦......星期六晚上七時許，店內客人僅三台，不用排隊。服務方面：1. 問店員洗手間在哪裡，店員指向左手邊說：「直行或上一樓。」我跟他指向同一方向：「這邊直行，對嗎？」他已不作回應。我出店前行兩步，已見洗手間指示牌，心想：「是我問題，那麼近也看不到......不應怪店員......」2. 點餐紙是一疊「午市套餐」，我問：「用一張單點全部，還是一人一張分開點？」「無所謂。」我為免落錯單，還是分開幾張來點餐。3. 「請問有沒有水？」「水是付錢買。」「哦。」幾個片段，感覺服務是一般啦......食物方面：1. 份量不多，但都是半溫不熱。2. 茶就免提了，三杯飲品，卻說沒有三份黑珍珠，要一份用白珍珠。而鐵觀音，則如白開水——淡，而無味。3. 追加豬紅雞翅，豬紅同樣——淡，而無味；雞翅呢？毛也未拔清便飛到桌上供客人食用了。以「茶館」為名開業，一杯茶也弄不出味來，卻一個套餐收過百元，不如算啦！

外賣珍珠奶茶🧋飲筒爛咗兩次，個設計完全吾好，希望會有改善⋯而且當時店舖繁忙，我都唔好意思再問佢哋換過支飲筒，所以最後成杯嘢飲我都淨係飲咗三份一🥲飲品質素ok。

最近因為有海港城coupon，令海港城到處都係人～今次黎到自稱係台灣珍珠奶茶創始店既翰林茶館，點知質素好普通😭！絕對係台灣普通街邊檔40蚊台紙就食到既質素，但過左個海就貴左唔止一倍，好令人失望😐，如bubu想思鄉（其中一個鄉下），絕對唔會再去呢間😔！🙆🏻‍♀️焢肉配白飯 $88焢肉係半肥瘦，食落肥膏位置唔係好肥，近皮位置都煙韌，味道偏咸，瘦肉既位置仍然好柴😶～總共5舊肥肉只食得下3舊就膩了！加上白飯真係白飯～汁一滴都無，如果無咩配菜真係好難送飯😵🙆🏻‍♀️脆脆雞扒配白飯 ＋ 冬瓜茶套餐 $108雞扒好大塊😯每一舊都好厚肉，炸衣確實如名係炸到脆卜卜既☺️入味但唔juicy，又未去到好柴好難吞，但是否值呢個價錢，確係見人見智🤨🙅🏻‍♀️國宴珍奶$58話說打開menu就見到一杯$58既珍奶，仲要話係每日限量，就忍唔住叫左一杯黎試試🧐！點知好失望☹️！Google search下呢杯被台灣政府選為招待世界各地外賓既指定珍珠奶茶，真係好普通😩！唔通bubu飲得太多珍奶，所以覺得珍奶已經變得好普通？OMG！唯一可取既係珍珠確係軟糯，即使係凍既野飲都可以保持住咁軟既質感無變硬，確係厲害既珍珠！但bubu仍然

諗住試下佢外賣...點知😤。野食出左枱面又唔理...職員顧住傾計...問佢有未？佢先去入紙袋比交比你。返到黎打開...見到個菜份量勁少...但仲要加$15...個蒲燒鯛魚腩飯＆紅燒牛腩飯＆鐵觀音奶茶都好普通。失望...

見到呢度的午市套餐幾吸引同幾抵，於是就入左去可能時間比較早，所以冇乜人，店員仲安排我地坐系可以望到海的位置餐廳雖然唔大，但人少少夠寧靜坐得幾舒服，一路同朋友望住海，傾下計，食下野，夠曬chill我叫左個海鮮茶麵套餐，套餐仲配埋一杯台式飲料，平時一杯台式飲料出面都要20幾蚊，個set lunch 都只係100蚊有找，成件事好抵海鮮茶麵又好多海鮮，個湯底幾鮮甜個茶麵幾好味，但食唔到茶味（見識少未聽過茶麵，可能茶麵唔一定係用茶整ge麵）原本好期待杯野飲，因為我覺得茶館d茶飲應該會好味過出面ge野飲，結果有少少失望，但都ok，呢個價錢又有好味ge主菜，又有野飲，又有海景，仲要係海港城，真係物超所值

如果行到攰                                                                                                                                        唔想入coffee shop坐                                  可以黎呢間台式小店 hea下                                  珍珠奶茶係唔錯的不會太甜最可惜唔係透明杯冇得影相 （就算叫唔同的飲品 外貌上係睇唔出）                                   台式小食味道唔錯                                                                                                                                       小店乾乾淨淨  又有隔板做好防疫人又唔多海港城呢個價錢比你坐 已經好滿意

17/11 ~7pm今日黎食晚餐，入座後發現旁邊坐咗枱好嘈嘅小朋友，便要求調位。咁啱當時冇晒位，咁就算啦，之後都冇再提起過。但之後個男侍應見到有返空位，就主動叫我調過去，其實都好開心佢記得，因為見到佢地都好忙。男侍應值得一讚，好有禮貌同責任感，服務亦都好好，感覺到佢服務既心。至於食方面，本身想嗌牛腩，冇牛腩。想嗌鯖魚，冇鯖魚。7點零就冇左兩個選擇（本身晚市套餐嘅選擇已經唔多）。最後叫左炸雞同炸排骨烏龍茶麵。炸雞個味道唔錯，炸排骨層炸粉太厚。但個烏龍茶麵就好好食。最後跟餐嗰個甜品都好好味！

翰林茶馆同朋友黎到海港城行街，行到好攰搵個地方坐下。點左杯黑珍珠奶茶$33（我以為係黑糖珍珠奶茶😂），點錯左唔緊要啦照飲。飲落去d奶茶又幾香滑，珍珠夠軟夠Q彈。行街平平地有個地方坐下都唔錯。留意一下，點飲品坐低係要加一架☺️

對於長期有選擇困難問題，一到點餐時間就會陷入一片苦惱之中的人來講，食店如果能夠提供套餐，可以讓有選擇困難的食客，儘早選好自己想食的食品。例如位於「海港城」「港威商場」裡面，有不少可以有維港海景作伴的食店，之前我也曾經在有維港海景景觀的食店裡面用餐，不過晚餐反而是每一次而已。主打台式珍珠奶茶飲品的台灣菜餐廳「翰林茶館」，雖然有不少不同款式的麵食和飯食，但是餐廳同時有提供「晚餐」套餐給我，讓我在星期日晚餐免除選擇的煩惱。「翰林茶館」裡面的套餐，容許食客可以自由選擇一款肉類或者蔬菜類食材，配合不同澱粉質食材例如「白飯」、「油麵」或者「烏龍茶麵」，再加上餐廳的手調珍珠奶茶飲品，最後在小食和甜品裡面二選一，搭配成為套餐。當然，「翰林茶館」裡面的晚餐，始終未能夠讓食客同時選擇「雞扒」，以及「牛腩」這兩款對我十分重要的食材，所以我只能夠在星期日晚上享用「翰林茶館」晚餐，相反平日就不太適合了。由於當時「翰林茶館」侍應只傳遞了主「晚餐」餐牌給我，所以我反而沒有機會，去探索「翰林茶館」究竟還有什麼其他口味的熟食食品。我在星期日晚餐通常都不會選擇食「雞扒」，所以我在「翰林茶館」晚餐餐牌裡面一看到可以選擇「牛

同屋企人去尖沙咀行街，屋企人話想食台灣野就去左呢間翰林茶館，之前經過都買過野飲，但食午餐就系第一次。佢有午市套餐，都幾抵食。吾洗加一，有飯有麵選擇，包一杯野飲。我叫左一個脆脆雞腿米粉同熊貓奶茶，雞腿系即叫即炸，所以食落好脆，d肉都好滑。杯奶茶，茶味都好香，珍珠都好煙韌。屋企人就叫左紅燒牛腩鐵觀音麵，聽佢講個牛腩都好淋，幾好味。如果系海港城想平食，呢間茶館系一個不錯的選擇。特別一提，佢環境好好，系對住一個無敵大海景，好舒服。

這一年海港城商場分階段舉行購物＆美食優惠, 而今天是這階段最後一天, 所以在優惠券上列明的食肆都大排長龍. 最後選擇這一間 👇是因為等候時間比較短午市套餐芝士雞扒新竹米粉, 餐飲鐵觀音奶茶吉列外層內有芝士火腿, 味道可以新竹米粉湯底, 肉碎&鹵水蛋味道淡淡的紅燒牛腩新竹米粉, 另加$16鹵水雞翼2隻, 餐飲鐵觀音奶茶紅燒牛腩湯底完全不合格牛腩好硬, 不夠淋紅蘿蔔&白蘿蔔味道普通另加兩隻鹵水雞翼味道更普通另叫一碟鹵水杏鮑菇, 豬耳, 雞腎&豬紅四種食物味道非常普通, 鹵水味不足全餐唯一合格就是杯餐飲 鐵觀音奶茶, 起碼有鐵觀音茶味為慳了排隊等候的時間, 損失了享受美食的過程, 只是由肚餓變飽肚, 為食而食的感覺😐 完全做不到台灣小店的味道

去翰林茶館買埋下午茶回家嘆下，無人排隊。叫咗熊貓鮮奶茶少甜、甜不辣、仙草芋圓、手工麻糬。外賣都要收我加一服務費，另外仲要收我3樣外賣器皿每樣$2，分別有一個裝一粒麻糬嘅小紙袋、裝仙草芋圓嘅碗、同裝甜不辣嘅紙盒，等咗15分鐘。第一唔明，外賣唔解要收我加一服務費？收咗加一又要再收外賣盒錢？🤷🏽‍♂️盛惠$120返到屋企開餐：熊貓鮮奶茶，好甜，無茶味。芋圓無芋頭味。諗住甜不辣叫貨嘢唔出事啦，係恰我未食過甜不辣？比咗咩我食？魚餅嚟嘅...見到咁多食評都係話唔好食，諗住比機會都試下佢。網民嘅評價都好中肯，眼睛亦非常之雪亮。兩個字講完「垃圾」！

又一個悠閒既星期天 約左朋友出尖沙咀行街 行到攰攰地就係openrice搵下附近有咩餐廳適合坐低飲杯野傾下計 見大家對翰林茶館既評價都唔錯 加上佢自稱係珍珠奶茶既始祖 於是我地一行二人就決定入去飲杯野食少少小食回下氣喇！我地兩個都叫左佢地既人氣飲品：熊貓奶茶裡面有黑珍珠同白珍珠 黑珍珠就係平時係出面都飲到既台式珍珠奶茶入面既黑糖粉圓 而白珍珠則是略帶透明感既白色粉圓 係坊間較為少見不得不讚既係佢地既珍珠奶茶奶味非常之濃郁 而且口感非常滑溜 不愧為珍珠奶茶既始祖 讚！懶健康既我地選擇左少甜另外由於堂食有最低消費 我地仲叫左兩款小食滷水豆腐：原本叫佢係因為有最低消費而湊下數 點知都幾有驚喜！豆腐既入味又香滑！台式炸雞塊：味道屬中上 外脆肉嫩滑 唔錯唔錯！ 每人分得兩舊 有d唔夠喉價錢方面 每人為返＄70都唔洗 仲要係海港城入面 都叫做有個靚海景望下 認真抵！充完電 回完氣 充滿力量 又可以繼續去血併喇yeah!!!

係尖沙咀同朋友行街行到攰又熱，好想搵個地方坐低歇下腳，飲下野傾計。翰林茶館不失為一個好地方，好推介。翰林茶館主打台式料理，咁當然一定要叫既台式飲料就係珍珠奶茶啦。呢到有個好特別台式飲料叫咗熊貓珍珠奶茶（少甜），原來即係黑白珍珠，黑珍珠係正常size而白珍珠係比較細細粒，咬落煙煙韌韌，一次過有兩種size珍珠好有咬感，不過茶味唔算太重，但份量都算大杯。另外我地仲叫咗小食填下肚，分別係台式炸雞塊（4件)同埋滷味豆腐。炸雞塊既炸粉唔算厚，熱辣辣香脆可口，不會滿口油膩感，食得出有濃味既醃料，幾惹味。伴碟既沙律菜係有芝麻醬係上面，唔係用嚟普通伴碟咁簡單。另外滷味豆腐係原舊豆腐上碟，都幾特別。微熱既豆腐，滑嫩加埋滷味汁同香蔥，都唔錯。

今日同老公出尖沙咀拎外賣但仲未夠鐘有得拎所以就搵個地方坐低飲杯嘢食少少野海港城有泊車優惠所以我哋就揀咗呢間台式餐廳啦一個餐兩個人食另外加多杯嘢飲份量剛剛好唔驚夜晚食唔落飯🤣佢呢度冇下午茶餐所以係叫咗個午餐我哋叫咗芝士雞扒麵線個麵線冇乜特別有啲似自己係屋企煮嘅壽桃牌上海麵😂個湯底亦都冇乜特別但係個芝士雞扒就非常出色啦首先應該係即叫即炸非常熱辣辣！可以用辣口嚟形容其次係佢個做法都非常正宗中間係夾咗芝士同火腿嘅加埋淋面嘅沙律醬🤤邪惡但好吃至於飲品我哋叫咗兩杯看似差不多但係成份唔一樣嘅鐵觀音奶茶同埋鮮奶鐵觀音😂老公話要試吓有乜分別喎結論係用奶粉沖嘅鐵觀音奶茶係好味啲嘅🤣可能因為甜啲但係我杯鮮奶鐵觀音相對上感覺就清新啲茶味亦都夠濃就係咁樣坐咗半個鐘然後我哋就去拎外賣lu!