老三油渣麵王

營業中

休息中

一人開飯啦之“脆卜卜”油渣麵原本想去食車仔麵，但原來星期二是休息的…一路行番公司，想起有朋友FC. 話另外有間豬排麵都好好食。行到去，比旁邊吸引咗…油渣脆口，（原來可以分開上，唔知所以我夾起放碟仔） 蘿蔔甜，無樓，夠軟，加了 鹵水豬大腸，ok,雖然薄，但算入味。但姐姐有太多負能量，影響食慾…

陸地最強豬油渣麵！深水埗出名豬油渣麵？其實土瓜灣有間係贏哂幾條街！稱得上好味嘅豬油渣係炸到乾脆，沾上湯後係軟化少少，食到佢嘅香，再帶半脆狀態。麵係彈牙，辣菜甫係成碗麵嘅靈魂，亦係麵嘅藥引。 留意佢係星期日休息啊。支持用心小店，可能美味只能從有heart小店中尋找.....

從來未食過如此甘香鬆脆的豬油渣，炸得乾身不油膩，食落有點兒似蝦條，並有得點選大中小辣的粗麵條配上，辣得刺激過引非常野味。吃着如此火辣，來個清涼的特別之選：辣汁魷魚，是個冷盆來的，魷魚鮮味爽口，冰冰涼涼配埋微辣的醬汁，味道不錯。順帶一提，這裏的香港牛丸及魚皮餃也是不錯的，牛丸夠彈牙有牛肉味，魚皮餃的皮也夠Q，不似有啲質素差的咬落一口粉。

豬油渣色澤靚 一咬落去 豬油香係個口爆出黎 歷久不散 又香又脆 令人難忘冬菇入味 蘿蔔堅係清甜冇楂碗麵另加滷水豬大腸乾淨入味有咬口 好食青檸冰酸甜開胃 呢餐盛惠 $42 抵呀！

食得出係有心做話說大約半年前已經想試，但同呢間野冇緣，上次去到原來星期二係休息，之後果兩日再去，佢原來佢又改左星期日休息 sigh..... 佢叫得渣麵王，我決定再比多次機會，今日約兩點鐘到場門口仲有車位，爽！門口已經有好香既炸豬油渣香味我冇特別影相，叫左下面既野食：油渣麵（中辣）唔係平時果種林身既豬油渣，好香口。味精都唔過火，好味（識得食一定食粗麵）雪菜肉絲麵老婆話　okay9菜豬紅豬腸好有街邊檔feel，豬腸最為出色雙併水餃皮薄而滑，內夠有肉汁，好味 

油渣炸至乾脆(有別一般油渣麵),食落非常爽口,不過老婆話略嫌炸得太乾,無左果陣豬油渣香味同應有的軟糯口感,不過我個人相當喜歡.蘿蔔清湯非常鮮甜美味,應該無落任何味精!!!蘿蔔煮得夠腍夠透夠入味, 未試過咁鐘意食D蘿蔔, 加埋辣菜甫,香菇,蔥粒,乾蒜粒,哩碗油渣麵相當不俗!!!

今天人人講惜食，講不要浪費，某程度反映了香港物質層面的富庶。幾十年前，別說惜食，低下階層談的只不過是三餐溫飽。能吃的，都不輕易浪費。說中國人懂吃，從不是吹捧。上古，便懂得以豬肥膏炸出豬油，用以製作點心，不然加入菜餚，甚至一坨沉到碗底，蓋上白飯，以餘溫蒸出豬油香，加幾滴醬油，天下美味了。原本炸至乾透的肥膏，總算完成了歷史任務，但老饕還不讓它好好安息。拌上熱湯粗麵，撒把蔥花，添些香辣菜甫，便成了美味可口的油渣麵。油渣麵，從前只存活於街頭巷尾，木頭車上一個大鍋，白濁的湯，飄盪煮了不知何許歲月的粗麵條，還有九肥一瘦的豬油渣，也從不理會是否夠香夠脆。幾時客人來一聲，但見銅勺落入鍋，一撈，麵條油渣，連湯連水，如大珠小珠落玉盤般滾入發泡膠碗。再一把蔥花，還有靈魂般的辣菜甫，街頭風味，彌足珍貴。今天，君不見街頭風味早被政府橫刀「閹割」，可能是不幸中之大幸，還有有心人守衛這碗豬油渣麵。讀報紙得悉這家老三油渣麵王的老闆系出名門，從前過着銀紙多如牆紙的浮華生活，一次巨變，盡歸平凡，於土瓜灣一隅賣起這碗他心中最滿意的油渣麵。油渣麵分成大中小辣和不辣，辣度由自家炒製辣菜甫調控，鹹香爽脆的菜甫確實是油渣麵的靈魂。

本來唔想再在這裡留言,因我要顯示的名稱是中文(立逃遠) ,不是英文字,曾聯絡要求貴網更改,又冇回覆, 但遇到這家食肆很想介紹比大家,所以再留多一會 .因在之前知道這家店休星期一,所以在星期日去,下午三點去到,門口排咗幾個人,門外有開枱有人坐,舖內巳坐滿人,諗住等一陣,聽到原來乜都冇,賣哂!得油渣重要等半粒鐘,開下午十二點喎?三點冇貨賣?唯有黯然離開 ,到星期二再去,家住東九尃登去.星期二下午兩點三到,見門口有幾個人等外賣,舖內巳滿 ,坐咗十四人,外面不能開枱,剛有人走,有一個位,即刻坐低,望一望環境,事頭婆好忙,女樓面新手,枱都未識執,而客人呢?其他客人有九個人未有嘢食,唔計我呀!跟住又有客人進來,事頭婆叫佢唔好嚟啦,好忙做唔切,冇鹵水大腸,油渣暫停要等廿分鐘,吓 !!??另一個客人入嚟,佢對客人話:你遲半個鐘再嚟啦,嘩!!!真係開中午十二點喎,兩點幾冇貨賣 ?用乜嘢角度,態度做生意呀?寫住濶別八年,再度重來,巳前點做架?而家又做緊乜呀 ?坐低等咗廿五分鐘,女樓面誠惶誠恐,走住問住,你叫咗嘢未?我都唔想答佢 ,話佢知,我知你哋現在環境冇 乜嘢賣,等你有嘢賣先啦,再等五

蘋果日報介紹過的小店，店主係著名飯店東主個仔，自立門戶。吃過後覺得不枉我專程去試。這間港式小店，店鋪雖少，但款式多多，款款誠意之作。主打油渣麵的油渣又香又脆，現在很難吃到這種水準的油渣。多吃都不覺得膩，加上清甜的蘿白湯底令碗麵好好吃。忍不住額外叫碟剩食油渣。此外，老闆娘的服務態度十分有善，耐心地向我推介食物。我最後加了豬腸落麵到，豬腸好入味，配上油渣麵變得十分美味，加上原有的厚冬菇，的確很有質素。除了主打麵外，我個極推介豬頸串燒。即叫即燒很爽口，加上沙嗲醬非常好吃。而且十分抵食，在今時今日連鎖店壟斷下，這間小店絕對值得支持! 剩係果份人情味都值回票價。

舖仔細細，幾乾淨。 店員好招呼。麵條好味，油渣又香又脆，煎釀三寶新鮮又香。冬菇和猪耳切成片狀，但太薄，没有咬口，吃不出味道。應該用細隻啲冬菇，不要切太薄，太小。