老友記到會餐盒專門店

營業中

休息中

一直以黎都好少會叫到會，印象中到會都係唔好食，用料差，機緣巧合下今日參加左一個活動需要叫到會，就扭轉左我哩個諗法食物準時送到，工作人員整整齊齊咁樣將啲食物擺好價錢大約$6000 ，大大話話都成34盤，每碟熱盤嘅份量都有三至五磅，而我最鍾意嘅就係沙拉豬扒、京都骨、香檸芝麻雞件，醬燒豬仔骨，驚唔夠飽都有炒烏東、炒意粉同雞粒炒飯，樣樣都仲夠熱。最重要係乾乾淨淨，最驚食完沙律會肚痛，不過都無！總括黎講大家都食得開心，都好放心

公司最近攪左個到會gathering, 同事搵左一間都幾有水準既到會, 一問之下原來間野就係官塘, 地方就唔知大唔大喇!因為可以直接打電話同對方contact, 之後對方就會send個list比我地睇, 又有好多野食可以簡, 正正因為係公司event, 唔影到太多相喇!!! 不過打個電話同對方contact, 呢個位又真係幾方便到會當日野食好準時, 而且唔hea ga!! 野食主要都係以輕食同方便為主, 我自己最中意就係食蜜糖豬仔比, 雞肉串燒(沙爹) , 三文魚露筍卷等等....d野食都放得好精緻, 賣相 & 味道方面都唔錯!! 見到同事都食得好開心又有野飲又有野食, d串燒係消得最快, 可能因為好夠惹味喇!!! 好想加多d沙爹係自己果串串燒度, 不過因為係同同事食冇可能自己係咁不d沙爹汁喇>< 呢度有d小可惜甜品都好多款, 不過食到咁上下都飽飽喇! 食唔到咁多款野, 不過見到同事話都唔錯, 相信下次再有gathering都會encore呢間!!! 

［值得推薦］之前朋友介紹老友記到會，食物同服務質素都好好。今次系活動中可以食到確實不錯老友記服務確實不錯，準時又有負責，而且份量絕對滿足一大伙人！小吃的選擇很多，而且塞得滿滿的有沙拉、超級拼盤（迷你春卷仔，迷你咖哩角，煙肉腸仔卷，雞中翼，鮮竹墨魚卷）等，主食有菠蘿雞粒炒飯、海鮮炒烏冬等，最令人感到意外的是難整的京都骨、醫燒BB豬仔骨都有，看得出用心未打開蓋子，已經看得出內里滿滿的，很實在活動人多，食物都夠分

要舉辦超過一百人的會宴，真的要上網找資料，今次是幫忙舉辦真光女書院家長教師會，迎新宴，所有上網找了很多資料，最後選了老友記到會，因為口碑不錯，好方便，它們的網站有齊所有到會食物，中西式，炒粉麵，壽司，小食及甜品等等超過過百款，下單時令我眼花撩亂其實還有套水，但偏偏所有嘢要自行選擇選單後，當日餐店是準時送到到會食物，我們還訂了保溫爐，到最後食物溫度依然保持溫暖，幫忙下單的當然要嚐嚐依物質質，當中海鮮炒烏冬及馬來串燒沙嗲最好吃最後木糠布甸，我吃了兩小杯

今日出參加食香港仔坊會福利會團年宴。一向對到會無咩好感，之前重試過食酒店到會，然後腸胃炎....😢😢點知今日既到會比左我一個好好既體驗😋😋。聽講呢一間到會餐廳好方便，食物種類又多，打電話同佢地落單，約好左時間，佢地就會幫你安排好，準時將食物送到目的地。服務員會幫手將食物放到每一張枱，服務好好👍🏻👍🏻今餐有清蒸鮮魚，蔥油龍崗白切雞，冬瓜鮮北菇燴鴨掌，腰果肉丁，蕃茄炒蛋，羅漢上素，絲苗白飯。重有甜品👍🏻芒果西米千層糕，椰汁馬豆糕。全部野食都好好味，夠熱👍🏻👍🏻 當中我最鍾意既係蕃茄炒蛋，蕃茄味好濃郁，雞蛋唔會太老，我用黎撈飯食，食左一碗😀如果下一次有朋友問我有無中菜到會介紹，我會介紹呢一間👍🏻

都市人生活忙碌，每逢佳節都會想約齊三五知己聚聚舊，但有時個個都一家大細分分鐘十多二十人，要在外找到一個適合聚會的餐廳並非易事，在這個時候美食到會便是一個不二之選，可惜的是多年來在香港找到的食物到會服務大都是由大集團提供，款式千篇一律，定價偏貴質素亦平庸乏味，要找到一間有品質的實在並不是一件易事。最近筆者就來到了一位朋友的公司新張誌慶聚會，當天出席的人數眾多，朋友亦自然找來到會公司負責了當天的美食，本來筆者都不太寄予厚望，但在看到該公司的安排和服務之後，卻又有了另外一番見解。當日活動大概中午時份開始，而該公司亦很準時預留了足夠時間作前期準備工作，無論宴會長枱、飲食即棄餐具都已為主人家準備妥當一應俱全，而且還有一名廚師和兩名侍應幫手招呼和跟進食物事宜，十分方便到位。愛好杯中物的筆者當然更留意到一様特別事項，就是這公司居然提供了膠香檳杯供客人享用佳釀，而不是像一般到會只用普通紙杯，蠻貼心的。至於食物方面，雖不算十分特色但一定不是行貨般的菠蘿腸仔、雞翼和啫喱。除了脆卜卜的原隻燒豬全體之外，還有酥脆的吉列蝦、炸魚柳，惹味的焗蟹蓋、炸蝦餅，Q軟的扇貝和餃子，甜品還有鮮甜的生果串串和不會過甜的朱古力

朋友喺九龍寨城公園搞咗個婚宴，佢用到會方式叫咗食物，我哋發現啲食物都幾好食，原來係來自觀塘嘅老友記到會餐盒專門店。估唔到而家可以咁方便，就算有乜嘢活動場合都可以用到會形式叫食物，而且職員態度服務好好，能夠按本身約好的時間依時送來，食物款式多，最重要係食物質素好。每樣食物都好好食！下次自己搞活動或者朋友問起，都會推介呢一間位於觀塘嘅到會餐廳，本人認為好少到會餐廳可以做到咁嘅質素，所以值得一試同埋推介給朋友。

朋友邀請左我倆一齊參加活動，天氣唔錯！一堆人仲有堆沙比賽！當日朋友仲話有野食，叫我地留底食！果日見呢間到會好準時，野食放好哂一盒四格既好方便！入面有 燒賣/咖哩角/火腿三文治同粟米！唔錯！燒賣唔似出面一堆粉咁，好彈牙！呢個 moment 有辣椒豉油就好喇 🤣🤣 咖哩角唔似係即食既，應該係店鋪自己包！好有誠意！我覺得最特別既有粟米粒呀！係牛油粟米呀！會唔會太開心 😃 攤位仲有好多款飲品俾你拎！呢間到會唔錯！值得推薦 👍🏻

沒想到到會的食身都可以這麼好吃這次因為學校有活動最後選擇了老友記到會餐盒專門店做到會服務好方便一個電話/Whatsapp就可以order而且服務好好佢地會問你詳細包你滿意而且他們種類好多不同國家既食物都有甜品亦有好多種類當中有我最愛的紐約芝士餅他們做的是迷你版十分小巧可愛吃多幾個不同種類的也不見得邪惡丫還有各種食物的賣相也不會像以前吃的到會一樣求求其其這一間到會有用心去擺盤的當天很早就要開始他們十分準時就到達而且他們的手腳很快不消一會就已經準備完成可以開始了

之前出席朋友九龍仔公園的婚宴，見朋友為婚宴已好忙碌.. 唯有乖乖坐低食野跟朋友們吹水~ 因為實在太悶，我地不斷狂食食食，我地成班都覺得佢地搵既呢間老友記到會食物幾好味，份量好足超大一份，我朋友話佢地啲staff 都好好，會好細心同你plan，當日個場要點等等。而且佢地好早就會到，咁我個朋友有足夠時間預備走位，佢表示一定要大讚下，而且食物選擇都好多 當日天氣好好，天公造美，我地一邊食一邊睇住佢地行禮，好幸福呢。

阿姨臨時有事，所以臨時被托陪表妹去慈幼學校畢業禮，畢業典禮過後校方安排到會，由老友記到會餐盒專門店提供。畢業典禮完畢即開餐，竟然有侍應服務，食物熱既，仲要勁多野食揀，食完覺得唔錯，搵相關供應商，詢問過後先知原來仲有甘多選擇。單單沙律🥗已經有好多選擇，水果蔬菜新鮮，入口香脆，凍肉肉味香，唔錯。小食選擇多，未能一一嚐盡，不過炸物香脆，餡料豐富。肉丸彈牙香口，餃子飽滿多汁。炒飯意粉每款也用料足，因有火長期溫熱，不會因變冷發硬或凝結，吃到最尾也同樣出色。

今日受朋友邀請去出席其公司的喬遷之喜慶祝午餐大會，人數眾多，十分熱鬧。見到佢地叫咗呢個到會服務的食物質素唔錯，好想推介一下。中午好準時開始慶祝，食物也都準時全部送齊到公司，值得一讚，朋友仲話呢間餐廳預訂方法都好方便，下次都會揀返佢。呢個芒果奶凍千層蛋糕預先已經切好比我地，味道好香濃奶滑，又唔會太甜，夭層的皮好煙韌滑溜，好食到我連續食咗兩件。其他食物種類都十分多，有整隻乳豬，凍肉拼盤，美國安格斯牛小排，各款迷你蛋糕甜品杯等，飲品有提供橙汁，雜果賓治同有氣礦泉水，各種一次性餐具也都一應俱全，總括而言，價錢相宜，服務周到。

這次得到邀請，參加了民安隊60週年紀念維園大會操， 過去也參觀過童軍，聖約翰救傷隊的大會操，當然每次的重點也是食物。這次朋友早已介紹，到會是來自一間來自觀塘的小店，當然我也十分期待，過去觀塘畀我嘅感覺，總是以工廈為主，也是尋覓新奇事物的好去處。這次到會，食物選擇眾多，當中雞翼，意粉，炒飯，更是驚喜之選，和一般都會相比，過去的總是冷清清，沒有絲微暖意。另外飲品方面，和一般的沒有大分別，還算是合格之舉。但店員態度友善，服務一流， 最重要就是守時，食物按照朋友原定計劃到來，完全沒有影響大會操進行。真是方便快捷。下次公司如果需要到會，我也會考慮這間小店，總是充滿人情味和驚喜。

一向都對到會食物冇咩好感，因為好多時都又貴又唔好食，或者平但比唔足份量，再或者就係超級難食，但呢次「老友記到會餐盒專門店」改變左我嘅睇法！應該以後到會都會揀佢👍🏻呢次去左呢個house-warming party，一共叫左總值二萬幾野食，接近一百個parti。好彩黎到見到食物份量超級足之餘，野食係非常ok!!當中隻金豬全體成42斤重，仲有位師傅負責斬豬，超級架勢！！金豬熱辣辣，又惹味又好食。啲皮係脆，肉係嫩架！🤤🤤🤤另外，我都好中意佢地啲dessert。雖然每件都係mini size，但個lemon lamington同mousse cake都做得好精緻，唔係一舊舊冇味嘅行貨，而係又creamy又好食嘅蛋糕仔😍😍啲蛋撻仔都脆底，幾好食！最後，想再讚佢地送貨真係好準時，訂野食全程service都好好，跟得好貼，下次到會都會揀佢！

今次由我同另一位同事負責訂到會，真係頭都痕埋🤯🤯🤯 上網search左好多好多間，比我地搵到呢間老友記，個個都讚揀得好！👍🏻今次訂嗰陣有95折優惠，$13604就埋到單！佢地野食有超多選擇，價錢超抵，真係自己屋企煮都做唔到！佢地送貨比我想像中準時，服務又好，真係好滿意！今次椒鹽雞中翼、豬頸肉同金沙骨係最受歡迎。雞翼好入味，肉都夠嫩，食嗰陣唔會話啲汁凍哂、晾哂，食落仲好正！豬頸肉仲好juicy，份量亦超多，我停止唔到食！！西餅方面，見圖都有好多選擇，又colorful，影相都夠靚😍