老川皇

營業中

休息中

今天與朋友經過旺角，見這間十分多人，所以進來試一試。我們先點了一份飄香辣子雞，我點的是中辣和無骨。辣子雞份量十足，而且麻辣度剛剛好，完全沒有骨。我和朋友也搶住吃，十分滋味。我們又點了炸饅頭。炸饅頭是細細粒的，有8粒。炸得內脆外軟，點上奶醬吃，一口就可以吃得到。我們又點了一份燒茄子。燒茄子燒得剛剛好，茄子肉加上調味料，十分吸引。我們又點了燒雞全翼，燒雞全翼是我的最愛，燒出來跟我期望的一樣好。我們又點了其他串燒牛舌、金菇肥牛、雞肉、牛肉、豬頸肉等等。看見隔離台吃，我們又點了澳洲珍寶蠔。澳洲珍寶蠔十分肥美大隻，而且上面放滿蒜蓉，蒜香味十足。今天真的很滿足，下次會再來試試其他。

我來到這間幾乎滿座的四川小菜王-老川皇。 平日也滿座，非常熱鬧。可見香港人都鍾意食辣的東西。 首先來了幫我燒茄子,總之非常大塊，10分新鮮，鋪上厚厚的蒜頭, 濃味非常。之後便是辣子雞， 雞叫了無骨的。 很多的辣椒的上面塞滿了很多雞件，雖然不是大啖大啖的肉， 非常入味。重頭戲便是酸菜魚。 酸菜魚的份量很多， 魚身非常之滑， 然後湯底很鮮甜，鮮魚味再加綠色嘅辣椒， 辣得來很過隱。再叫了個燒烤拼盤， 包括雞肉，豬頸肉，牛肉，牛舌和雞全翼， 上面撒了很多辛辣粉，很野味。看見隔離枱有很大隻的蒜香蠔， 忍不住叫了。 上到來比我的手掌還要大， 蠔燒得剛剛好保持着肉汁的鮮嫩。 最後叫了一對小饅頭，因為吃完那麼多重口味的東西，忍不住吃一點甜甜的澱粉質。 饅頭小巧玲瓏，炸得金黃脆口。 配上煉奶完全是一個晚餐最好的結局。

同朋友係歐美廣場掟完鏢，一落樓就見到對面呢間川菜出好多人幫襯，就係到食埋晚餐。叫個尖椒皮蛋開下胃先，呢到用上少見既水晶皮蛋，口感特別實淨。例牌口水雞幾抵食，味道亦都唔錯, $58份量足！孜然羊肉好惹味，連埋洋蔥芹菜食香到不得了！第一次食四川涼麵，有d似日式麻醬撈麵，但呢隻麵Q彈好多，辣辣地幾好味！白菜餃子好大碗有8隻，皮薄餡好均勻。見好多人都有叫干煸四季豆，炒得幾好，四季豆既甜味出哂嚟，又唔太油。

好想食川菜但又無時間反深圳，用OpenRice搵到呢間係油麻地開左3間鋪既老川皇，相信品質唔會太差。食物種類好多，價錢又唔太貴，最梗要係有得揀咩辣，好似我呢d鐘意食辣但又頂唔到大辣既，真係好重要架！例牌口水雞，雞好滑，同深圳食過既一樣甘惹味！至愛既四川涼麵，麵好q彈，食落有好香麻油味。干煸四季豆，呢個餸自己真係煮唔到，四季豆炒到啱啱好又唔燶，佐啤酒一流！白菜餃子有8大粒，食得出係自家制，皮薄餡足。估唔到有串燒嗌，要左白鱔同墨魚嘴。火喉燒到啱啱好，白鱔唔多骨，魚肉嫩，墨魚嘴有咬口。

已經好耐好耐冇食過四川野因為自己唔係好食得辣 今次同事推介呢一度可以揀小小小辣/唔辣鋪頭唔係話好大 等左10分鐘就可以入去食嘢啦 除咗普通Menu之外 呢度仲有張串燒紙 鍾意食咩就Take咩✅估唔到呢度都會有生啤以為只會有一支支嗰啲怕辣嘅我梗係要嗌大大杯啦我最鍾意嘅燒茄子🍆$25超多孜然粉加蒜蓉 10 分惹味～$25好抵食涼拌雞絲海蜇本身諗住係餐前小食冇諗過佢咁大碟海蜇好有口感 雞絲嘅份量亦都唔係出面得個小小 雖然唔係好辣但係有麻辣嘅感覺非常之刺激椒鹽軟殼蟹椒鹽味道濃郁 重口味人士至愛炸得好脆 軟殼蟹最好就係唔使揀肉成舊擺落口 滿口淡淡甜鹹香

收工同同事兩條友聚會，係冇搵過資料嘅情況下入咗呢一間餐廳，結果俾咗好大驚喜我呢間餐廳原來除咗小菜仲有四川串燒，同朋友口痕叫咗每人一串燒白鱔燒得非常正！白鱔充滿油香！佢上面嘅辣粉非常惹味香口每次食大陸菜式都一定必點呢個手撕包菜，非常適合送飯！最後不得不提呢個鐵板田雞，分量多，味道夠，我同我同事每日都叫咗三碗飯黎送我同同我同事之前都食過其他川菜餐廳，但係我同佢都認為如果講味道，呢間餐廳真係算係最有正宗風味

男友又帶我吃川菜了。這次選擇的是位於旺角的老川皇，聽聞很正宗所以期待，見到店內人生人海更加迫不及待要一嘗美味了。餐廳裝修比較簡單但是還有些中國風，例如燈籠和剪紙。菜單有中英日文，感覺上顧客的層面比較廣。泡椒鳳爪首先上的是涼菜泡椒鳳爪，酸酸辣辣醃得很入味。酸辣粉分量很足，薯粉很煙韌，很酸很辣的味道讓人忍不住一口接一口地食，但味道偏鹹，如果可以調整一下就好了。水煮魚水煮魚是是次晚餐的重頭戲，配白飯一流。花椒味很濃卻不太辣。魚肉很嫩滑，可惜魚骨很多，所以食時要小心。總結晚餐時段有人排隊，需要等一下。味道尚可，愛辣的朋友可以一試。

凍嘅天氣特別想食辣野，朋友帶左我去試老川皇，麻麻辣辣，好惹味！～涼拌牛肚～牛肚好爽，好惹味，食完好開胃～口水雞～雞肉好滑身，個醬又麻又辣，好食！推薦！～燒烤：茄子，雞脾，魷魚鬚，各一份～茄子又厚肉又juicy，好重蒜蓉香加孜然粉，重口味人士會好鐘意雞脾同魷魚鬚有啲乾，雞脾喺分開兩串燒，一人一串岩岩好～酸菜魚～超多魚肉，好足料，好似食極都仲有，啲肉好滑身，朋友唔係特別鐘意食魚都食左好多，不過偏多骨，食嘅時候要小心魚骨！

於1月10日晚上大約6:00本人陪同友人到旺角歐美廣場老川皇吃飯。於大約6:15落單，其間摧捉了好幾次，等了30分鐘後再摧捉其他侍應，他告訴我們師傅可能正在吃飯，我們覺得奇怪為什麼其他客人比我們遲來餸菜卻已經上桌了，隔了幾分鐘之後，他竟然和我們說還沒入單！重點是那個時候只有幾桌客人而已,不應該存在忙到忘記入單。侍應更問我們要不要繼續叫，連一句對不起也沒有！我們因為還有其他節目所以選擇不再叫，但事後還要收回茶錢。叫他們老板出來，侍應說沒有老板。難怪服務那麼差，原來餐廳一個可以話事的人都沒有！

今晚跟朋友來左旺角一間川菜鋪，見到門口介紹，我都流晒口水我地坐係門口近燒烤位置對開，好在都唔會嗅到有燒烤味道原來呢度都有d唔辣既食物，朋友話串燒都好多人叫我地2個女仔試唔到甘多，只係叫左每人2隻澳洲珍寶蠔，估唔到$30隻都有呢個水準，面頭鋪滿蒜蓉，來到已經好香，食落好juicy，燒到岩岩好酸菜桂花魚 $192來到勁大盆，我唸可以夠3-4人食都得，一來到，我就試左佢淡湯，對我來講呢個酸味岩岩好，魚肉鮮甜嫩滑，平時食魚好驚會有骨，要食得好小心，但呢個桂花魚無乜骨架，可以放心食，唔洗就住就住干煸四季豆 $65加左欖菜落去炒過，味道好濃郁，食到唔停口干鍋田雞 $98估唔到仲會有個火爐仔俾我地熱住來食，炒得非常乾身，唔會有過油感覺，田雞肉質鮮嫩肥美，利用干鍋既煮法，顯得更加惹味

每逢想食辣嘢，都會唸起老川皇，食過幾次，感覺都幾好閒日夜晚來，都人山人海，好在我地早一步，唔洗等位😁鐘意呢度餐牌好多選擇，價錢唔貴，仲唔收加一除左川菜，呢到仲岀名重慶燒烤🍡🍡呢度有2款蠔揀，南非同澳洲珍寶，價錢相差$9，梗係揀珍寶喇，同朋友每人2隻😝來到d蒜味已經香噴噴，怕咸既就唔好夾甘多蒜蓉來食，食落有蠔味，燒到剛剛好，好有水份，唔會乾身干煸四季豆雖然有選小辣🌶，但食落唔會太辣，四季豆炸過再炒，咬落有口感，落埋欖菜落去，好夠味，最重要係唔會食到成口油干鍋田雞來到下面仲有火爐興住，熱辣辣🔥上台田雞肉好肥美彈牙，好足料，連配菜都可以食埋酸菜魚🐟我地揀左中辣，但都唔係太辣，店員介紹下次想辣可以揀鮮花椒個款我地要左桂花魚🐟，魚肉好滑身，重點係無乜骨，可以大淡大淡甘食，湯底好正，個酸味岩岩好，唔會太過火，而且整鍋份量好足料

今日同屋企人喺旺角見到有間老川王，就同屋企人去試下依間川菜。咁我哋叫咗拍青瓜、口水雞、水煮牛肉、串燒蠔同雞翼。拍青瓜同口水雞係二人份量，水煮牛肉人份量就夠3個人食，當然我地口水雞係叫例牌。串燒方面都算唔錯，我地叫小辣都已經夠辣，而叫一份蠔同雞中翼串燒都有兩隻既，以免食唔哂最好落單前問左服務員先。我覺得拍青瓜同水煮牛肉係比我預期中好食，拍青瓜既醬汁辣得黎又好惹味，係一道好醒胃既頭盤。而水煮牛肉本來以為會唔夠食同埋得好小牛肉，估都係有好多芽菜等配菜放哂係底；點知出乎預料啲牛肉食極都有，牛肉係切到一小片，口感滑流，係比較有驚喜既一道菜式。會再食既一間川菜！

天氣開始轉涼就當然食川菜😋今日就試下黎老川皇，入到去店裡細細，但都坐滿人客，連外國遊客都黎幫襯，菜款式好多，我地都揀左一段時間，價錢親民，我地叫左水煮桂花魚，炒土豆絲，炸饅頭，串燒就叫左蝦同白鱔、飲品就試左士多啤梨珍珠奶茶，水煮桂花魚好滑好新鮮，份量都好多，炒土豆絲好爽口，十分惹味，串燒即叫即燒，估唔到川菜都可以食串燒，仲要有好多款式揀，到最後見到旁邊食客叫左炸饅頭好吸引，所以自己都叫左一份，雖然佢一份係6隻，但呢隻饅頭唔係我地平時食既咁大隻，係細細粒，2個人係絕對食得哂，炸出黎金黃色十分鬆脆，好滿足既一餐，下次一定再黎幫襯😍

平時經過老川皇都見到要排隊等位，昨晚難得經過的時候沒有排隊，就立即入去食川辣菜！ 店內環境不算大， 餐牌的食物選擇很多，價錢亦好合理，還無需加一的。 一看見餐牌上有這麼多選擇，我的選擇困難症有出來了。又想食串燒，又想食酸菜魚，又想試下餃子！最後我點了韭菜餃子$32， 四川涼麵$26，酸辣魚$132，燒南非生蠔$42，燒茄子$25，雪碧$15，埋單總計$272。四川涼麵 ~ 點了小小辣，醬汁充滿麻香四川的風味，必食推介！韭菜餃子 ~ 一碗有8隻， 每一隻都充滿肉汁， 還有韭菜的香味，簡直係整隻餃子的靈魂所在！燒茄子 ~ 原條燒餃子又厚肉加上孜然粉，還有 蒜蓉和蔥粒，十分惹味啊！燒南非生蠔 ~ $21一隻，燒出嚟脹卜卜又juicy，連佢嘅蒜蓉蠔汁都一啖飲曬！酸菜魚 ~ 點了小小辣，份量好足料，湯的味道 調教得啱啱好，魚肉很滑，但食的時候小心魚骨！食飽飽埋單都只是$272，食物水準高價錢貼地，下次會再來試其他菜式！

之前見老友介紹好食到不得了又平又正，今次出開旺角專登去搵食！餐廳位置地點就腳好容易就搵得到，我正正中午時間去到人山人海，剛好有一台食完就到我地啦！不用等太耐！來到這裏梗係要食辣啦！不過講明先我係唔食得辣只係小辣，而我老公仲超級辣！午餐餐牌選擇好多真係有幾十款，而且每款價錢都係幾十蚊，真係好吸引好抵食！我就叫咗個酸菜魚+酸辣粉！酸菜魚份量很多，不論係魚定係酸菜，超出一個人的食量，味道酸辣合適，魚肉也比較多，10分開胃醒胃！酸辣粉超級好食，小小嫲小小辣啱晒我胃口！而且個粉非常彈牙，每一條都掛上酸辣汁，食完再想食！我老公就叫咗個水煮牛肉，分量一樣咁多，因為就翻我唔食得辣所以都係叫小辣！同酸辣粉一樣少少麻小小辣，好好味，而且好香！配米線食一樣咁好食另外叫咗個尖椒皮蛋,這個蛋白是黃色透明的，跟我平時食的不同，這個皮蛋特別香手帕青瓜，又爽又辣！這裏真係10分推介價錢便宜而且大份，當然仲好食！