翰騰閣

營業中

休息中

今日同朋友一起，見天氣都幾好，我滴買咗外賣去公園散步食飯。老火湯清甜，火鴨絲燜米粉好入味，蝦餃燒麥必點兩樣都好好食，餐廳工作人員落單時仲提我滴外賣也要加一留係度食啦，態度非常友善，會再來

雖然已打針，但因為老人家不懂用安心出行，遇到知客無禮對待，一直眼睥睥。若然員工對客戶身份有懷疑，可以在門口拒絕接待，甚至叫執法人員協助處理身份認證，但服務員先入為主，自以為是，一直自行以惡劣態度對待，卻未有針對事情要求身份認證，導致整餐飯都食唔安樂。希望老闆跟進員工惡劣態度，否則食物質素再好到無用，被個別員工趕客。

臨近歲晚，都好明白飲食業同仁有賣糕券嘅壓力，但都唔係強搶咁架？話說我媽媽如常去飲茶，知客S小姐帶我媽媽坐低左，然後拎岀張$4xx嘅糕券放低係枱面，問我媽媽想點俾錢。🤯作為熟客，幫手捧場都係應該嘅。但唔係一岀就要迫人買最貴個款呀？完全唔俾人揀，同強搶有咩分別？媽媽話唔係好想買，知客S小姐就即刻西面，好唔客氣俾說話我媽媽聽😤😡😠作為知客，講嘢圓滑少少是基本吧？話晒都叫服務業丫？難得放假想同媽媽飲餐茶都因為個知客搞到媽媽好唔開心！

以前好鍾意嚟飲茶，事關呢度點心款式多且高質素，全部點心熱辣辣上十一至十二点半早茶優惠時段，大，中，小点一律以小点計，另外重有特價点心同蒸，以太古城商場內酒樓嚟講係好抵食疫情改去其他地方，已經好耐無嚟過。今日應朋友邀約嚟飲早茶一樣有特價優惠，点心併盤等價錢貴咗四至五蚊，但都OK嘅。不過，點心質素似比以前遜色咗同縮埋水红棗雞粒飯嘅红棗得一點，雞粒亦好少，多少餸，合桃焗雞批變咗迷你版，入面係菠蘿碎同雞蓉，味道同以前一樣好味點心熱上，但唔係熱辣辣蝦餃皮比以前厚啲，味道正常👌红油抄手叫佢分開辣汁上，味道正常四式甜糕最後上，唔記得影，但同樣好的式。此時段人手嚴重不足，等咗好耐都無人嚟埋單，最後，惟有自己出去埋單。整體嚟講，食物熱度稍遜，質素雖無以前咁好水準，但亦不過不失，價錢雖然比之前貴咗啲，以地區論，早市仍然最抵食

翰騰鮮蝦餃拼鮮蝦菜苗餃(點心雙拼特價$35)- 蝦餃好鮮味, 蝦肉大粒爽口彈牙, 餃皮厚度適中。- 菜苗餃餡料多外型飽滿, 鮮味濃郁。 蟹籽燒賣皇拼乾蒸牛肉燒賣 (點心雙拼特價$35)- 蟹籽燒賣真材實料, 啖啖肉, 豬肉肥瘦適中。- 乾蒸牛肉燒賣呢類懷舊點心唔係好多地方有, 見到要即叫, 牛肉香味濃又彈牙, 肉汁豐富, 好好味。 脆皮燒肉飯 ($45) - 燒肉外皮脆卜卜, 肉嫩多汁, 肥瘦均勻, 咸香味適中, 唔錯。焦糖西米焗布甸 ($25)- 即叫即整, 西米軟淋, 甜度適中, 上面既焦糖脆卜卜好好味, 份量剛剛好, 大推!皮蛋瘦肉粥 + 野菌雞絲腸粉(早餐孖寶 $48)- 粥底都幾綿滑, 但可惜皮蛋同瘦肉既份量好少, 但味道係唔錯既。- 腸粉皮薄煙韌, 餡料份量足, 配上甜豉油一齊食好味。海味煎蘿蔔糕 + 富貴煎年糕 (早餐孖寶 $48)- 蘿蔔糕太淋唔夠實, 不推。- 年糕好軟糯煙韌, 甜度適中, 可以一試。翰騰閣太古太古城道18號太古城中心一期5樓506號舖

今日放假同朋友飲個茶，佢介紹我嚟呢間因為就佢方便我亦冇乜所謂。所有點心都在預期之中不過不失但令我有驚喜的是盅飯都幾大如果兩個人好夠飽！食太多要去太古城中心shopping下消化卡路里😆平日都座無虛席相信禮拜六日一定要排好長龍，服務不像評語那般差一遞手服務員已經幫我們加水👍🏻

今日與好友傾計，諗住可以坐得耐啲傾偈又唔洗趕，加上我哋兩個都好鍾意食點心，一於就選擇了翰騰閣，之前經常幫襯又一城個間，但自從已經關門之後，就要係太古城先食到我不嬲對叉燒包係麻麻地，但係佢哋嘅雪山叉燒包，就真係一定要試！外脆內軟，叉燒選了唔係所有都係跟出邊一樣肥豬肉，我哋啲叉燒肉質新鮮而小籠包嘅包皮，略為比較厚，但入邊啲湯料不錯！牛肉乾蒸燒賣，沒跟出邊落咁多粉漿，伊麵沒太油！紅油抄手，辣味調得啱啱好！服務質素不錯，可以一試

食物可以。就因為太古城內可供飲茶的地方不多，所以排隊情況嚴重。我當日去排隊的時候，發覺有幾位似乎是熟客，同服務員寒喧幾句後，便被引入座，完全未見排隊。我等了一個多小時後入座了，食緊嘢的時候，亦看見有幾個客戶在茶水位附近站着等安排位置。令人感覺到好像熟客可以不用在門口排隊。所以如果想食好D，又唔介意等位等耐D，同受少少氣，此店可以選擇。

首先唔好評論入座後對食物的評價，如果你唔係熟客，等位只會係等極都未有位，因為帶位女職員只會優先所有座位給熟客，其他生客就只有呆等，就算訂咗枱都要等最少45分鐘，因為你會見到帶位女職員不停與熟客打招呼，再問他們有幾多位，然後就帶他們入座，所以如果人多來飲茶，一定要預早搵人來等位（就算訂咗枱），免得一行8人訂咗了位都要在門口呆等。我在呆等期間，最少見到有兩枱已訂位的客人跟經理投訴，另外如果你想查問門口帶位女職員為何遲遲都還未有座位，她會以極差的態度回答：「她早就不應該接受任何人在優惠時段訂枱！」我個人認為她這個建議應該是跟貴洒樓事後檢討，不應該此刻回答客人！因為她肯接受客人的訂位，不是客人的錯！　完全沒有服務可言，我終於明白為何這間洒樓執浄一間，真係要自求多福！

食物不太新鮮，蝦餃皮是爛，賣相差，怎可能拎比客人！腸粉唔夠熱，皮厚，另外如果你唔係熟客，就算訂咗枱都要等最少45分鐘，因為職員只會將所有枱優先安排比自己熟客，所以如果人多來飲茶，一定要預早搵人來等位（就算訂咗枱），免得一行8人訂咗了位都要在門口呆等。我在呆等期間，最少見到有兩枱已訂位的客人跟經理投訴，職員只會安排座位給熟客，但門口帶位職員態度極差，她回答客人：「她早就不應該接受所有人在優惠時段訂枱！」這個建議應該是貴洒樓事後檢討，不應該在此刻回答客人！完全沒有服務可言，我終於明白為何這間洒樓執浄一間，真係要自求多福！

母親大人牛一，一家人同佢慶祝，揀咗太古城嘅翰騰閣。之前訂枱，因為喺熟客，服務員特別開間房俾我哋，菜單祇限星期一至四供應，亦破例星期六也可以給我們享用，認真識做佢重提議我哋轉燉湯，星期六嘅燉湯係舞茸菌元肉燉竹絲雞，祇加三佰蚊，一番好意，我哋當然OK啦到呢日，我哋十八個人坐埋一張大桌，一啲都唔逼，抵讚當日菜色全部加大，由服務員分俾我哋，呢度啲食物，雖然不算最好，但係都不過不失，算係咁啦。 整體呢度食物水準唔低，一家人濟濟一堂，共享美食時光，係最開心不過嘅事

同一大班同事食lunch，通常都會去飲茶。今次就嚟咗喺太古城商場裏面嘅翰騰閣。我地Total有七個人，本來就諗住叫點心飲下茶，但之後見到有有個商務午市六人套餐$599，見咁抵就決定試吓啦。呢個午市商務套餐包明火靚湯、點心拼盤及六款指定菜式或炒粉麵。 點心拼盤有四款：蝦餃、牛肉燒賣、咸水角、黑松露益菌餃。份量就每款每人有一粒，唔使同人爭! 點心上枱嘅時候都係熱辣辣，蒸氣仲好滾動應該係即叫即蒸。蝦餃同黑松露益菌餃嗰皮唔會太厚，食落口啱啱好！湯就普普通通，湯渣都上埋俾你，不過除咗粟米之外都冇乜嘢食得😂主菜我哋叫咗：1）鮮茄魚塊茄汁唔太酸，魚塊唔會炸得太乾。我覺得味道還可以。2）螺片花膠豆腐煲如圖，有大量豆腐，至於花膠同螺片就各有三至四件。3）瑤柱滑蛋蝦仁蝦仁OK。可惜蛋有少許老同乾，可能炒耐左少少4）粉絲雜菜煲依個雜菜煲幾好，有粉絲、菜心、白菜、金菇同碎冬菇。5）清湯蘿蔔牛筋腩煲牛腩同蘿蔔都煮到好淋，食落唔會有渣。6）豉油皇雜菌炒麵會跟一碟辣醬。豉油王炒麵建議大家一定要加辣醬食，撈埋一齊食簡直係絕配呀！總括嚟講，依個套餐真係份量十足，7個人都夠食。至於味道就不過不失啦。埋單$599 +7位茶

今日同母親慶生去飲茶，之前食過又一城嘅翰騰閣，佢哋嘅服務、食物都唔錯，今次就揀太古城分店。點知乜嘢都未食，就已經一肚氣😡1）坐落覺得冷氣出風好大，要求換枱，但當時明明有空枱都拒絕😓 用好冇禮貌嘅語氣叫我坐去路邊位。2）但冇幾耐，佢哋另一員工就話我坐路邊個位阻住佢哋出入，咁我就叫佢幫忙推張枱過少少，唔好阻住佢哋，點知佢就好唔願意咁大力推咗一吓，推到枱面啲茶都倒寫晒，然後冇理會就走開！3）跟住我搵另外一個員工幫我清理枱面，佢就話我做乜整濕晒張枱😡😡😡究竟呢啲係乜嘢嘅服務態度👎🏼👎🏼👎🏼而佢哋嘅食物亦都唔見比佢哋嘅服務水準高好多😓首先嚟嘅係香西牛肉腸粉，個碟同啲腸粉都係緊緊微暖🤦🏻‍♀️跟住呢碟「素鵝」，睇唔到層層腐皮，淨係食到又厚又軟林林嘅炸漿👎🏼然後哩個「鹽燒茄子」又係用厚炸漿🙄入邊嘅茄子又無乜味道👎🏼哩個「百味豆腐」算係今日叫咁多樣嘢之中最好食嗰樣，外面炸得乾身，味道香口得嚟唔會太鹹，而入邊豆腐都保持嫩滑個「牛肉球」就不過不失，起碼夠熱(咁嘅標準會唔會太低呢😅)、有牛肉味, 但個質地就實咗啲。至於個「上湯浸腐皮卷」就麻麻哋，因為實在真係食唔出有咩味道，好淡👎🏼總括嚟講，一間服務水準咁差，

一家人星期日放假有咩做？當然係飲茶啦！今次揀左係太古城入面頂樓既依家酒樓. 酒樓有個優惠，就係十二點前埋單既話，大中小點一律$22，所以不設預約. 由於9點鐘開門，所以我先8點半去排隊，以為早半個中實冇死，點知去到一條人龍排到去戲院門口😂. 9點鐘開始放客入去，點知去到我個陣已經滿座，要等第二輪，所以想飲早起既各位記得再早啲去排隊！等到10點鐘終於有位，坐低後冇人理我地，叫左幾次侍應執枱都冇理我地，依度有少少扣分！我地總共叫左十樣點心，全部都幾好食，我對自己對依碗菜乾排骨粥印象最深刻，粥好棉，好入味，菜乾既味道好突出，一試難忘。至於其他點心味道都唔錯，有一定既水準，值得一試！

有時人大左都會覺得可以請人食飯都系一種福氣。今日一家人出去食飯，因為嫲嫲唔行得遠咁所以都要系太古城食。一大班人飲茶黎講其實太古城主要都系個幾間。今日就揀左翰騰閣食野（我比錢lol） 。雖然話有十個人，但老人家本身唔食得好多野，所以都唔系叫左好多。 主要叫左兩個餐，一個孖寶E 餐同三寶餐 另叫多個咕嚕肉。綜合黎講除左個龍蝦伊麵又十分伏又細有唔好食重要貴。 其他菜式其實十分都值6 7 分。咁當然系得太古城價錢就都89分。 不過貴唔緊要最梗要食得開心但見到去碟碟餸都系迷你版本，真系見到就嬲，比左1500 幾蚊下次貴d 去第二到食好過。