耀東號 (已結業)

住係附近, 都食過lee 間幾年,一向只鍾意食佢兩樣野, 其他野同一般茶餐廳冇咩分別1, 豬扒撈丁 - 豬扒很薄很脆, 叫得豬扒大王, 豬扒確係有水準, 撈丁個汁ok正, 近年佢d豬扒分量就年年縮小, 但價錢就年年增加 2, 上海粗炒 - 有鑊氣, 個汁正, 有d椰菜絲 & 肉絲 (吾加豬扒都好好食...)佢加下有名星食過, 又有報紙 報導過, 多咗人食,但依然係一個人自己炒, 太多人的話, 要等好長時間所以一見佢門口有2-3檯客, 我吾會食, 起馬要等15-20分鍾先有得食......

這裡一早聽聞，雖然住係柴灣，但係一路都未試過。十點先收工，未食野，架車經過這裡，又見到呢到，就落車食埋先返去。來這裡要的當然係名物豬扒，時間都唔早，唔要飯，要炒烏冬。即叫即炒，得三幾枱客，都等左一節電視劇先有得食，慢工出細貨，炸野需時，我明既。上碟見豬扒得幾舊，好似真係少了點。先試豬扒，豬扒薄身，炸得夠乾身，水準不錯的，大食既我，係覺得少了點，睇黎下次要加份淨豬扒。烏冬炒得不錯，上色均勻，港式應有既獲氣，穩陣。跟餐要左杯凍奶茶，茶味唔見影，奶味就十足，要補返罐汽水先滿意。小店一間，$34蚊豬扒炒烏冬，凍飲加七蚊，係柴灣收這個價錢，係有d野。

星期三晚，印象中起碼十年無去過柴灣，一場來到，當然要把握機會搵食，想起以豬扒馳名的耀東號就在附近，先打電話問問收幾點鐘，答案是凌晨一點半，太好了，我們立即出發！從地鐵站 B 出口過馬路，一路直走就找到高威廣場，地點倒算方便。時約八點，小店內雖只得一兩檯客，但間中也有街坊來買外賣的，由於人手有限，這裡明文規定「食物同飲品要一次過叫」，如果分開叫的話，飲品會收正價，所以最好都係先諗好食乜飲乜，再搵阿姐落單！豬扒是穩膽，卻要花時間去想想配搭那一款醬汁，當中以椰汁咖哩最為特別，如果不想吃飯的話，也可以選擇撈公仔麵、炒米、湯麵等，總有一款合你心意的。始終是第一次來，就試試最基本的鎮店豬扒飯 ($30)，跟一杯凍奶茶少甜 (另加 $7)。鎮店豬扒飯的賣相略花心思，將切成小塊的炸豬扒圍在圓碟上，炸粉很薄很脆，肉質嫩滑，入口後慢慢溶化，水準不俗，白飯則淋上味道帶小甜的豉油汁，感覺不會太寡，以三十蚊的消費來說，絕對抵吃！出街吃飯多肉少菜，遂叫了一碟清炒椰菜 ($20) 為身體補充纖維，椰菜的味道清甜，勝在用油不多，也算討好。少甜的凍奶茶味道偏淡，一味夠凍夠消暑，不太滿意，下次再來，都係要番支可樂好過！

山長水遠來到柴灣吃一些想試的小店，第一站來了這裡，這所小店的吸引力何在？就是它們的豬扒，不少明星也是其座上客，雖然是日滂沱大雨，但我們也是冒雨來到了，狼狽的到了小小的店的門外，怎知沒有位坐，最後都跟人搭枱，其實跟人搭枱也沒關係，但那張四人桌就在廚師對開第一張，困在牆角，實在真的挺狹窄。因為迫，所以都是快吃快走好了，看看有什麼好吃，除了豬扒，店家還有各式飯麵粉類供應，但來的目的就是為了豬扒，而胃就只得兩個，所以最後點了兩個都有豬扒的東西吃，一個是炒烏冬，另一個是咖哩飯，已經是盡量看可以試多一點東西了。先來的是炒豬扒烏冬，在烏冬來之前，聽見店家炒東西的鑊氣聲都挺振撼的，所以果然這碟烏冬炒得夠鑊氣，豬扒是炸好後再放到炒烏冬之中，絕對有點空降的感覺，其實這個做法也很正常，不然炸過的豬扒會變得又腍又濕，豬扒入口有點脆而很香酥，而且肉質夠腍得來又不「痴」牙，吃起來有肉絲絲的纖維，肉味濃郁，果然如店家所言，是沒有下任何鬆肉粉及梳打粉來製作，稍為要彈的，就是肉質乾身了一點，這個情形在灣仔的新景園是沒有的，所以個人認為灣仔的新景園有過之而無不及。也說回這個炒烏冬，烏冬入口順滑，沒有粉腍的感覺，吃港式的炒

这家店的猪扒真的好好吃外面炸的很香酥 里面的肉 看起来是瘦肉 但吃起来很嫩 有入口即溶的感觉 不知道店家是怎样做到的奶茶还OK 奶味过重了些咖哩牛脷的话 咖哩有椰汁的味道 但我喜欢椰汁味再浓些的 然后牛脷也是很嫩呢

朋友介紹了很久，一直都想來，可是下午１時才開門。又唔想同其他人迫。所以一直冇機會。今日終於可以一試佢地的豬扒。叫了咖哩豬扒飯。咖哩是不太辛口的一種，豬扒都好好食，沒有鬆肉粉，十分鮮味。凍檸茶則不太甜的那一種，都幾岩香港人口味。可惜。。服務真係＂超水準＂　老闆十分串又不友善，對客人接近無視，有點食就食，唔食就過主的感覺。。。。。。。令人唔想再去。。。呢一間店即使咁好食。都唔可能吸引我經常光顧，間中心情好時都可以一去。否則只會自討沒趣。。。。今次比笑面。只因為佢沒有＂串＂出面同埋食物質素真係好。。。希望老闆會改善下啦。。。。。。。

其實耀東號一向幫襯開gei~ 質素有保證, 真係好食gei....無諗過有一日會唔想再幫襯佢...就係今日! 今晚同友人去耀東號食咖哩豬扒飯~$34飲凍飲加$7. 我地要左杯凍檸茶, 我無飲到, 比左友人飲...(友人無食野, 淨飲)耀東號每人最低消費$10... 我地應該係$41丫, average 先係廿蚊左右. 埋單佢收我地$46!! 我地問佢點解, 佢話: 你地兩個人lei 食丫ma!! 之後眼尾都唔望我地一眼!!唔係話果幾蚊比唔起, 而係, 我諗全香港無一間食肆會咁做生意!! 擺明屈錢!!雖然都知佢地平日都係寸寸的gei 朋友, 但都未至於令我想放棄佢gei 食物食野jei, 點解要受無謂氣?經此一役, 死心lar...

都吾使上相片因為同其他人影既都差不多，咁又未至於豬扒大皇不過真係好好味，食咗鎮店豬扒飯同豬扒炒一丁，仲打包咗豬扒粗炒返屋企，老闆真係好有心機逐碟整，吾係一早炸定行貨，豬扒入口外脆內軟，所有野有一個共通點係吾會好鹹又吾會成口油。一定會再去！仲未試佢的咖喱...

晚上要到柴灣工作，早前已在OR找了些資料，得知在柴灣地鐵站附近有一所名為「耀東號」，以炸豬扒聞名的店子，故此專程在上班前一訪，打算吃飽才開工。剛好在六時十五分到達，在遠處已看見該店，門外並已坐了三四位客人，雖然不知道確實的營業時間，但心想應該來得及在關門前光顧。怎知一步進店內，老闆娘便馬上告知要在七時後才開始營業，這個消息確是殺我一個措手不及，結果唯有用沉重的步伐離去。今晚的工作進度比預期快，九時十五分左右已完成並可離開，心裡想著多試一次的心態下，再度前往該店，到達後還好仍在營業中。到店櫃台點了食物鎮店豬扒飯(豉油汁)($30.00)及凍奶茶($7.00)，便坐下來一面自香鹼小姐，一面等待著。先來飲品凍奶茶，茶味偏淡，其餘也沒太大問題。再來便是主角鎮店豬扒飯(豉油汁)，看見老闆娘有心機地將豬扒切開並圍著已上豉油汁的白飯，十分細心的安排。先試了一口豉油飯，味道不太特別，豉油雖已調味，但味道不是十分之特別，與一般豉油分別不大。再到便是炸豬扒，入口時只帶微暖而沒有預期中的燙嘴，肉質夠嫩，外層炸得鬆化，雖未至於肉汁滿盈，但每件也有滑漏之感。味道方面，只帶微微而又適度的鹹味，是一塊質素及炸功均上

六月初一‧日食！無端的要OT，正想打道回府，忽然CSY一個SMS來問我吃過柴灣「耀東號」未，那裡的煎百豬扒好吃。「耀東號」？還要是柴灣的「耀東號」？作為柴灣地膽，除了未吃過，還要是完全不知情，自己也覺得有點離譜。我就是這樣，想吃的東西，不吃總是心有不甘，一定要快快來吃的，就在歸家之前，來看一看。是在高威閣商場的一間小店子，裝置簡單，只得十來個座位，但也有電視及空調的，環境不算很差。牆上的餐牌大大隻字寫著「鎮店豬扒類」的，以不同的煮法去炮製豬扒，應該是有點板斧吧，就要了一客秘製豬扒來吃一吃。很快有得吃，是油炸的。薄身的豬扒，是雪藏貨。吃起來口感鬆軟，如言是完全沒有化學品的踪影，很軟滑，是用上蛋白去醃吧。味道不錯，帶點甜味，也入味，是美味的。果然是「鎮店」菜色，埋單17蚊，下次來，會吃咖哩，因為聽老闆說是用鮮椰汁煮的。臨走前，望牆上的貼圖，原來報導說某前DJ推介來這裡吃，咦，佢唔係出夠吃得求其的嗎...？

透過電視節目"名人飯堂"的介紹,已是第二次來臨這小店,今次食了一個(鎮店豉油豬扒飯),豉油不太咸,最重要係這個飯除了豉油外,就沒有其他醬汁,能清楚品嚐到豬扒的味道,主菜豬扒外層很脆,但一點都唔油膩,內層十分鬆化,非常美味!由於該店只有老闆兩夫婦工作,而每個柯打都係即叫即製,在飯市時間,等候時間會比較耐,但都係值得既!

這裡的炸豬扒都唔錯. 脆皮有汁中間好tender一d都唔chewy同有豬味一定係沒有用梳打粉!不過最估不到是他們的小食 - 厚切牛tongue非常得! 火喉剛好, 好嫩好juicy, 外皮脆又香! 一粒粒cube, 顏色好吸引in golden brown! With the beautiful fragrance rushing into the nostril!老板用牛tongue中間最厚的部份, 質感一流, 牛嘅香味在口裡徘徊, 回味無窮^^非常超值!!