耀東號 (已結業)

今天和朋友一起去了柴灣執拾一下我們迷你倉內的雜物，動手前順便在高威閣下面，一間出名食豬扒的小店吃午飯。其實這小店我在多年前已試過，他們的豬扒確實是幾好味的，而今天我重溫了好耐冇食過的咖喱豬扒飯。跟多年前一樣，豬扒都是即叫即煮，所以一般上菜都會比較耐一點，而這裡因舖位面積比較細，所以很多年前已很前衛地建起"Open Kitchen"，在客人面前煮食，廚師的一舉一動全部一清二楚，透明度很高唷！在櫃枱俾完錢後，即見到師傅從雪櫃裡取出一塊約6寸長的豬扒放入炸爐炸熟，而在一旁就起鑊炒香少許洋蔥，跟著將事先預備好的咖喱膽倒入去煮熱，加入少許花奶成咖喱汁；最後將炸得酥脆的豬扒切件，加上一大殼咖喱汁淋上白飯上，完成。以上動作全程由一位師傅包辦，記住佢每次並唔係只預備一碟，而是3，5，7碟，仍能駕輕就熟，好功夫！咖喱豬扒飯端到上來，雖然沒有一般咖喱一上枱的那種香噴噴，相反地勝在夠溫和，突顯咗豬扒的酥香，讓人一見就想試番啖先！相隔了咁多年，豬扒的質素和份量並沒有因物價上升而改變，仍然都是一碟飯跟一塊大豬扒，豬扒醃得入味，炸得微焦鬆軟剛剛好，配上微微偏甜的咖喱汁，異常地匹配；值得一提嘅係佢哋轉用咗類似珍珠米

今日小先蜂黎到柴灣, 男朋友本來話樓上開左間新餐廳打算去試下下午茶,點知原來係酒樓, 已經差不多4點喇, 飲咩茶丫. 咪落樓下搵野食囉.見到個板大大的老孫賣廣告話呢間野係豬扒大王,加上男朋友都未食過就試下.餐牌上每款都要$40以上, 我同男朋友都唔係話好肚餓所以叫左個出名豬扒既豬扒粗炒.見到個老闆娘炸緊D豬扒都大件既.點知一上枱我地兩個即時O哂咀, 咩料呀. 得個幾舊細到無朋友既豬扒仔.好明顯唔係佢頭先所炸既豬扒, 又唔完整. 仲要剪頭剪尾. 好似食剩拚為一塊比你咁 可憐既我地.仲要索價$40, 豬扒味道無咩特別, 好乾! 豬扒份量少...D麵仲少, 咁既價錢係完全食唔飽. 明明重點間舖係豬扒但咁樣招呼客人, 有失大體食一次已經嫌多, 我一定唔會叫人去食.大家一齊BAD LIST佢啦

3-8-2013(六）搬來筲箕灣居住約一個月，閒時便在東區一帶吃吃美食，今天坐車來到柴灣的 耀東號 吃豬扒！多年前，看過少年食神在報章介紹過這兒的豬扒，好！那就試試看吧！份量尚算大碟！但吃下一口，只可以說是很一般！用上一般雪藏貨，並非其店所聲稱的使用新鮮貨！肉外層煎得極度乾身，內裡肉身尚算鬆軟！由於肉身被切成條狀，感覺頗薄，像吃著豬肉乾般！態度如傳聞中的差劣，豬扒上桌後，我見沒多汁，便著他們可否加多一點汁；但他們說已有很多了，無需再加，又說我近視所以看不到有汁已下了很多；相信店主的人格出現問題，視食客光顧如必然的事實，做人要相信：物極終有一天必反！

1，兩公婆態度超差 勁串          2，豬扒一d都唔係咁好味 話說有次去買黑椒汁豬扒飯 食飯要多少少汁好正常 個老闆娘一句：已經好多汁 唔洗加（重點好無禮貌既語氣） 。正因為之前食過唔夠汁客人先有呢個要求 。下下只係掛住收錢 態度差極。正因為晚上呢邊好少餐廳 所以呢次要買佢 但今次之後唔會再買。之前以為好出名 食過之後 d豬扒其實無咩咁好食 對呢間野勁失望。而我周圍既同事都已經唔想選擇呢一間 因為兩位老闆態度真係好有問題 之後上黎先發現好多人都講佢地態度真係唔得 。

今天又是我的「更期」去照顧老爸，有兄弟姊妹多的好處是大家可以分擔時間，尤其現今的打工一族，不是想申請放假便隨時可放假，而且多放假自己也不好意思。餵老爸吃午膳後，我又走到山下的食肆搵食，路過多次這炸豬扒店，很想試試，看餐牌，有各式各樣的豬扒，粟米豬扒，鮮茄豬扒，沙爹豬扒，西芹豬扒等，我點了一碗豬扒麵。因全店只得兩夫婦作業，豬扒湯麵要等十五分鐘才送來。一碗湯麵，而炸豬扒是另上，一碟有兩塊長形的，厚度約1 cm厚，與一部 Galaxy Note 相若。豬扒上了一層脆漿才炸，每塊都切成幼條，讓視覺上看來較多，入口鬆脆，嚐到有多種東南亞香料醃製，幾好味，但太薄，像吃豬肉乾，不過癮。麵條是上海麵，質素普通，份量又少，賣 $34，無飲品，不值！

曾幾何時它的豬扒可能確實不錯，因而令它一朝成名，在餐廳也可以看見一份幾年前的雜誌報導。 一向也喜愛吃豬扒，不論是日式多汁、鬆軟的日式脆炸豬扒，還是港式嫩滑帶筋的港式新鮮豬扒，只要美味，都一樣喜愛。 最近後友人口中打聽到在柴灣有一間豬扒大王，做的豬扒出色。 可恨他沒有試過，只是在電視的飲食節目中，"食神" 介紹這間豬扒，於是便冒昧到訪。 誰不知。 索價近40元的豬扒米粉是吃不飽的份量。 不只我吃不飽，這還包括坐在我身旁的太太。 我則叫了一個豬扒粗炒，同樣是吃不飽。 無論如何，既然要試它們的豬扒，吃不飽還算了，但豬扒也太過不行了吧。 在餐廳上說明了不加梳打粉令肉質嫩，這點是同意的。 但它們的豬扒犯了很多大忌。 只用上了雪藏豬扒，並不是聲稱的新鮮貨。 1.豬扒要厚切一點才有咬感，這裡的豬扒全都切得太簿，小家得來令食感全無。 2.調味過度，一吃下去便有很重的豉油味道，是過鹹了。 調味過度會令食材味道全無，是用來蓋住雪味嗎？ 3.炸的火喉也重要，這次吃的兩塊豬扒都是不同時間上碟的，是兩次的功夫，卻同出一徹。兩次的豬扒都成了豬扒乾，薄身令豬扒水份不足，加上過長的炸煮時候，令肉身變得更乾。 食感很像

其實點解事頭婆成日咁寸？係人嘅本身質素問題，仲有就係生意好，本少利大，點解生意好？附近除咗間富臨皇宮之外，其他食店根本唔掂，佢似樣啲咪彈起囉。我對豬扒不嬲都麻麻哋，我老婆就話幾好味，但我由始至終都未食過。「賣飛佛」係咖哩牛脷飯，老細大廚嘅咖哩夠香夠辣，味道啱啱好，加埋蘇香嘅肉牛脷，三數分鐘就幹掉整盒飯。另外一樣寸嘅係，要飲嘢就落單時叫埋，後加的話事頭婆又鬧你啦...其實我哋幫襯佢都係因為喺正屋企樓下，我哋啲「無飯夫妻」，平時又懶煮，又唔想行去太遠食，Pizza、壽司或家鄉雞又食得夠時，又唔知食咩好至幫襯佢嘅心態。:忍到勁寸及態度惡劣嘅事頭婆至好嚟幫襯，否則也沒有損失。

今日 我一家三口去柴灣健康院同小朋友見醫生,難得去開柴灣 記得想試很久的豬扒王 就係付近 於是就去試下點知未食豬扒就以經一肚火事源: 我 and 唔休無生意ga呀姐 對話我: 入到去 話一份豬扒拿走 (因為小朋友想食吉野家 我只好叫一份豬扒 倍佢去食吉野家)唔休無生意ga呀姐 : 依家新年期間唔賣單份豬扒 (當時我就想 年28都未到 咩野新年期間呀 ~好 算!)我: 你有無豬扒飯外賣and幾錢一個唔休無生意ga呀姐 : 有 36蚊一個我: ok 無問題 比一個我拿走唔休無生意ga呀姐 : 要等好內 我: 要等幾內(當時佢桌上只有2張單) (我心想最多咪15分鐘)唔休無生意ga呀姐 : 佢回我一句 唔等得唔好等 我: 我心立即講4字經 and 佢都叫我唔好等 當時唔走做咩野 於是就立即轉身走 頭都唔回 (心想睇你幾時接)==============================當時我聽到依句 真係火都上晒來 佢係咩態度呀豬扒再好食都唔洗目中無人 叫d 客唔等得唔好等下話當時唔係有小朋友在場 我一定叫佢咪做生意 接左佢啦~! (粗口版)如

火都黎埋！諗住去試吓食神micheal介紹既豬扒大王，點知得到咁既對答！我：兩位唔該！豬扒大王個仔：而家冇嘢賣住！我：吓？豬扒大王個仔：係呀要七點先有嘢賣！......我眼見有六七枱客都食緊，就好奇問：點解既？豬扒大王個仔：因為我呀媽呀爸未食嘢，所以要七點先有嘢賣！我：哦••••因為你呀媽呀爸未食嘢，所以唔賣嘢住，等佢地食完嘢先做生意！豬扒大王個仔：係呀！我真係O哂咀囉~~~~

看了明星微博和電視節目介紹開展了我的為食追尋去柴灣區為左留quota上班早餐吃了丁點忍左成個早上中午捱放搵食了耗了乘車時間和車費來到柴灣一次過買幾樣想試既目標係耀東號豬扒大王既鎮店豬扒飯+我情有獨鍾既黑豉油汁4點幾搵到黎But...........又要等落場囉佢話要等到夜既7點先有野賣喎.........好失望囉..............有心山長水遠黎到唔會咁易放棄唯有先去第2站燒蝋站行埋銅鑼灣再返黎買啦準時搭正7點再黎到已經塞滿哂人了我諗佢應該唔使7點已經開始賣野了早知早D到啦...要左個鎮店豬扒飯+黑豉油汁多汁櫃檯成檯都係Order, 我排第8個....我一開聲落單, 櫃檯落單阿姐已經warn我要等,唔會咁快老闆兼大厨一人獨攬全店只有一個鑊一個爐落單有點燥阿姐和無聲大厨, 全店都只得2個經營自己生意唔怪得要等廿分鐘, 有落場店舖細細的, 只可容納到3張小檯其餘的只可在店外進食等左一陣只不過行去櫃檯望下大約排第幾個先輪到聲未出個阿姐又warn唔准趨,唔准講野,出去外面等只不過望下遮 huffy:我係客人黎喎巴之閉嗎? huffy:如果唔係電視, 邊有咁好生意?加上明星效應反而老闆兼

人家寫微博、微小說, 我又學人寫下微食評先…豬扒, 人之所欲也。小店豬扒盛名滿天下, 先揼再炸即製確係夠盞。排得靚靚似朵花, 一口一件脆夾香; 可惜豬扒雖然夠哂薄, 食多兩塊仍然會口乾。兩啖香濃豉油飯下肚, 忽然想飲番啖茶; 柯打飲品要開首叫, 否則蘇州過後無艇搭。食神讚過人氣盛, 阿牛哥都係常客。

呢間野係屋企附近, n年前光顧過...一碟豬排飯已經賣緊$30, 仲要菜都無條..其他好像上海粗炒, 油膩+細碟楊洲炒飯連叉燒, 蝦都沒有...物非所值!最近友人未試過, 唯有陪她一試...嘩...又加價了..豬排比以前細塊了...味道一般..講真炸物跟本就無益, 幾好吃都唔可以成日吃..賣$3x 一碟豬排飯...汁都唔多滴...我覺得有其他較健康選擇..佢兩公婆做晒, 沒有請其他人..收得貴仲有零服務..

其實我係住佢o個到樓上. 日日見都係冇咩人食. 起碼唔駛等好夜仲會見到d明星係到食. 直到前排tbb同佢做左個訪問就開始日日每個時段都好多人食.好多人等泊到一街都係車. 行人又唔方便喳車又塞住晒服務:一個廚一個阿姐.可以講係做唔切d order多到唔比人落係好火咁同你講唔落住...!! 太多.!之後佢一叫落. 一班人沖埋去 -_______-外賣電話就拎起左永打唔通食方面:之後未 訪問時. 仲好好味d豬排仲好好好林依家真係冇之前咁林d飯就永遠都係咁濕-_________-

八點半一個人去到，等咗一陣就有位，叫咗個鮮茄豬扒飯，$36。等到九點都未有得食，唔敢問，唔敢催。因為老闆娘非常唔好惹，做到一身火。凡有人問佢嘢，佢都唔想答，或者好晦氣話等啦，唔好催！結果，半小時，眼見好多叫豬扒丁嘅都被拒絕，因為老闆娘話炒麵一律做唔切。我等到九點零，終於有得食！太餓，唔記得影相。嘩！有冇過份啲？得兩片酸番茄？汁係好似漿糊慨豆粉加糖。勁難食！塊豬扒炸得好香，可惜比d汁污染咗。食完好口渴，個囗好辛苦，有味精之嫌？仲有，d飯好濕。 最後，食咗十分鐘就走。唉，等咗三十幾分鐘。其實十個客，不過一個人煮。

可能多左人知，又或是午飯時間（不過都已經1時多啦），我order完後足足等左45分鐘！！咁都算快餐！？最令人火起就係個侍應亞姐嘅態度其差，明知要等咁內，只係講「無咁快，要等喎」，之後問佢要等幾內，就講「唔好吹啦，排僅，講左話無咁快啦」；同佢講趕時間，佢話「個個都話趕時間，做僅啦」，今時今時咁態度，好食都無下次！！！其實做得咁慢，係佢地唔識分流，一切只按order排！仲要d客受氣，過分。佢地d野食都係簡單野，無理由要咁內囉。而且見佢下下攞住碟飯出來問係邉個，太水皮。至於d豬排，就好鬆脆，不過無咩肉味，豉油淡，旦就太生。整體而言，可以一試（如果你有多時間等，和可以受氣）。