老媽拌麵 (北角匯二期)

營業中

休息中

前排公司office由九龍搬到北角鰂魚涌，全新地區要慢慢發掘好食，今次試左北角匯老媽拌麵，座位開揚舒適，空問感十足，呢間老媽拌麵原來唔止食拌麵～仲有湯麵及飯類，套餐價錢幾抵食☺️ 同同事兩人嗌左兩個餐加小食再升級飲壺花茶，份量食到超飽😂😋 慢煮西紅柿牛肋條鍋牛肉好好味😍大大件啖啖肉煮得超腍好易咬加埋蕃茄醬汁慢煮，真系入晒味好開胃🤤撈飯一流😋椒麻手撕雞拌麵套餐包括前菜、飲品，雞肉絲份量都幾多，椒麻醬夠椒夠辣好香，好豐富！呢排天氣轉天氣加上工作壓力就升級左壺花茶，陣陣玫瑰洋甘菊香味加上蜂蜜，清甜解渴醒神🥰同場仲有限定活動加$10 可以玩小食扭蛋😍所以再嗌左份小食豆乳香香雞😂鬆脆肉嫩既雞肉加埋腐乳醬開胃可口即刻食多幾啖飯😍北角宜間鋪仲有限定滋味椰香咖喱套餐☺️ 下次試下先😍 實在太多選擇好多都想一次過試晒😂 不過留下次🤣 太飽啦😊

太古坊返工, 想約朋友食晚餐, 除左太古城之外, 最方便就係去北角食喇. 今晚擇左個台灣美食之旅 - 老媽拌麵餐廳裝修唔錯, 好有文青feel.清燉牛肉湯麵刀削麵湯清味濃, 雖然清湯但又唔會無味, 岩岩好. 牛肉口感柔軟, 麵質有口感澎湖花枝丸熱烘烘的, 好有溫度感, 每啖咬下都有鮮甜花枝, 絕對係滿足之選炸地瓜條我至愛既炸身之一, 外面係金黃酥脆, 裹面係地瓜香甜味道朱古力醬珍珠雪糕吐司最後來一個甜品作結, 香濃朱古力雪糕配上香脆既吐司係一個唔錯既組合, 甜度岩岩好, 係朱古力迷同吐司迷必試之選熱抹茶鮮奶香濃既抹茶味, 抹茶同鮮奶既比例岩岩好鳳梨茉莉花茶鳳梨與茉莉花混合在一起既味道, 吐出自然既香味簡單一句, 性價比高, 值得再黎

同媽媽嘅下午茶☺️北角嘅分店好靚裝修又靚🥰坐得好靚😉台式甜辣醬牛腱刈包配地瓜條脆脆嘅地瓜條上嘅梅粉放得啱啱好，牛腱真係好厚，個甜辣醬真係重點，忍唔住成個包攞起食。川味紅燒半筋半肉牛肉湯麵一上枱就流口水，牛腱勁厚又入味又唔韌，牛筋一上筷子就感覺又軟又彈，馬上啜佢入口，煮到林晒好正。鳳梨茉莉茶鳳梨張係自家製無添加冇防腐劑，好多果肉好清甜，鳳梨唔會冚晒茶嘅味道，仍然有好濃嘅茶味。百香國寶茶咁就一定要試埋另一個鳳梨醬加埋百香果嘅茶，呢個清甜得來有少少百香果嘅酸甜，都係勁多果肉，真材實料。

老媽拌麵位於北角渣華道123號Shop 109我認識老媽拌麵係因為家人到超市購買即食麵分為2種麵質：幼麵和刀削麵再配以唔同口味的醬料煮法好簡單滾水落麵煮5分鐘撈起後加入味醬包順序落辣油包、醬油包，麻醬包再拌均勻今日收工行經北角匯見到有老媽拌麵的餐廳第一時間去搵位餐廳位於北角匯上一層電梯見到eighty twenty 再行2入小小就見到餐廳地方大，仲有大大個玻璃窗睇到綠化區同碼頭坐位有梳化位，空間感十足餐廳門口位置擺放著唔同口味的即食麵包裝的老媽拌麵下午2點半至5點半套餐包埋指定飲品我叫左椒麻手撕雞拌麵朋友食台式滷水雞翼紅蔥醬油拌麵仲有台式雞排刈包配蕃薯條椒麻手撕雞拌麵麵底刀削面配上半隻美味滷水蛋，小棠菜拌碟濃郁麻醬裡食到黑胡椒香氣唔太膩手撕雞好惹味，帶少少辣😋滷水雞翼紅蔥醬油拌麵雞翼夠入味夠淋蔥油味非常香台式雞排刈包配蕃薯條雞排炸得酥脆非常厚蕃薯條帶一點甜😋我們叫左一杯熱同凍金羅漢果海底椰非常清潤

今日同老公去北角行街拍拖食晏突然佢話掛住台灣的味道就行左去「老媽拌麵」到試下入座時都比較多人，但都仲有卡位坐底後，發現原來窗口位個view好正，下次來要講坐窗口位先午市套餐個餐牌真係好多野揀花多眼亂下，左諗右諗老公又話想食飯，終於諗到order咩🔅西紅柿慢煮牛肋條飯牛肋條夠曬淋，個酸酸甜甜既蕃茄汁，配白飯真係一流，淨係個汁已經可以食曬個飯飲品：凍鳳梨苿莉鮮果茶杯中有不同既水果：鳳梨、蘋果、士多啤梨、藍莓、百香果仲有青檸，加上苿莉茶，無額外加糖都清香鮮甜，不錯！🔅白咖哩香煎豬扒飯啲個係店員推介，話係新出既口味，所以一試，豬扒應該係梅頭扒，好有咬口，一啲都唔會乾柴，好juice，白咖哩汁有咖哩味但又唔辣同甜甜地好易入口飲品：凍檸檬紅茶檸檬選用左青檸，配上紅茶，味道更有台灣氣息，唔會似港式既味邊2個主套餐，都跟左2小碟前菜今日係跟豆乾 同 蕃茄仔另外只要order 套餐都可以加錢配一人份台式小食🔅香煎䓤抓餅香噴噴上枱，煎得香口，脆脆地，有台灣的味道🔅澎湖花枝丸都係脆炸小食，花枝丸彈牙，都係有台灣的味道

又有一個下晝可以同豆爸撐枱腳😍去左北角老媽伴麵🍜食下午茶地獄麻辣牛肉拌麵 $60所以伴麵/湯麵都可選擇刀削麵或幼麵 豆爸揀左刀削麵 麵質煙靭好岩做伴麵 牛肉份量都好多 仲有半隻唐心蛋🥚 烤台灣香腸肉燥飯 $58肉燥揀左微辣🌶️比原味更惹味👍🏻 仲有台灣香腸 真係大大碗飯都食到🤤🤤每份下午茶都可以加💲22 換購小食 （多達10款選擇🤩）我地仲加💲1️⃣0️⃣升級水果茶 有新鮮水果𥚃面有新鮮水果🍍🍎🍐🥭 原本想加$2️⃣0️⃣ 升級沙冰🍧但好快售罄😢想飲既就早啲去喇‼️‼️‼️北角分店環境寬敞舒適 仲有個打卡位📸同閨蜜去一流❣️❣️

老媽拌麵自己煮就試得多今日終於約咗朋友去試一試北角店光猛舒適，坐得舒服，仲係寵物友善餐廳，下次可以帶埋狗狗嚟一齊食，仲有好多打卡位Lunch set 仲有小食同飲品好多選擇，好抵食慢煮西紅柿牛肋條鍋牛肋條煮得好林好易咬，連帶少少牛筋同油脂，口感好有層次，蕃茄味濃郁，酸酸甜甜好開胃，送飯一流麻辣老鍋湯麵可以選擇刀削麵或者幼麵，我揀咗好有特色嘅關廟刀削麵，麵條粗身彈牙好有口感有牛肉，鴨血，蘿蔔，酸菜等配料如果湯底可以揀辣到就更加好仲可以加$22追加台式小食選擇非常多，我哋揀咗台灣烤香腸同花枝丸仲有飲品，一個set份量多又豐富

之前去親台灣都會買老媽拌麵最近終於試咗香港既實體店舖頭位於北角匯 店內係簡約風裝修座位都算多 中午去食都人頭湧湧 坐滿哂餐牌上選擇都好多元化有多款配搭嘅拌麵,湯麵,飯類同台式小食飲品等 仲見到新出左椰香咖哩🍛,麻醬手撕雞,話梅酸汁豬手飯等 睇到都想試😋🌟 台式甜辣醬撈金菇肥牛拌麵食老媽必須嗌拌麵 揀左刀削麵 古法手工精製麵條 波浪紋既麵條嚼勁十足 夠哂Q彈 而且吸湯力特強配埋金菇肥牛同又香又惹味既甜辣醬 趁熱撈勻黎食 好好味👍🏻🌟清燉半筋半肉牛肉湯麵湯底好清甜且濃郁帶香氣半筋半肉燉到好腍配以蘿蔔,酸菜,香菇同刀削麵💯跟餐仲有熱情果醬蕃茄同肉鬆豆腐🌟蒜香麻辣豬耳朵豬耳好爽脆 搭配秘製麻辣醬汁同香蒜又麻又辣 非常過癮🌶️🌟烤台灣香腸口感彈牙有嚼勁 又多肉汁🌟柚子蜜綠茶🌟 檸檬紅茶跟餐仲可以加配餐飲 性價比不錯👍🏻

去完台灣回港仍掛念台灣食物，在香港我便喜歡💕來到北角的老媽伴麵啦！老媽伴麵晚餐時間有有二人套餐做緊優惠，埋單時只需$2xx 便食到我同朋友兩個好飽，實在是好豐富了！前菜選了個併盤，有炸雞等都惹味十足！主菜：話梅酸汁豬手燉地瓜配珍珠米飯🍚的話梅豬手酸酸甜甜，膠質豐富，非常開胃，梅汁撈飯一流喔！啫啫蔬菜🥬煲食得肉多特別點個菜，蝦醬伴隨著香噴噴的特別惹味！ 📍老媽拌麵🍜 北角北角匯2期1樓109號舖

雖然關已開，但未有時間可以飛轉台灣✈️玩🥹，好自然掛住台灣嘅美食啊！！.係北角匯嘅老媽拌麵係台式餐廳，可以食到美味的想念😋。下午茶餐時間我地叫咗和牛炸醬拌麵🍝、酥炸脆雞排湯麵🍜、鳳梨茉莉鮮果茶🍹同草莓沙冰🍓。.和牛炸醬拌麵🍝話明老媽拌麵點可以唔叫拌麵試下，作為主打拌麵食法有詳細說明，趁熱撈好碗麵再品嚐，刀削麵滑溜溜又彈牙，沾滿炸醬汁好惹味。而和牛入口即溶好軟腍。酥炸脆雞排湯麵🍜湯底揀咗清燉牛湯，牛味濃郁又唔油膩，酥炸脆雞排🥩食落超香脆，肉質保持嫩滑，外脆內嫩啖啖肉。鳳梨茉莉鮮果茶🍹果茶滿滿都係水果，蘋果、士多啤梨、藍莓、青檸同百香果，有茉莉茶香又有水果甜味。草莓沙冰🍓沙冰飲落透心涼，超消暑🥵！！沙冰細滑，飲落又唔會凍冰冰，凍到冇感覺，草莓味香甜。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 老媽拌麵 📍北角渣華道123號北角匯二期1樓109號舖

今日去左北角匯食下午茶，揀左呢間食台灣菜嘅餐廳下午茶套餐都幾抵食，有一個拌麵、隨機小食同埋指定凍熱飲品今次叫左個椒麻手撕雞拌麵，手撕雞香香麻麻，調味好正，再撈埋麵一齊食，簡直係絕配😍 而且刀削麵非常彈牙，味道同口感都一流而跟餐小食係肉鬆豆腐，非常開胃，啱曬我口味飲品就揀左凍檸檬紅茶，非常大杯，係台式檸檬紅茶口味最後，原來下午茶套餐可以加購小食，我就揀左炸地瓜條，熱辣辣嘅地瓜條炸得脆脆，而且味道甜甜的，值得一試

搵到喇😱真正寵物友善餐廳😳😱在老媽拌麵叫了大滿足二人晚餐，真的很滿足小食 x1: 鹵水牛三寶拼盤主食 x2: - 台式柚子骨配珍珠米飯，好重柚子味😁- 番茄慢煮牛肋條鍋配珍珠米飯（大推）♡♡軟軟的肉質，加上番茄汁，令我接二連三不斷吃🤣🤣柚子蜜綠茶（凍熱各一）：因為最近喉嚨發炎，潤喉的柚子蜜令我舒緩不少Dreyers 雪糕配士多啤梨醬：Dreyers 不用多介紹吧！王牌雪糕什麼時候都好吃花奶仙草凍：其實本身不太愛仙草，朋友建議我試試，因為仙草有清熱、治感冒之效，加上花奶更易入口大家都吃飽飽，埋單 $316 抵食😍💁🏻‍♀️揸車朋友食夠$300 仲可以免一個鐘泊車費吃完才發現原來有寵物進餐廳了，早知就帶傻制制來玩啦🥺下次帶制制出街玩又可以多間餐廳選擇了😍

我同老公鍾意食台灣野，平時喺屋企都會煮吓台灣麵～知道「老媽拌麵」喺香港開咗幾間堂食店，趁今晚喺北角收工就嚟試一試！睇餐牌好多野都想食，見到佢有個二人餐，$288 嚟講都多野食！路邊攤小食拼盤有炸花枝丸、鹽酥雞同台灣腸，份量都唔少😋😋 佢既炸物難得香脆係唔油膩，而且個醬竟然係腐！乳！醬！😳又估唔到連埋鹽酥雞一齊食又幾夾喎😚 另外值得一讚係，佢有埋生蒜片🧄！真正既台灣腸食法！😎金羅漢果海底椰養生之選！味道淡淡但飲得出既真材實料，因為我地都成日煲羅漢果水！😂鳳梨茉莉鮮果茶呢個要再加+$10，但個人就覺得值得！首先係好多生果，有菠蘿、藍莓 、蘋果、百香果、草莓同青檸，酸酸甜甜好清爽！😋椒麻手撕雞拌麵嚟到呢度，一定要試吓佢地既招牌拌麵！先講麵質，偏向腍身，比較索汁😋 佢個汁的花椒味超突出，仲帶點麻醬味，老公就相當鍾意！超快清盤！😂 佢仲跟埋兩個前菜，雖然無寫係咩，但應該係百香果浸蕃茄同XO醬凍豆腐，同樣佢個前菜都係做得好有心機！川味紅燒牛肉湯麵用既都係同一種麵，湯頭既醬油味比較重，個人就特別鍾意佢既配菜，特別係蘿蔔🥕超～入～味，口感綿得嚟又唔會散！😋花奶仙草凍我同老公都好鍾意呢個甜品😍😍佢既仙草

老媽拌面 最出名係佢既手工面🍜今日同同事一齊來食個lunch 午餐都多選擇，有拌麵，湯麵同飯都有set lunch ，每個套餐包兩款前菜同一杯飲品北角匯呢間分店環境舒適開陽，還要是竉物友善餐廳🫶🏻主人可帶毛孩入嚟打卡📸川味紅燒半筋牛肉湯麵$86湯底濃郁而充滿麻香味，五香牛肉和牛筋都炆得好嫩滑，手工面條彈牙有嚼勁，整體都唔錯👍🏻前菜有車厘茄同豆腐，不得不讚車厘茄，加左熱情果汁，味道酸酸甜甜，好fresh 酥炸雞扒肉燥飯$80酥脆炸雞扒，香氣四溢的肉燥和香噴噴的白飯不過不失的水準！ 每份小食加$22 （花枝丸+炸地瓜條）台灣花枝丸真係好好味😋我每次必食

十一假期帶鄉下來既阿婆媽媽來食，11點幾基本沒有客戶的情況下，在門口景觀附近就座竟然服務員唔準就座，欲言又止好像影響市容。差評，非常唔尊重人，我地起身準備離開亦無道歉，食物如何好都救唔到